Strategji_APU_dokumenti_perfundimtar_24_03_2015

Strategjia e Zhvillimit të Arsimit Parauniversitar 2014-2020
Kurrikula e planifikuar, ajo e zbatuar dhe kurrikula e përvetësuar përfaqësojnë bazën e sistemit
arsimor. Ndaj, përmirësimi i cilësisë së arritjeve të nxënësve në APU po nis me reformimin e
kurrikulës dhe me modernizimin e procesit të nxënies. Kurrikula e reformuar e arsimit
parauniversitar integron për herë të parë kurrikulën e APSh me atë të APU-së, duke konfiguruar
përmasat e reja të një sistemi arsimimi dhe edukimi nga mosha 3-18 vjeç. Njëherazi, ajo është
njësuar me kurrikulën e sistemit arsimor parauniversitar të Kosovës.
Kurrikula e re e APSh mbështet zhvillimin social-emocional, fizik dhe intelektual të fëmijës. Ajo do
të sigurojë përfshirjen aktive të fëmijëve në procesin e të nxënit, duke pranuar që fëmijët
parashkollorë nxënë nëpërmjet lojës, pjesëmarrjes aktive në mjedisin rrethues, nëpërmjet përvojave
konkrete dhe duke komunikuar me bashkëmoshatarët dhe të rriturit. Kurrikula parashikon
zhvillimin e një sërë veprimtarish dhe përdorimin e një sërë materialesh didaktike që nxisin
zhvillimin e përshtatshëm të fëmijës sipas moshës, mjedisit, nivelit të zhvillimit dhe nevojave
individuale, duke përfshirë edhe fëmijët me nevoja të veçanta.
Kurrikula e re e APU-së bazohet në qasjen me kompetenca dhe organizohet sipas një strukture që
mbështet zhvillimin e tyre. Struktura e re integron kompetencat sipas fushave të nxënies, shkallëve
kurrikule dhe rezultateve të nxënies. Ajo do të zhvillojë shtatë kompetencat kyçe, të krahasueshme
me kompetencat e kornizës europiane për nxënien gjatë gjithë jetës, si dhe do të strukturohet sipas
rezultateve të nxënies për kompetenca dhe për fusha të nxëni.
Struktura e kurrikulës së re organizohet sipas shkallëve të kurrikulës dhe fushave të nxënies.
Koncepti i shkallëve bazohet në karakteristikat e zhvillimit moshor të nxënësve dhe siguron kushtet
për të respektuar më mirë ritmet e ndryshme në zhvillimin e tyre. Ato të mundësojnë lidhjen e qartë
të rezultateve të nxënies përgjatë shkallëve, fleksibilitet më të madh në planifikimin dhe
organizimin e punës mësimore-edukative dhe forcimin e përgjegjësisë e të llogaridhënies për
cilësinë e arsimit që ofrohet nga shkolla.
Për secilën fushë, përcaktohen rezultatet e të nxënit që mundësojnë zhvillimin e kompetencave
kyçe, lidhjen ndërmjet lëndëve dhe veprimtarive mësimore, zbatimin e praktikave të reja të
mësimdhënies në nivel shkolle. Si e tillë, kurrikula do të sigurojë baraspeshën ndërmjet njohurive,
shkathtësive, vlerave dhe qëndrimeve të secilës fushë të nxëni, si dhe integrimin brenda dhe
ndërmjet tyre.
Kurrikulat e reja përshtatin përmbajtjet kurrikulare dhe procesin e nxënies me kërkesat e zhvillimit
moshor, me aspiratat e nxënësve dhe të prindërve. Ato normalizojnë ngarkesën e përmbajtjeve
përmes mënjanimit të materialeve të panevojshme dhe rregullimit të kohës mësimore.
Edhe për gjuhët e huaja, MAS-i do të vijojë të bazojë sistemin kurrikular në "Kuadrin e Përbashkët
Evropian të Referencave për Gjuhët: mësimdhënia, nxënia dhe vlerësimi" si dokument që
Faqe 44