Strategji_APU_dokumenti_perfundimtar_24_03_2015

Strategjia e Zhvillimit të Arsimit Parauniversitar 2014-2020
VIZIONI (20)
Vizioni i SZhAPU 2014-2020, i frymëzuar nga objektivi i përgjithshëm i “Europa 2020” për
realizimin e një rritjeje kombëtare të shpejtë dhe të qëndrueshme, është:
Sistem arsimor që ka në qendër nxënësin, mbështet zhvillimin e qëndrueshëm ekonomik dhe i
shërben konsolidimit të shoqërisë demokratike.
QËLLIMI POLITIK
Strategjia ka si qëllim:
të ndihmojë, të bashkërendojë, të rregullojë dhe të promovojë arsimin cilësor për të gjithë;
të orientojë masat afatmesme, planifikimin vjetor, hartimin dhe realizimin e buxhetit;
të sigurojë bazën për koordinimin dhe negocimin me agjencitë qeveritare, me partnerët
dhe me palët e tjera në SAPU, për të përcaktuar zgjerimin dhe për të përdorur investimet
dhe planifikimin afatgjatë në një kornize unike të planëzimit dhe të financimit.
Qëllimi do të përmbushet përmes veprimtarive politike efektive, bashkëpunimit të hallkave të
shoqërisë, përputhjes së veprimeve me planifikimin buxhetor dhe me kornizat e tjera të zhvillimit,
si dhe përmes monitorimit dhe vlerësimit të zbatimit të Strategjisë.
PËRPARËSITË E POLITIKËS (21)
Për A. përmbushjen Përsosja e qeverisjes, e qëllimit, e Strategjia udhëheqjes do dhe të përqendrohet e menaxhimit në të këto kapaciteteve përparësi dhe strategjike: të burimeve.
B. Nxënia gjithëpërfshirëse cilësore.
C. Sigurimi i cilësisë i bazuar në standarde që krahasohen me vendet e BE-së.
D. Përgatitja dhe zhvillimi profesional bashkëkohor i mësuesve dhe i drejtuesve.
(20) a) “Nevojiten përmirësime të arsimit në të gjitha nivelet dhe ai duhet të përmbushë kërkesat e tregut të
punës”. KE (2013). Progres Raporti 2013 për Shqipërinë.
b) Pavarësisht përparimit, performanca e ulët e nxënësve në përgjithësi ka gjasa që të ketë ndikim
negativ në zhvillimin ekonomik afatgjatë dhe tek mundësitë për mirëqenie ndër breza.
Banka botërore, (2014). Cilësia e Arsimit dhe Mundësitë për Zhvillimin e Aftësive në Shqipëri.
(21) Siç dëshmojnë rezultatet e PISA-s, sistemi arsimor duhet të reformohet, përfshi formimin e mësuesve,
masat për sigurimin e cilësisë, transparenca, përvojat praktike të nxënies dhe lidhja me sektorin e
biznesit. (Po aty).
Faqe 32