Strategji_APU_dokumenti_perfundimtar_24_03_2015

Strategjia e Zhvillimit të Arsimit Parauniversitar 2014-2020
1. Numri aktual i nxënësve/fëmijëve/studentëve në objektin ku do kryhet investimi; prioritet kanë
shkollat me numër të lartë nxënësish.
2. Shkallën e amortizimit të objekteve ekzistues/nevojat për ndërhyrje emergjente (rrezik shembje,
ndërhyrje serioze dhe të menjëhershme, zjarri, përmbytje, tërmet etj.).
3. Nevoja për të ndërhyrë në një objekt shkollor në varësi edhe me kushtet e transportit /
infrastrukturës së rajonit ku ndodhet objekti.
4. Politikat e MAS për shpërndarjen gjeografike të shkollave/IAL-ve publike në varësi të lëvizjeve
demografike apo racionalizimit të shkollave apo rajonizimit te institucioneve arsimore.
5. Rastet kur mësimi zhvillohet në ambiente të marra me qira;
6. Mbipopullimi i klasave për mungesë të ambienteve të përshtatshme për të zhvilluar mësim apo
zhvillim i mësimit me turne.
Faktorë të tjerë me ndikim në vlerësimin e projektit, për ndërtimi ose rikonstruksioni i godinave të
IA-ve publike janë:
1. Cilësia teknike dhe vlerësimi financiar i projekteve të propozuara nga njësitë e qeverisjes
vendore.
2. Niveli i ulët i riskut për zbatimin e projektit, bazuar në elemente të përshkrimit të projektit që
orientojnë mbi riskun e mundshëm në prokurimin publik, zbatimin me sukses të projektit dhe
përdorimin në kohë të fondeve publike.
3. Niveli i ndikimit të projektit: a) në shërbimet bazë, cilësinë e jetës, shëndetin, arsimimin dhe
zhvillim social të zonës në përmirësimin e perspektivës për punësim dhe përdorimit dhe zhvillimit të
aftësive, b) në nevojën për ndërhyrje të menjëhershme në infrastrukturën arsimore, duke adresuar edhe
shkakun.
4. Niveli i bashkëfinancimit nga njësitë e qeverisjes vendore apo fondet e donatorëve.
5. Numri i përfituesve në mënyrë të drejtpërdrejtë dhe/ose të tërthortë nga projekti.
6. Analizat apo studimet që janë kryer në lidhje me projektin, si studimi i ndikimit në mjedis, analiza
kosto -përfitim etj.
7. Qëndrueshmëria e investimit nga projekti, që lidhet me faktin nëse janë parashikuar kosto
mirëmbajtjeje për projektin në vazhdimësi, të cilat do të merren përsipër nga institucioni kërkues,
etj.
Fondet për mirëmbajtjen dhe funksionimin e mjediseve / godinave të SAPU-së do të mbulohen
me fonde nga transferta e pakushtëzuar miratuar për NJBQV, të ardhurat e veta të NJBQV-ve.,
Garantimi i paprekshmërisë së institucioneve arsimore në juridiksionin e saj, si dhe i mjediseve të
tyre, ruajtja dhe mirëmbajtja e institucionit arsimor publik, garantimi i kushteve higjienike-sanitare
e atyre të ngrohjes në godinat e institucioneve arsimore publike, janë kompetencat kryesore të
njësisë bazë të qeverisjes vendore janë NJBQV.
Çdo bashki dhe komunë vendos nivelin e financimit që ajo akordon për këtë funksion nga të gjitha
Faqe 38