Strategji_APU_dokumenti_perfundimtar_24_03_2015

Strategjia e Zhvillimit të Arsimit Parauniversitar 2014-2020
parashkollor dhe në klasat përgatitore.
Investimeve shkollore do të realizohen, duke iu referuar hartës shkollore. Harta do të përdoret jo
vetëm për të parë dhe për të ndërtuar me përparësi për të gjitha nevojat që ka infrastruktura
shkollore, duke hetuar se cilat janë shkollat në shkallë rrezikshmërie të lartë me nevoja emergjente
për ndërhyrje. Gjithashtu, harta do të lehtësojë vendimmarrjet në aspektin e mikro-shkollave. Në
Shqipëri, në vitin 2014, pati mbi 1 mijë shkolla të tilla, me shumë pak nxënës, në të cilat ishin
prezent mësimdhënia jo cilësore dhe mungesa e mësuesve me arsimin përkatës. Përmes projekteve
konkrete që integrojnë rrezikshmërinë, prioritetet për ndërhyrje, rajonizimin dhe reformën
territoriale, do të adresohet procesi i ndërhyrjeve në infrastrukturë.
Edhe rajonizimi dhe rigrupimi i IA-ve (28) është në funksion të nxënies gjithëpërfshirëse cilësore.
SZhAPU-ja fokusohet, si asnjëherë tjetër, në krijimin e kushteve që sigurojnë realisht arsim për të
gjithë fëmijët, pavarësisht kushteve dhe rrethanave vetjake. Reformimi i kurrikulës dhe mbështetja
me të gjitha mjetet e projektit për kthimin e shkollave në qendra komunitare janë disa nga
parakushtet që mundësojë përfshirjen e të gjithë fëmijëve në IA-të. Normalizimi i numrit të
nxënësve në klasa (jo më shumë se 30 nxënës për klasë) është një tjetër parakusht në funksion të
plotësimit të objektivit të gjithëpërfshirjes. Nga ana tjetër, Ligji i Arsimit Parauniversitar 69/2012
(neni 46) dhe Urdhri nr. 344, datë 19.08.2013 “Për ngritjen e njësisë së shërbimit psiko-social” i
hapin rrugën rruajtjes së cilësisë së shëndetit mendor të nxënësve dhe asistencës profesionale për
grupet e fëmijëve me nevoja arsimore të veçanta ose AK. Strategjia ka parashikuar masat e
nevojshme për shtrirjen e shërbimit në zonat urbane dhe ato rurale, në të gjithë fëmijët e moshës
nga 0 deri 18 vjeç. Shërbimi psiko-social do të ofrojë mbështetje nëpërmjet psikologëve ose
punonjësve socialë për trajtimin e problematikave të rasteve të ndryshme, për vlerësimin e rasteve
të fëmijëve me nevoja të veçanta psiko-sociale dhe për hartimin e programeve parandaluese, sipas
nevojave të komunitetit shkollor.
Hartimi politikave të reja për rishikimin e lëndës së edukimit fizik konceptimi bashkëkohor i
veprimtarive sportive, krijimi si dhe mbikëqyrja e veprimtarisë së Federatës së Sportit Shkollor
dhe i Shoqatave sportive në IA janë aspekti të cilit i është kushtuar kujdes i posaçëm në këtë
strategji. Promovimin e vlerave që lindin nga kërkesat për sportin në përgjithësi dhe të fushës
mësimore të edukimit fizik si dhe organizimi dhe monitorimi i projekteve me qëllim afrimin e
fëmijëve dhe të rinjve me kulturën sportive do të bëjnë të mundur edukimin e një stili jetese të
shëndetshëm e aktiv, si një tjetër parakusht thelbësor për nxënien gjithëpërfshirëse cilësore.
Gjithë sa më sipër, ndikohen jo pak nga niveli profesional i mësuesve dhe drejtuesve arsimorë.
Duke pasur parasysh se një nga objektivat e reformës është përafrimi i kapaciteteve dhe i sistemit
(28) Në vitin 2014, rreth 30 mijë nxënës e kishin shkollën mbi 1 kilometër larg nga vendbanimi dhe rreth 11
mijë mësues banonin më shumë se 5 kilometër larg nga vendi i tyre i punës.
Faqe 46