Create successful ePaper yourself
Turn your PDF publications into a flip-book with our unique Google optimized e-Paper software.
№ 86 (<strong>25701</strong>)<br />
6 2018-тӥ ар 15-тӥ шуркынмон УДМУРТИЕЗ АЗИНТОН<br />
www.udmdunne.ru<br />
ШАРКАН ПАЛЪЁСЫН<br />
Калык туж чупрес!<br />
Сергей ЗАХАРОВ<br />
Шаркан ёрослы матысь<br />
аръёсы туж кулэ<br />
выль ясли, культурая<br />
юрт но вольыт<br />
сюресъёс. Районын<br />
улӥсьёс таӵе куронъёсын<br />
вазиськизы Удмуртилэн<br />
Тӧроезлы<br />
Александр Бречаловлы,<br />
Шарканэ вуылыкуз.<br />
Вемеез уг вунэто<br />
Шаркан селоысь выль<br />
ӝутскись микрорайонэз калыкын<br />
Новый нимало. Татын<br />
али 8 ульча пуксемын<br />
ни. 300 музъем участок<br />
пӧлысь 38-эз висъямын<br />
трос нылпиё семьяослы но<br />
егит специалистъёслы, 35-<br />
ез - улон интылы ёрмись семьяослы.<br />
Али выль микрорайонын<br />
500 улӥсез ини,<br />
пӧлысьтызы 100-эз - пиналъёс.<br />
Татын ик пуктэмын ни<br />
190 нылпилы чаклам сад.<br />
Шаркан черкогуртысь<br />
муниципал кылдытэтлэн<br />
йырыз Елена Перевозчикова<br />
верамъя, микрорайонысь<br />
улӥсьёс вемеен ужаны быгато<br />
- асьсэос котькыӵе ужез<br />
лэсьтыны басьтӥсько. Тани<br />
жуг-жаг поттонэз но радъяло,<br />
ульчаосын утялско, ужрадъёс<br />
ортчытъяло, огзэ<br />
нылпи площадкаез но ас кужыменызы<br />
лэсьтӥзы.<br />
udmurt.ru<br />
Азьланяз черкогуртын<br />
эшшо ясли усьтӥськоз,<br />
оскытӥз Удмуртилэн Тӧроез.<br />
- Район азинске, калык<br />
туж чупрес. Нылпи сад вань,<br />
табере ясли ӝутоно. Солы<br />
туж ӟеч инты чакламын,<br />
соин 2019-тӥ арын объектэз<br />
одно вуттомы, лицензированиез<br />
но ортчомы, - шуиз<br />
Александр Бречалов.<br />
Ас кожазы уг вормо<br />
Талэсь азьло Шарканэ вуылыкуз,<br />
Тӧро район азе ужпумъёс<br />
пуктӥз вал. Ёросысь<br />
кивалтӥсьёсын кенешонын<br />
районлэн йырыз Василий<br />
Муклин ивортӥз, кызьы соос<br />
быдэсъясько. Озьы тэльын<br />
делянка висъямын калыклы<br />
пу дасяны. Ляльшурысь школа<br />
тупатъямын, отчы нылпи<br />
сад усьтэмын. Асьсэ кужымен<br />
ик шарканъёс азинто Быгыысь<br />
удмурт культурая центрзэс<br />
- утӥзы 450 сюрс манет<br />
грант, табере чаклам ужъёссы<br />
мытэмын ни. Выль сюрес<br />
ӝутӥське Вортча гуртэ.<br />
Удмуртилэн Тӧроез кенешонын<br />
вераз, кызьы шаерамы<br />
быдэстӥське Сюресъёслы<br />
сӥзем ар. Ныпъям воз<br />
туж бадӟым вал. Озьы ке но<br />
чаклам ужъёс быдэстэмын<br />
- Удмуртия Россиысь 5 устоез<br />
улосъёс пӧлы пыриз, кытын<br />
тужгес трос лэсьтэмын<br />
но выльдэмын интыысь сюресъёс.<br />
Транспортъя но сюрес<br />
хозяйствоя министрлы<br />
Алексей Горбачёвлы вазиськыса,<br />
Тӧро шуиз:<br />
- Вортчае нуись сюреслэсь<br />
лэсьтӥськемзэ нимысьтыз<br />
чакласа возёно.<br />
Уго ӵапак та сюрес пумысен<br />
вылӥ кивалтӥсьлы вазиськизы<br />
вал гужем Вортчаын<br />
улӥсьёс - школа автобуслы<br />
зоро куазен ветлыны<br />
кышкыт, соин куддыръя пиналъёсты<br />
дышетскыны но ӧз<br />
вуттылэ.<br />
Шаркан черкогурт паськыта,<br />
соин валче выль ужпумъёс<br />
кылдо.<br />
Нош куд-ог ужпумъёсты<br />
ёрос администрация ас кужыменыз<br />
гинэ уз вормы.<br />
Тани райцентрысь культурая<br />
юрт нокызьы уг быдэсмы.<br />
- Тӥ туж бадӟым но<br />
шукырес объект борды<br />
басьтӥськиллямды. Со укыр<br />
дуно. Но проектэз уд ни вошты.<br />
Соин малпам ужез быдэстоно.<br />
Республика юрттыны<br />
амалъёс утча. Малпасько,<br />
2020-тӥ арлы, Удмуртилэн<br />
кунлыкезлы 100 ар тырмонлы,<br />
объектэз вуттоно.<br />
Ӟеч тыршисьёслы -<br />
путёвка<br />
Ӵап та нуналэ ик 80 арзэ<br />
пусйиз Шарканысь трикотаж<br />
фабрика. Предприятилэсь<br />
поттэм вуззэ яратыса<br />
басьто шаерамы улӥсьёс но,<br />
Россилэн 80 улосъёсаз но,<br />
Казахстанын но, Эстониын<br />
но.<br />
Фабрикалэн кивалтӥсез<br />
Надежда Зайнакова верамъя,<br />
предприятиын 384<br />
мурт ужа. Соос трос пӧртэм<br />
профессиен адямиос: вуриськисьёс,<br />
технологъёс,<br />
керттӥськисьёс, суредасьёс,<br />
электромонтёръёс, упаковщикъёс,<br />
экономистъёс...<br />
1990-тӥ секыт аръёсы 400<br />
ужан инты пӧлысь утьыны<br />
быгатӥзы вал 90-зэ гинэ. Табере<br />
выльысь улӟизы. Ужась<br />
но вань, барыш но люкаське.<br />
Кылем арын 242 миллион<br />
манет тыр вуз поттӥзы,<br />
нош туэ ӝыны ар ӵоже - 117<br />
миллион манет тыр.<br />
Александр Бречалов<br />
предприятиысь устооссэ<br />
ужасьёсты данъяз. Правительстволэн<br />
Данъян<br />
грамотаеныз пусъемын<br />
керттӥськись Екатерина<br />
Софронова но техник-программист<br />
Сергей Пьянков.<br />
Удмуртиысь промышленность<br />
удысысь дано<br />
ужась луиз валтӥсь механик<br />
Александр Наговицын.<br />
Нош предприятиын кема<br />
аръёс ужамзы понна Вяткин<br />
кузпалъёслы Тӧро кузьмаз<br />
зарезь дуре ветлыны<br />
путёвка.<br />
Вань калык шумпотӥз<br />
Удмуртилэн Тӧроезлэн мукет<br />
кузьымезлы но: фабрикаын<br />
ужасьёсты шулдыртыны<br />
ветлӥзы Брангуртысь<br />
песянайёс но Россиысь<br />
дано артистка, шаркан ныл<br />
Валентина Пудова.<br />
СИЁН-ЮОН ПОТТОН<br />
Йӧл вылэ пыкъяськоно<br />
Елена САРАМАТОВА<br />
Кунгож сьӧры Россия<br />
али поттэ йӧл, сыр,<br />
кузятэм. Вань экспорт<br />
пӧлысь сиён-юон 1,5<br />
процент луэ. Уксёе берыктоно<br />
ке, со ог 300<br />
миллион доллар. Луонлык<br />
вань та лыдпусэз<br />
3 поллы йылтыны.<br />
Палэнэ келям вуз<br />
пӧлысь ог 90 процентэз<br />
кошке СНГ-е пырись кунъёсы,<br />
уногес - Казахстанэ,<br />
озьы ик Донецке но Луганске.<br />
Алигес ортчем «Лэсьтэмын<br />
Удмуртиын» форуме<br />
пыриськемъёс - тодосчиос,<br />
гурт хозяйствоосын но заводъёсын<br />
кивалтӥсьёс, министерствоосысь<br />
специалистъёс<br />
- дэмен малпаськизы,<br />
мар карыны луоно шаерысьтымы<br />
сиён-юон лэсьтон<br />
удысэз эшшо юнгес карон<br />
понна. Йӧл кысконэз<br />
йылтӥмы ке, йӧл но солэсь<br />
лэсьтэм сиёнэз мукет кунъёсы<br />
келяны луонлыкъёсмы<br />
но паськыталозы. Россиысь<br />
«Союзмолоко» огазеяськонлэн<br />
директорез Артём<br />
Белов пусъемъя, гуртоос<br />
тазьы ик умой ужазы<br />
ке, 2024-тӥ арын Россия 1,8<br />
миллион тонна йӧл но солэсь<br />
лэсьтэм сиёнэз палэнэ<br />
вузаны быгатоз. Бадӟым<br />
саклык висъяно кузятэмлы,<br />
мороженойлы, сырлы,<br />
йӧлпыдлы, йогуртлы. Гурт<br />
удысын поттэм но экспортлы<br />
дасям вань продукция<br />
пӧлысь со ог 80 процентэз<br />
луоз. Китай, Африкаысь но<br />
Ближний Востокысь кунъёс<br />
йӧллы кулэясько бере,<br />
отчы сюрес лёгыны тыршоно.<br />
Белоруссия та ласянь<br />
шӧртчи ужа. Оглом 2017-тӥ<br />
арын Белоруссилэн экспорт<br />
чотын поттэм барышез 50<br />
миллиард манет тыр люкаськиз.<br />
Россия, 6 ар ортчыса,<br />
45 миллиард долларозь<br />
вуттӥськыны медэ. Вӧйлы,<br />
йӧллы, сыръёслы кулэясько<br />
Египет, Корея, Япония.<br />
США, Выль Зеландия, Австралия<br />
но Белоруссия татчы<br />
вуззэс келянъя огкылъёс<br />
юнмато ни. Россия но вожвылъяськыны<br />
быгатыны<br />
кулэ.<br />
- Туэ 6-тӥ июньысен Россие<br />
алэмын вуттыны Белоруссиысь<br />
кӧс (сухое) йӧл<br />
но сыворотка, - шуэ Артём<br />
Белов. - Таин сэрен гуртоослэсь<br />
йӧлзэс заводъёс<br />
тросгес басьтыны кутскизы,<br />
йӧллы дунъёс будыны<br />
ӧдъязы. Зэм, пӧртэм улосъёсын<br />
югдур пӧртэм. Удмуртиын<br />
капчи ӧвӧл на. Алтай<br />
но ыштонъёс адӟе. Шор федерал<br />
округез учконо ке,<br />
отын 1 литр йӧллы закупочной<br />
дун 2,5 манетлы<br />
бадӟымгес быдэс Россиын<br />
сярысь.<br />
Артём Белов хозяйствоосты<br />
генетикаен ужаны,<br />
умой сиён дасяны но заводъёсын<br />
кӧня ке арлы контрактъёс<br />
гожтыны ӵектэ.<br />
Соку ӵуказе нуналлы оскон<br />
луоз. Гурт удысъя но сиён-юонъя<br />
министр Ольга<br />
Абрамова пусъемъя,<br />
азьлань вамыштон понна<br />
котькудӥзлы луонлыкъёссэ<br />
мертано. Али ваньмылы<br />
малпаськыны кулэ, мар кароно<br />
асьме дорын поттэм<br />
вузлэсь ӟечлыксэ эшшо но<br />
умоятон понна, со рынокын<br />
вожвылъяськыны мед быгатоз,<br />
сое тросгес адями мед<br />
басьтоз шуыса.<br />
- Азинсконэз кооперациос<br />
кылдытон бордысь адӟисько,<br />
- шуэ Ольга Абрамова. - Кӧня<br />
ке предприятиос дэмен кариськыса<br />
ужаны кутскизы<br />
ке, соку соос трослы кужмогес<br />
луозы. Угось бадӟым рыноке<br />
сюрес лёгыку, экспортэн<br />
вырыку, кун ласянь куронъёс<br />
чурытало но чурытало.<br />
Со куронъёсъя тупатӥськон<br />
понна трос мар лэсьтоно, хозяйствоосын<br />
ужез выль сямен<br />
радъяно.<br />
Фермаосысь кыед поттон,<br />
вуэз чылкытатон сооружениос<br />
лэсьтон гинэ но кӧня ке<br />
миллион манет сылэ угось.<br />
Форум дыръя Москваысь<br />
кивалтӥсьёс но тодосчиос<br />
«Милком» огазеяськонлэн<br />
огаз заводаз, «Ижмолокое»,<br />
вуылӥзы но тодматскизы солэн<br />
уженыз. «Милком» туннэ<br />
Россиысь 70 улосэ аслэсьтыз<br />
вуззэ келя. Москвае гинэ нуналлы<br />
быдэ 20 бадӟым фура<br />
кошке. Оглом огазеяськонлэн<br />
заводъёсыз гуртоослэсь<br />
уй-нунал куспын 360 тонна<br />
йӧлзэс басьто. Матысь аръёсы<br />
та лыдпусэз 1 сюрс тоннаозь<br />
вуттыны медо. Озьыен,<br />
гуртоослэн но вань кытчы<br />
будыны.
Change language