dart №10

Егитъёслы сӥзем
газет
udmdart
dart.gazet@yandex.ru
№42 (25954)
2022-тӥ ар 27-тӥ коньывуон 13
Иворъёс
Нискыланы —
Удмуртие
Коньывуонлэн
кутсконаз Пскове
быдэс Россиысь
культура удысысь
волонтёръёс
люкаськылӥзы.
Соос понна историлы
но лулчеберетлы
сӥзем
«Истоки» форум
ортчиз.
Удмуртлык
Сю аръем пужымъёс куашето на
Сменае мыло-кыдо
пыриськиз Глазовысь
Даниил Ворончихин,
проектсэ улонэ
пыӵатон понна солы
Росмолодёжь федерал
агентство грантсэ
висъяз.
Табере Удмуртиын
толалтэ гурезьёсысь
нискыланы яратӥсьёс
понна «Ехай» фестиваль
ортчоз. Нискылан
сяна, мылкыд карисьёс
пӧртэм конкурсъёсы
пыриськозы, асьсэ
киосынызы салазкиос
лэсьтозы.
Видео понна —
кузьым
Шуркынмонысен
кутскыса, тулыспалозь
шаерамы
«Я люблю Россию»
(12+) медиафест
мыноз. Со кӧня
ке люкетъёслэсь
кылдоз.
Онлайн-челлендже
пыриськыса, егитъёс
«ВКонтакте» социальной
сете видеороликъёс
лэсьтылозы, арнялы
быдэ выль задание борды
басьтӥськылозы.
Со дыре ик мылкыд карисьёс
«ВКонтактеын»
клип лэсьтонъя мастерклассъёсы
пыриськозы,
соосты тодмо блогеръёс
ды шетозы.
Фестивалез йылпумъялоз
бадӟым концерт,
отын усто видеороликъёсты
возьматозы,
челленджъёсын вормемъёсты
пусъёзы,
соослы ноутбукъёс,
планшетъёс, смартфонъёс
но селфи-камераос
кузьмалозы.
Ваньзэс быдэс Россилы
тодмо кизилиос шулдыртозы.
D букваен пусъем
туспуктэмъёс «Dart:
ватсам дунне» приложенилэн
юрттэменыз улӟо.
Анастасия ФОМИНА
Сю аръем пужымъёс куашето на,
Нёжасько шундылэн сиосаз,
Сю аръем пужымъёс веттало на
«Удмуртлык» шуонэз вакытаз.
Гадь вылын уксёос жингырто на,
Пыд улын нош зурка на музъем!
Удмуртъёс улэпесь! Ай утё на
Вашкала сям-йылол кидысэз!
Туспуктӥз Максим АГАФОНОВ

№42 (25954)
14 2022-тӥ ар 27-тӥ коньывуон
Редакторлэн кылыз
Егит тусъёсты
утчаса
Россиын улӥсь
фин-угор калыкъёс
дышемын коньывуонлэн
пумаз
эшъяськонлы
сӥзем арняос радъяны.
Туэ фин-угор
ужрадъёсты мон
азьпалтыса мытӥ:
30-тӥ коньывуонэ
пыриськи Ханты-
Мансийскысь «Ханты
ясанг» газетлэн
65 ар тырмонэзлы
сӥзем котырес
ӝӧке.
Ханты-Мансийской
автономной округысь
ханты но манси кылъёсын
потӥсь газет-журналъёс,
телеканалъёс
одӥг кадь шуг-секытэн
пумисько: анай кылзэс
тодӥсь но журналистикаын
ужаны мылкыд
карись егитъёс арысь
аре ӧжытгес кылё. Та
сярысь котырес ӝӧклэн
кутсконаз вераз «Ханты
ясанг» газетлэн
редакторез Людмила
Гурьева.
Ӵемысь та выллем
котырес ӝӧкъёс
сьӧрын егитъёслэн
улон-вылонзы сярысь
малпасько но кенешо
арлыдоос, дышето огогзэс,
кызьы пиналъёсты
журналистикае
кысконо, кыӵе амалъёсты
уже кутоно…
Верало: школаосы пумиськонъёсы
потано,
юнкоръёслы конкурсъёс
радъяно…
Но соос мукет юан
асьсэлы сётыны вунэто:
кызьы газетэз егитъёслы
матын кароно?
Ӵок, соос отчы уг ке
гожъясько, мед соос
лыдӟиськозы. Бӧрысь,
оло, гожъяськыны но
кутскозы.
Ми, «Дарт» газетэз лэсьтыса,
асьмелы та юанэз
сётъяськомы. Тыршиськомы
егитъёслэн
кылынызы вераськыны,
ужамы туала амалъёсты
кутыны. Та сярысь ик
котырес ӝӧк сьӧрын но
мади.
Ӝожомытэ, культуралы
яке егитъёслы
сӥзем кенешонъёсысь
егит тусъёсты уд адӟы
шуыса. Улыны дышетэм
интые, ас удысъёсазы
кыдам муртъёс куддыръя
егитъёслэсь но
мед юасалзы, мар соослы
кулэ.
________
Мария ЕМЕЛЬЯНОВА
Студентъёслэн отрядъёссы
Семьяын — 100 сюрс нылпи
13-тӥ-16-тӥ коньывуонэ
Ижкарын ортчиз
Приволжск федерал
округысь студентъёслэн
отрядъёссылэн 12-тӥ
слётсы. Туэ отчы 14 улосысь
400 адями пыриськиз.
— Университетъёсын ужась
отрядъёсты ӵо ша тыны луоз
бадӟым мерлыко огазеяськонъёсын,
— вераз Президентлэн
Приволжск федерал
округъя оскем муртэзлэн
воштӥсез Олег Машковцев,
— егитъёсын ужан политикаын
соос бадӟым инты
басьто. Дышетскыкузы ик
студентъёс ужаны кутско,
кунмылы 2 полэс пайда ваё.
Округысьтымы отрядъёс кусып
тупатӥзы ке, движение
эшшо кужмогес луоз.
Бадӟым слётэз шаерамы
юнме шорысь ӧз ортчытэ.
Туэ Удмуртиысь студотрядъёслы
55 ар тырмиз.
— Та аръёс ӵоже студотрядъёс
пыр 100 сюрслэсь
трос адями потӥз, — пусйиз
Правительстволэн
Тӧроезлэн воштӥсез Константин
Сунцов, — али шаерамы
52 отряд ужа, отчы
2 сюрслэсь ятыр егитъёс
пырисько: вуоно дышетӥсьёс,
эмчиос, гурт
удысэз азинтӥсьёс… Соос
пӧртэмесь ке но, одӥг бадӟым
семья кадь уло.
Вормонъёс
Визьмо ныл
10-тӥ-15-тӥ коньывуонэ
Ульяновскын «Арлэн
дышетскисез» конкурс
ортчиз. Вормисьёс радэ
пыриз Воткинскысь 17-
тӥ номеро школаысь
Анастасия Поносова.
Туэ конкурсэ Россилэн 42
улосысьтыз 150 школьникъёс
пыриськизы. Ваньзы соос
9-тӥ-11-тӥ классъёсын дышетско,
школаосазы адӟем
карымон луо.
Конкурсэ Удмуртиысь
7 пинал вуиз, асьсэ быгатонлыкъёссэс
соос пӧртэм
номинациосын возьматӥзы.
Конкурслэн финалаз пиналъёс
асьсэос сярысь мадизы,
шонер гожъяськыны
быгатэмзэс, диктант гожтыса,
эскеризы, проектъёс
дасязы, соосты жюрилы
возьматӥзы. Шаерысьтымы
егитъёс вормисьёс пӧлы ӧз
сюре ке но, Анастасия Поносова
нимаз висъямын вал,
солы «Интеллект года» приз
сётэмын.
Ижкарын ортчем студентъёслэн слётазы
400 адями пыриськиз.
Слётэ лыктэм егитъёс кӧня
ке нунал ӵоже мастер-классъёсы
пыриськизы, мугорзэс
кыдатӥзы, шаеренымы ӟечгес
тодматскизы.
Ваньзы чидатэк возьмазы
«Мисс и мистер студенческих
отрядов ПФО»
вожвылъяськонэз. Пӧртэм
пумо конкурсъёс пыр потыса,
нырысетӥ инты басьтӥзы
Чувашиысь Анастасия Кустова
но Башкириысь Руслан
Абраров.
— Та конкурсэ пыриськемме
кема тодам возё
на, дыр, — вераз Анастасия,
— шумпотӥ выль тодматсконъёслы:
вань пиналъёс
мыло-кыдоесь,
олома но быгатӥсесь. Табере
мӧзмисько ни конкурсын
огыр-бугыр улэммылэсь.
Анастасия мыло-кыдо
пыриське шаерысьтымы
быгатӥсь нылпиослэн «ТАУ»
центрзылэн ужаз, пӧртэм
удысъёсын герӟаськем проектъёсты
улонэ пыӵатэ.
Кылем арын «Артэ» огазеяськонлэн
проектъёсъя
«Веме» конференцияз но
пыриськиз, ӵош дышетскись
эшъёсыныз солэн
потэ ляб кылӥсь муртъёс
понна смартфонъёсын ватсэт
лэсьтэмез, та проектлы
грант утыны чакла.
Нош «Арлэн дышетскисез»
луиз Курскысь 57-тӥ
школаысь 10-тӥ классысь
Владимир Терехов.
________
Мария МИХАЙЛОВА
Студентъёс кужыменызы
мертаськыку, егитъёсын ужан
политикая удысын тыршисьёс,
вузъёсысь дышетӥсьёс,
элькун кивалтӥсьёс Приволжск
федерал округысь
студотрядъёсты азинтон сярысь
кенешизы. Студотрядъёс
кылем арын ужамзылы
йылпумъянъёс лэсьтӥзы, матысь
дырлы азязы ужпумъёс
пуктӥзы.
— Студотрядъёс кунамы
умой ужало, — вераз Олег
Кадетъёс
кужмоесь но,
быгатӥсесь но
Удмуртиысь пиналъёс
«Кадет Приволжья»
спартакиадаын вормизы.
Та ӵошатскон
Приволжск федерал
округын 6-тӥзэ радъяськиз
ни.
15-тӥ коньывуонэ Татарстанысь
Нижнекамск
карын кадетской корпусъёсын
дышетскись пиналъёс
ӵошатскизы.
Соос маршировать каризы,
5 иськемъем маршбросок
пыр ортчизы,
ыбылӥськизы, автоматэз
сэрттӥзы но пертчизы.
Жадемзы шоры учкытэк,
жюриослы возьматӥзы на,
макем ӟеч тодо кунмылэсь
историзэ но военной уставез.
Мукет удысъёсысь тодонваланъёссэс
но адӟытӥзы:
сочинение гожтӥзы, пӧртэм
ӧръёсысь юанъёсын тест
лэсьтӥзы.
Машковцев, — егитъёсты
кыдатон понна та амал быдэс
дуннеын адӟем карымон
луыны быгатэ. Татын егит
муртъёс быгато асьсэдыз
возьматыны, пӧртэм удысъёсын
быгатонлыкъёссэс
эскерыны. Студотрядъёслэн
улонзы пӧзе. Сое валано. Та
движенилы саклык висъяно,
юрттоно.
________
Мария МИХАЙЛОВА
— Ужрадамы усто кадетъёс
люкаськизы, — вераз
Президентлэн Приволжск
федерал округъя оскем муртэзлэн
воштӥсез Олег Машковцев,
— ми дышемын,
спартакиадаосын егитъёс
кужымзэс гинэ возьмато
шуыса, но милям егитъёсмес
творчествоын но, визь
сынанъёсын но эскереммы
потӥз. Шумпотымон,
ӵошатсконъёс пыр егитъёс
тодматско, ог-огзылы матынгес
луо шуыса.
Вань могӟетъёс пыр ортчыса,
вормисе потӥзы Воткинскысь
Совето Союзысь
Геройлэсь Валентин Стариковлэсь
нимзэ нуллӥсь
кадет корпусын дышетскисьёс,
2-тӥ луиз Нижний
Новгородысь Василий Маргеловлэсь
нимзэ нуллӥсь
кадет корпусысь команда,
3-тӥ интыез куспазы люкизы
Башкириысь но Татарстанысь
кадетъёс.
________
Сергей ЗАХАРОВ
udmurt.ru

№42 (25954)
2022-тӥ ар 27-тӥ коньывуон
15
Тодматскон
Туала «Туригумлэн» вашкала гурез
Кызьы коми-пермякъёс калык культуразэс азинто?
Удмуртиын ортчем
фин-угор культурая «Палэзян»
фестивале пыриськиз
Пермь улосысь
Коми-Пермяк округысь
«Туригум» ансамбль.
Соос вашкала калык
гуръёсты туала электрон
крезьгур чузъяськем улсын
быдэсто. Ансамблез
огинэ бичаз Кудымкар
культурая юртысь фольклоръя
ӧнерчи Надежда
МУСАТОВА.
— Тодӥськоды на-а, кызьы
фольклор удысэ вамыштӥды?
— Вордски Коми-Пермяк
округысь Ошиб гуртын. Отын
ик ветлӥ фольклор кружоке.
Зэмзэ верано ке, милям со
сяна кружокъёсмы но ӧй вал.
Быгатонлыкъёсме адӟыса,
анае вераз, оло, монэ крезьгуръя
школае сётоно шуыса.
Та малпан борды ӝабырски,
потӥз крезьгуро удысын тодон-валанъёсме
будэтэме. Но
гуртамы крезьгуръя школа
ӧй вал, соин ик 15 аресысен
Кудымкарын огнам улыны
кутски, отын дышетскыны
но улыны мед быгато шуыса,
анай-атае комната снимать
каризы. Кудымкарысь школаын
калык кырӟанъя нимаз
ёзэт ӧй вал, ма, али но ӧвӧл.
Школа бордын арганчиослэн
ансамбльзы ужаз, соос доры
гинэ кырӟаны ветлылӥ. Калык
кырӟанъя дышетӥсьёсмы ӧй
вал бере, ваньмызлы аслым
дышоно луиз, кызьы кылӥсько
вал, озьы ик кырӟалляй.
Бӧрысь Пермьысь культурая
колледжез йылпумъяй, вылӥ
образование Москваысь культурая
но искусствоосъя университетын
басьтӥ.
— Озьы ке но вордскем
палды ас бордаз кыскиз.
— Озьы. Университетэз
йылпумъяме бере Кудымкар
ёрослэн администрацияз
ужаны ӧтизы. Со вакытэ мон
Смоленскысь Алексей Мусатовлы
быземын вал ни. Со ӧз
пумитъяськы, сьӧрам лыктӥз.
Кудымкар ёросысь Ёгва черкогуртын
ужаны кутскимы.
Со дырысен пӧртэм ёросъёсын
ужаны вуттӥмы ни. Али
Кудымкаре интыяськимы.
Бертэме бере сомында
малпанъёс йырам пӧзизы!
Потэ вал калык фольклормес
азинтэме: мед сое тросгес
адями тодоз, егитъёслы но,
арлыдоослы но со матын луоз.
Но али, кӧня ке ар ужаса, валасько
ни, огнам мон ваньзэ
«Туригум» ансамбльлэн кивалтӥсез
Надежда Мусатова.
быдэстыны уг быгаты шуыса.
Мылкыд огласянь гинэ
луыны кулэ ӧвӧл, калык но
тон борды кыстӥськыны, тынад
малпанъёсыныд улыны
кулэ. Жаляса верано, милям
гуртъёсын улӥсь семьяосын
но анай-атайёс нылпиосынызы
коми-пермяк кылын
ӧжытгес верасько ни, угось
соос уг адӟо вордскем кыллэсь
кулэлыксэ, пайдазэ…
Школаосын но коми-пермяк
кылэз али факультативез сямен
дышето.
Озьы ке но котьку шедё
нылпиос, семьяос, кудъёсыз
гажало, дунъяло асьсэ калык
культуразэс, кылзэс.
— Нош коми-пермяк
фольклорез тодӥсьёс
трос-а?
— Коми-пермяк калык
культураез вӧлмытон бордын
тыршыны секыт. Кызьы
верай ини, милям Кудымкарысь
крезьгуръя школаямы
ӧвӧл калык кырӟанъёсты
дышетонъя классъёс. Мар
веранэз колледжъёс но институтъёс
сярысь. Умой, куке
ёросъёсын, гуртъёсын вань
фольклорез тодӥсь-валась
дышетӥсьёс, но соос туж
ӧжыт.
Асьмелэсь фольклормес
ми клубын ужась кружокъёсын
гинэ дышетӥськом.
Отчы вань мылкыд карисьёс
ветло, ӵемысь со арлыдоос,
пенсие потэм кышномуртъёс.
Егитъёсын та пумысен
уж урод пуктэмын.
Оглом учкыса но, комипермяк
проектъёсын вырись
адямиосмы ӧжыт. Егитъёслы
тунсыко луись проектъёсты
Туспуктӥз Евгений КЛИМОВ
улонэ пыӵатэ дизайнер Вера
Мехоношина, грантъёс утыса,
мар но ӧз лэсьты ни!
Но али тросгес саклык калык
киужъёслы висъя, соин
герӟаськем проектъёс гожъя.
Нылпиосын ужась огазеяськонъёс
вань ке но, соос огшоры
конкурсъёс ортчытъяло,
кырӟало, экто, спектакльёс
дасяло. Но со егитъёсты калыксылэн
культуразы борды
кыскон понна ичи.
— Тӥледыз коми-пермякъёс
гинэ уг тодо. «Шай-
Май» группаеныды калыккуспо
фестивальёсы
пыриськылӥськоды. Удмуртие
но вуылэмды вань.
Кызьы группады вордӥськиз?
— «Шай-Майлы» туэ 5
ар тырме ни! Али гинэ кадь
сое кылдытӥмы. Отын мон
кырӟасько, шуланъ ёсын шудӥсько.
Картэ котьку вӧзам,
вань проектъёсты ӵош лэсьтӥськомы.
Со ачиз но комипермяк
луиз ни, лэся, тани
8-тӥ арзэ Кудымкарысь театрын
ужа ни, спектакльёслы
крезьгур дася. Туж яра солы!
Театрын ужаны кутскыкуз,
егит актёръёсын крезьгуро
ӝытъёс ӵем радъяло вал,
крезьгуро инструментъёсын
шудылӥзы, кырӟазы. Озьы
ик каллен эшъяськимы,
крезьгуро группа кылдытыны
малпамы. Кудымкарысь
крезьгуръя школаысь арганчиослэн
ансамблязы ветлон
вакытме тодам вайыса, бордамы
отысь эшме ӧти на.
Озьы «Шай-Май» пӧрмиз.
Коми-пермяк кылын сыӵе
междометие вань. Кутскимы
Коми-пермякъёслэн «Потешки» кырӟанзылы клип
лэсьтӥз удмурт «Куара» огазеяськон.
коми-пермяк но ӟуч калык
кырӟанъёсты, вашкала инструментъёсын
шудыса, быдэсъяны.
— Нош «Палэзянэ» тӥ
мукет крезьгуро проектэныды
вуиды. «Туригум»
ансамбль, фольклор
вылэ пыкъяськыса, туала
электрон крезьгур лэсьтэ.
Вашкалазэ но туалазэ
кемалась-а огазеямды
потэ ни вал?
— Мон со сярысь ӧй малпаськылы,
«Туригумез» кылдытыны
мыным Вера Мехоношина
ӵектӥз. Со проектъёс
гожъя бере, Пермь улослэн
администрациезлэн юрттэменыз,
крезьгуро фестиваль
ортчытон понна грант утӥм,
со улсын крезьгуро альбом
поттӥм.
Солистъёсты группае
кема утчано ӧз луы. Москваысь
Ёгвае лыктэме бере
клубын кружок усьтӥ вал,
нылпиосын фольклорез 5-6
ар ӵоже дышетӥмы. Табере
ваньзы соос будэмын ни. Вазиськи,
оло, таӵе йӧспӧртэм
проектэ пыриськемзы потоз
шуыса. Озьы Алина Сайкиноваен,
Виктория Лунеговаен
но Снежана Радостеваен
рос-прос ужаны кутскимы.
Нылъёс кин кытын дышетско:
кин Кудымкарын, кин
Пермьын. Соин ик репетициосты
нуналлы быдэ радъяны
ум быгатӥське, но арняяз 1-2
пол Кудымкарын пумиськылыны
тыршиськомы.
— Мар со «туригум»?
Удмуртъёс сое «туригумы»
шуысалзы, дыр...
D
— Со будос, вашкала коми-пермякъёс
дотово ярато
вылэм солэсь крезьгуро инструментъёс
лэсьтыны. Ми
палъёсын та будосэз ӟуч кылэ
«дягиль» шуыса берыкто.
Нош удмуртъёс сое узьыгумы
шуо. Озьы ик шулан лэсьто.
— «Туригумен» тӥ удмурт
егитъёсын но ужаны
вуттӥды ни. Кызьы
пӧрмиз, «Куара» огазеяськон
тӥледлы клип лэсьтӥз
шуыса?
— Со нош ик Вера Мехоношиналэн
дауртэмез! Солэн
потӥз нылпиос понна
творческой лагерь ортчытэмез.
«Шундыкарды» выллем
кылдӥз «Арткад». Лагерь
кылем арын ортчыны кулэ
вал ини, но коронавирусэн
сэрен туэлы выжтӥмы.
Вера ик тодмо вал удмурт
азьветлӥсьёсын, «Куаралэн»
ужез сярысь но кылэмезадӟемез
вал. Шумпотӥмы,
удмуртъёс дорамы вуизы шуыса.
Лагерь дыръя пиналъёс
асьсэос ик крезьгуро клипын
шудӥзы, сое асьсэос ик снимать
каризы.
— Азьланяз «Туригумен»
мар лэсьтыны малпаськоды
на?
— Егитъёсын ужаны капчи
ӧвӧл, будэмзыя соослэн
малпанъёссы паськытало,
соин ик уг быгатӥськы вераны,
кӧня «Туригум» улоз,
азьланяз уг учкиськы: али
милемлы кельше, маин ми
выриськомы!
________
Мария ЕМЕЛЬЯНОВА
«Потешки» кырӟанлэн клипысьтыз суред

№42 (25954)
16 2022-тӥ ар 27-тӥ коньывуон
«Аныкай» медиамастерской
«Возьматы мыным Захарез!»
Захар пиеным ӵош
ветлыны кутски «Куара»
огазеяськонлэн «Аныкай»
медиамастерскояз.
Удмурт анай-атайёсын
но нылпиосынымы
ӵош дышетскиськомы
лэсьтыны видеоблогъёс.
Удмурт кылын. Туала
сямен. Котьмар сярысь.
Тодон-валан кулэ
Ог 2 ар талэсь азьло мон
нырысьсэ вотэсысь адӟи нылпиослы
удмурт кылын нуиськись
блогъёсты. Огзэ соос
пӧлысь — «Азбар ТВ» — нуиз
Лилия Широбокова Варя нылыныз.
Котькуд серизэс чидатэк
возьмалляй, отын Варя
нылпиосты я куазен, я емышъёсын
тодматъяз. Малпай, кыӵе
ӟеч уж лэсьто Широбоковъёс.
Нырысь ик, анай кылын ӟеч
видеоконтент кылдыто. Собере
— нылпиенызы ӵошен
выро, солэсь быгатонлыкъёссэ
волято. Ачим но малпаськыны
кутски: Захар пиеным блог
усьтоно.
Пие пумен будӥз. Учкисько
но, мультикъёс интые, солэн
плейлистаз пумен видеоблогъёс
но кылдылыны
кутскизы. Яратэ учкыны, кызьы
камера азьын мукет пиналъёс
шудо, пӧрасько, пӧртэм
шудонъёсын тодматско.
Татын, конечно, пӧртэм анайатайёс
пӧртэм сямен малпасько.
Кин ке пиналэзлы видеоконтент
воксё но учкыны уг
сёты. Но туала вакытэ туала
амалъёслэсь уд пегӟы ни. Соин
ик талэсь ӟеч палзэ пусъеме
потэ. Мультфильмъёс, видеоблогъёс
пыр нылпи дуннеен
тодматске. Со материалэз
быр йыса пичиен-пичиен
сётӥд ке, отын номыр уродэз
ӧвӧл. Кылсярысь, мультфильмъёслы
луыса Захар тодэ ни
англи кылын но лыдпусъёсты,
буёлъёсты но куд-ог глаголъёсты.
Малы тае уд куты, асьме
блог лэсьтыку но?
Озьыен, Захарен ӵош
видео блог лэсьтыны мылкыды
кемалась пӧзе вал ни.
Инмар кылэм, лэся: учкисько
но, «Куара» огазеяськон усьтэ
«Аныкай» медиамастерскойзэ.
Отын, пе, удмурт анай-атайёс
нылпи видеоблог лэсьтыны
дышетскозы. Гожтӥськи. Уго
мылкыд борды тодон-валан
кулэ на. Кызьы снимать кароно
видеоблогез? Кыӵе аппаратура
кутоно? Кызьы программаосын
ужано? Телефонэ нуналлы
быдэ тус уськытъяськомы,
Анай-атайёс кылдыто удмурт видеоблогъёс
Удмурт анай-атайёс видеоблог лэсьтыны дышетско.
Пиналъёслы занятиос ортчо удмурт кылын.
видео лэсьтӥськомы ке но,
аппаратмы сярысь троссэ ум
тодӥське вылэм! Тае валай
нырысетӥ занятие вуэме бере
ик. Телефонын видео лэсьтыны
милемыз дышетэ «Куара»
огазеяськонлэн кивалтӥсез,
клипмейкер Владислав Степанов.
Ма сярысь верано?
Пумиськылӥськомы арнялы
быдэ Ижысь Ф. Васильев
нимо библиотекаын. Анайатайёс
дышетскыку, пиналъёс
я мультфильм лэсьто, я
удмурт эктонъёсты дышето,
суредасько. Та нуналъ ёсы
анай-атайёс асьсэ видеоблогъёссы
бордын ужаны кутскизы
ни. Кылсярысь, Алексей
но Екатерина Софроновъёс
Ксени нылынызы пиналъёслы
удмурт шудонъёсты возьматозы.
Ирина Вахрушева
Аделина нылыныз киужен
вырозы, суредаськозы. Ми
Захарен леголэсь пӧртэм роботъёс
лэсьтыломы, озьы ик
пиналъёсын удмурт кылэз
дышетомы, нырысь ик цифраосты,
буёлъёсты, пудо-животъёсты.
Оглом вераса, кин
мае яратэ, сое ик возьматэ!
— Котькудмы та проектэ
кыӵе ке малпанэн лыктэмын,
— вера Екатерина Софронова.
— Алигес вераськи
Санкт-Петербургысь эшеным.
Верай, Ксени нылы садикын
курадӟегес шуыса, малы ке
шуоно удмурт вераськемзэ
воспитательёс уг валало… Эше
туж паймиз: ми доры куное
вуылыса, со малпам вылэм,
шаерамы ваньмыз удмурт кылэз
тодо шуыса. Собере мон
эшшо но золгес малпаськонэ
уси, малы ми, Удмуртиын
улӥсьёс, удмуртлыкез калык
пӧлы вӧлмытыны ум тыршиське?
Луонлыкъёсмы вань
ук… Мынам кемалась мар ке
лэсьтэме потэ вал ини удмурт
нылпиос понна. Сое, мае мон
трос калыке, паськыт дуннее
вӧлмытыны быгатысал. Блогинг
али вакытэ улонын золгес
но золгес юнма. Соин выль
сямен ужаны дышетсконо.
— Ми малпамы, «Аныкайын»
нырысь ик Марк пимылы
удмурт кылын вераськись
эшъёс шедьтомы шуыса, —
верало Михайловъёс. — Озьы
ик нылпиенымы ӵош ӟеч видеоконтент
лэсьтыны дышетскомы,
удмурт кылэз нылпи
видеодуннее вӧлмытомы. Ми
малпаськимы, мар пимылы та
вакытэ тунсыко потэ, соин ик
блогамы пиналъёсты спецтехникаен
тодматомы, озьы учкисьёс
милемын ӵош удмурт
кылмес дышетозы.
«Медиамастерская для удмуртских семей «Аныкай» огинлэн «ВКонтакте» бамысьтыз
Вакытлэн ӧраз
«Аныкай» видеомастерскойлэн
сюресэз кутскиз
2019-тӥ арын. Соку,
Йӧскалык политикая министерстволэн
юрттэменыз,
«Куара» огазеяськон котыраз
люказ 15 удмурт анайёсты
но дышетӥз соосты видеоблогъёс
лэсьтыны. «Куара»
огазеяськон Россиысь Президентлэн
грантъёсъя фондысьтыз
уксё утӥз но, уж
азинскиз. Озьы 4 ёросъёсысь
30 семьяос вотэсэ ӟеч фотоос,
видеоос лэсьтыны, текстъёс
гожъяны дышетскизы.
Нош тужгес устоосыз 5 семьяос
практикуме пыриськизы,
тодон-валанъёссэс
эшшо но муромытӥзы на.
— Ми валамы, макем кулэ
та выллем дышетскон анайатайёслы.
Соин ик малпамы
азинтыны ужмес но пыриськимы
Егитъёсын ужанъя
федерал агентстволэн конкурсаз,
вормимы, — вера
грантэз утӥсь, «Аныкай»
проектлэн кивалтӥсез Ольга
Степанова. — Медиамастерской
— со видеоблог лэсьтыны
дышетон инты гинэ
ӧвӧл, со сыӵе инты, кытын
нылпиос ог-огенызы удмурт
кылын вераськыны быгато.
Влад Степанов картэным
ӵош будэтӥськомы Марк
пимес, ми соин анай кылын
вераськиськомы. Потэ, со
мед улоз удмурт кыл пӧлын,
бадӟымъёсын гинэ ӧвӧл, ас
ёзъёсыныз но удмурт кылын
вераськыны мед быгатоз шуыса.
Соин ик «Аныкай» проектын
вань занятиос удмурт
кылын ортчыло. Вакытмы
сыӵе: нылпиос ярато учкыны
видеоблогъёс, соин соос
удмурт кылын туж ӟечесь
мед луозы. Вань удмурт нылпиос
дуннелэн котькыӵе
сэрегаз мед улозы но мед
быгатозы видеоблогъёсты
учкыны.
Оглом вераса, «Аныкай»
медиамастерскойын кылдытэмын
луозы 10 видеоблогъёс.
Озьы шапыкен-шапыкен
блогинг зарезьын кылдозы
удмурт видеосуредъёс. Нош
анай-атайёс но нылпиос одӥг
тулкым вылын уялозы, огогзылы
матынгес луозы. Ми
но Захарен ӟеч видео лэсьтыны,
учкисьёсмылы кельшыны
тыршомы. Шумпотом, куке
кыӵе ке удмурт пинал анаезлы
шуоз: «Мама, возьматы
мыным «Ютубысь» Захарез!»
________
Мария ВЕКШИНА

№42 (25954)
2022-тӥ ар 27-тӥ коньывуон 17
«Палэзян» фестиваль
Мотор эктӥзы!
«Шочмо вож» ансамбльысь пор егитъёс эктӥзы.
«Чипчирган» ансамбльысь егитъёс кубызэн шудӥзы, кырӟазы.
Туспуктӥз Мария ЕМЕЛЬЯНОВА
Коньывуонэ быдэс дуннеын
фин-угор калыкъёслэн
культураоссылы
сӥзем арняос ортчо.
18-тӥ-20-тӥ коньывуонэ
Удмуртиын «Палэзян»
фестиваль ортчиз.
12 ар
Шаерамы фин-угор калыкъёс
2010-тӥ арысен «палэзяло»
ни. Та дыр ӵоже фестиваль
аслэсьтыз туссэ кӧня
ке пол вошъяз, быдэс арня но
кыстӥськылӥз, онлайн амалэн
но Интернетысь «Даур
ТВ» телеканалын потаз. Туэ
фестивалез радъясьёс, Эшъяськон
юртысь ӧнерчиос но
«Шунды» огазеяськонлэн ёзчиосыз,
«Палэзянэз» егитъёслэн
творчествозылы сӥзьыны
малпазы.
Поръёс —
рекорд пуктӥсьёс
Ужрадэз мытӥз «Мотор
калык» ӝыт. 18-тӥ коньывуонэ
вань мылкыд карисьёс
быгатӥзы пор но удмурт калык
эктонъёсын, шудонъёсын
тодматскыны.
Шаерамы улӥсь пор егитъёс
ӝыны ар талэсь азьло огазеяськизы
эктонъя «Шочмо вож»
(«Асьме выжыос») коллективен.
Соос вакчи дыр куспын
пӧртэм ужрадъёсы пыриськыны
вуттӥзы, Удмуртиысь
уно калыкез пор эктонъёсын
тодматӥзы.
«Палэзянлэн» ужрадаз люкаськемъёслы
соос асьсэ быгатонлыкъёссэс
возьматӥзы,
калыксы, сямъёссы сярысь
мадизы.
— Тросэз кожало, вань поръёс
Марий Эл Элькунын уло
шуыса, но со озьы ӧвӧл! Поръёс
пӧртэм улосъёсын интыяськемын,
— вераз коллективысь
артист Данил
Красильников. — Марий Элын
улӥсь поръёсты люко горной
но луговой группаослы, нош
милемыз, палэнын улӥсьёсты,
шундыӝужан палась поръёс
нимало. Ми озьы ик лулчеберетмес
гажаськомы, калыкмылэсь
праздникъёссэ
быдэс Удмурт Элькунэн ӵош
пусйылӥськомы.
Шулдыръяськон дыръя
ик егитъёс тыршизы валэктыны
но возьматыны, маин
шундыӝужан палась поръёслэн
эктонъёссы, шудонъёссы
аспӧртэмесь луо. Кылсярысь,
тодӥськоды-а вал, горной
мариецъёс, бигеръёс сямен,
ӝог, пыдъёсынызы тыпыртыса
экто, луговой поръёс,
уясь юсьёс сямен, ненег экто,
нош Удмуртиын улӥсь поръёс
круген ветлыса эктыны
ярато шуыса? Асьме дӥньын
тужгес но вӧлмемын кандыра
эктонзы, сое пор гозы нимало
на. Та амалзы удмурт
шенлы тупа, но поръёс, сое
эктыкузы ог-огенызы пумиськыса,
ӟечбуръяськыны вутто
на. Тунсыко, пор гозы сярысь
Гиннесслэн рекордъёсъя книгаяз
но лыдӟыны луэ. 2013-
тӥ арын Башкириын ортчем
«Ший кандыра» («Азвесь кандыра»)
фестивальын 2 сюрс
300 метрлы кыстӥськыса кандыраез
эктӥллям. Со тужгес
но трос калыкен эктон шуыса
быдэс дуннелы тодмо луэм.
Эктон эшъяськытэ
Удмурт кун университетысь
студентъёслэн «Чипчирган»
ансамбльзы (дышетӥсь
сы Лилия Леонтьева)
тыршиз люкаськем калыклы
удмуртъёслэсь культуразэс
котыр ласянь возьматыны:
огинэ бичаськизы уйпал,
лымшор, камсьӧр удмуртъёслэн
гуръёссы, эктонъёссы но
шудонъёссы.
Валамон, мастер-классэ
лыктэмъёс вакчи дыр куспын
тыпыртыны уз дыше шуыса,
соин ик «чипчирганъёс» капчи
выросъёсты возьматӥзы. Лыктэмъёс
дотово шумпотӥзы,
арганлэн шудэмез улсын шулдыръяськыны
быгатӥзы шуыса.
Эшшо соосты паймытӥз
кубызлэн куараез, угось кудогез
та инструментэз нырысьсэ
адӟиз.
— Юнме шорысь та ӝытмес
«Мотор калык» шуыса нимаськымтэмы,
— вераз фестивалез
радъясь, Эшъяськон юртысь
методист Алина Чернова,
— ужрадэ, зэм ик, мотор калык
люкаськиз. Ваньзы мыло-кыдо
эктӥзы, пальышась тусъёссы
шоры учкыса, валамон
луиз: калык эктон адямиосты
огазея!
Калык гуръёс но
электрон крезьгур
Ӵемысь бадӟым фестивальёсты
крезьгуро концертъёс
йылпумъяло, «Палэзян» но
пӧртэм ӧз луы. 20-тӥ коньывуонэ
Эшъяськон юртын калык
гуръёс но электрон крезьгур
огазеяськизы.
Учкисьёс азе потӥзы шаерысьтымы
тодмо артистъёс:
Катерина Кенӟали но «Постдукес»
группа. Катерина
аслаз кырӟаменыз но
крезьгуреныз кылзӥсьёсты
йӧспӧртэм дуннее вуттӥз,
мугор ик юзыр-кезьыр
луылӥз. «Пост-дукес» быгатыса
но дӥсьтыса огазеяз кубыз
куараез но вашкала текстъёсты
туала электрон музыкаен.
«Пост-дукесэз» шаерамы ӟеч
тодо ни, мукет элькунъёсын
но калыккуспо фестивальёс
ортчыто ке, ӵемысь «Постдукесъёсты»
доразы ӧтё.
Удмуртъёс возьмато, туала
калык крезьгур котькыӵе луыны
быгатэ шуыса.
Нырысьсэ удмурт сцена
вылэ потӥз Пермь улосысь
Коми-Пермяк округысь «Туригум»
ансамбль. Алина Сайкинова,
Виктория Лунегова
но Снежана Радостева быдэсъяло
коми-пермякъёслэсь
калык кырӟанъёссэс, туала
электрон аранжировка лэсьтыса.
2021-тӥ арын группа
аслэсьтыз нырысетӥ альбомзэ
поттӥз, нош 2022-тӥ арын
«Потешки» кырӟанзылы
клип пӧрмытӥз.
________
Мария ЕМЕЛЬЯНОВА
«Тангыра» фестиваль
Сцена вылын чузъяськоз рок
Толсуре егитъёслэн этнокультуразылы
сӥзем
«Тангыра» фестивальын
кырӟалозы Москваысь
«Калевала» но Ижкарысь
«Боболенин»
группаос.
«Тангыра» фестивале асьсэ
сямъёссэс, культураоссэс
возьматыны Россиысь пӧртэм
калыкъёс люкаськыло.
Туэ фестивалез улонэ
пыӵатыны Эшъяськон юртлы
но егитъёслэн «Шунды»
огазеяськонзылы юрттэ Президентлэн
лулчеберет удысысь
кичӧлтонъёсъя фондэз.
«Тангыра» нырысьсэ
кӧня ке нунал ӵоже мыноз:
2-тӥ толсуре вань мылкыд
карисьёс Эшъяськон юртын
быгатозы туала этнодизайнеръёслэсь
коллекциоссэс
учкыны (0+), 3-тӥ
толсуре Ижысь «Пинта»
клубын пӧртэм улосъёсысь
10 крезьгуро группаос
кырӟалозы (16+), нош
4-тӥ-6-тӥ толсуре «Империя
грёз» кинотеатрын калык
культураослы сӥзем вакчи
киноосты возьматозы (0+).
Фестиваль таяз арын
но радъяськоз шуыса ивор
вӧлмыса вуттӥз гинэ, калык
юалляськыны кутскиз: кин
«Тангыралэн» крезьгуро люкетаз
луоз? Радъясьёс, кылем
арын сямен ик, малпазы
ӧтьыны быдэс Россилы тодмо
но шаерамы азинскись группаосты.
Озьы дорамы вуоз Москваысь
«Калевала» группа.
Туэ солы 15 ар тырме ни, та
дыр ӵоже со Россиын гинэ
тодмо ӧз луы ни, кунгож
сьӧрын но творчествозэс
гажасьёс трос. Соос фолкметал
жанрен шудо, пӧртэм
калык инструментъёсты
уже куто.
Нош Удмуртиысь «Боболенин»
группа фестивале
2 пол пыриськылӥз ни,
кырӟаны кутскыкуз, калык
гижыр! гинэ сцена пала вамыштэ.
Соин ик радъясьёслы
кема малпаськоно ӧз луы,
«боболенинъёсты» ӧтёно-а,
ӧвӧл-а. Котькуд ар «Тангыраын»
пиос кылзӥсьёсты
паймытыны тыршо: тодмо
удмурт кырӟанъёслы каверъёс
лэсьто, выль кырӟанъёссэс
быдэсто.
Фестиваль сярысь пырпочгес
тодыны луоз Эшъяськон
юртлэн сайтысьтыз
но «Тангыра» фестивальлэн
«ВКонтакте» бамысьтыз.
________
Мария МИХАЙЛОВА

№42 (25954)
18 2022-тӥ ар 27-тӥ коньывуон
Йӧспӧртэм
Сьӧдкырныжлэсь чебер
тылобурдо ӧвӧл
Книга ӝажы
Пичи верос —
бадӟым
пуштрос
Туала вакытэ маркаосты
люканэн нокин уг ни
выры. Со интые егитъёс
окто хагги-вагги шудонъёсты,
скрепышъёсты...
Ижысь 15 аресъем
Ярослав КИЛИНЛЭН
коллекцияз 244 пӧртэм…
тылобурдо тылыез.
— Мар бордысен кутскиз
тылобурдоосын тунсыкъяськонэд?
— Пичиысен пӧйшуръёс
сярысь тросгес тодэме потэ
вал. Туж кельшылӥз нымыкибыосты
эскерыны, пӧртэмлыксэс
чакланы. Кылсярысь,
огвакытэ бубылиослы синмаськыса
улӥ, собере чонариослэсь
ӵыдэме уг луы вал.
Нош одӥг учыр бере сюлэмы
тылобурдоос борды биниськиз.
7-тӥ классын физкультура
урок азьын эшъёсы укное
долказы. Пияла сьӧрын пуке
вылэм нап-ӵуж гадё чебер тылобурдо.
Эшъёсылэн сыӵезэ
адӟемзы ӧй вал, тодэмзы
потӥз, кыӵе тылобурдо со.
Мынэсьтым юазы. Нош мон
тылобурдолэсь нимзэ вераны
ӧй быгаты. Берлогес вотэсын,
книгаосын бугыръяськыса,
тодӥ ини, со палэзь сиись
юбер (дрозд-рябинник) вылэм
шуыса. Со учыр бере тылобурдоос
сярысь тросгес тодэме
потӥз. Тылобурдоослэн
гонзы усе шуыса тодӥ но тылыоссэс
бичаны кутски. Али
«Бёрдинг в Удмуртии» огинлэн
ёзчиез луисько ни, инкуазез
яратӥсьёсын ӵош нюлэскы
потаськом, ӵошатсконъёсы
пыриськиськом, экскурсиосы
ветлӥськом.
— Кызьы тылобурдоослы
синмаськемед уг сылмы?
— Мыным потэ, тылобурдоослэн
нокыӵе шексы ӧвӧл
шуыса. Соос лобаны но, уяны
но, туж шаплы бызьылыны но
быгато. Кылсярысь, быркыт
(беркут), огпол гинэ бурдъёсыныз
шонтыса, туж кыдёке
лобӟыны быгатэ. Пингвинъёс
чорыг выллем ӝог уяло,
нош страусъёс сьӧры уйиськыны
нокызьы уд быгаты.
Тылыосызъя тылобурдолэсь
быдӟалазэ, улон интызэ, висёнъёссэ
валаны луэ. Паймымон
ук!
Арнянунал мон понна — со
5-6 часын ӵукна нюлэскы яке
лудэ потыны луонлык. Мон
Ижысь Ярослав Килин шутэтскон нуналъёссэ
нюлэскын ортчытъяны яратэ.
туж яратӥсько шыпытын ветлыны,
тылобурдоослэсь каръёссэс,
кема пукем интыоссэс
утчаны. Озьы трос иськем
ортчыны быгатӥсько, озьы ке
но со мон понна тужгес ӟеч
шутэтскон луэ.
— Нош кызьы тон валаськод,
кытысь тылы шедьтыны
луоз шуыса?
— Ӵемысь мон ветлӥсько
со интыостӥ, кытысь азьло
тылыосты шедьтылӥ вал ини.
Кылсярысь, Киров нимо паркысь
мон шедьтылӥсько каксяослэсь
(цапля) тылыоссэс.
Нош выль интые вуыкум, утчасько
сьӧсьёслэсь (хищник)
сиськон интыоссэс, тылобурдо
каръёсты. Эшшо тылыос шедё
на трос тылобурдоос ортчем
бере, кылсярысь, шуныт палъёсы
кошкыкузы, нюлэскы яке
луд вылэ шутэтскыны дугдо
ке, тылыоссы усьылыса кылё.
— Кызьы бичам тылыосты
утялтӥськод, кытын
возиськод?
— Бичам материалме,
чылк-чылк сузяса но куасьтыса,
видъёсъя радъясько но
пуйыосы тырисько. Тылыосын
пуйыосты возён понна
мынам контейнеръёсы вань.
Оглом 244 пӧртэм тылобурдоослэсь
тылыоссэс люкай
ини, но котькуд видлэсь мон
одӥг гинэ тылызэ уг возиськы.
Соин тылыосы туж трос,
3 бадӟым контейнере тыремын.
— Кызьы малпаськод,
тынад тылыосыд кыӵе пайда
ваё?
— Тылыосты сяна, мон
кулэм тылобурдоосты но
шедьтылӥсько, соослэсь сульдэръёс
(чучело) лэсьтылӥсько.
Ӵемысь тылобурдоос кулыны
шедё адямиен йырин: кин
ке машинаен лёга, сале, кин
ке пӧйшуракуз ыбе, куд-огез
тылобурдоосты юри быдтэ.
Сыӵезэ ини мынам воксё чидаме
уг луы, тужгес но шер
пумиськылӥсь тылобурдо бырыны
шеде ке. Соку мон шудтэм
учыр сярысь вотэс бамам
гожъясько, Удмурт кун университетысь
специалистъёслы
ивортӥсько. Кылсярысь, туэ
март толэзе тыл езъёс улысь
шер пумиськылӥсь ыгылэсь
(сова) мугорзэ шедьтӥ. Та
шедьтосме, выль Горд книга
лэсьтыку, лыдэ басьтозы.
— Удмуртиысь кыӵе
ёросъёсты пыр-поч эскерыса
вуттӥд ини?
— Трос потай Камбарка
ёросэ, Вотка, Сарапул, Ижкар
котыръёсы. Со сяна, палэнэ
вуылӥсько ке, отысь тылыостэк
уг бертӥськы. Озьы,
Туспуктӥз Михаил КАРЧЕВ
коллекциям сюриз Казаньысь,
Оренбургысь, Ульяновскысь,
Самараысь, Крымысь
материал.
— Вань-а яратоно тылобурдоосыд?
— Оглом вань тылобурдоосты
яратӥсько ке но, нимаз
висъясал сьӧдкучыранэз
(чёрный коршун) но сьӧдкырныжез
(чёрный ворон).
Со туж визьмо тылобурдоос,
тылыоссы туж чебересь, чилясесь.
Шуом, пурыськуакалэсь
тылызэ мон басьтытэк
но кельтыны быгатӥсько ке,
сьӧдкучыранлэсь ноку но уг
кельтӥськы. Озьы сьӧдкучыранлэсь
200-лэсь трос тылыоссэ
бичай ни. Али соос
шуныт палъёсы кошкизы, нош
мон мӧзмисько ни чуньы гырдаллям
кадь куаразылэсь. Нош
сьӧдкырныжлэсь визьмогес
тылобурдоез мон уг тодӥськы.
Быдэс улонзэ со одӥг гинэ
мумы кырныжен ортчытэ,
нош улонэз солэн туж кузь —
ог 20 ар.
Туэ тулыс сьӧдкырныжъёслэн
карзы улысь шедьтӥ турдушеслэсь
(ястреб-тетеревятник)
тылыоссэ. Сыӵе душес
сьӧдкырныжъёс понна туж
кышкыт тылобурдо: со кырныжпиосты
сиыны быгатэ.
Озьыен, сьӧдкырныж турдушесэз
вормыны быгатэм. Со
туж тунсыко!
— Малпаськод-а тылобурдоосын
улондэ герӟаны?
— Ветеринарной колледжын
дышетскыса, тылобурдоосты
эмъясал. Синмаськем
сяна, яратоно пӧйшуръёсылы
маин ке но юрттыны но
быгатӥ ке, мон понна со туж
бадӟым вормон луоз.
— Мария Даницлэн «Эн
ветта» кырӟанэзлэн клипысьтыз
тынэсьтыд тылобурдо
сульдэрдэ адӟыны
луэ. Клипез анаед но учкиз.
Озьыен, тынэсьтыд тылобурдоосын
тунсыкъяськемдэ
дорад умоен лыдъяло?
— Бен, семьяе туж оске мыным.
Кыӵе ке выль уж борды
кутскисько ке, мыным дурбасьто.
Клипысь тылобурдоме
адӟыса, анай туж шумпотӥз,
оглом клипез но ушъяз. Зэмзэ
но, матысь адямиосыд тыныд
оско ке, ачид аслыд но золгес
оскыны кутскиськод.
Ӵемысь асьмелэн
бадӟым книгаосты
лыдӟон понна дырмы
уг окмы. Огпол
кутскыса, быдэс
произведениез
лыдӟемды потэ
ке, синйылтэ Дина
Рубиналэсь «Липовая
жена» (18+)
книгазэ.
Дина Рубиналэн «Липовая
жена» бичетаз пыртэмын
7 верос. Котькудысьтыз
тодманы луэ
астэ, анайдэ, песятайдэ,
бускель кышномурттэ…
Авторлэн геройёсыз
улэпесь, соослэн пӧртэм
шекъёссы вань, урод
сямъёсынызы йырин
соос матысь адямиосынызы
тупаса улыны
уг быгато. Ваньмыз
улонын кадь, номыр но
чеберъяса возьматэмын
ӧвӧл.
Озьы ке но та автор
туж быгатыса возьматэ,
кызьы зэмос яратон
ваньзэ вормыны, зэматыны
быгатэ. Кылсярысь,
паймыса лыдӟоно
«Двойная фамилия» веросэз.
Воргорон валатске,
али гинэ вордскем
пиез мукет пиосмуртлэсь
ваемын шуыса. Со
семьяысьтыз кошкыны
малпа. Шӧдтэк шорысь
кышноез больницае
сюре, озьы воргорон
ки вылаз мурт пиналэн
кыле. Нуныез
бускель кышномурт
доры нонтыны бызьылонъяз,
кутэтъёссэ
миськылонъяз, ганьгань
изись нуны шоры
учкылонъяз, со жаляны
кутске, та пинал аслаз
ӧвӧл шуыса. Пумен
со валатске: кинэ ке
зэмзэ но яратӥськод
ке, нокыӵе могӟетъёс
тыныд уг люкето соин
ӵош луыны.
Бамез дасяз Галина ЕВСЕЕВА

№42 (25954)
2022-тӥ ар 27-тӥ коньывуон 19
Театр
Кыӵе спектакльёсты шудо
Донецкын?
Удмуртиын асьсэлэсь
спектакльёссэс возьматозы
Донецкысь
актёръёс. Россиысь
Лулчеберетъя министерстволэн
«Бадӟым
гастрольёс» программаез
улсын Удмурт
театрын Егитъёслэн
академической театрзы
2 ужзэ пуктоз.
Егит учкисьёс понна театр
Донецк котырысь Макеевка
карын 1971-тӥ арын кылдӥз.
Соку актёръёс но режиссёръёс
азязы одӥг ужпум пуктӥзы —
калыкез классической произведениосын
тодматоно.
Егитъёс понна пуктылӥзы
кунгожсьӧр но ӟуч авторъёслэсь
пьесаоссэс, покчиос понна
возьматылӥзы выжыкылъёсты.
Нош 1990-тӥ аръёсы театр
аслэсьтыз ужзэ паськытатӥз,
отын быдэс оркестр ужаны
кутскиз, балетной группа
кылдӥз. Со дырысен уно
спектакльёсты актёръёс
улэп крезьгур шудэм улсын
быдэстылӥзы. Та вакытъёсы
«Человек из Подольска» спектакльын возьмато,
кызьы идеальной полицейскойёс допрос ортчыто.
дасям спектакльёс али но учкисьёсты
шумпотто.
Ӝыны дауръем историез
ӵоже егитъёслэн театрзы уно
фестивальёсы пыриськылӥз,
пӧртэм шаеръёсы гастрольёсын
вуылӥз.
Театралъёс уг кышкало
экспериментъёс борды
басьтӥськыны, берло вакытэ
классикаез, туала учкисьлы
матынгес карыса, пукто,
режиссёръёслэсь йӧспӧртэм
малпанъёссэс улонэ пыӵато.
Али театрын 52 актёр шудэ,
пӧлазы арлыдоос но, егитъёс
но вань.
7-тӥ шуркынмонэ асьме учкисьёсмы
азьын соос шудозы
Николай Лесковлэн «Левша»
повестезъя спектакльзэс (16+).
Донецкысь егитъёслэн академической элькун театрзылэн «ВКонтакте» бамысьтыз
Асьсэос актёръёс солэсь жанрзэ
«драматической фарс»
шуо. Татын выжыкыллы укшась
учыръёс огшоры улонэн
герӟасько, адямилэн лулыз,
пуш дуннеез усьтӥсько. Спектакль
малпаськыны косэ кадь:
котькуд адями вордскем шаерезлэсь
улонзэ воштыны быгатэ.
Нош 8-тӥ шуркынмонэ театр
ӧте учкыны «Человек из
Подольска» (16+) комедиез.
Со пуктэмын Дмитрий Даниловлэн
2018-тӥ арын гожтэм
пьесаезъя. Спектакльын актёръёс
тыршо возьматыны,
кызьы полиция идеальной
улонын ужасал. Татын полицейскойёс
йыртэмасьёсты
гинэ уг уйыло, соос адямиослэн
улоназы ӟеч малпанъёсты
пыӵатыны тыршо. Офицеръёс
но сержантъёс ӟеч крезьгур
кылзо, визьмо книгаосты
лыдӟо... Одӥг пол отделениязы
Подольскысь йыртэмась
сюре, соин допрос психологической
шудонлы пӧрме...
________
Мария МИХАЙЛОВА
Студентъёс
Выль эшъёс, дышетӥсьёс
УдГУ-ысь Удмурт кылосбуръя, финно-угроведениея но
журналистикая институтын дышетскись Иван Перевощиков.
Иван Перевощиковлэн архивысьтыз
Нырысетӥ курс капчиен
уг сётӥськы: выль
эшъёслы, дышетӥсьёслы
дышоно, общежитие
интыяськоно, коньдондэ
валаса кутоно.
Шуг-секытъёс сярысь
вераськи вуоно журналистэн
— Удмурт кун
университетысь Удмурт
кылосбуръя, финноугроведениея
но журналистикая
институтын
дышетскись Иван
Перевощиковен.
— Быдэс толэзьзэ университетын
дышетскиськод
ни. Секыт-а вал параослы
дышыны?
— Нырысь туж секыт
вал: выль предметъёс, кудогъёсыз
огвыллем нимасько,
соин сэрен паймоно, кыӵе
тетрадь дасяно, кудаз дорысь
уж лэсьтоно. Толэзь ортчиз
ни, табере валасько, кызьы
студентъёслэн расписанизы
радъяське, табере эскероно,
кызьы дышетскеммы дунъяське.
Оценкаос татын ӧвӧл
ук — нош семестр ӵоже предметъёсъя
баллъёс люканы
кулэ.
— Ма сярысь малпаса,
универститетэ пырид?
— Потэ вал асме возьматэме,
ӵош дышетскись эшъёсы
но, дышетӥсьёсы но монэ
мыло-кыдо адямиез сямен
мед тодозы. Мон котьмае
быгатӥсько, трос тодӥсько,
соин ик, дышетсконын сяна,
асме пӧртэм ужрадъёсын но
эскереме потэ.
— УдГУ-ын трос фестивальёс
ортчыло, проектъёс
улонэ пыӵало.
— Татчы дышетскыны пырыкум,
кылылӥ ужрадъёс сярысь,
тодӥ, мар со студсовет.
Соку ик малпай, студсоветлэн
Конкурс
Урок яке пара?
ужаз пыриськыны кулэ шуыса.
Студент вакытме туж тунсыко
но пайдаё ортчытэме,
котькытчы вутскеме потэ.
Школа бере выль дышетскон
графиклы дышисько ни, озьы
ик ужрадъёслы но дыр шедьтыны
тыршисько.
Блиц
— Университет яке школа?
— Университет.
— Урок яке пара?
— Пара.
— Класс яке аудитория?
— Аудитория.
________
Андрей АНТОНОВ
Вуоно журналистлэсь валэктонъёссэ лыдӟыса, валаны луэ,
со студент улонэ зымиз ни шуыса: университетлы дурбасьтэ,
школаезлэсь чик уг мӧзмы, лэся.
Нош тон? Капчиен-а сётӥсько нырысетӥ толэзьёс? Кыӵе
серемес учыръёс кылдыло? Мар тужгес но зол сюлмаськытэ?
Гожтэ милемлы! Чидатэк возьмаломы нырысетӥ курсын
дышетскисьёслэсь заметкаоссэс, стендапъёссэс, комиксъёссэс,
мемъёссэс. Вуоно номерын соосты лыдӟисьёсмы доры вуттомы.
Ужъёстэс возьмаломы 15-тӥ шуркынмонозь
dart.gazet@yandex.ru электрон адресъя.

№42 (25954)
20 2022-тӥ ар 27-тӥ коньывуон
Адӟытон
Туспуктэмлэсь висъяны шуг
Андрей Тепин.
Пичи Пурга ёросысь
Вуж Мӧнья гуртысь
Андрей Тепин суредаськыны
кутскиз ручкаез
кияз возьыны дышемез
бере ик. Тросэз пиос
сямен ик, нырысь со
тетрадяз машина суредалляз.
Али Андрей 3D графикаен
вырыны кутскиз, со сяна,
2 арлэсь кемагес мугоръёс
вылэ суредаське ини — татумастер
луыса ужа.
Андрей реализм амалэн
суредаське.
— Мыным кельше котькуд
пичи деталез адӟытыны, котькуд
буёлэз синйылтыны, — вераз
Андрей. — Со медитация
выллем. Нош бӧрысь ужъёсы
шоры учкисько но малпасько,
кӧня дырме но кужымме
быдтӥсько шуыса.
Татуировка лэсьтыны Андрей
кутскиз 2020-тӥ арын,
азьланяз аслэсьтыз тату-салонзэ
усьтыны ӧдъя. Нош аслаз
мугораз суредэз ӧвӧл на.
Йырам тупась суред ӧз кылды
на, шуэ пияш.
— Котькуд нунал турттӥсько
быгатонлыкъёсме волятыны.
Но выльзэ но утчам
потэ, — вера Андрей, — потэ
на дӥськут вылын суредаськеме,
3D графикаен персонажъёсты
кылдытъяме.
Суредаськисьлэн малпамезъя,
адямилэн трос быгатонлыкъёсыз,
но соосты
азинтон понна кулэ трос ужаны,
трос дырдэ быръем удысэдлы
висъяны.
— Суредаськыны кутскисьёслы
умой луысал теориез
дышетыны: колористикаез,
анатомиез валаны, суреданы
сое, мар борды сюлэм кыске,
— дэмла Андрей. — Ачим мон
ИжГТУ-ысь Лэсьтӥськонъя но
архитектурая институтэз йылпумъяй.
Экспериментъёслэсь
но кышкано ӧвӧл, соос бордысь
маке но вылез, аспӧртэмлыкоез
вордӥськыны быгатэ.
________
Мария ДМИТРИЕВА
Суредаз Андрей ТЕПИН
«Дартэ» юанъёсын, дэмланъёсын вазиськоно
73-33-42 телефон номеръя.
Материалъёстэс, туспуктэмъёстэс, суредъёстэс ыстэлэ
электрон почтае dart.gazet@yandex.ru.