bereket №9

Бакча возисьёслы,
кибашлыослы
сӥзем газет
13
Калык чакланъёс
Октябрьлэн нырысетӥ
нуналъёсаз кӧс но
шуныт возиськиз ке,
тол бер вуоз.
________
Октябре кыӵе нуналэ
лымы усиз, апреле со
нуналэ ик тудву люкаськыны
кутскоз.
________
Куаръёс кема уг усё —
тол шуныт луоз .
________
Пӧртмаськон
Сӥзьыл сямъёс,
йылолъ ёс пӧлысь
нимысьтыз висъяське
Пӧртмаськон. Сое туала
Сюмси, Ува, Сьӧлта,
Якшур-Бӧдья ёросъёсын
улӥсьёс гинэ пусъё
вал. Та праздникез
Пукрол бере ортчыто.
Сьӧлта ёросысь Лудӟи-
Ӝыкъяын праздникез
ортчытонэ уногес
пыриськылӥзы егит
воргоронъёс. Куд-огез
«урыс шуккись» — йылоллэсь
радзэ утись —
луылӥз: кин шулдыръяськонэ
уг пыриськы, уг
кырӟа яке вазьгес кошкыны
выре, сое урысэн
«куноятылӥзы».
Нылъёс, юри та ӝытлы
шуыса, куро шляпа
лэсьтылӥзы. Сое ӟазег
тылыен, басма юдэсъёсын
чеберъяло вал.
Праздникез шулдыртӥсьёс
котькуд группалы
(отчы 3-4 мурт
пыре) быдэн одӥг
шляпа дасяло. Котькуд
группа коркась кор ка
пырам бере со шляпаосты
«урыс шуккисьёслы»
сётылӥз
— соосты вуоно арозь
утьыса возьыны.
Праздник ӝытпал
кутскылӥз. Кыстӥськылӥз
ӵукнаозь — вань
коркаосты ортчытозь.
Котькуд коркан лыктэмъёсты
витьыса
улӥзы: ӝӧк кышет
вӧлдылӥзы, аракы
поттылӥзы.
Котькуд корка
пырон нергелэн
аспӧртэмлыкез вал: со
кӧня ке люкетлы люкиське,
котькуд люкетлэн
— аслаз крезьгурез.
Крезьгуръёс таӵеесь:
корка азьын кырӟан,
корка пырыку кырӟан,
ӝӧк сьӧрын кырӟан,
эктыку кырӟан, коркась
Дасямын В. Владыкинлэн но
С. Виноградовлэн «Удмурт
оскон» книгазыя
Фермеръёс
Музъем вазь султэмез яратэ
Алнаш ёросысь Шудьяысь Владимир Конькин фермерлэн
бакчаяз но, бусыосаз но емышез удалтӥз.
Алнаш ёросысь Шудья
гуртысь Владимир
Конькин 2015-тӥ арысен
фермер луэ. Урожайлы
таӵе бусьтыр ар
ӧй вал на, шуэ.
Владимир Анатольевич
тулыс курдаса учкылӥз бусыосыз,
бакчаез шоры. Зорыса
улэмен, кизён-мерттон
ужъёс трослы ӝегазы. Но
отӥяз шуныт кариськиз но,
турын, ю-нянь, емыш чебер
быгыльскизы. Тыкваосыз
гинэ но ӝутыны вормонтэм
будӥзы.
— Участокысьтымы музъеммы
туж алама вал, — вера
Владимир Конькин. — Куро,
луо, пул пызь — арлы быдэ
отчы мае но ӧм кисьталэ,
пайдаез ӧз луы. Тазьы трос
емыш уд басьты шуыса,
вань люкаськем кыедэз, бусыосы
поттатэк, 4 ар ӵоже
бакчае пазямы. Нюр интыосаз
1 метр ӝужда таш-таш
вӧлдӥмы. Али бакчамы ческыт
сюдэ ни, син медаз
усьы. Емыш бичаськод но,
сюлэм шумпотэ. Азьвыл
тыква кисьма ке, пудолы
яралоз ай, шуисько вал. Али
скалъёслы сётыны жаль —
кышное солэсь туж ческыт
сок пӧзьтэ, огез но арам уг
луы. Нырысьсэ сокез веръяме
бере дышымтэ вылысь
абдрамон йӧтӥз вал, нош
табере огез банка буша, мукетыз.
Нылпиос но яратыса
юо.
Фермер нуналлы быдэ 5
часысен пыд йылаз. Сотэк
музъемед уз сюды, шуэ. Ачиз
ик быръе, кудзэ картошкаез
мерттоно, кудзэ ӧвӧл. Туэ 7
сорт мерттӥз вал, кайталы
4-зэ кельтӥз. Конькинъёс
котьку бер вуисьсэ мертто.
Туэ 26-тӥ сентябре гинэ ай
октыса быдтӥзы.
— Калык юа ни вал, кызьы,
пе, сюлэмыд, бакчаяд потатэк,
чида, — серектэ Владимир
Анатольевич. — Тросэз
вазь вуись сорт мерттӥзы но,
кӧс куазен со ӧз буды, векчи
кылиз. Нош милямезлы быгыльскыны
дыр вал на. Бер
вуэменыз, мукет бусы ужъёсты
но лэсьтыны вуттӥ на.
Азьвыл калык рад вазь вуисьсэ
мерттӥськомы вал, но
со ю тысь кутсанэн, кыкетӥзэ
турын дасянэн тупалляз, коть
шори пилиськы. Соин но бер
вуисьсэ мерттӥм.
Владимир Конькинлэн архивысьтыз
Владимир Конькинлэн 40
гектар аслаз музъемез, эшшо
180-зэ гуртоослэсь пайзэс
арендае кутӥз. Севооборотсэ
но ачиз ик чакла. Пичи интыысь
тросгес урожай басьтоно,
шуэ. Ужез пумтэм. Бордаз
пиосыз но, нылъёсыз но,
эмеспиосыз но юрттӥсько.
Кылем арын сярысь, туэ ю
тысь 2 поллы тросгес люказы:
гектарлы быдэ 32 центнер
луиз. Складзы тырмемен,
гидкуазязы но юзэс
кисьтазы. Но кытчы карыны
уг ёрмо: музъем пай понна
но гуртоослы люкылӥзы, пудозэс
но толбыт сюдоно ай.
— Али бусы ужъёс быризы
ни, — пусъе фермер. —
Гыроно, удобрение гинэ на
поттоно. Сӥзьыл ми ум кизиське.
Озимойёс арлы быдэ
уг удалто. Вазь вуизы ке,
утялтыны но шуг луоз. Музъеммы
пичи бере, комбайн
артысь колхозъёсысь гинэ
пунэмаськом. Араз 3 нунал
ужатыны комбайн дуно дунын
уд басьты, тӥяськиз ке,
ваньбур поттэмедлэсь трос
уксёед тупатыны кошкоз.
Трактор но туж дуно. Фермере
кутскыкум, 600 сюрс
манетэн трактор басьтӥ вал,
али со 2,5 миллион манетозь
вуэмын ни, вӧзаз погрузчикез
ог 300 сюрс манет тыр
луоз на. Басьтыны малпаськомы,
сотэк трос уд лэсьты.
Выль сеялка но басьтӥмы.
Кыӵе ке сыӵе техникаед вань
ке, бускель колхозлы но юрттыны
луэ, со но милемлы
пудо сиёнэн юрттэ. Валче
ужаса ик капчи.
Конькинъёс 100 йырлы
ферма пуктыны чаклало.
Туэ ик пуктӥськыны медо
ни вал, но тыл езъёс кыскыны
документъёсын быдэс
ар бызьыло ни. Электричествотэк
бетон сураны но,
сваркаен ужаны но уг луы.
Экскаватор но шедьтыны
секыт — бадӟым хозяйствоосы
шумпотыса мыно, нош
фермеръёс дӥне уггес лыкто.
Таин сэрен ужъёс но ӝегало.
— Уж пӧрме ке, шумпотоно,
нуналлэсь ортчемзэ но
валаны уг луы, — вера Владимир
Анатольевич. — Ферма
ӝутыны быгатӥмы ке,
ужаны капчигес луоз. Нылпиос
гинэ гуртэ мед кылёзы
ни. Гуртысь кошкись егитъёс
шоры учкыса, соослэн но
городэ кыстӥськемзы потэ.
Пиналъёс понна ужано ук.
________
Елена САРАМАТОВА

№39 (25951)
14 2022-тӥ ар 6-тӥ коньывуон
САД-БАКЧА
Дыр пус
Малы сӥзьыл музъемез уг усыяло?
Ӝытъёс пеймытэсьгес
луизы, кезьыт, зор-кот
усе, тӧлаське… Тани-тани
нырысетӥ лымы усёз. Но
бакчаын ужъёс вань на.
выжызы зол будэ, тол улэ
соос юнмаса мед вуттозы
шуыса, ву кулэ. Музъем кот
ке, выжыос кынтылонъёслы
но уз сётске.
• Октябрьлэн нырысетӥ
ӝыныяз мерттыны луэ на
емышо писпуосты, куакъёсты
— улмопу, грушапу,
эмезьпу, сутэрпу но мукетъёссэ.
Уд талэсь бергес
басьтӥды ке, толлы сое
выдтыса сюе кельтоно. Со
понна бакчаысь ӝужыт
интыез быръёно. Ог 50-60
сантиметр мурда гу копано,
будосэз отчы выдтоно,
выжызэ сюен яке луоен согоно,
ву кисьтоно.
• Трос аръем сяськаосты
люкылыса выль интые
мерттыны луоз на — одӥг
интыын 2-3 арлэсь ятыр
будо ке, сяськазы векчи
кыльыны кутске.
• Кылем-мылем куаръёсты,
модосъёсты компостэ
куштоно. Нымы-кибыос
сюе ватскыса медаз кыле
шуыса, убоосты гудоно.
Бадӟым сюй комокъёсты
эн пыргытэ, сотэк зоркот,
лымы улын музъем
зол-зол лапкалоз, чурыт
луоз — тулыс гудыны но секыт
луоз.
• Одно утялтоно усем куарез,
уката но емышо
Висёнъёс медаз вӧлме шуыса, куаръёсты писпуос улысь утялтоно.
писпуос улысь. Сюрозы,
дыр, «валэктӥсьёс»: куаръёс
интыяз ик сисьмозы,
музъемез кезьытъёслэсь
утёзы. Бен, кезьытъёслэсь
утёзы, но соос улын кӧня
нымы-кибыос, висёнъёс
ганяк толъёзы — вуоно
арын соосты быдтыны секыт
луоз.
• Писпу модосъёсты, зӧк
вайёсты вуж суллэсь сузяно
но тӧдьмано. Сурет
тазьы дасяны луоз: ведра
вуэ 2-3 килограмм
изваска но азьвыл ик быректэм
вуын суралтэм
50-100 грамм медной купорос
ватсано. Сурет нап
йӧлвыл кадь луыны кулэ.
Озьы тӥ улмопуосты, грушапуосты,
чияпуосты но
мукет писпуосты кынмонлэсь
но тулыс шунды улын
сутсконлэсь утёды.
• Куар усён вакытэ яке собере
емышо писпуосты
3 процентъем бордосской
суретэн пазьгоно — со
пӧртэм висёнъёслэсь уте.
Туспуктӥз Вера ШТЫКОВА
Бордосской суретэз асьтэос
но лэсьтыны быгатоды —
400 грамм изваскаез суралтоно
300 грамм медной
купоросэн.
• Одно вандылоно писпуосысь
куасьмем, висись
вайёсты, пичияк басьтыны
луоз умойёссэ но — шератон
вылысь. Вандэм интыосты
зыралтоно садовой
варен яке масляной
краскаен. Эшшо писпуос
улэ пуж-пуж ву кисьтано.
Угось сӥзьыл будосъёслэн
• Октябрь кутсконын чеснок
мерттоно.
• Тросэз сад-бакча возисьёс
тол улэ сад-бакча котырзэс
турнаса кельто, озьы тулыс,
лымы шунам бере ик,
со ӝикыт адӟиське.
• Тол улэ укроп, ӵужкушман,
петрушка кизьыны луоз.
Но та ужен дыртоно ӧвӧл.
Кынтылэмлэсь азьло убо
дасяно, кизьыны чуръёс ог
сантиметр мурда гожмано,
шуныт азе пыртыса сюй
дасяно. Нош кезьытъёс
вуэм бере кизёно, кидысъёсты
дасям сюен шобыртоно.
• Кубистаез октоно кынтылыны
кутскем бере —
+2 градуслэсь кезьыт возиськыны
кутскем бере.
Кӧня ке пол ке но -2 -3 градус
кезьыт улэ шедьылӥз
ке, кубисталэн курытэз
быроз, сылалтыны туж
умой луоз. Зэм, нуназе но
0 градус котыр возиське ни
ке, кубистаез ӝегатскытэк
ӵогоно. Кынмем кубиста,
оло, берытскоз ик на,
но сылалтэм бере небӟоз,
пинь улын уз куажырты ни.
Эскере асьтэос
Роза выжыяськоз... холодильникын
Толлы шобыртон азьын
роза пудъёсты, ог 50
сантиметр кузьда кельтыса,
вандылоно. Нош
егит, небыт вайёссэс
быдэсак ӵышконо —
кезьыт куазен будосъёс
соослы кужымзэс юнме
медаз быдтэ.
Пудъёсты ӵышкем бе ре
сомында умой вайёс куштӥсько!
Нош тодӥсько ды-а:
соосты выжыятыны но вуоно
арын бакчае мерттыны
луоз. Мар кароно со понна?
Вайёсты ог 15 сантиметр
кузьда вандылоно. Медад суралэ
шуыса, соосты сортъёссыя
огазе керттылыны но
бумага вылэ гожтыса кельтыны
кулэ.
Табере пластиклэсь пачкес
посуда, перлит яке вермикулит
(пӧртэмез ӧвӧл),
Луоен перлитэ тырем роза вайёс.
луо но картон, кылсярысь,
курегпуз тырон кассета кулэ
луозы.
Пластиклэсь посудаын
перлитэз (вермикулитэз) луоен
суралтоно (1:3), коттоно.
Отчы тыроно вайёсты,
дӥньзэс сурет луо пушкы
карыса. Табере шобыртоно
картонэн. Вайёсты со тол
ӵоже сьӧдэктонлэсь, быронлэсь
утёз, конденсатэз
бордаз кыскыса. Ваньзэ тае
сьӧд пакетэн бинялтоно но
холодильнике пуктоно. Туж
зол бинёно ӧвӧл, пичи ке но
Картонэн шобыртэм посудаез, пакетэ бинялтыса,
холодильнике пуктоно.
омыр мед пыроз. Картонлэсь
шобретсэ толэзьлы одӥг
пол вошъяно, малы ке шуоно
со котмоз, отчы губи потыны,
перелӟыны быгатоз.
Сьӧдэктыны кутскем вайёсты
куштоно. Перлитэн луоез нош
ик коттоно.
Тулыспал вайёсын выжы
потыны кутскоз. Соосты мерттыны
луоз торфяной таблеткаосы
(лавкаын вузаське) яке перлитэн
тырмытэм стаканъёсы.
Та амалэн ик выжыятыны луоз
мукет будосъёсты но, кылсярысь,
туяосты.
«Записная книжка садовода» огинлэн «ВКонтакте» бамысьтыз
Бамез дасяз Элина КУМАЧЁВА

КУЗЁ
№39 (25951)
2022-тӥ ар 6-тӥ коньывуон 15
Адӟем карымон
Кызьпу арамаын будӥсь янтарь
Кызьы вордске пулэсь чебер тусьты-пуньы
Балезино ёросысь Сергиноысь Владимир Власов кызьпу лёглэсь киужъёс лэсьтылэ.
Владимир Власовлэн архивысьтыз
Балезино ёросысь
Сергино черкогуртысь
Владимир Власов пуэн
ужаны яратэ. Ог 15 ар
ини со пуэз вандэ, пиле,
вӧлэ, сузя. Озьы ки улаз
паймымон арбериос
вордско.
Владимир Андреевич уката
синмаське кызьпу лёглы.
Тодосчиос верамъя, куд-ог
дыръя писпулэн куарпотонэз
бычыяськыны уг быгаты но
сул улын будыны ӧдъя. Кызьпу
лёгзэ сурсвуэныз секта,
озьы со дыртытэк паськыта,
ӝужъе. Соин лёг, огласянь,
туж чурыт луэ, мукет ласянь,
паймымон пужыен шобырске.
Кызьпу лёг 2 пумо луэ:
ӟуч кылын соосты кап но сувель
нимало. Сувель ӵемгес
пумиськылэ Удмуртиысь но
Киров улосысь арамаосын.
Кызьпу лёгез мастеръёс
утчало вуж тэльёсысь. Уго,
бадӟым луытозяз, со кема
дыр ӵоже будэ. Лёгез утчаны
Владимир Власов потэ кызьпуослэн
куаръёссы усем бере.
Озьы трос лымы валиськытозь,
арамаын лёг утчаны дыр
вань.
— Берло дыре, та материалэн
ужамме тодыса,
кызьпу лёгез мыным
басьтыны ӵекто. Мон талы
шумпотӥсько, уго арамаетӥ
котыръяськонлы трос дыр
быре, — шуэ мастер.
Огпол усточилы 1 метр
быдӟа кызьпу лёг вайизы.
Солэн секталаез ог 700 килограмм
вал. Владимир Власов
лёглы туж синмаськиз ке но,
соин ужаны быгатӥз ай, 1 ар
ортчыса гинэ. Пулэн, пе, сурсвуэз
потэ на, соин кызьпу лёглэсь
куасьмемзэ витёно луэ.
Кызьпу лёгез кибашлы куасьтэ
кӧс но салкым интыын, тӧл
но медаз шедьы. Вандылыса
дасям пу юдэсъёсты со одно
ик етӥн вӧен зыра — со понна
вӧез пӧсь луытозяз шунтэ,
собере пуэ кӧня ке полэс
пыӵатэ. Соку посудалэн буёлэз
пеймытгес луэ, янтарьлы
укшаны кутске.
Огшоры пуэн ӵошатыса, та
материаллэн туж паймымон
суредэз. Сое волятыны но
туж тунсыко. Пул пызь улын
усьтӥсько паймымон гожъёс
но кульчоос.
— Кызьпу лёглэсь азьло
трос сувениръёс лэсьялляй.
Берло дыре кутски посуда
борды: усто пӧрмо пуньыос,
тэркыос, сылал тыронъёс, менажницаос.
Таӵе арбери уз но
тэшка, уз но пилиськы. Векчигес
арбериосты куасьтыны
луэ микроволновой гурын
но. Нош бадӟым тусьтыослы
дыртытэк ас понназы куасьмыны
дыр сётӥсько, — вера
Владимир Андреевич.
Мастер усто пӧрмытэ пулэсь
мукет арбериосты но.
Кылсярысь, погыльтон яке
вӧш лэсьтэ огшоры кызьпулэсь
но. Нош кызьпу лёглэсь
дасям арбери кема дыр ӵоже
пулэсь зынзэ возе. Тусьтыпуньы
улонын нуналлы быдэ
кутӥськиз ке но, тусыз шӧтэм
уз луы. Зэм, ӵемысь таӵе арбери
шоры учкем гинэ потэ —
сое сиён-юонэн саптаны
дӥсьтон уг тырмы.
________
Елена СКВОРЦОВА
Чорыган
Нумыр интые — легезьпу?
Шуръёсын ву кезьытгес
луиз ни, соин ик
чорыгъёс но асьсэдыз
мукет сямен возьыны
кутско. Дыр вуиз чорыган
амалъёсты воштыны.
Табере гужем кадь ярдурын
уд пукы ни. Уясьёсты
утчаса, тымет котыртӥ, шур
кузя ветлоно, пӧртэм интыосты
эскероно луоз. Та вакытэ
чорыгъёс шур пыдсы кошко,
ватскыса уло, ӧжытгес сиськыны,
вырыны кутско, оглом
вераса, буйгало. Соин сэрен
соосты кутыны секытгес луэ,
шергес сюро ни карась, гордсин,
карп… Лещ мур вуосы
кошке, соин ик сое кутон понна
туж тыршоно, шур пыдсысь
гопъёсты утчано луоз. Та
вакытэ чорыгъёсты гочатыны
дэмлало нымы-кибыосын,
опарышен.
Ачим сӥзьылзэ ӵемгес чипейлы
ветлӥсько. Спиннинген.
Та сьӧсь чорыг сентябрь
пумын сиён утчаны кутске.
Гуртэтӥм кошке шур, кудог
интыосаз со паськыта но
лазег возиське, силёез трос,
тодӥсько, ӵапак таӵе «каръёсты»
чипей яратэ. Тыметмы
доры но васькисько ке, ӵапак
сыӵе интыосты утчасько. Чорыгез
гочатӥсько блеснаен,
воблеръёсын, пӧртэм буёло но
зыно силикон чорыгъёсын. Но,
жаляса верано, асьме тыметъёсмы
туж зол кырсёмемын,
соин ик чорыган тӥрлыке,
чипей ыме сюрем интые, ӵемысь,
лӥял борды дэмӟыса яке
вутурын пӧлы ӟугаськыса, ву
пыдсы кыле. Соку сюлэм ик
чигиське.
Тыршисько котыръяны
мукет гуртъёсты но, утчасько,
кытын меда чылкытгес
тыметъёс вань. Одӥгез соос
пӧлысь дорысьтым кыдёкын
ик ӧвӧл. Отчы ветлыса, утчало
ай выль чорыган амалэз,
сое мыным эше али вераз.
Чипеез гочатон понна курике
легезьпу, пе, дэмӟытӥсько.
Та сярысь нокытысь кылэме
ӧй вал на, соин ик эскери ке,
одно ик тӥледлы но верало.
Выльысь пумиськытозь!
________
Пётр ПЕТРОВ

№39 (25951)
16 2022-тӥ ар 6-тӥ коньывуон
КИБАШЛЫОС
Адӟем карымон
Мылкыд киуж борды пыӵа
Якшур-Бӧдья ëросысь
Альман гуртын вордскем
но Краснодар
палан улӥсь Любовь
Дзюина уйёсы уг изьылы
— абажуръёс пунэ.
Дась арбериоссэ келям
ини Москва, Санкт-
Петербург, Краснодар,
Ставрополь, Ростовна-Дону,
Сочи, Анапа,
Алушта городъёсысь
эшъёсызлы.
Малы одно абажур? Малы
сое одно бумагалэсь дасяно?
— та выллем юанъёсты
Л. Дзюиналы тодмоосыз,
ӵыжы-выжыосыз, эшъёсыз
сётъямысь уг дугдыло. Ваньзылы
паймымон: кызьы огшоры
бумагалэсь сыӵе мудрон
арбери лэсьтыны луэ?
— Киужен пичи дырысеным
вырисько, — вера нылкышно.
— Школаын дышетскыкум,
ваньзэ киужъёсты
эскерыса вуттӥ: керттӥськи,
чильпаськи, пужъятски, вуриськи,
ыж гон гындӥ, бисерен
пунӥсь ки, куиськи,
чильтэр дасялляй (фриволите)...
Та пӧлысь огез но
сюлэмам малы ке зол ӧз биниськы.
2020-тӥ арын пандемиен
сэрен ужтэк кыли.
Ваньмон дыры трос луиз.
Малпаськыны кутски: мар
борды басьтӥськоно? Огпол,
Интернетын бугыръяськыкум,
мастер-класс
вылэ ӝими. Отын бумагалэсь
абажур пуно вал.
Ужамзылы сыӵе синмаськи,
сыӵе гочай! Малпай: мыным
но эскероно!
Краснодар улосысь Любовь Дзюина но солэн абажуръёсыз.
Малпамын — лэсьтэмын.
Нылкышно курсъёс пыр
потӥз. Пӧртэм арбериосты
пуныны дышиз. Табере 3
арлэсь ятыр ини, бумагаен
сяна, кутаське бадьпу
ньӧрен, шпагатэн, езэн, ротанген,
джутэн, куасьтэм
сяськаосын, пуэн...
— Бадьпу ньӧрен ӵошатыса,
бумагаез куасалляны
капчигес, — шуэ Л. Дзюина. —
Светильникъёслы, торшеръёслы
абажуръёс гинэ уг лэсьяськы.
Алигес, кылсярысь,
няньлы, дӥсьлы куды дасяй,
валесэлэсь берзэ пунӥ — чебер
но аспӧртэмлыко адске.
Уг ваты: киужъёсылы эшъёсы
синмасько. Вылысьтыз
вылаз созэ я тазэ лэсьтыны
куро, соин ик ӵемысь уйёсы
но пунӥськыса пукылӥсько.
Л. Дзюина уг яраты, киужен
вырыкуз, солы люкето
ке. Ярам, нылыз бадӟым
ини — туэ 11 арес тырмиз.
Анаезлы юрттӥське. Угось
пунӥськемлэсь азьвыл бумага
гумыос лэсьтон бордын
трос выроно: клеен зырано
— куасьтоно, морилкаен
буяно — куасьтоно, грунтовкаен
шобыртоно — нош куасьтоно.
— Огез эше кафеын тырше.
Абажуръёсме адӟиз но
монэ онгромытӥз — кафелы
42-сэ пуныны косӥз!
Соку амалтэк уй но, нунал
но ужано луиз. Но паймоно
кадь: ӧй но жадьы, ӧй
но акыльты. Киужен вырыны
мылкыды эшшо но зол
пуромиз. Туннэ шутэтскон
минутъёсы кылдо ке, соку
ик пунӥськон борды кутскисько,
— вера кибашлы.
Любовь Дзюина ассэ крезьгурасьёсын,
суредасьёсын
ӵо ша тэ. Кызьы соос, кырӟан
гожтыкузы, суред лэсьтыкузы,
ӝутскем мылкыдын ветло —
мон но, пе, озьы ик лобасько.
— Мылкыд киуж борды
пыӵа. Тыныд шулдыр ке, арбери
но чебер пӧрме, улыны
кужым сётэ. Мылкыд кунэрес
ке, уж но лултэм луэ. Соин ик
сыӵе дыръёсы киужен уг выриськы.
________
Ольга КОРЕПАНОВА
Любовь Дзюиналэн архивысьтыз
Ужан вискын
Гурын пыже... шудон
Вавож ёросысь Выль Бия
гуртысь Ольга Сурчакова
пӧртэм киужен
выре: чильпаське но,
керттӥське но, мунё но
лэсьтэ.
Вордскемын но быдэсмемын
со Можга ёросысь Пазял
гуртысь кибашлы семьяын.
Бабаез но мамаез туж усто
керттӥськыны пӧрмытъязы,
асьсэос ик олокыӵе но пӧртэм
пужыос кылдытъязы.
— Пичи дыръям мамаез
нерад карисько вал, созэ яке
тазэ пужыез пуктыны дышетыны
курыса. Со юртъер котырын
ужа-берга, нош мон
керттӥськон веньёсын, шортэн
сьӧраз гыж-кал ветлӥсько.
Озьы ик тӥни дыши, вылды,
керттӥськыны. Азьло
дӥськутлы ёрмоногес вал
бере, бабаен-мамаен ӵемгес
керттылӥзы семьялы кулэ
Вавож ёросысь Выль Бияысь
Ольга Сурчаковалэн дасям коркакузёез.
луись арбериос: пыдвыл, пӧзь,
изьы, кофта. Нош туала кибашлыос
творчествоен вырыны
быгато ни, шуыны луоз: сюлмыдлы
кельшись арбериосты
пӧрмытъяны кӧня луонлыкъёс
кылдытэмын!
Ольга Сурчакова тырше
«Колос» хозяйствоын зоотехник
луыса. Но ужаз вис
Ольга Сурчаковалэн архивысьтыз
кароно луиз, 3-тӥ пиналыныз
декретын пукиз. Тани-тани
выльысь ужаны потоз, пиез
нылпи садэ вамыштоз.
— Азьвыл аръёсы пӧрмытъям
арбериосы ваньмыз
сямен ик чильпамын, керттэмын.
Нылпи ваёно луи но
калык веранэз тодам вайи:
нуны возьмась нылкышнолы,
пе, керттӥськонлэсьчильпаськонлэсь
возиськоно,
нылпилэн гогыез, пе,
чырты котыраз бинялскоз.
Озьы-а, тазьы-а но, мон огдырлы
керттӥськон веньёсме
палэнтӥ. Но киужтэк кызьы
пукод?! Озьы мон аслым выль
уж усьтӥ — полимерной глиналэсь
олокыӵе но арбериос
лэсьяны кутски. Сяськаос,
пель угыос пӧрмытъяй, кружкаосты
соин чеберъяй. Огаз
Удмуртилэсь кунпуссэ но
пуктӥ. Берлоез пӧлысь тани —
пуштрес йырсиё коркакузё.
Та киужлы Ольга дышетскиз
Интернет пыр. Нырысетӥ
шудонъёссэ но видеоосысь
кадь лэсьтылӥз. Табере ини
быдэсак ачиз малпа-лэсьтэ.
— Полимерной глинаен
ужаны туж лякыт, — шуэ
Ольга. — Со луэ пӧртэм буёло,
небытгес но, чурытгес
но. Коркакузёелэн мугорызлы
чурытсэ кутӥ, киосысьтыз
сяськаосты небытэзлэсь
лэсьтӥ. Гурын ӝыны час пала
пыжи — мунёе чурыт луиз.
Бен, вань ас понназ кынмись
глина но. Но таиз арбериез
лэсьтон-позыръян дыръя ик
чурытаны кутске ни. Соин
ик чиньыосын шаплыгес
ужано луэ. Мыным кельше
нырысетӥез амал. Киуж сюлэмез
буйгатэ, жадёнэз веськатэ.
________
Елена НИКИТИНА

ГИДКУАЗЬЫН
№39 (25951)
2022-тӥ ар 6-тӥ коньывуон 17
Аспӧртэм выжы
Арбыт пузась ӵӧж
Вотка ёросысь Первомайской
черкогуртысь
Вячеслав Иванов ог
30 арзэ ни мускусной
ӵӧжъёсты вордэ.
Аспӧртэм ӵӧжъёс Вячеслав
Семёновичлэн азбараз
Ростов улосысь вуизы: эшез
кузьымлы шуыса, мумы но
айы тылобурдоосты вуттӥз.
В. Ивановлэн, пудо эмъясь ке
но, горд син котырен лоп-лоп
ӵӧжъёсты адӟылэмез вылымтэ
на.
— Тылобурдо вордо шуыса,
ӧй малпалля, — вера
Вячеслав Иванов. — Черкогуртысьтымы
1 сюрс пала
улӥсьёс пӧлысь 20 процентэз
гинэ на курег вордо, ӟазег,
ӵӧж сярысь веранэз ик ӧвӧл.
Пудо бордаз бине угось:
сюдыны, утялтыны кулэ.
Нош магазинысь дась сӥль
басьтӥд, пӧзьтӥд но — ужез
быриз.
Но кунянэз сярысь,
ӵӧжъёсты будэтыны капчигес.
Сӥль кулэ луиз — вандӥд,
возён интылы уд ёрмиськы.
Мон 1993-тӥ арысен семьяме
ӵӧжен сюдӥсько — пыжыса
но, лымын пӧзьтыса но туж
ческыт.
Мускусной мумы ӵӧжъёс
курег быдӟаесь гинэ: 1-1,2
килограммозь будо, айыосыз
3 килограммозь вуо.
Сӥльзы горд, ческыт. Кылсярысь,
пекинской ӵӧжлэн
чиньы зӧкта кӧйыз люкаське,
ветлыны ик курадӟе, нош
таизлэн кӧйыз ӧвӧл. Мукет
тылобурдоос пумтэм сисько,
нош мускусной ӵӧж будытозяз
гинэ зол сиське, отӥяз,
аслыз кулэ луымон сектала
люкамез бере, диетае пуксем
кадь, тыпак сиськемысь
дугдэ. Пичиен-пичиен гинэ
на кокчаське. Ачим но талы
нырысь пайми вал. Эше
ӵӧжъёссэ вайиз но, кар лэсьтытозям
шуыса, атай доры
утялтыны нуи. Кӧня ке нунал
ортчиз но, жингыртэ:
ӵӧжъёстэ кут, кулыса бырозы
ни, номыр но уг сиё. Табере
та сямзэс тодӥськомы ни.
Вячеслав Семёновичлэн
уллёяз ог 100 йыр ӵӧж. Нырысь-валысь
секытгес вал
вордыны. Ваньмыз вордэмъя,
дышемъя пӧрме угось.
— Нырысетӥ араз ӵӧжпиос
туж лябесь вордскизы, уноез
пузаз ик ӝоказ, — шуэ пудо
эмъясь. — Маке умойтэм та,
рос-прос утялтэм вылысь
озьы луыны кулэ ӧвӧл. Эшелы
жингыртӥсько: тон одӥг
уллёысь мумы но айы ӵож ӧд
кузьма-а? Одӥг айы-мумылэсь,
пе. Сыӵе дыръя котькызьы
курадӟы но, тылобурдоос
ӧлексы кадь вордскозы — выжызы
матын. Палэнысь айы
Мускусной ӵӧжъёс трос уг сисько.
ӵӧж басьтӥ но, соку ик таза
ӵӧжпиос ӵогиськизы.
В. Иванов мускусной
ӵӧжъ ёссэ курегъёсын артэ
возе — уг жугисько. Ӵӧжъёслэн
куара-лангазы ик ӧвӧл
— сямзыя лякытэсь, шыпытэсь.
Соос, курегъёс сямен
ик, арбыт пузало. Пузъёссы
курегпузлэсь бадӟымесьгес.
ческытэсьгес, но пӧзьтыса
кӧня ке кӧсгес луо.
Мумы ӵӧжлэсь ӟеч анай
пӧрме: пиосыз понна йырзэ
но быдтоз. Ог 20 пуз вылын
35 нунал пуке. В. Иванов
ӵогиськем ӵӧжпиосты 1-2
нуналлы лампа улэ понэ, юнмамзы
бере ни мумызы борды
берен лэзе — анайзы мурт
уг кары. Нырысетӥ нуналысен
тари кеньырен сюдыны
ӧдъя.
— Ӵӧжъёс туж ярато турынэз,
— вера Вячеслав Семёнович.
— Соин ик толалтэлы
одно ик турын дасясько,
азьысьтызы но пыд улысьтызы
ноку медаз бырылы
шуыса. Асьсэлы кулэ луись
микроэлементъёсты отысь
шедьто. Озьы ик куалялюльыосты
пыргытыса сётъясько
— мугоразы кальций
уг тырмы ке, сьӧдун (рахит)
кылё, артрит, артроз кутске.
Чабей но азьысьтызы
уг бырылы. Комбикормен
но сюдыны яра, озьы ӝоггес
будозы, но комбикорме оломае
но кулэтэмзэ тыро бере,
соин сюдэм уг поты. Аслад
лэсьтэм сиёнэд ик оскымон,
сӥль но ческытгес луэ.
Ӵӧжъёс кезьытэз но мускытэз
уг ярато — черлало.
Соин ик котьку чаклано, улзы
кӧс но шуныт мед луоз шуыса.
Огпол пиосмуртлэн уллёез
трос люкаськиз, гидын
интыез ёркытгес, улзы котгес
луиз, ӟырт кезьытэн пыдъёссы
кынмизы. Кынмемъёссэ
вандоно луиз.
Мускусной ӵӧжъёсты будэтонлэн
капчиез — соослы
ву трос кулэ ӧвӧл. Юыны,
кӧня ке жомбылляськыны
ӝыны метр кузьда тусь
тырме. Мукетъёсыз ӵӧжъёс
ӵыпеттэк висьыны кутско,
пыдъёссы быро. Нош таосыз
пыласькытэк но улыны
быгато. Зэм, лобаны ярато.
Вячеслав Иванов верамъя,
мумы ӵӧжъёс сиськемысь
дугдо ке, со луэ ог 4 толэзьсказы,
бурдъёссэс эскерыны
кутсконо ни. Капчиесь
бере, капка, липет йылтӥ но
лобӟыса кошко. Айыосыз секытэсь,
ӝутӥськыны уг вормо.
Куд-ог кузёос бурдъёссэс
вандыло ик, нош Вячеслав
Семёнович жаля — берен
бертозы, котькинлы дорез
мусо, шуэ.
— Туала вакытэ ӟичыос
кышкыт луэмын, — лулӟе
Вячеслав Семёнович. — Берло
дыре соосын воксё нерад
луиськиз ни. Сыӵе умой
кенераськи кадь, нош ӟичы
олокызьы виссэ шедьтэм, огкутскемаз
кӧня ке ӵӧжелэсь
йырзэ сииз. Соин ик ӵӧж
вордӥсьёслы сак кариськоно,
оло, котыразы пуны но
думоно.
Сӥзьылзэ воргорон ӵӧжъёссэ
теплицае интыяз. Татын
тылобурдоослы майбыр: тӧл
уг йӧты, шуныт. Нош толалтэлы
кар дася ни. Табере
ӵӧжъёстэк улонме син шорам
уг пуктӥськы ни, шуэ. Тылобурдоен
азбар ик шулдыр.
________
Елена САРАМАТОВА
Вячеслав Ивановлэн архивысьтыз
Така кадь кролик
Вотка ёросысь Вылӥ Талица гуртысь Валентина
Смольниковалэн азбараз така (баран) выжыысь ог 100
йыр кроликъёсыз.
Валентина Михайловна животъёс котыре пичиысен
кыстӥське ни. Пӧйшурась атаез сьӧрысь ноку ӧз кыльылы.
Азбар буш шуыса, арлыд люкамъяз сюлэмыз шуг луылӥз.
Соин но 2016-тӥ арын кролик вордыны ӧдъяз. Ошиськем кузь
пелё, такалэн кадь паньгам но паськыт ымныро животъёслы
синмаськиз. Чагыралэс-пурысь буёлоесь, мусоесь...
— Така выжыысь кроликъёслэн мугорзы бадӟым, — шуэ
нылкышно. — Вордскемзы бере 5 толэзь ортчыса, сиыны дась
луо ни. Нош кыӵе мылкыд сёто соос! Нылпиосы котырысьтызы
уг кошкыло. Кроликъёс но ӟеч мылкыдын лыктэмез шӧдо.
Шуисько: пичиоссэ йӧтылыны уг яра, анайзы куштоз. Интыысьтызы
но вошъяськомы, кутылӥськомы но — нокин нокинэ
ӝож уг кары. Гидысь ӧсэз усьтӥськод гинэ, асьсэос ӧс доры
тэтчаса лыкто, вешатэмзы потэ.
Уноез кролик вордӥсьёс 1 толэзьем кроликъёссылы пӧртэм
висёнъёслэсь вакцинаос пуктыло. Кылсярысь, геморрагической
лихорадка туж кышкыт луэ — огез черлаз ке, быдэс уллё
быроз. Но одӥг пол пуктӥд ке, сое весь пуктылоно ни. Зэм,
ёросын та ласянь югдур кышкыт ӧвӧл, вакцинатэк но будэтыны
луэ. Валентина Михайловна ачиз пудо эмъясь-биолог луэ
бере, пелёоссэ сак эскере. Шуэ:
— Воксё эмъюмъёстэк нокызьы но уг луы. Кроликъёслы
одно ик кӧлъёслэсь но кокцидиоз висёнлэсь эмъюм сётъяно.
Сотэк лябӟозы но бырозы. Умой сюдоно. Бакча сиён, ю тысь
сяна, одно ик нуналлы быдэ турын сётъяно. Вож-вож турынэз
каразы пыртыны уг яра — кӧтсы сӧриськоз. Шунды шорын
куасьтэм бере гинэ сётыны яра. Нош толалтэлы пипу вайёсты
веник лэсьтыса дасясько, син куспын йырйыса быдто: микроэлементъёс
шедьто, ӝушсэс юнмато, пиньзэс шеро. Кин ке
бадьпу ньӧр но дася, но тазэ сокем уг ярато.
Валентина Смольникова пусъемъя, кроликъёсты огазьын
но, клеткаосын арлыдзыя висъяса но возьыны луэ. Ваньзы
ӵош уло ке, айыоссэ одно улошоятоно. Адямиос ӟеч выжыысь
кроликъёс басьтыны туртто, но сыӵеосыз котьку ляб луо, угось
матысь ӵыжы-выжыоссылэсь поттэмын. Нош сураськем виро
животъёс юнгес, лякытгес сямо луо.
— Висьыны кутскемзэ катьяны туж секыт, — пусъе Валентина
Михайловна. — Черламез соку ик сиськемысь дугдэ, сэргы
ӝиптӥське, гонэз пуштырске. Сыӵе кроликъёсты соку ик
висъяно. Яратэмез туж шӧдо: вордыны-утялтыны мылкыдыд
ӧз луы ке, одӥгтэм бырозы.
________
Така выжыысь кролик бадӟым будэ.
Елена ФЁДОРОВА
Валентина Смольниковалэн архивысьтыз

№39 (25951)
18 2022-тӥ ар 6-тӥ коньывуон
ТАЗАЛЫК
Арлыдоослы
Нуналлы быдэ кылбур дышетоно!
Улонлы шумпотыны
луэ котькыӵе арлыдын
— та сярысь верало
специалистъёс.
Но кызьы мӧйымыса
висёнъёслы, секыт
мылкыдлы сётӥськоно
ӧвӧл? Дэмла Тазалыкез
утёнъя министерствоысь
профилактикая
валтӥсь специалист
Ольга Краснова.
— Медицинаын вань сыӵе
валан: синдром старческой
астении, — шуэ Ольга Сергеевна.
— Со огазея ог 85 пумо
тодметъёсты. Кылсярысь, арлыд
йылэмъя одӥгъёсызлэн
сӥльбыгытъёссы кизермыны
кутско, мукетъёсыз ӵемысь
усьыло, куинетӥосыз ляб
сисько, туж тросэзлэн мылкыдзы
номырлы уг тырмы,
сюлмаськонъёслы сётӥсько
но мукет. Диспансеризация
ортчыкузы, 65 ареслэсь ортчемъёслы
дэмлаське анкета,
отын кӧня ке пумо нимысьтыз
юанъёс сётэмын. Пӧлысьтызы
3-езлы ке но адями «бен» шуэ
ке, иське, солы мургес эскериськоно
луоз гериатр дорын.
Ма тужгес ӵем сюлмаськытэ
арлыдоосты?
Пересьмыса ӟы зыёмыны
кутсконо. Талэн мугъёсыз
трос: кылсярысь, адями
пиньёсыз ӧвӧлэн урод сиське,
уно эмъюмъёс юэ.
Сӥльбыгытъёсты (сюлэм
озьы ик сӥльбыгытъёс
пӧлы пыре) юнматыны луоно,
тросгес пыдын ветлыса,
кинлэн пӧрме — бызьылыса,
Пиналъёс но нуныкаос бордын
егит возиськоно.
великен ворттылыса, уяса.
Кин азьло таин ӧз вырылы,
кутскыны луоз нуналлы
быдэ ог 10 минут ӵоже зарядка
лэсьтон бордысен.
Одно сиёно белок — курег,
кунян, кролик сӥль пайдаё
луозы. Озьы ик — сыр,
варог (творог), кӧжы, бобы.
Кӧё-вӧё сиёнъёс ӝӧк вылын
ӧжытгес мед луозы. Маргаринэз,
полуфабрикатъёсты
палэнтоно. Кылсярысь, колбаса
ӧвӧл сиёно. Нӧкы вӧез —
кӧня ке. Нуналлы быдэ 1-2
чечы пуньыен сема, етӥн,
оливка вӧй юоно, сиёнэ сылал
ӧжытгес тыроно. Вунэтоно
ӧвӧл ву юыны — нуналаз
2 литр мында.
Туспуктӥз Максим ЕГОРОВ
Пиньёс пуктылоно. Эмъясь
мед чаклалоз, кыӵе эмъюмъёс
нуналлы быдэ юиськоды
— укыр ӟызыёмиды ке,
оло, кудзэ ке воштоно луоз.
Туж ӵем усьылоно.
Мугъёсыз озьы ик трос: йыр
кыска, сӥльбыгытъёс лябесь,
синъёс умой уг адӟо…
Йыр кысканы быгатэ антидепрессантъёс,
кӧлы ны
юрттӥсь, давлениез уськытӥсь
но мукет эмъюмъёсын
сэрен. Вирзӥбетэз 110/70 мм.
рт. ст. - озь вуттыны тыршоно
ӧвӧл. Арлыдоослы туж умой,
давленизы вылӥыз 130 котырын
возиськиз ке.
Макем ӧжытгес тубатъёс,
ӧс кусыпъёс луозы, сокем
умойгес, угось соосты адӟытэк,
канжаськыны кема ӧвӧл.
Валес ӝужыт луыны кулэ —
отысь султыны каньылгес.
Валесысен ик тыл ӝуатыны
мед луоз — уйин султылонъёс
но сюро. Пыдэ понон пыдберо
луыны кулэ. — тапочки пыдысь
капчиен усе.
Котькуд усемлы быдэ
суй-пыдъёс медаз тӥяське
шуыса, юоно Д, В группае
пырись витаминъёсты.
Саклык быре, троссэ
вунэтыны кутсконо. Йырысь
вирсэръёс ялан пачкаса
улэмен, отысь оглюкетэз
лулпырыос (клетка) бырыны
кутско. Озьы луэ вирзӥбет
ялан ӝутӥськыса улэмен но
трос мукет мугъёсъя.
Йыре тырмыт кислород
мед сюроз шуыса, нуналлы
быдэ урамын поръяно,
зарядка лэсьтоно. Кин ке
кроссвордъёс лэсьтэ, компьютерлы
дышетске, зӧк
книгаосты лыдӟе — со туж
умой! Лыдъяське: нуналлы
быдэ 8-12 чуръем кылбур
дышетӥд ке, йырсазьыд
котьку сайкыт луоз.
Куд-огезлэн котырысьтыз
кызь зын потыны кутске.
Кызез возьыны уг луы
озьы ик пӧртэм мугъёсъя.
Кылсярысь, пуш ёзвиос уллань
лэзиськемын, мочегонной
эмъюмъёс юоно луэ,
кырмиськемын лулсэр но
мукет висёнъёс.
Сарвыл котырысь (тазобедренный)
сӥльбыгытъёсты
умой юнмато Кегельлэн
упражнениосыз — соосты
шедьтыны луэ Интернетысь.
Уйлы ву юоно ӧвӧл ни, учконо,
кыӵе эмъюмъёс юиськоды,
оло, кудзэ ке воштоно
луоз. Собере туала вакыт вань
ни памперсъёс, прокладкаос,
зынэз возись ул дӥсь.
Шумпотэмысь дугдоно.
Арлыдоос сюлмасько, трос
эмъюмъёс юо, тазалыксы
лябӟе, йырвизьзы сак ӧвӧл
ни шуыса. Мылкыд уродме,
изьыны юрттӥсь эмъюмъёс
юыку но. Но арлыдоос уката
ӝожомо, огназы кылё ке.
Ярано, туала вакытэ умой
ужало улон-вылонын юрттэт
сётонъя центръёс, арлыдоос
понна пӧртэм кружокъёс
усьтӥсько. Городын сяна, вань
соос гуртъёсын но. Но арлыдоослы
тужгес ӟеч эмъюм — пиналъёссы,
нунокъёссы артэ ке.
Юалэ — валэктом
Кызьы
буйгатсконо?
Берло дыре маке ялан
керӟегъяськон сюре, пушкам
«коӵышъёс ӵабышъясько» кадь.
Кызьы меда буйгано?
Екатерина И.
Иж
Валэкто Тазалыкез
утёнъя министерствоысь
специалистъёс
Вераны уг луы: кин (нылпиос
я арлыдоос, воргоронъёс
я нылкышноос) ӵемгес ӝоже
усё, стрессъёслы сётӥсько.
Ваньмыз потэ адямилэн сямыз
бордысь — одӥгъёсыз чыры-пыры
учырез но сюлмазы
мур басьто, мукетъёсыз туж
секыт учыръёсы но возисько.
Но стрессэз куддыръя ас
коже гинэ чиданы уг луы.
Уг но яра. Шӧдӥськоды ке,
тӥледлы уродгес луэ шуыса,
вазиськоно специалистъёслы.
Нош кызьы адями аслыз
ачиз юрттыны быгатэ?
• Асьтэдыз кужмысь карыны
уг яра: шӧдӥды ке,
вазен кыӵе ке ужез капчиен
быдэстӥськоды вал,
нош али сое туж секытэн
лэсьтӥськоды — дугдытске,
ял каре, вормыны луонтэм
ужпумъёс азяды эн пуктэ.
• Пӧртэм иворъёс пӧлын
али туж трос пӧяськонъёс
шедё. Соин ик котькуд верамез
сӥсъяса кылзоно,
ваньмызлы осконо ӧвӧл.
• Тырше таза улонэн эшъяськыны.
Быръе сое, мар
тӥледлы сюлэмдыя —
пыдын ветлон, бызьылон,
великен ворттылон.
Зарядка лэсьтыку, ёзвиосты
кыдатыку, мугорын
тросгес кылдо ӝож мылкыдэз,
керӟегъяськонэз
зӥбломытӥсь гормонъёс.
• Тырмыт кӧлоно. Изьыны
выдон азьын кулэтэм
иворъёсты кылзоно, учконо
ӧвӧл ни. Умойгес луоз
ганяк кариськыны, яратоно
уженыды вырыны.
• Чаклалэ, мае сииськодыюиськоды.
Тырше ӧжытгес
кофе но нап чай юыны.
Кудӟытӥсь юонъёс керӟегъяськонлэсь
уз уте, соос тазалыктэс
гинэ быдтозы.
• Чаклалэ, кызьы шокаськоды.
Шӧдӥськоды ке,
уката сюлмаськыныкерӟегъяськы
ны кутскиськоды
шуыса, ганяк
кариське, пельпумъёстэс
лэзелэ, тыбырдэс шонертэ.
Пушкады омыр кыске
но калленэн берен поттэ.
Малы ачид
валамъя эмъюм
ӧвӧл юоно?
80 арессэ ортчытэм атаелэн
давлениез тэтча. Кыӵе
но эмъюм со басьтыны уг
куры — маке сярысь кылэадӟе
ке, соку ик малпа ни: оло,
юрттоз — басьтоно. Озьы со
тазалыксэ уката лябӟытэ,
дыр, ук?
Надежда Б.
Балезино ёрос
Зэм но, котькуд подова
йӧнатыны но, лябӟытыны
но быгатэ. Бен, кин давленилэсь
курадӟе, соослы нуналлы
быдэ эмъюм юоно. Но
кыӵезэ но кӧняен — тае вералоз
врач гинэ. Соин ик атайдэс
специалистъёслы одно
возьматоно.
Луо сыӵе учыръёс: давленизэс
уськытӥськом шуыса,
адямиос ас валамзыя кыӵе
ке сюрем эмъюм юо. Давленизы
усе, ӵемысь — укыр зол.
Таӵе дыръя адями йырсазьзэ
ыштыны, усьыны быгатэ.
Малы ачид валамъя эмъюмъёс
юыны уг яра? Кылсярысь,
йыр висе пӧртэм мугъёсын.
Нош мугзэ тодытэк,
валаса йӧнатӥськыны луэ
шат? Ярам, тодӥськоды ке,
кыӵе эмъюм марлэсь юрттэ.
Но тодоно на, кыӵе эмъюмез
ку но кӧняен юоно. Со
сяна, эмъюмъёс ог-огенызы
ӵемысь уг тупало — тае но
чаклано.
Бамез дасяз Элина КУМАЧЁВА

ШУТЭТСКОН СЭРЕГ
№39 (25951)
2022-тӥ ар 6-тӥ коньывуон 19
Кырӟаса лэзём али
Ӵуж сяська
Крезьгурез Николай ТРУБАЧЕВЛЭН
Кылъёсыз Людмила ВАСИЛЬЕВАЛЭН
Луэ ук пумыз
Крезьгурез Николай ТРУБАЧЕВЛЭН
Кылъёсыз Людмила ВАСИЛЬЕВАЛЭН
Возь вылэ усьтӥськем ӵуж сяська,
Шундылэн сузэрез — купанча.
Вуюись но татчы, дыр, васька,
Сяськалэсь буёлзэ со бича.
Карнан кадь куасалскем инбаме,
Ву юэ шапыкен куар вылысь.
Усьтоно шат тыныд сюлэмме,
Тон кылод-а монэ кыдёкысь?
Малпанме мон тыныд верасал —
Мылкыды ӵуж сяська кадь чебер.
Тон доры лобӟыса мынысал —
Тодӥсько: чик ӧвӧл на ай бер.
Инбамысь пӧсь шунды пыжыку,
Ошмеслэсь мон юи дун вузэ.
Возь вылысь турынэз турнакум,
Чик ӧй шӧд нуналлэсь ортчемзэ.
Лушкемен тон пырид сюлэмам,
Мон ӧй шӧд сюлмысьтым ышемдэ.
Тӧл гинэ пельтылӥз пумитам,
Мон уг вить ни выльысь лыктэмдэ.
Нюлэскын весь силе ай кикы,
Ӵок ойдо — нош вуоз ай тулыс.
Котьмалэн но луэ ук пумыз.
Сись лӥял весь тэляз но... ӧз кыс.
Тӧл сюан
Крезьгурез Николай ТРУБАЧЕВЛЭН
Кылъёсыз Лия МАЛЫХЛЭН
Тулысэ, шундыё тулысэ
Крезьгурез Николай ТРУБАЧЕВЛЭН
Кылъёсыз Олег ЧЕТКАРЁВЛЭН
Сӥзьыл пумен матэ вуэ,
Ӝоген уд пыр ни шур вуэ.
Пужмер усёз турын вылэ,
Кызьпу ӵужо ини сылэ.
Припев:
Тулысэ, шундыё тулысэ,
Выльысь ӧть монэ возь вылэ.
Пырты вал яратон тылысэ,
Сюлэмме гомӟытъя шуд тылэн.
Мынам йырси вылам — пужмер,
Лӧпшам дыры луэ ни шер.
Шунды ке но пиштэ инмын,
Мыным потэ, пильмаськемын.
Припев.
Одӥг гинэ вань на шудэ —
Сюлмам кырӟан ӵемгес шудэ.
Монэ улон кыжлэсь уте,
Инвис доры ялан ӧте.
Припев.
Кызьпулэн ӵуж йырсияз
Ыр тӧллэн бурдыз ӟугаз.
Тугаськизы пунэтъёс,
Пурӟизы вӧлак куаръёс.
Припев:
Вальсэн поръя куарберган,
Гурдэ кисьты, шуд, арган!
Нош вуи пинал дырам,
Аръёсты уг пот лыдъям.
Ишкалскыса вайёсысь,
Кызьпулэн ӵуж куаръёсыз
Быдэ вуэмъёс сямен
Юизы эрик сумен.
Припев.
Зарниям куаръёсты тӧл
Вешаз нылъёсты мактал.
Поромытӥз йыръёссэс,
Вӧлдӥзы соос валес.
Припев.
Тӧл сюан садын шудэ,
Кытын ке ветлэ шудэ.
Огез куар пуксиз киям,
Оскон кенжиз сюлэмам.
Припев.

№39 (25951)
20 2022-тӥ ар 6-тӥ коньывуон
ГУР АЗЬЫН
Нянь пыжон
Котькуд нунал — 240 колды
Дэбес ёросысь Зар-Медлоысь нянь пыжись
Наталия Трефилова.
Дэбес ёросысь Зар-
Медлоын улӥсьёс магазинэ
ваем нянез трос уг
басьяло, асьсэ гуртазы
пыжемзэ вылӥгес дунъяло.
Гуртоослы ческыт
нянь пыжо Наталия
Трефилова но Ольга
Баженова.
Калинин нимо хозяйстволэн
пекарняяз нянь пыжисьёс
Уйвай-Медло гуртын уло, нуналлы
быдэ Зар-Медлое — 4
иськеме — ужаны ветло: гужемзэ
— великен, нӧд куазен
яке толалтэ — пыдын. Та удысын
1995-тӥ арысен тырше
Наталия Трефилова, школаын
дышетскыкуз ик, дораз нянь
пыжылэм ни. Ужаны кутскон
аръёссэ тодаз вае ке, чидамезлы
пайме.
— Нуналлы быдэ 340-
360 колды пыжылӥмы, ӵем
дыръя со но ӧз окмылы, угось
со вакытэ тросэз гуртоос
быдэс котомка тыр нянь басьязы,
асьсэлы но мед тырмоз,
пудозылы но мед кылёз
шуыса, — вера Наталия
Леонидовна. — Ужан сямен
вӧсь луыны шедьылӥськиз.
Тужгес но секыт вал нырысь
аръёсаз. Одӥг пол суй бордам
нянь пыжон форма лякиськиз,
пыдэсаз ма гожтэмын
вал, сое ик суй вылысьтым но
лыдӟыны луэ вал. Больницае
мынонэз ӧм но тодылэ. Пересьёс
дышетэмъя укноысь нюлам
вуэн сутскем интыосмес
зыраллямы но нош ик ужаллямы.
Та вакытэ гуртысь пекарняын
нуналаз 240 колды нянь
пыжо, пӧлаз вань караваез но.
Оглюкетсэ столовоязы сёто,
мукетсэ — вузало. Толалтэзэ
нянь басьтӥсьёслэн лыдзы
кулэсмемен, нылкышноос
ческыт пыжиськемъёс борды
басьтӥсько, шаньгиос, пирожкиос
но пиццаос дасяло.
Чорыген няньлы ӵемгес куто
сардиналэсь консерваез,
бордаз трос-трос сугон юдо
на, куд-ог дыръя картошка
но ватсало. Шаньги ӵемгес
пыжо сырен яке йӧлвылэн.
Гуртын кыӵе ке шулдыръяськон
яке ужрад ортче ке, нош
ик пекарняын ужасьёслы вазисько,
пыжиськем курыса.
Пызь сярысь ке верано,
вазен гурт хозяйство сое
колхозын ик изэм, вукозы
ужамысь дугдэм бере пызьзэс
изо, Эграе нуллыса. Вылӥ
сорт пызез вутто Пермь улосысь
Верещагино городысь,
сое ю тысен вошто. Нянь
пыжисьёслэсь ужан интызэс
умоятон сярысь гурт хозяйство
ялан сюлмаське. Вазенгес
укнооссэс вошъяллям,
вентиляцизэс тупатӥллям,
кондиционер пуктӥллям.
Пыжиськон гурзы дорын табере,
пе, омырез мунчоын
кадь пӧсь уг луы ни.
Толлы дасяськон
Улмоды ке трос...
Улмолэсь котьма лэсьтыны
луэ, кылсярысь,
Ярын улӥсь Ирина Иванова-Коурова
толлы
пастила дася.
Ирина Геннадьевна арлы
быдэ улмолэсь повидло, варення
яке пюре лэсьтэ, пастила
дасяны но дышиз ни.
Улмолэсь шорзэ сузя, юдэ но
пӧзьтыны пуктэ, пичильтык
ву поныса. Небӟыны кутскем
улмоез блендер пыр
поттэ. Озьы юдыса дасям 1
ведра тыр улмолэсь шорлыдын
5 литр пала пюре потэ. Улмолэсь пастила.
Пыжиськон корт вылэ яке
сушилкалэн поддоназ пергамент бумага вӧлдэ, сое наш-наш
вӧен зыра но вылаз пюрезэ кисьтэ. Корт вылэ 5-7 миллиметр
зӧкта вӧлдэ но куасьтыны пуктэ. Сушилкаын 7-8 час куасьтэ
50-70 градус шунытын.
Пюрее сакырзэ шӧмызъя ватса, ӵем дыръя сакыр интые
чечы понэ. Куасьмем пастилаез вандылэ но толлы 3 литръем
банкаосы тыре, вылаз сакыр пудра пызьнаса. Куд-ог дыръя
пюре пушкы ватса изэм грецкой мульы. Таӵе ик пастила
лэсьтылэ грушалэсь, каунлэсь, но берлояз тросгес сакыр
ватса.
Та вакытэ бакчаын кисьмало ни слива, тёрн, сьӧдпалэзь
но мукет емышъёс. Ирина Геннадьевна таосызлэсь компот
лэсьтыны яратэ. 3 литръем банкалэн куиньмос люкетаз
емыш понэ: ӝынызэ — тёрн, сьӧдпалэзь. Нырысь соосты
быректэм вуэн кисьтэ, ог 5-10 минут воземез бере банкаысь
вуэз кастрюле кисьтэ но, 300 грамм (1 но ӝыны стакан)
сакыр поныса, выльысь быректытэ. Сиропез банкае кисьтэ,
ӵоктэтэн пытса но шуныт дӥсь улэ пуктэ. Туж дыртыкуз,
банкаысь емышъёс вылэ пӧсь сироп кисьтэ но ворса.
Интернет ӵектэмъя
Сливалэсь
варення
Кулэ: 1 килограмм слива, 2
килограмм сакыр.
Варення лэсьтӥське туж
капчи, пӧзьтытэк гинэ. Сливаез
миськоно но мульызэ
поттано. Сое поттылыны
туж капчи огшоры качыен.
Сливаез блендерен шукконо
яке сӥль коран пыр поттоно.
Та суретэ, сакыр кисьтыса,
ӟеч-ӟеч сурано но 10 минут
сылэтоно, сакырез мед сылмоз.
Бӧрысь нош ик сурано
но стерилизовать карыса
дасям банкаосы тыроно. Варенняен
банкаосты кезьыт
интыын возёно.
Грушалэсь
повидло
Кулэ: 1 килограмм сузям
(кӧмзэ но тысьсэ утялтоно)
груша, ӝыны килограмм сакыр,
ӝыны лимон (груша туж
коньыт ке, 1 лимон кулэ луоз),
1 чечы пуньы корица, чечы пуньы
йылын ванилин.
Миськыса дасям грушаез
сӥль коран пыр поттоно яке
блендерен небӟытоно. Груша
небытгес ке, кӧменыз
ик яралоз. Сакыр ватсаса,
пюреез пӧзьтыны пуктоно.
Пичи тыл вылын, ялан сураса,
35-50 минут пӧзьтоно.
25 минут пӧзьтэм бере ватсано
лимон сок, корица но
ванилин. Стерилизовать
карем посудае тырыса, гулбече
пуктоно. Эн кышкалэ,
сурет пӧсь дыръяз кизергес
луиз ке, сӥямез бере со напчоз.
Емышлэсь
наливка
Кулэ: сакыр, ву, емыш но
водка — ваньзэ быдэн 4 стаканэн.
3 литръем банкае шуныт
ву но сакыр пононо, сурано.
Бӧрысь отчы ватсано миськем
емыш но водка, со ӵапак
банка тыр луэ. Посудаез, капрон
пытсэтэн ӵоктаса, пеймыт
интые пуктоно. 2 арня
ортчыса, вина юыны дась.
Каунлэсь
мармелад
Кулэ: 550 грамм каун
(тыква), 8 грамм агар-агар, 4
пуньы ву, 50 миллиграмм лимон
сок, 4 пуньы сакыр, 2-2,5
стакан ву.
Агар-агарез 4 пуньы вуэн
сурано но небӟемзэ витёно.
Кастрюляе пононо юдэм
каунэз, ватсано ву (каун быдэс
вуэ мед выёз) но пичи тыл
вылын ог 10 минут пӧзьтоно.
Бӧрысь сое сӥсъяно но блендерен
небӟытоно. Сакыр но
лимон сок ватсаса, выльысь
пичи тыл вылэ пӧзьтыны
пуктоно. Суретэз ялан сурано,
нош быректӥз ке, плита вылысь
басьтыса, агар-агарен
сурано но силиконовой формаосы
тыроно, ог 3 часлы кезьыт
интые пуктоно. Ческытгес
карон понна та мармелад
вылэ шунтэм шоколад кисьтыны
луоз.
Мариновать карем
слива
Кулэ: 1 килограмм слива,
1 стакан ву, 1 стакан сакыр,
ӝыны чечы пуньы сылал,
ӝыны чечы пуньы изэм корица,
3-4 кӧжы пӧсьтурын, 3-4
гвоздика, 3 пуньы 9 процентъем
уксус, 4 пуньы коньяк.
Кастрюляысь вуэз, сакыр
но сылал ватсаса, газ вылэ
пуктоно, быректӥз ке уксус
но специосты будэтоно на.
Напчытозяз пичи тыл вылын
пӧзьтоно. Бӧрысь отчы
ватсано коньяк.
Сливаез мариновать карон
понна чебер емышъёсты
басьтоно. Соосты миськоно,
кӧсатоно но кастрюляе тыроно,
бӧрысь соос вылэ пӧсь
маринад кисьтоно но 3 час
сылэтоно. Маринадзэ кисьтоно,
выльысь быректытоно.
Нош сливаез стерилизовать
карыса дасям банкаосы тыроно
но вылаз пӧсь маринад
кисьтоно. Та банкаосты пеймыт
но кезьыт интыын возёно.
Бамез дасяз Валентина ЕМЕЛЬЯНОВА
«Берекетэ» юанъёсын, дэмланъёсын вазиськоно
73-33-42 телефон номеръя.
Материалъёстэс ыстэлэ, «Берекетэ» шуыса,
электрон почтае udmdunne@yandex.ru.