dart №9

Егитъёслы сӥзем
газет
udmdart
dart.gazet@yandex.ru
№38 (25950)
2022-тӥ ар 29-тӥ куарусён 13
Мар? Кытын? Ку?
Котькытын
но котькинлы
21-тӥ-23-тӥ коньывуонэ
Ижкарын
«Удмуртия онлайн»
форум ортчоз.
Дырпус
Катар чебер но дӥсьтӥсь
Егитъёс SMM-ын (социальной
сетьёсты нуонын),
видео лэсьтонын,
туспуктонын, сайтъёс
кылдытонын тодон-валанъёссэс
будэтозы. Со
сяна, soft skills (котькыӵе
ӧрын кулэ луись быгатонлыкъёс)
амалъёслы
дышетскозы.
Форум дыръя ик мылкыд
карисьёс проектъёссэс
улонэ пыӵатон
понна Росмолодёжь
агентстволэсь 1 но
ӝыны миллион манетозь
грантсэ утыны
быгатозы.
Форуме пыриськыны
Удмуртиысь 18-35
аресъем егитъёсты ӧтё.
Со понна 1-тӥ коньывуонозь
куриськон келяно
Егитъёсын ужан политикая
агентстволэн
«ВКонтакте» бамаз.
Быдэ вуыны
дасяськозы
13-16 аресъем
нылашъёсты ӧтё
пыриськыны «Новая
я» лагере.
8-тӥ-12-тӥ коньывуонэ
нылашъёс мастер-классъёсы
пыриськозы,
психологъёсын ужалозы.
Озьы дасяськозы быдэ
вуонлы, семьяен улонлы.
Лагере шедён понна
куриськон келяно
Удмуртиысь Егитъёслэн
центразы.
Ижкар
огазеялоз
13-тӥ-16-тӥ коньывуонэ
Ижкаре
слётэ люкаськозы
Приволжск федерал
округысь
студентъёслэн отрядъёссы.
Та слёт арлы быдэ ортче,
отын егитъёс ар ӵоже
ужамзылы йылпумъянъёс
лэсьто, вуоно арлы
ужпумъёс пукто.
4 нунал ӵоже соос
дышетскыны но, шутэтскыны
но вуттозы,
пӧртэм конкурсъёсы
пыриськыса, синпель
кузьымъёс утозы,
кивалтӥсьёсын котырес
ӝӧк сьӧрын пумиськылозы.
Катар чебер, яркыт, дӥсьтӥсь, туала!
Таӵе пӧрмиз «Куара» огазеяськонлэн
2023-тӥ арлы дырпусэз (календарь).
Со огазеяськонлэн удмурт дӥськутлы
сӥзем «Айшон» проектэз улсын поттэмын
вал. Проект улонэ пыӵаз Россиысь Лулчеберет
удысысь кичӧлтонъёсъя фондлэн
юрттэменыз.
— Дырпусмы, зэмос глянцевой журнал
кадь, учкымон пӧрмиз, — верало «Куара»
огазеяськонлэн ёзчиосыз, — солэн бамъёсаз
туала этно образъёсын тодмо удмурт
нылъёс пуксизы. Ваньзэс туспуктӥз Максим
Агафонов.
Кылем арняе «Айшон» проект йылпумъяськиз.
Ма лэсьтэмын кӧня ке толэзь
ӵоже, та сярысь пыр-почгес лыдӟыны но
дырпусысь туспуктэмъёсты адӟыны луоз
20-тӥ бамысь.
________
ДАРТЧИ
Туспуктӥз Максим АГАФОНОВ

№38 (25950)
14 2022-тӥ ар 29-тӥ куарусён
Редакторлэн кылыз
Серекъялод
оло бӧрдод…
Тросэз сӥзьылзэс
мыто, школаын
яке университетын
парта сьӧрын
пукыса, нош мон
инкуазьлэсь зарни
вакытсэ пумитай
«Шундыкар» лагерьын.
«Артэ» огазеяськон
«Кикоын» шудомы
Коньывуонэ шаерысьтымы
пиналъёс онлайншудонъёс
лэсьтыны дышетскозы
«Кико» проект
улсын. Со вордскиз
«Артэ» огазеяськонлэн
«Веме» форумаз.
«Журналистика» отрядысь
пиналъёсын
ужай: 10 нунал ӵоже
ми газетъёс, радиоверанъёс,
Интернетысь
«Даур ТВ» телеканаллы
видеоос лэсьтылӥм.
Нылпиосылэсь куд-ог
ужъёссэс «Дарт» газетэ
но интыяме потӥз.
Соосын тодматскыны
быгатоды 15-тӥ но 18-
тӥ бамъёсын.
Лагере мыныкум,
мон дась вал, пиналъёс
удмурт кылын
шуген вераськозы,
лыдӟиськозы, гожъяськозы
шуыса. Соосты
адӟеме бере буйгатски:
шалтыр гинэ верасько,
гожъяськыны но уг
шугъясько.
Но шуг-секытъёс возьмантэм
ласянь вуизы.
21-тӥ даурын вордскем
пиналъёс компьютер
сьӧрын печатланы уг
быгато вылэм! Мырдэм
шедьто клавиатураысь
букваосты, юало, кызьы
точка яке двоеточие
пуктоно. Нырысь бакомыса
шоразы учки:
пӧяло, дыр, таос. Серекъялод
оло бӧрдод…
«Телефон сётэ но, ми
ӝогак гинэ быдэс бам
мында текст гожтомы,
нош компьютер
азьын ужаны милемлы
секытгес ини», — шуо.
Озьы мон тодӥ, соос
докладъёсты, рефератъёсты
но презентациосты
дасяло, Интернетысь
текстъёсты
«копировать-вставить»
карыса. Информатикая
урокъёсын программированилэн
кылъёсыныз
алгоритмъёс лэсьтыло,
текст гожъян понна огшоры
программаосты
уг но усьяло.
Лагерьысь келякум,
егит журналистъёсылы
шуи ни: «Печатланы
быгатыса дорады
бертоды ни!» Нош соос
пумитам: «Озьы, дыр,
но ваньмыз ӝог вуноз
ук, ми дорын компьютер
азьын ум гожъяськиське».
________
Мария ЕМЕЛЬЯНОВА
Толалтэ ми, Алнаш ёросысь
Усоысь пиналъёс,
дышетӥсьёс, анай-атайёс
огазе кариськыса пыриськимы
«Веме» форуме.
Семинаръёсы ветлыса,
ми тодӥмы, кызьы проект
гожтоно, кызьы сое улонэ
пыӵатоно.
Асьмеос но проект малпамы.
Милям пиналъёс пӧлын
удмурт кылэз вӧлмытон
понна онлайн-шудонъёс
лэсьтэммы потӥз. Шудонъёсты
ваньзы ярато, соин ик
егитъёсын соос пыр вераськоно,
малпамы. Та проектэз
школаямы улонэ пыӵатон
бордын асьмеос ик тыршим,
5 шудон пӧрмытӥм. Тулыспалэ
ужаммес быдэс элькунмылы
«Веме» форумын
возьматӥм, отын 2-тӥ инты
басьтӥм.
Но мытэм ужмес куштэммы
ӧз поты. «Артэ» огазеяськонлэн
кивалтӥсеныз Юлия
Шахтинаен ӵош проектмес
кӧня ке выльдӥм но Росмолодёжь
агентстволэн грантъёсты
люкылон конкурсаз
келям. Вормим! Али ужмы
рос-прос пӧзе ни.
«Кико» лабораториямы
шаерысьтымы 10 команда
пыриськоз. Школаын дышетскисьёслы
ми возьматомы,
Бичет
Кызьы блог нуоно?
Анай кылынызы
гожъяськись, калыкенызы
быдэс дуннеез
тодматӥсь блогеръёслы
сӥзем нырысетӥ книга
потӥз Марий Элын.
«Путь этноблогера» (12+)
юрттоз огазеяськонъёслы
ужамзы сярысь пырпоч
шара вераны, блогъёсты
тунсыко нуыны.
Книга поттэмын Россиысь
Президентлэн лулчеберет
удысысь кичӧлтонъёсъя фондэзлэн
юрттэменыз «Этно-
БлогингТайм» проект улсын.
Кӧня ке толэзь ӵоже пӧртэм
улосъёсысь анай кылъёсынызы
блог нуисьёс тодон-валан
люказы, ог-огзылы визькенешъёс
сётъязы.
Бичетын люкамын проектэ
пыриськем блогеръёслэн
статьяоссы, эскерон ужъёссы.
Со сяна, валэктэмын,
«Кико» лабораторилэн кылдытӥсьёсыз —
пиналъёс но дышетӥсьёс — проектсы бордын ужало.
кызьы но кыӵе сервисъёсын
луэ онлайн-шудонъёсты
лэсьтыны, оскалтомы VR
(виртуальной дунне) амалэн
ужаны. Вань тодон-валанъёсмес
мукет пиналъёслы
3 нунал ӵоже сётыны тыршомы.
Ачим мон проектлэн
кивалтӥсез луисько, командаям
Ижысь Кузебай Герд нимо
гимназиысь, Алнаш ёросысь
Ӟатчаысь, Пичи Пурга ёросысь
Бобья-Учаысь бадӟым
классъёсын дышетскисьёс.
кызьы туала вакытэ социальной
сетьёсты нуоно, отын
азинсконо, уждэ адӟымон
кароно.
Книга пумын кыллюкамез
но вань, отчы пыртэмын
блог нуон удысысь асэстэм но
выль кылъёс.
«Этноблогерлэсь сюрессэ»
вань мылкыд карисьёс
лыдӟыны быгато, «ВКонтактеысь»
«ЭтноБлогингТайм»
бамын куриськон кельтыса.
________
Фестиваль
Мария МИХАЙЛОВА
«Тангыра»
ӧтчаське
«Тангыра» фестивалез
(0+) радъясьёс утчало
анай кылынызы кырӟась
егитъёсты, калык
культуразэс утись
дизайнеръёсты но кино
лэсьтӥсьёсты.
Милемлы туж юртто «Артэ»
огазеяськонлэн ёзчиосыз —
Юлия Шахтина но Марина
Степанова, нош программист
но Android-разработчик
Григорий Григорьев валэктэ,
кыӵе амалъёсын шудонъёс
кылдытыны луэ.
Мон малпасько, та проектмы
пайда ваёз, малы ке
шуоно нылпиос, телефонъёсазы
шудыса дырзэс юнме
быдтэм интые, асьсэос шудон
лэсьтозы. Улон азьлань
мынэ, милемлы но со сьӧры
Туэ егитъёслэн этнокультуразылы
сӥзем «Тангыра»
фестиваль 2-тӥ-4-тӥ толсуре
ортчоз. Эшъяськон юртлы
но егитъёслэн «Шунды»
огазеяськонзылы сое улонэ
пыӵатыны юрттоз Президентлэн
лулчеберет удысысь
кичӧлтонъёсъя фондэз.
Арлы быдэ «Тангыра»
туссэ вошъя. Таяз аре фестиваль
4-тӥзэ радъяськоз ни, со
3 нунал ӵоже мыноз. Россилэн
пӧртэм сэрегъёсысьтыз анай
кылынызы кырӟась 10 группаос
концерт возьматозы, со
сяна, фестиваль улсын луоз
учкыны этнофильмъёсты но
егит дизайнеръёслэсь дӥськут
коллекциоссэс.
Фестивальын асьсэдыз
возьматыны мылкыд карись
егитъёс куриськонъёссэс толэзь
пумозь келяны быгато
«Тангыра» фестивальлэн
«ВКонтакте» бамаз.
________
Мария ЕМЕЛЬЯНОВА
вамышъяно, тодон-валан
люкано.
«Кико» лабораториын дышетскыны
мылкыд карисьёслэсь
куриськонъёссэс 15-тӥ
коньывуонозь возьмаломы.
Кызьы сое келяно, пыр-поч
валэктэмын «ВКонтактеысь»
«Кино/Удмуртский игровой
конструктор» огинын.
________
Мелитина ОХОТНИКОВА,
Алнаш ёросысь Усо школаын
11-тӥ классын дышетскись
Форум
Кызьы
егитъёсын ужано?
7-тӥ-9-тӥ коньывуонэ
Удмурт кун университетын
ортчоз «Цифровые
компетенции»
форум.
Отын тодон-валанъёссэс
будэтозы «Егитъёсын ужан»
но «Социальной уж» ӧръёсъя
дышетскисьёс.
Ижкаре люкаськозы Россиысь
8 университетъёсын
дышетскисьёс. Соос кусыпъёссэс
юнматон сярысь кенешозы-малпаськозы,
кызьы
егитъёсын ужанэз радъяно,
соосты цифровой удысъёсы
кысконо, мургес тодонвалан
сётоно. Форумын ик
студентъёслэсь проектъёссэс
эскерозы, соосты улонэ
пыӵатыны юрттозы.
________
Сергей ЗАХАРОВ
«Артэ» огазеяськонлэн «ВКонтакте» бамысьтыз

№38 (25950)
2022-тӥ ар 29-тӥ куарусён
15
Тодматскон
Пиналъёслэсь сюлэм гурзэс кылэ
«Шундыкар» лагерьысь
«Эктон» отрядлэн вожатоез
туэ Иван Софронов
вал. Со вордскемын
Пичи Пурга ёросысь
Пуро гуртын. Али дышетске
Ижысь культурая
колледжын, калык
творчествоен тодматске.
Оскоды-а, уд-а, пияш 10
крезьгуро инструментэн
шудыны быгатэ!
— Пичи дыръяд кин луэмед
потэ вал?
— Пичи дыръям туж потэ
вал инсьӧры лобаме — космонавт
луэме. Мыным тунсыко
потылӥз, мар отын, кизилиос
сьӧрын. Инбам шоры
учкыса, весь паймисько вал,
макем со пумтэм-йылтэм,
тодмотэм. Сое эскереме потылӥз!
— Кыӵе вакытад «Шундыкар»
лагерен тодматскид?
— «Шундыкар» сярысь
мон тодӥ бадӟым агаелэсь
— bobolenin группаын басгитараен
шудӥсьлэсь Алексей
Софроновлэсь. Мынам
2-тӥ агае но, Андрей Софронов,
бас-гитараен шудэ
Suleme удмурт группаын.
8-тӥ классын дышетскыкум,
Лёша мыным шуиз: «Мын,
ветлы «Шундыкаре» одно
ик! Тыныд отын туж кельшоз!»
Агае тодэ вал, мар сярысь
вера, угось ачиз кӧня
ке пол та лагере вуылэмын,
«Эктон» отрядлэн вожатоез Иван Софронов.
вожатой луыса но татын ужамын.
Нырысьсэ «Шундыкаре»
куриськонме келяны но
агае юрттӥз, ӵош дасяськимы,
сюлмаськимы. «Шундыкарын»
мон трос тодон-валан
басьтӥ, дано адямиосын
тодматски, лагерь ик мынам
берам ӵыжиз кадь, азинсконо,
котьмаин тунсыкъяськоно-выроно
шуыса. Со мыным
туж юрттӥз.
— Семьяяд тон самой
пичиез шуыса, ӧд-а ӝожомылы?
Иван Софроновлэн архивысьтыз
— Одӥг но уг ӝожомиськы,
мон самой пичиез шуыса.
Монэ золгес ярато, мыным со
кельше. Куддыръя гинэ пыкыло,
тон шузигес ай, уд на валаськы
шуыса. Агайёсыным
мон котьку тупалляй, озьы ке
но мар ке дауртӥськомы ке,
мон виноват кылисько.
— Малы улондэ лулчеберет
удысэн герӟаны малпад?
— «Шундыкарын» 2 пол тодон-валан
люкай «Фольклор»
отрядын. Соку ик валай,
мыным калык кырӟанъёс,
эктонъёс матын пото. Фольклор
мыным туж зол кельшиз,
соин ик мон малпай
азьланяз но соин вырыны,
дышетскыны пыри культурая
колледже.
— Крезьгуро инструментъёсын
кемалась-а
шудӥськод ни?
— Крезьгуро инструментъёсын
мон шудӥсько пичи
дырысеным ик, малы ке шуоно
атае но, бадӟымез агае но
шудо арганэн, гитараен. Ми
ог-огмылэсь адӟем кариськом,
лэся, соос шоры учкыса,
ачим шудыны кутски. Туэ
«Шундыкарын» нырысьсэ
киям кутӥ кубызэз.
Оглом 10 инструментэн
шудыны быгатӥсько ни. Яратоноез
— фортепиано, малы
ке шуоно солэн куараез яркыт,
небыт, соин котьмае шудыны
луэ.
— Кельшиз-а вожатой
сямен ужаны?
— Туж! Мон аслэсьтым
кышканъёсме ворми: сцена
вылын асме йӧногес
возьыны, микрофон кутыса,
дӥсьтыса вераськыны,
кырӟаны дыши. Пиналъёсын
но ужаны быгатӥсько вылэм.
Лагерь азьын малпасько вал,
мыным соосын огкыл шедьтыны
секыт луоз шуыса.
«Эктон» отрядлэн вожатоез
луо шуыса тодэме
бере туж шумпотӥ, малы
ке шуоно мынам аслам
улонэ но удмурт эктонъёсын
герӟаськемын: мон
ветлӥсько «Эктон коркае»,
«Чипчирган» ансамбле.
Отрядысь 8 нылъёсы но
1 пие мыным туж зол кельшизы,
туж тупаса, эшъяськыса
улӥзы, ӧнерчиенызы Лилия
Леонтьеваен туж тыршыса
ужазы. Будӥзы ке, ваньзы туж
ӟеч адямиос луозы!
— Али кыӵе ужпумъёс
азяд пуктӥськод?
— Нырысь ик, колледжез
быдтоно. Собере ужаны
интыяськоно, туж потэ интыяськеме
«Айкай» театре.
Но ужаменым валче заочно
дышетсконме азьланьто на,
дыр.
________
Иван МАШЕВ,
Пичи Пурга ёросысь
Пуро школаын дышетскись,
Мария ЕМЕЛЬЯНОВА
Нимыз валтэ вормонъёсы
«Кылбурет» отрядлэн вожатоез
Виктория Глухова.
Виктория Глуховалэн архивысьтыз
«Кылбурет» отрядлэн
вожатоез Виктория
Глухова вордӥськиз
Дэри ёросын Ожмос-
Пурга гуртын. 2021-тӥ
арын Ижысь культурая
колледжез йылпумъямез
бере пыриз Удмурт
кун университетысь
Удмурт кылосбуръя,
финно-угроведе ниея
но журналистикая институтэ.
Ужаса но
вуттэ — Ижысь культурая
но творчествоя
«Восточный» центрын
режиссёр луэ.
— Малы тыныд Вика
ним понӥллям?
— Куке мон анаелэн кӧтаз
вылӥськем, соку со атаеным
«Тайга» фильм учкем, отын
валтӥсь героиня Виктория
вылэм. Виктория ним возьматэ
«вормон» шуэмез. Озьы,
дыр, нимы монэ сьӧраз валтэ,
котьку вормись луэм потэ.
— Пичи дыръяд вуылӥд-а
«Шундыкаре»?
— Бен, тодон-валан люкалляй
«Туспуктон» но «Театр»
отрядъёсын.
— Ма кариськод ваньмон
дыръяд?
— Яратӥсько мероприятиос
ортчытъяны, сцена вылын шудыны,
сценарийёс гожъяны.
— Секыт-а вожатой луыса
ужаны?
— Мон яратӥсько поэмаосты,
кылбуръёсты, ачим но
туж романтичной адями,
соин ик ӧй сюлмаськы, «Кылбурет»
отрядысь пиналъёсын
огкыл шедьтыны уг быгаты
шуыса. Ужаку туж трос
ӟигар быре, астэ ӧвӧл жаляно,
ваньзэ, мае быгатӥськод
нылпиослы, «Шундыкарлы»
сётоно. Тодӥськод ке, мар
тыныд кароно, кыл кутыны
быгатӥськод ке, вожатойын
ужаны секыт ӧвӧл. Капчи
мылкыддэ пиналъёслы сётӥськод
ке, соослэсь шумпотэмзэс
шӧдӥськод ке, лӧптӥськод,
уен-нуналэн ужам
потыны кутске.
— Мар тон понна «Шундыкар»?
— «Шундыкар» — со сыӵе
дунне, кытын тон астэ эрико
но шудо адямиен шӧдӥськод.
«Шундыкар» — со бадӟым семья,
кытын 10 нунал ӵоже
ваньзы ог-огзылы туж матын
луо.
— Зарни чорыг кутысалыд
ке, мар солэсь курысалыд?
— Котьку мед пиштоз
«Шунды», ваньмы мед шудоесь
луомы, улонмы мед умой
но капчи мыноз.
________
Юля ВОРОНЦОВА.
Можга ёросысь
Кибъя гурт

№38 (25950)
16 2022-тӥ ар 29-тӥ куарусён
«Шундыкар» лагерьлы — 30 ар
Ум люкиське, эшъёсы, даурамы!
1992-тӥ арын быгатӥсь
удмурт нылпиос понна
кылдӥз «Шундыкар»
лагерь. «Шунды» огазеяськонэз
но туала
егитъёсмылэсь улонзэс
сотэк син азе пуктыны
уг луы ни.
«Шундылэн»
яркыт сиез
Соку, 30 ар талэсь азьло,
али гинэ кылдэм «Шунды»
огазеяськонысь мыло-кыдо
егитъёс малпазы огазе люканы
кырӟась, гожъяськись,
кибашлы пиналъёсты. «Шундыкар»
ик огазеяськонэз быдэс
элькунмылы но фин-угор
дуннелы тодмо кариз.
Та аръёс ӵоже лагерь пыр
5 сюрслэсь трос пиналъёс
потӥзы ни, пӧлазы шаерысьтымы,
Башкириысь, Татарстанысь,
Марий Эл но Пермь
улосъёсысь егит удмурт
азьветлӥсьёс. Лагере кунгож
сьӧрысь но куноос вуылӥзы:
кӧня ке ар ӵоже удмурт сямйылолъёсын,
кылын тодматскизы
Эстониысь пиналъёс.
Аръёс ортчыса, «шундыкарчиосты»
котькыӵе удысысь
пумитаны луэ ни: кин ке тодмо
кырӟась, кин ке актёр, кин
ке журналист, кин ке кылбурчи
яке писатель, кин ке
дышетӥсь, историк луиз.
— «Шундыкарчиосын»
ульчаын пумиськиськод ке,
матысь ӵыжы-выжыеныд
ад ӟиськиськод кадь, — вера
«Удмурт Кенеш» огазеяськонлэн
тӧроез Татьяна Ишматова
(со «Шундыкарын»
шутэтскемын но, отын ужамын
но, соин кивалтэмын
но). Егитъёс верало ке, соос
«Шундыкарын» вал шуыса,
мылкыды ӝутӥське, соос
мыным семьяе кадь пото
ини. Оскисько, ар пумын
вань «шундыкарчиос» понна
бадӟым ужрад лэсьтыны быгатомы
шуыса, туж потэ ӵош
люкаськем, шундыё карен
герӟаськем тодэ-ваёнъёсы
зымем.
«Шундылэн» проектъёслы
узыресь но куанересь вакытъёсыз
вал, озьы ке но «Шундыкар»
весь улӥз. 2021-тӥ арын
но, коронавируслэн вӧлмемез
шоры учкытэк, егитъёс
дӥсьтӥзы сменаез ортчытыны,
ӵок, толалтэ ке но.
Сӥзьыл ӧз курдаты
Таяз аре «Шундыкар» ӧсъёссэ
сӥзьыл, 9-тӥ куарусёнэ,
усьтӥз, Иж котырысь «Ёлочка»
лагерьын 10 нунал ӵоже
кыстӥськиз.
— Жаляса верано, гужем
милемыз пумитаны одӥг лагерь
но дась ӧй вал, ваньзы
«Лудорвай» музей-заповедникысь ӧнерчиос возьматӥзы пиналъёслы,
кызьы удмурт сюан ортчытоно.
асьсэлэсь сменаоссэс ортчытъязы,
— вераз «Шунды»
огазеяськонлэн тӧроез Виолетта
Анисимова, — нош
милям сменамы бадӟым, вожатойёсты
но ӧнерчиосты
лыдъяса, 100-лэсь трос люкаськиськомы.
Занятиосты
ортчытъян понна милем трос
инты кулэ. Соин ик лагерез
сӥзьыллы выжтӥмы.
Виолетта пусъе, лагерь
азьын сюлмаськонъёс трос
вал шуыса.
— Туж оскисько вал,
сӥзьыл но пӧсь гужем кузёяськоз
шуыса, — вераз тӧро.
— Но кезьытскиз, пиналъёсмес
сак эскероно луимы,
шуныт мед дӥсяськозы шуыса.
Висьыны усемъёс трос ӧй
вал. Курдасько вал, нылпиосты
школаысь уз лэзе шуыса,
угось дышетскон вакыт
кутскемын. Но «Шундыкаре»
сюрыны мылкыд карисьёс
тырмыт вал. Сменаез нырысьсэ
радъясько ке но, вормонтэм
шуг-секытъёс ӧй вал.
Нылпиослэн, вожатойёслэн,
ӧнерчиослэн бурдъяськем
мылкыдзы мыным паласькиз,
лэся.
Пинал геймеръёс
Валтӥсь вожатойлэсь ужзэ
таяз радэ ас вылаз мертаз
кылбурчи, егит азьветлӥсь
Полина Куликова:
— «Шундыкарын» тон астэ
возьматыны быга тӥськод.
Одӥг нуналэ сцена вылын
шудӥськод, мукетаз — интервью
басьтӥськод, куинетӥяз
— киужен выриськод. Нылпи
умойгес валаны кутске,
мар солы золгес кельше, мар
солы тунсыкогес потэ. Огшоры
улонын таӵе вакчи дыр
куспын озьы уг пӧрмы. Ачим
но туэ, огшоры вожатой интые,
валтӥсь вожатой луыса
ужай: программа малпай,
ужрадъёс дасяй, отчы-татчы
вуттӥськи, вань ужпумъёсты
йырам возьыны турттӥ. Капчи
ик ӧвӧл вылэм.
Уен-нуналэн, висёнлы но
жадёнлы сётскытэк, ужано
луиз вожатойёслы, угось соос
бордысь потэ, макем тунсыко
но пайдаё луоз смена.
— Мынам потӥз «Шундыкаре»
лыктэме, малы ке
шуоно таяз гужеме Можгаысь
«Егит тулкым» лагерьын
вожатой вал, мыным туж
кельшиз! — вераз Удмурт
кун университетысь студент,
«Фольклор» отрядлэн
вожатоез Александр Ильин.
— Пиналъёслы вожъяськыса
улӥ: соос татын ужало но,
дышетско но, шутэтско но.
Татын улон туж яркыт! Доразы
пукысалзы ке, сомында
шулдыр тодэ ваёнъёссы ӧй
луысалзы.
Лагерьлэн нырысетӥ нуналаз
ик пиналъёс выль дуннее
зымизы. «Шундыкарез»
усьтыкузы, вожатойёс вань
пиналъёсты ӧтизы малпам
компьютерной шудонэ пыриськыны.
«Шундыкаринг»
кыстӥськиз 10 нунал ӵоже.
Котькуд нунал кыӵе ке отрядлы
— министерстволы
— сӥземын вал. Шудӥсьёс
пӧртэм удысъёсын асьсэ быгатонлыкъёссэс
эскеризы,
баллъёс — аръёс — люказы.
Валтӥсь ужпумзы вал, смена
бырытозь, 30 ар бичаны.
Пиналъёс аръёс понна
зол нюръяськизы. Туж
шумпотылӥзы, соосты басьтыкузы,
туж ӝожомылӥзы,
уйёсы пинь миськон пастаен
зыраськыкузы, вожатойёс
соосты кутыку: угось йыртэмамзы
понна кӧня ке арзэс
соослэсь талаллязы. Ужрадъёсын
но, уйин пас таен
зыраськонын но асьсэдыз
умой возьматӥзы «Эстрада»
но «Программирование»
Туспуктӥз Виолетта АНИСИМОВА
«Видеоискусство» отрядысь пиналъёс
раскадровкая клип снимать каризы.
отрядъёсысь пиналъёс.
Бал лъёссэс кулэстылӥзы
ке но, аръёссы вормыны
тырмизы.
Малы школаын
уг дышето
Куд-ог анай-атайёс ӝожтӥськылӥзы,
«Шундыкарен»
сэрен пиналъёссы урокъёсты
кельтозы, ӧжытгес тодон-валан
люкалозы шуыса. Талы
пумит ӧнерчиослэн валэктонзы
ӝог кисьмаз: «Татын
соос дышетскозы солы, малы
школаын уг дышето!»
Кылсярысь, «Программирование»
отрядысь пиналъёсты
Android-разработчик но
программист Григорий Григорьев
телефонъёслы ватсэт
лэсьтыны нодъяз.
— Пиналъёс отрядам
пӧртэмесь люкаськизы: кин
ке ватсэт лэсьтон бордын
ужамын ни, кин ке али гинэ
программированилэн кылыныз
тодматске, — вераз
Григорий, — соин ик та удысын
ужам пиос асьсэ коже
приложениос лэсьтӥзы ни.
Дэбес ёросысь Арсений Поздеев
удмурт произведениосты
лыдӟон понна ватсэт
кылдытӥз, нош Ижысь Максимилиан
Аляшев удмурт
кылъёсты дышетон понна —
шудон. Мукет пиос лэсьтӥзы
куазез тодон понна удмурт
ватсэт но виджет.
«Эстрада» отрядлэн
ӧнер чиез, «Шулдыр ӝыт»

№38 (25950)
2022-тӥ ар 29-тӥ куарусён 17
ансамбльысь кырӟась Эльвира
Панченко концертэ
огазеяз «Шундыкарлэсь» 30
аръем историзэ, пиналъёс
возьматӥзы, мае отын азьло
кырӟало вал но мае али.
«Журналистика» отрядысь
пиналъёс ӧнерчиенызы,
«Дарт» газетлэн редактореныз
Мария Емельяноваен
журналистикалэн
пӧртэм ӧръёсаз ужазы. Нуналлы
быдэ борддор газет
лэсьтӥзы, смена пумын, усто
ужъёссэс люкаса, кие кутымон
газет поттӥзы. Котькуд
ӵукна быдэс «Шундыкар»
тыр чузъяськылӥз егит журналистъёслэн
«Сайкан» радиозы.
Кылем дырзэс соос
сӥзьылӥзы Интернетысь
«Даур ТВ» телеканаллы. «Пинал
нылпи» передача понна
мастер-классъёсын рубрика
кылдытӥзы. Озьы матысь
дыре уй но нунал ужась эфирын
луоз учкыны, кызьы басмалэсь
мунё лэсьтоно, бисерлэсь
зундэс пуноно но кызьы
буяськоно.
«Видеоискусство» но ушъяськыны
дась: 10 нунал куспын
пиналъёс клип поттӥзы,
репортажъёс но опросъёс,
удмурт брендъёслы реклама
лэсьтӥзы. Та ужлы дышетӥз
«Куара» огазеяськонлэн ёзчиез
Владимир Кондратьев.
Нырысьсэ «Шундыкарын»
ужаз «Кылбурет» отряд.
Кылбурчи Богдан
Анфиногенов отрядаз
бичаськем нылъёслы литература
дуннеез усьтӥз,
трос киноос возьматъяз.
10 нунал ӵоже cоос «Сайкыт
лӥял» кылбур бичет поттӥзы.
Отчы 30 кылбуръёс пыризы.
«Театр» отрядэз визьнодаз
актриса Надежда Никитина.
Василий Шукшинлэн
веросъёсызъя пуктэм спектакль
нылпиосты серекъятӥз
но, бӧрӟытӥз но.
«Шундыкарысь» кибашлыос
туэ пыр-поч пуэн ужазы.
— Малпай, лагерь дыръя
пиналъёсын ӵош ачим но
вылезлы дышетско шуыса,
— вераз «Кибашлы» отрядлэн
ӧнерчиез Илья Едыгаров,
— соин ик эпоксидной сир
басьтӥ. Ачим но нырысьсэ
соин ужай. Выль амалэн пичи
ӝӧк лэсьтӥмы.
Со сяна, пиос зундэсъёс,
телефонъёслы подставкаос,
вӧшъёс лэсьтыса вуттӥзы.
Вашкала удмурт сямйылолъёсты
утён но азинтон
понна кыл кутӥзы «Фольклор»,
«Мунё» но «Эктон» отрядъёс.
«Фольклорысь» пиналъёс
ӧнерчизы — «Лудорвай» музей-заповедникысь
специалист
Анастасия Байматова
— юрттэмъя тодӥзы, кызьы
вашкала вакытъёсы егитъёс
ваньмон дырзэс ортчытъязы,
шулдыръяськизы. «Эктон»
отрядысь пиналъёсты «Чипчирган»
ансамбльлэн хореографез
Лилия Леонтьева
«Мунё» отрядысь нылпиос басмалэсь мунё лэсьтӥзы
но мунё сюан возьматӥзы.
дышетӥз пӧртэм ёросъ ёсын
но улосъёсын улӥсь удмуртъёслэн
эктонъёссылы. Нош
«Мунё» отрядысь пиналъёс
тодӥзы, кыӵе мунёоосын
соослэн песянайёссы
шудылӥзы, асьсэос но соосты
лэсьтӥзы. Талы дышетӥз
Можга ёросысь Кватчи гуртысь
«Катар» студилэн кузёез
Валентина Берёзкина.
Пумиськытозь
«Шундыкарлэн» берпуметӥ
нуналаз синкылиоссэс ватыны
ӧз быгатэ нылпиос но,
вожатойёс но, ӧнерчиос но —
сокем дышиллям ог-огзылы,
люкиськемзы ик уг поты!
«Шунды» огазеяськонлэн
тӧроез Виолетта Анисимова
оскытэ: ар пумын «шундыкарчиос»
понна Ижкарын
бадӟым ужрад ортчоз на. Со
огазеялоз лагерьын пӧртэм
аръёсы шутэтскем, ужам
пиналъёсты, вожатойёсты,
ӧнерчиосты.
«Шунды» огазеяськонлэсь
гимнзэ тодэ ваёно ке, соку ик
йырын кылдэ чур: «Ум люкиське,
эшъёсы, даурамы». Та
кылъёсты «шундыкарчиос»
котьку куто сьӧразы, ог-огзэс
уг ке но адӟыло, сюлэмъёсазы
котькуд эшсэс возё. Озьы вал
30 ар ӵоже, «Шундыкарлэн»
100 аресозяз но озьы ик мед
луоз!
________
Мария ЕМЕЛЬЯНОВА
Мылкыд
Котькуд вожатойлэн
аслаз нылпиосыз
Мария Дмитриева (шорысез) отрядысьтыз нылъёсын.
«Шунды» огазеяськонлэн тӧроез, валтӥсь вожатой, вожатойёс,
ӧнерчиос но вань нылпиос «Шундыкарлэсь»
30-тӥ сменазэ шуныт но вунонтэм каризы.
«Шундыкаре» мон вуи нырысьсэ: нылпи дыръям татчы
ӧй ветлы. Туэ отчы вуылыны одно ик кулэ шуыса малпай.
Ужам отпуск кутӥ но лагере кошки. Со сярысь мон одӥг но уг
жаляськы. «Шундыкар» усьтӥз мыным сомында паймымон
адямиосты, ачим шоры но мукет сяменгес учкыны кутски.
Ми 9 кузя вожатойёс вал: Настя Чиркова, Саша Лукоянова,
Оля Егорова, Ульяна Архипова, Вика Глухова, Саня Ильин,
Катя Ермолаева, Ваня Софронов но мон. Талэсь усто команда,
мон малпамъя, люкаськыны ӧй быгатысал.
Лагерь вожатойёс понна кӧня ке арнялы вазьгес кутскиз.
Валтӥсь вожатоймы — Полина Куликова — «Шундыкарлэсь»
темазэ малпаз но вань вожатойёсты огазеяз. Лагерез усьтон
ужрадлы дасяськимы, Ижкарын ӝытъёсы но шутэтскон
нуналъёсы люкаськылыса, со куспын ик ог-огмес умойгес
тодӥмы.
Мынам туж потэ вал «Видеоискусство» отрядлэн вожатоез
луэме, озьы ик пӧрмиз. Аслам видео лэсьтыны быгатэме
юрттӥз нылпиосыным матынгес луыны. Соос тонэ ярато ини,
дырдэ но шуныттэ соослы сётӥськод шуыса, нош куке шӧдтэк
шорысь мар ке вераськод на экспозиция сярысь яке композицилэн
куронъёсыз сярысь, соос сыӵе гажаса шорад учко. Тон
соослы аслэсьтыд яратондэ кузьмаськод, нош пиналъёс сое
кӧня ке поллы будэтыса берыкто.
Вал сыӵе нуналъёс но, ку тон кутскиськод пушкад бугыръяськыны:
умой-а тон вожатой, ваньмыз-а тынад пӧрме,
тырмыт-а тон лэсьтӥськод нылпиос понна. Мон уг тодӥськы,
кызьы соослэн озьы пӧрме, но сыӵе дыръя нылпиос шӧдо
тынэсьтыд сюлмаськонъёстэ но буйгатӥсь кылъёс шедьто:
верало яратэмзы сярысь, ушъяло тонэ. Со туж дуно.
Нырысетӥ нуналысен ик вожатой нылпиосыныз одӥг
семья луэ. Мон учкисько вал аслам нылпиосы шоры, мукет
вожатойёс но соослэн нылпиоссы шоры но валасько вал,
котькудӥз аслаз интыяз шуыса, котькуд отрядлэн солы гинэ
тупась вожатоез. Магия!
Кылсярысь, Настя Чиркова шӧдтэк шорысь 2 отрядлы
вожатой луиз, угось лагерь азьын ик 10-тӥ вожатоймы висьыны
усиз. Настялэн вал «Программирование» но «Эстрада»
отрядъёс. Ку таӵеез луыны быгатысал на! Кык воксё пӧртэм
отрядъёс — гань-гань, визьмо, малпаськись программистъёс
но шаплы, яркыт но аляк кырӟасьёс — ӵош. Но Настя капчиен
соослэсь одӥг команда кылдытӥз. Котькуд планёрка дыръя 20
минут ӵоже ушъяса вералляз нылпиосыз сярысь.
— Вожатойёсын ужаны капчи вал, мон соосты туж яратӥ, —
вераз «Театр» отрядлэн вожатоез Ульяна Архипова. — Нырысь
кӧня ке кышкыт но вал: сцена вылын сылӥськод, тон шоры
сомында адямиос учко. Но тыныд пиналъёс понна адӟем
карымон луоно.
Лагерь ортчиз туж ӝог. Бертэм но уг поты на вал. Та 10
нунал кемалы сюлэме кылёз. Туж потэ нош ик пумиськеммы
вуоно 2023-тӥ арын.
________
Мария ДМИТРИЕВА
Мария Дмитриевалэн «ВКонтакте» бамысьтыз

№38 (25950)
18 2022-тӥ ар 29-тӥ куарусён
Книга ӝажы
Мае лыдӟо
«шундыкарчиос»?
Шуо, туала нылпиос книга уг лыдӟо. Нош «Шундыкарысь»
пиналъёсын вераськыса, тодӥ, соос книгаосты
киязы ӵем кутыло шуыса. Мае соос лыдӟо?
Владимир
Короленко
«Дети
подземелья» (6+)
Повесть 1885-тӥ арын
ик гожтэмын ке но, школаын
дышетскисьёс сое
али но лыдӟо. Повестяз
В. Короленко вера быдэ
вуись нылпиослэн куанер
улонзы сярысь: кызьы соос
эшъясько, кызьы бадӟым
дуннеен кусып возё, кызьы
анай-атайёсынызы огкыл
шедьто.
Стивен Кинг
«Мизери» (16+)
Книгаын возьматэмын
писательлэн Пол Шелдонлэн
но солэсь творчествозэ
дунъясьлэн Энни Уилкслэн
кусыпъёссы. Машинаен
шуккиськыса, Пол сӧсырме,
ас кожаз улыны уг быгаты.
Энни нимо нылкышно сое
аслаз юртаз вае, писателез
йӧнатыны выре. Но ӝоген
валамон луэ, малы Энни
авторлы сокем синмаське,
солэсь улонзэ зол воштэ.
Пол Эдвардс
«Как читать
рэп» (16+)
Рэп лыдӟыны мылкыд
карисьёслы та книга валэктоз,
кызьы ӟеч текстъёс
гожъяно, усто рифмаос малпано,
кылзӥсьлэсь саклыксэ
кысконо. Книгалэн авторез
вера, шонер шоканы, темпез
возьыны ӧвӧл вунэтоно
шуыса. Озьы ик тодматэ
рэплэн историеныз, роспрос
маде, кызьы вордӥсько
рэп-хитъёс.
Нил Гейман
«Коралина
в стране
кошмаров» (12+)
Коралина шӧдтэк шорысь
выжыкыл дуннее
сюре. Со огшоры улонэзлэсь
номырин уг висъяськы
кадь, но татын нылашез
выль анай но атай возьмало.
Пӧртэм шуг-секытъёс
пыр потыса, Коралина
тырше кӧшкемыт дуннеысь
мозмытскыны. Книга
кутсконысеныз пумозяз
лыдӟисез ас бордаз возе.
________
Елизавета ЕВСЕЕВА.
Алнаш ёросысь Мукшур гурт
Будӥсь куараос
Капчи мылкыдзэ кузьмасал
«Шундыкарысь»
«Журналистика»
отрядлэн вожатоез
Оля Егорова
вордӥськиз
Пичи Пурга
ёросысь Куреггуртын.
Улоназ
творчество
бадӟым инты
басьтэ: кылбуръёс,
кырӟанъёс
гожъя, укулелеен
но гитараен
шудэ, видео снимать
но монтировать
каре.
— Пичи дыръяд
кин луэмед потэ вал?
— Актёр, тренер
яке дышетӥсь луэме
потэ вал. Школаын
дышетскыкум,
олокыӵе но профессия
сярысь малпаськыса
улӥ кадь. Тани школаме
но быдтӥ, нош
кин луэме потэ, али
но уг валаськы. Соин
ик малпай 1 ар ял карыны.
Али тани вожатой
кариськи, собере
эшшо кыӵе ке удысын
асме эскеро на.
Кырӟасьёс дорын шулдыр
«Шундыкарын» журналистика
отрядын
тодон-валан люкай.
Но одӥг пол мыным
удалтӥз вуыны эстрада
отрядлэн занятияз.
Занятилэн кутсконаз
нылпиос куараоссэс сайкато,
пӧртэм упражнениос лэсьто.
Собере гинэ кырӟаны кутско.
— Ӧнерчиенымы Эльвира
Панченкоен ужаны мыным
туж зол кельше, малы ке
шуоно со трос выль тодонвалан
сётэ, ваньзэ туж умой
валэктэ, — вераз «Эстрада»
отрядысь Аделина Гаранькина.
Аслым но кырӟасьёс дорын
туж кельшиз, пиналъ ёсын
Лобзик, наждачка, станок
— ваньзэ тае мон
адӟи «Кибашлы» отрядлэн
ужан интыяз. Пиос
тыршо: чертёж лэсьто,
вандыло, сое-тае скотчен
лякыло.
Кибашлыослэн ужзы
туж секыт вылэм, станок
бордын сылыны ик кышкыт,
нош соос соин олома
но пӧрмыто. Кызьы верало
нылпиос, соослэн ужзы
«Журналистика» отрядлэн вожатоез
Ольга Егорова.
— Кельше-а вожатой
луыны?
— Мон «Шундыкарын»
пӧртэм отрядъёсын
тодон-валан
люкалляй. Туэ
тани вожатой луыса
лыктӥ. Ужаны мыным
туж кельше! Нырысь
кышкасько вал:
пӧрмыто-а ваньзэ?
Вожатой котьку мыняны,
шулдыртыны
быдэстэм гуръёс сюлмам мур
пыризы.
— Мыным туж яраське, кызьы
Эльвира милемыз дышетэ,
мон татчы ӧй вуысал ке, роспрос
кырӟаны ӧй быгатысал,
Уж вискын супыльтонъёс
быгатыны кулэ, нош
мынам батарейкае
ӝог пуксе. Озьы ке но
шундыё адями луоно.
Таиз пумысен гинэ
секыт, дыр. Вожатойёс
ӝожтӥськыло,
ичи кӧло шуыса, нош
мыным изён тырме.
Отрядам туж творческой
нылпиос:
соос быгато кылбур
но гожтыны, сценка
«Эстрада» отрядысь пиналъёс куаразэс сайкато.
пумтэм-йылтэм. Тани соос,
эпоксидной сирен лякылыса,
ӝӧк лэсьто. Магазинъёсын
со выллем арбериосты
30 сюрсэн вузало, пе.
Пиос ӵаш поттыса ужало
ке но, улонзы сярысь вераськыны,
серекъяны дыр
шедьто. Кӧня ке ужаса, соос
шутэтскыны пуксё, нош
ӧнерчизы Илья Едыгаров
улонысь учыръёссэ мадьылэ.
Кылсярысь, со нылашлы пулэсь
зундэс лэсьтэм, нылаш
Ольга Егоровалэн архивысьтыз
но возьматыны, суредаськыны
но,
кырӟаны но. Журналистика
огазея вань
ӧръёсты.
— «Шундыкарын»
вожатой луыны
кельшегес яке нылпиос
сямен шутэтскысал-а?
— Мон малпасько,
одӥг кадь: нылпи
дырлэн но, вожатой
дырлэн но ӟеч палъёсыз
вань.
— Кыӵе льӧль
малпанэд вань?
— Парапланэн туэ
гужем лобай ни, табере
туж потэ парашютэн
тэтчеме. Кругосветной
путешествие
вырӟысал… Зэмзэ ке,
потэ туж шудо адями
луэме, аслэсьтым
капчи мылкыдме мукет
адямиослы кузьмаме.
________
Юлия ВОРОНЦОВА.
Можга ёросысь
Кибъя гурт
дыр, — вераз «Эс трада» отрядысь
Евгения Маркова.
________
Мария МЫЛЬНИКОВА.
Алнаш ёросысь Туймыйыл гурт
сое дӥсяны кутскем но, зундэсэз
чиньыяз ик тӥяськем.
— Мон битбоксэн вырисько,
суредаськисько, компьютерной
шудонъёсты яратӥсько, видео
монтировать карисько, —
ушъяське ӧнерчизы.
Нош кӧня меда учыръёссэс
тодазы вайизы на 10 нунал
ӵоже!
________
Елена ХОХРЯКОВА.
Дэбес ёросысь Уйвай гурт
Туспуктӥз Мария МЫЛЬНИКОВА

№38 (25950)
2022-тӥ ар 29-тӥ куарусён 19
Эчешон
Кыӵе пуштросэз татулэн?
Вашкала вакытъёсысен адямиос татуировка лэсьто. Пӧртэм дыръёсы со шоры
пӧртэм сямен учкылӥзы. Али песяйёс татуез адӟо ке, тонэ соку ик «зэк»,
«сатанист» шуо, нош эшъёс ушъяло но юало, вӧсь-а вал мугорез пужыятыны.
Туала улонын татуировка чеберъяськон арберилы пӧрмиз ни. Нош кулэ-а солэн
кыӵе ке пуштросэз луыны?
VS
Удмурт кун университетысь Удмурт кылосбуръя,
финно-угроведениея но журналистикая
институтын дышетскись, кылбурчи
Андрюха Андеграунд:
Удмурт кун университетысь
Удмурт кылосбуръя, финно-угроведениея но
журналистикая институтлэн
кивалтӥсезлэн воштӥсез Ангелина Сидорова:
— Мынам эшъёсылэн татуоссы вань. Кин ке
кельшымон суредзэ мугор вылаз пуктӥз, кинлэн
ке суредэз мур пуштросо, куинетӥезлэн —
аслыз гинэ валамон. Куд-огъёсыз мыным чик
уг кельшо, но кин мынэсьтым малпанме юаз?
Соослы кельше ке, мед ветлозы.
Мыным уг кельшы, али куд-ог интыосы татуировкаосын
егитъёсты ужаны уг куто шуыса.
Маиныз кадь огшоры суред ужаны люкетоз?
Мыным потэ, туала вакытэ татуировка шоры капчигес, валасагес учконо
ни, адямиез со понна ултӥяно ӧвӧл, тату — со котькинлэн аслаз ужез.
Ачим тату лэсьтысал ке, нырысь ик чакласал, кыӵе интые, мар
быдӟа сое лэсьто, пуштросэз сярысь умой-умой малпаськысал. Ӵок,
сое ваньзы уз валалэ ке, мон ачим малы кылдэмзэ тодо ук.
Мыным потэ, арлыдоослэсь татуировка пумысен малпанзэс воштыны
секыт луоз шуыса.
— Егитъёсын ужасько бере, соосты валаны
тыршисько. Татуировкаос монэ уг кышкато.
Армия пыр ортчем воргоронъёслэн татуировкаоссы
мыным кельшо но, соосъя луэ
валаны, кыӵе войскоосын соос служить каризы.
Студентъёсмылэсь татуировкаоссэс но учкылыны
яратӥсько. Но ваньмызлэн эсэпез луыны
кулэ: быдэс мугор пужыятэмын ке, чебер уг
адӟиськы ни. Уг яратӥськы, пиналъёс мугоразы
огшоры суредъёс, пужыос пукто ке. Мон малпасько, котькуд татулэн
пуштросэз луыны кулэ, угось со быдэс улонлы суредаське. Кылсярысь,
со кулэ возьматыны, маин адями тунсыкъяське, маин улэ, мае дунъя.
Но куддыръя егитъёс тату лэсьто калык азьын чеберъяськон понна
гинэ. Таӵеезлы мон пумит. Тани вотэсын трос блогеръёс, кудъёсыз
номыр карыны уг быгато, пужыятэм мугоренызы сэрен гинэ модельёс
луо. Тату нырысетӥ интыын луыны кулэ ӧвӧл.
________
Андрей АНТОНОВ
Студентъёс
Яра-а параосты кельтыны?
Кутскиз дышетскон ар. Сюлмысь ӟечкыласал дышетскыны
пыремъёсты. Табере тӥ студентъёс. Тросэз студентъёс дышетсконзы
сярысь туж зол сюлмасько, «витьёс» гинэ октыны
тыршо, нош кин ке пӧртэм ужрадъёсы пыриськыны, маскаръяськыны
вуттэ. Ми, студент улонэз шӧмъямъёс, тӥледлы кӧня
ке дэмланъёс сётыны дась.
Янгыш дэмланъёс:
• Табере тон школаын
дышетскись ӧвӧл, тон
эрико адями: расписаниез
эн учкы, гуртысь
уждэ эн лэсьты. Лекциосы
ветлы, мылыд
потыку гинэ. Параын
мӧзмыт луиз ке — аудиториысь
пот.
• Субботае занятиосы
мынон вылысь вазь
сайкад ке, берен валесад
выд. Кӧня ке параез
кельтӥд ке, номыр
кышкытэз уз луы.
• Лекциосын преподавательлэн
котькуд кылыз
борды дэмӟылэ. Со
шумпотоз, тӥ сое сак
кылзӥськиськоды шуыса.
Быгатӥськоды солэсь
юаны: «зэмзэ-а?»,
«тӥ асьтэос-а малпады?»,
«мон тӥледлы уг
оскиськы», «тӥ янгышаськоды».
• Кагаз вылэ гожтэ,
мар сярысь потэ
кылзэмды вуоно
лекциын. Сётэ сое
преподавательдылы.
Вералэ солы, кызьы со
ассэ возьыны, кызьы
вераськыны кулэ.
• Смартфондэс ноку
но эн кысылэ, кин ке
жингыртӥз ке, зол куараен
вераське. Нош со
понна медам тышкаське
шуыса, телефондэс
кутыкуды, вералэ
декандылэсь нимзэ:
Суредаз Мария ЭШМАКОВА
«Чырткемесь, Илья
Иваныч, кылзӥсько».
Эшшо но умойгес луоз,
тазьы верады ке: «О-о,
Пётр Петрович лекциын,
ӧз, бере ӧз кыльы,
туннэ умой лыдӟе».
Шонер дэмланъёс:
• Экзамен дыръя чакла
ымныр тустэ. Малпаськы,
кызьы сое
преподаватель адӟе.
Ымнырдэ туж визьмо
эн кары, соку
дышетӥсь уно юанъёс
сётъяны кутскоз.
• Лекциосын астэ шыпыт
возь. Татын трос
вераськид ке — экзаменын
но трос зулёно
луод.
• Студенческой билеттэ
котьку сьӧрад нуллы.
Со сьӧрад луиз
ке — университетысь
вань ӧсъёс азяд
усьтӥськозы.
• Вань шуг-секытъёсты
серем пыр пот.
• Тон староста ке, пусйы
журналын сое, кин параосы
ӧз вуы. Тыныд
секыт ӧвӧл, нош мукетъёсыз
шумпотозы.
Тани та дэмланъёс одно
ик юрттозы тыныд дышетскондэ
сайкыт йырын йылпумъяны.
________
Мария ЭШМАКОВА
«ЭТНОэксперт»
Умой-а
тодӥськомы
калыкъёсты?
Ижысь Эшъяськон
юртысь методистъёс
кӧня ке
ар ӵоже «ЭТНОэксперт»
шудон
ортчытъяло ни.
Визьзэс сынаны
отчы люкаськыло
элькунысьтымы
школьникъёс.
Сое радъян понна Россиысь
Лулчеберет удысысь
кичӧлтонъя фондысь
грант утэмын вал.
Командаос пӧртэм
калыкъёслэн кылъёсынызы,
лулчеберетэнызы
но сям-йылолъёсынызы
герӟаськем юанъёслы валэктонъёс
утчалозы, шудонлэн
«Импровизация»
люкетаз шугъяськытӥсь
учыръёсысь потыны
тыршозы, «Экспромттеатрын»
шудозы.
Ижкарын сяна, шудонъёс
ортчозы Глазовын,
Можгаын, Сарапулын,
Эграын но Гракын.
Шудонэ пыриськыны
мылкыд карисьёс
куриськонъёссэс 26-тӥ
коньывуонозь etnonoch@yandex.ru
электрон почтае келяны
быгато.

№38 (25950)
20 2022-тӥ ар 29-тӥ куарусён
«Айшон» лаборатория
Дырлэн пусэз
22-тӥ куарусёнэ Туала
драматургилэн но режиссуралэн
центразы
ортчиз удмурт дэремъя
«Айшон» лабораторилэн
йылпумъян
ужрадэз. Ӝыны ар
куспын ма лэсьтэмын
вал возьматӥзы проектлэн
кивалтӥсез
Ольга Степанова, «Куара»
огинлэн ёзчиосыз
но «Айшон» проектэ
пыриськисьёс.
Ваньмыз кутскиз Удмуртилэн
пӧртэм ёросъёсаз ортчем
семинаръёс бордысен.
Котькудаз «Айшон» лабораторилэн
командаез пӧртэм
удмурт дэремъёсты эскериз,
удмурт дӥськутэн чебер видео
лэсьтыны дышетӥз. Со
вакытэ ик уйпал, шор но
лымшор удмурт дэремъёс
сярысь видеороликъёс дасямын
вал.
Озьы ик проект куспын
кылдытэмын аспӧртэмлыко
дырпус (календарь). Со бордын
ужазы проектлэн специалистъёсыз:
Дарали Лели,
Василика Касаткина, Максим
Агафонов, Наталья Бондарчук,
Евгения Касимова,
Юлия Камашева, Марина
Степанова. Малпамын вал
12 туала тузӥ образ, соосты
тодмо удмурт нылъёс
возьматӥзы, туспуксизы.
Гудырикошконэ вотэсын
ортчиз вашкала дэремъёс,
чыртывесьёс сярысь гожъясьёслэн
конкурссы. Вормисьёс
шукрес кузьымъёс
басьтӥзы.
Вань та ужъёс быдэсмизы
Россиысь Лулчеберет
кичӧлтонъёсъя фондысь утэм
коньдонэн. Йылпумъян ужрадэ
люкаськем калык туала дизайнеръёслэн
коллекциоссылы
синмаськиз, ӵошатсконын
вормемъёсын ӵош кузьымъёслы
шумпотӥз, вашкалазэ
выль сямен утён амалъёсын
тодматскиз.
________
Галина ЕВСЕЕВА
Туспуктӥз Максим АГАФОНОВ
«Дартэ» юанъёсын, дэмланъёсын вазиськоно
73-33-42 телефон номеръя.
Материалъёстэс, туспуктэмъёстэс, суредъёстэс ыстэлэ
электрон почтае dart.gazet@yandex.ru.