gerd №8

Удмуртлыклы,
калык кусыпъёслы
сӥзем газет
№40 (25952)
2022-тӥ ар 13-тӥ коньывуон 13
Иворъёс
Дано премия
2005-тӥ арысен Удмуртилэн
кунлык
басьтон нуналыз
азьын Дэбес ёросысь
усто адямиослы
сётӥське Г. Корепанов-Камский
нимо премия.
Вашкалазэ утён
Калыклэсь чеберзэ
пиналъёслы усьтэ
Уно аръёс ӵоже та ёрос
премиен сӥлы каремын
ни удмурт кылэз,
культураез азинтонын
но вӧлмытонын тыршись
муртъёс, коллективъёс
— оглом 13 мурт
но 3 коллектив лауреат
луэмын. Вормисьёсты
дипломен но коньдон
премиен пусъё. Отӥяз
соос калыкен пумиськонъёсы
поталляло, ас
пал эшъёссэс гуртоос
ӟечгес мед тодозы
шуыса.
Туэ но «Удмурт Кенеш»
огазеяськонлэн Дэбес
ёросысь ёзэз, дано композиторез
сӥлы карыса,
конкурс ялӥз. Документъёсты
куто 17-тӥ
коньывуонозь.
Выжы гур
Творчествоен вырись
семьяосты
ӧтё «Выжы гур»
фестивале пыриськыны
(0+). Радъя
сое Ижкар администрация.
Бадӟым городын
улыса, удмурт сямйылолъёсты,
кылэз
утьыны уката секыт.
Удмурт семьяослэсь
мылкыдзэс ӝутон вылысь
ик город администрация
фестиваль
ортчытоно кариськиз.
Кырӟаны, эктыны,
вераны, театральной
постановкаос лэсьтыны,
этномодаез азинтыны
быгатӥсьёсты куро
асьсэ сярысь, быгатонлыкъёссэс
возьматыса,
видеоролик гожтыны
но сое 25-тӥ коньывуонозь
yuminatf@gmail.
com электрон адресъя
келяны. Тужгес устоосыз
семьяос 12-тӥ шуркынмонэ
фестивале пыриськозы.
Балезино ёросысь Верх-Люкысь Анна Селезнёва
«Даур гур. Перезагрузка» элькун фестивальын вормиз.
Балезино ёросысь Люк
черкогуртысь Удмурт
культурая центрысь специалист
Анна Селезнёва
«Даур гур. Перезагрузка»
элькун фестиваль-конкурсын
вормиз.
— Мон суро-пожо семьяын
будӥ, — шуэ Анна Селезнёва.
— Буби ӟуч бере, дорамы
ӟучгес вераськылӥм. Но
меми но, песянай но удмуртъёсын,
йылолъёсынымы,
культураен тодматэмысь ӧз
дугдылэ. Монэ бордазы весь
кыскылӥзы удмурт пужыос,
дэремъёс, чалмаос, чукъёс...
Асьмелэн семьяямы соос
малы ке ӧвӧл утиськиллям.
Адямиос вылысь, музейёсысь
адӟисько ке, кутылэме
потыны кутске. Озьы огпол
син шорам йӧтӥз чебер айшет.
Мертатэк ӧй чида. Тодмоелы,
Игорь Кельдибеков
туспуктӥсьлы, шуисько: шулдыр
сӥзьыл куазен таӵе чебер
айшетэн фото лэсьтытэк
кыльыны сьӧлык. Ӵектонэз
умоен лыдъяз. Тодӥмы на,
Калык творчествоя элькун
юрт вашкала лулчеберетлы
сӥзем «Даур гур. Перезагрузка»
фестиваль-конкурс ортчытэ
шуыса. Туспуктэмъёсты
отчы келямы. Вормонмылы
оскимы. Котькинлэсь трос
куара люкамы.
Ёросазы егит нылкышноез
тодмасьтэмез ӧвӧл. Верх-Люк
школаын завуч луыса ужа,
удмурт культураез вӧлмытон
понна трос лэсьтэ. Глазовысь
пединститутэз быдтон араз
ик сое Люк черкогуртысь удмурт
культурая центре ӧтизы.
Центрен кивалтӥсь Лариса
Шкляева эктыны, нылпиосын
ужаны быгатонлыкъёссэ
адӟиз. Анна Селезнёва та
ӵектонлы шумпотӥз. Артысь
гуртъёсысь 8-15 аресъем нылпиосты
котыраз люказ, ансамбль
кылдытӥз.
— Пичи дырысеным эктыны
яратӥсько, — вера Анна Сергеевна.
— Нылпиослы но эктон
пыр удмуртлыкез пыӵатӥсько.
Урокын дышетӥсь луисько ке,
татын творчество пӧлы выйисько.
Пиналъёс понна эш
луыны тыршисько. Сцена
чурыт кариськемез уг яраты.
Нош ми соосын Балезино
ёросысь гуртъёсты гинэ ум
котыръяське, Глазов, Кез палъёсы
но потаськомы. Толэзяз
1 пол ке но асьме гуртамы но
бадӟым концерт пуктӥськомы.
Пичи артистъёсылы но, учкисьёслы
но яра. Калык зал тыр
люкаське.
Люкын ортчылӥсь ужрадъёсы
но нылкышно пиналъёсын
ӵош пыриськылэ.
Татын турмаршрут усьтэмын.
Удмурт, ӟуч, бигер юртъёс
сыло, музейёссы синмаськымон
ужало. Гуртысьтызы
художник Галина Васильева
мастер-классъёс радъялля.
Шаерчи Елена Лекомцева
библиотекаязы лекциос
лыдӟылэ.
— Ваньмы удмуртлыкез
возьыны выриськомы, —
Туспуктӥз Игорь КЕЛЬДИБЕКОВ
пусъе Анна Селезнёва. — Удмурт
нуналъёс ортчытъяськом.
Анай кыллэн нуналаз
амбулаториысьтымы эмчиос,
школаосысь дышетӥсьёс,
магазинъёсысь вуз карисьёс,
колхозын ужасьёс — ваньмы
удмурт дэремен уже
потӥськомы. Соин но нылпиос
гуртамы удмурт луэмзылэсь
уг кепырало. Концертъёсын
палэнэ мыныкузы но,
ӟуч кылэ уг выжо. Ас культураедлэсь
куштӥськыны уг
яра, шуисько соослы. Зэм,
егитъёс гуртысь кошко ик.
Ачим школаез йылпумъякум,
отын 100 пинал дышетске
вал, али 39 пинал гинэ на визь
люка. Быдэс классысь гуртэ
огнам кыли. Мыным удмурт
калыке пӧлын ик умой, татысь
кужым басьтӥсько, городын
ӝокасько. Школаын
но культурая центрын ужаса,
мӧзмыны дыр уг кыльы.
________
Елена САРАМАТОВА

№40 (25952)
14 2022-тӥ ар 13-тӥ коньывуон
«Удмурт Кенеш»
Ӧтчамлы дасяськон
7-тӥ коньывуонэ «Удмурт
Кенеш» огазеяськонлэн
исполкомез
люкаськылӥз. Валтӥсь
юан — вань удмуртъёслэсь
азьвыл чакламтэ
ӧтчамзэс ортчытон.
Берло дыре трос воштӥськонъёс
луизы федерал законъёсын.
Таин валче дыр
вуиз калык огазеяськонъёслэсь
ужзэс выль сямен
радъяны. Туала вакытэ угось
огазеяськонъёслы бадӟым саклык
висъяське, соос пӧртэм
проектъёсын ужало, грантъёс
утыло. Шаерысьтымы
бадӟымез огазеяськон —
«Удмурт Кенеш». Туннэ солэн
уставез туала законъёслы уг
тупа ни.
— Устав юнматэмын «Удмурт
Кенеш» кылдэм дырысен,
— вера огазеяськонлэн
тӧроез, Кун Кенешлэн
Тӧроезлэн нырысетӥ воштӥсез
Татьяна Ишматова. —
Соку одӥг югдур вал, али —
воксё мукет. Юстицияя министерство
эскерон ортчытӥз.
Со но возьматӥз: уставамы
воштонъёс пыртыны дыр вуэмын.
Уставмы туж бадӟым,
секыт гожтэмын, огазеяськон
чурыт куронъёс пуктэ элькун,
ёрос кивалтӥсьёслы, кызьы
соос ужзэс радъяны кулэ. Огазеяськон,
нырысь ик, мылкыдэз
ӝутыны, калыкез огазеяны
кулэ. Но отын адями ассэ
кыӵе ке четлыкын кадь медаз
шӧды, сое яра, тае лэсьтыны
уг яра шуыса.
Уставе воштонъёс пыртон
бордын нимысьтыз комиссия
али тырше. Кылсярысь,
«Удмурт Кенешлэн» бурд улаз
«Удмурт Кенешлэн» исполкомез.
ужась выль огазеяськонъёс
кылдо, куд-огез ворсаське.
Тае но санэ басьто. Огазеяськонлэн
валтӥсь ужпумез луоз
кылэз, йылолъёсты, культураез
утён но азинтон, кадръёсты
дасян, калыклэсь асваланзэ
будэтон.
Вань удмуртъёслэсь азьвыл
чакламтэ ӧтчамзэс люкан
сярысь ивортыны кулэ Пичи
Кенеш. Со люкаськоз 10-тӥ
шуркынмонэ. Берло дыре
ужамзылы йылпумъянъёс
лэсьтозы ёрос ёзъёс но.
— Пандемиен валче ёросъёсын
конференциос радъяны
ӧм быгатэ, — шуэ Татьяна
Ишматова. — Соин ик али
ортчозы. Куд-ог ёросъёсын
воштӥськонъёс но луозы:
улон азьлань берга, кин ке
«Удмурт Кенешлэсь» палэнскиз,
кин ке лыктӥз. Ӧтчам
азьын югдурзэс эскерон,
ёзъёслэсь ужамзэс чаклан,
правлениосы пырисьёслэсь
лыдзэс учкон-чотан — со
аспӧртэм ревизия кадь луоз.
Азьланяз ужаны выль ужпумъёс
пуктом.
Ӧтчамез люканы чакламын
толсуре. Уставе воштонъёсты
пыртэм сяна, депутатъёс
эскерозы, 2 ар талэсь азьвыл
съездын резолюция кутэм
дырысен мар лэсьтэмын ни.
Шумпотоно: тросэз ужпумъёс
быдэстэмын. Озьы ик эскеремын
луоз, кин валтыны кулэ
«Удмурт Кенешез». Ӧтчам
дыръя нимысьтыз секциос
ужалозы. Соосты радъялозы
«Удмурт Кенешлэн» бурд улаз
ужась огазеяськонъёс. Кылсярысь,
кышномуртъёсты огазеялоз
«Удмурт нылкышно
кенеш», егитъёсты — «Шунды»,
камсьӧр удмуртъёс асьсэлэсь
юанъёссэс ӝутозы мукетаз
секциын. Ӧтчам дыръя
ик «Удмурт Кенешлэн» Данъян
книгаяз пыртэм выль адямиосты
шараялозы, Трокай
Борисов нимо премилэсь лауреатъёссэ
сӥлы карозы.
Бадӟым шумпотон: туэ
Кун Кенешлэн президиумаз
10 депутат быръемын, соос
пӧлысь 6-ез — удмуртъёс, —
«Удмурт Кенеш» огинлэн «ВКонтакте» бамысьтыз
пусъе Татьяна Витальевна. —
Со но валче тыршеммылэн
емышез. Берло дыре пӧртэм
удысъёсысь кивалтӥсьёс,
мон но удмурт яке выжые
удмурт шуыса, лыктыса ик
верало. Валало калыкмылэсь
кужымзэ, кулэлыксэ. Трибуна
сьӧрын но удмурт сямен
вераськыны уг кепырало ни.
Тросгес адямиосты «Удмурт
Кенешлэн» ужаз кыскыны
кулэ. Удмурт калыкмы понна
ваньмылы дэмен ужано.
Али кусыпъёсы тылгизьы
куштыны кема ӧвӧл. Берло
дыре кунгож сьӧрысь финугор
калыкъёсын кусыпъёс
сӥялско, соос Россиын улӥсь
фин-угоръёслэн нимынызы
верасько, югдурез юромо лэчытомыто.
Соин ик туж сак
луоно.
Исполкомысен мукет
юанэз но учкизы на: вуоно
арын 23-тӥ феврале «Удмурт
нылкышно кенеш»
огазеяськонлы 30 ар тырме.
Кивалтӥсез Елена Миннигараева
пусъемъя, сӥё-дано
ужрад ортчытыны чакламын
оштолэзе. Ар куспын «Мынам
Удмуртие» телерадиокомпаниын
нылкышно движенилэн
историысьтыз дано
нылкышноослы сӥзем передачаос
потозы. Ож вылтӥ
будэм нылкышноосын, соослэн
пиналъёсынызы пумиськонъёс
радъямын луозы
ёросъёсын. Ортчозы пӧртэм
конкурсъёс. Анайёслы сӥзем
очеркъёс, зарисовкаос печатласькозы
«Удмурт дунне»
газетлэн бамъёсаз но.
________
Елена САРАМАТОВА
Иворъёс
Тыро-пыдо
ужъёсты витё
«Удмурт нылкышно
кенеш» огазеяськон
нылпиос понна нош ик
ортчытоз «Тыро-пыдо»
конференция.
Наука борды кыстӥськись
удмурт пиналъёс арысь аре
тросгес луо. Соослэсь исследовательской
ужен вырыны
мылкыдзэс ӝутон вылысь ик
«Удмурт нылкышно кенеш»
2-тӥ арзэ ни аспӧртэм конференция
радъя. Пиналъёс
понна со утчаськонлы, асьсэды
наука удысын эскеронлы
пӧрме. Гуртсылэсь историзэ,
выжызэс тодо, вашкала арбериосын
тодматско, гурт
хозяйствоя ужъёс но дасяло,
пӧртэм эскеронъёс радъяло.
Кылем арын конференцие
40 пинал пыриськиз. Вормисьёс
Ижысь Эшъяськон юртэ
Выль ар празднике ӧтемын
вал.
Конференцие 1-тӥ-4-тӥ
классъёсын дышетскись удмурт
пиналъёс пыриськыны
быгато. Ужъёсты таӵе темаосъя
дасяны луэ:
• шаертодон,
• адями но дунне,
• инкуазь.
Конференцилэн радлыкез:
10-тӥ-30-тӥ октябре
тодослыко ужъёсты но соосъя
презентациосты куто
udmurtnyl@yandex.ru почтае.
31-тӥ октябре-7-тӥ ноябре
оргкомитет устооссэ
30 ужъёсты быръёз.
15-тӥ ноябре исследовательской
ужъёслэсь авторъёссэс
Ижысь Кузебай Герд нимо
гимназие ӧтёзы. Нылпиос
ужзы сярысь вералозы, жюри
соосын кенешоз, юанъёс
сётъялоз, быръёз ӟечъёссэ.
Татын ик нылпиос понна
тунсыко шудонъёс радъяськозы.
Юалляськыса жингыртоно
8-950-155-23-56 телефонъя.
Положениен тодматскыны
луоно «Удмурт нылкышно кенешлэн»
«ВКонтакте» бамаз.
________
Елена САРАМАТОВА
Кызьы улӟо
мунёос?
Улонэ пыӵаны кутске
«Луло мунё» проект —
коньдон висъямын
Россилэн Президентэзлэн
фондысьтыз грант
чотын. Кыӵе мунёос
улӟозы но кин та бордын
ужалоз?
Проектлэн кылдытӥсьёсыз
— Телерадиовещательёслэн
ассоциацизы но «Мынам
Удмуртие» телеканал. Мунёос
лулъяськозы мультфильмъёсын.
— Оглом 10 мультфильм
дасямын луоз, — шуиз проектлэн
огез авторез Ольга
Фархутдинова. — Дасялозы
соосты мультстудиосы
ветлӥсь нылпиос. Озьы пиналъёс
пыр-поч дышетскозы
анимацилы, тодматскозы
мунёосын — малэсь соос лэсьтэмын,
кыӵе соослэн сямзы.
Тае ик возьматозы фильмъёсазы
но. Котькуд мультфильм
возьматыны кулэ со ёрослэсь
аспӧртэмлыксэ, культуразэ,
кытын со лэсьтэмын.
Туннэ нуналлы тодмо ни,
кыӵе мунёос мультфильме
шедёзы, кыӵе студиос соосты
улӟытозы. Кылсярысь, Дэри
ёрос школаысь «Удмурт выжыкыл»
мультстудие ветлӥсь
нылъёс но пиос ужалозы та
ёросысь киужъёсъя юртысь кибашлыослэсь
мунёзэс улӟытон
бордын. Туйлэсь лэсьтэм дыды
пиналъёслы туж кельшиз.
Кивалтӥсьсы Милана Заварзина
верамъя, со сярысь туж трос
юалляськизы ни.
Мультфильмъёс бордын
мультстудиос ог ӝыны ар
ужалозы. Дась ужъёссэс возьматозы
«Мынам Удмуртие»
телеканал пыр, возиськозы
соос элькунысьтымы киужъёсъя
юртъёсын но.
________
Элина ВАСИЛЬЕВА

№40 (25952)
2022-тӥ ар 13-тӥ коньывуон 15
Кенешон
Одӥг бусыез гыриськомы…
Удмурт кылэз утёнын но азинтонын валче ужаны кулэ
Калык культураез
утёнъя, анай кылэз
дышетонъя концепция
дасямын. Со улонэ
пыӵалоз 2022-тӥ-2026-
тӥ аръёсы. Та пумысен
кенешиськом Кун
Кенешлэн Тӧроезлэн
воштӥсеныз, «Удмурт
Кенеш» огазеяськонлэн
тӧроеныз Татьяна
ИШМАТОВАЕН.
— Татьяна Витальевна,
удмурт кылмес дышетыны
но азинтыны законъёс, программаос
кутэмын ни, табере
Удмуртиысь Йӧскалык
дышетонэз эскеронъя институт
дасяз «Удмурт Кенешен»,
удмурт кылъя
дышетӥсьёсын но тодосчиосын
валче нимысьтыз концепция.
— Анай кылэз азинтонын
котькуд ужлэн кужымез
но пайдаез бадӟым. Емышсэ
асьмеос ӵуказе ик ум адӟе, со
понна трос аръёс ортчыны
кулэ. Но со одно ик шӧдӥськоз.
Али шаерысьтымы 185
нылпи садын анай кылэз дышето.
Ог 6 сюрс пиналъёс понна
удмурт, бигер, пор, еврей
кылъёсын занятиос ортчыло.
Эшшо 86 садын кружокъёс
радъямын. 180 школаын 16
сюрс 176 нылъёс-пиос удмурт
кылэз но литератураез дышето.
Занятиосты, урокъёсты
рос-прос нуон понна ваньмыз
лэсьтэмын.
Выль федерал кун стандартъёсъя
удмурт кылэз арняяз
3 яке 4 час дышетыны
мед луоз шуыса но, вань луонозэ
лэсьтӥм. Но туннэ школа
ачиз бырйыны быгатэ, арняяз
кӧня час но кыӵе программая
удмурт кылэз дышетоз. Кудогез
лыдъя, 1 часэн но тырмоз
шуыса. Со дыр куспын гинэ
кызьы стандартъёсты быдэстыны
луэ — паймымон. Выль
стандартъёс вылэ пыкиськыса,
уноез школаос арняяз 5
нуналэ дышетскыны выжизы,
но программаез быдэстыны
уг вуо, соин ик выльысь 6
нуналэ потыны ӧдъяло. Татын
анай кыл гинэ янгыш
ӧвӧл — предметъёс трос, нагрузка
бадӟым. Удмурт кылъя
часъёслэн кулэсмемзы понна
анай-атайёсты янгыш карыны
выро, соослэн, пе, удмурт
кылэз дышетытэмзы уг поты.
Но мумы-бубыос уг быгато
бырйыны, арняяз кӧня час
нылпиоссы удмурт кылъя
урокъёсы ветлозы. Куд-ог
удмурт кивалтӥсьёс, удмурт
кылъя дышетӥсьёс асьсэос
Анай кылэз дышетонъя концепциез эскерон
ортчиз тодосчиосын, дышетӥсьёсын ӵош.
нылпиослэсь но анай-атайёслэсь
кылмес дышетыны мылкыдзэс
быдто.
Тросэз малы ке возьмало,
анай кылэз дышетыны
вылӥысен кужмысь мед косозы
шуыса. Нош асьсэлы анайатайёслы
мар люкетэ директоръёслы
вазиськыны? Ижысь
школаосысь директоръёс пумит
ӧвӧл, соослэн мукет йыр
висёнзы: удмурт кылэз дышетыны
класс люканы уг быгато.
1-2 мурт понна нимысьтыз
дышетӥсез шедьтыны секыт.
Уноез анай-атайёс асьсэлэсь
ужзэс но нылпи сад, школа
вылэ гинэ погыльтыны выро.
Дышетӥсь 3 час куспын огназ
кызьы удмуртлыкез пыӵатоз,
семьяосын удмурт кыл ӧз чузъяськы
ке? Мон ачим удмурт
кылэз школаын ӧй дышеты, но
семьяысьтым кыл ӧз кошкылы.
Анай-атайёс садтэк, школатэк
уз быгатэ. Тросэз удмурт
воспитательёсмы садын удмурт
кылзэс ӧч карыса кадь
вунэто. Озьы нылпиос эшшо
золгес ӟучомыны кутско. Мукет
выжыысь калыкъёс ик удмуртсэ
дышетыны курисько,
нош асьмеос — пумит.
— Ог 50 процентэз дышетӥсьёс
50 ареслэсь ортчемын
ни...
— 34 аресозь егитъёс 15
процент лыдъясько. Кадръёс
арысь аре мӧйымо. Гурт школаосын
буш ставкаос но ӧвӧл.
Туннэ ваньзэ лэсьтыны тыршоно,
дышетӥсьлэн профессиез
дано мед луоз шуыса. Али
нылпиосын ужаны ӵемысь
мыно яке ужзэс туж яратӥсьёс,
яке асьсэды мукет интыын
шедьтымтэос. Дышетӥсьлэсь
уждунзэ будэтыны кулэ. Соку
школаосы лыктӥсь сюроз, тодон-валанзэс,
квалификацизэс
будэтон сярысь сюлмаськозы.
Нокинэ но вӧсь кареме уг
поты. Но Удмурт кун университетэз
йылпумъям филологъёс
пӧлысь ик тросэз-а
удмурт сямен верасько, янгышъёстэк
гожъяськыны быгато?
Куд-огезлы куддыръя
паймоно, кызьы соос диплом
басьтэмын. Одӥг-ог журналистъёс
гинэ но удмурт кылын
малпанзэс кисьтыны уг
быгато. Амалтэк малпаськод:
Шаерамы 192 школаосын
анай кылзэс дышето:
16176
382
173
удмуртъёс
бигеръёс
поръёс
югдур отӥяз но тазьы ик луиз
ке, учебникъёсты дасясь но
сюроз на меда?
Удмурт кадръёс мед будозы
шуыса, соосты дунъяны
кутсконо. Куд-ог кивалтӥсьёс
туннэ удмурт кылъя дышетӥсьёслы
юн чурытэсь куронъёс
пукто, эскеро, кызьы урокъёссэс
ортчыто, кыӵе дӥсен уже
лыкто, ялан удмурт кыллэн кулэлыкез
сярысь эчешон ӝуто.
Малы мукет предметъёсъя
озьы уг керето? Дышетӥсьёслы
бурдъёс сётоно, ужысь уллялозы
шуыса, медаз кышкалэ. Собере,
дышетӥсь вань удмуртлыкен
герӟаськем ужпумъёсты
ас вылаз гинэ басьтыны кулэ
ӧвӧл. Мукетъёсыз палэнын
сылӥзы яке курлазы ке, кылмы
чалмоз.
Удмуртлэн самой бадӟым
тушмонэз — ачиз удмурт.
Ог-огмылы юрттыны ум
быгатӥське. Удмурт кылэз
дышетон — со одӥг адямилэн
гинэ ужез ӧвӧл. Со калыклы
кулэ ӧвӧл ке, нокыӵе концепция
уз юртты. Асьмеос кун
ужен выриськом, но тае валаны
куддыр визьмы уг тырмы.
Туннэ калыкмы удмурт
кылызлэсь транспортын уг кепыра
ни. Программаос
гинэ асваланмес
ӧз ӝу тэ. Ас
вакытаз «Удмурт
Кенеш», «Шунды»,
«Удмурт нылкышно
кенеш» огазеяськонъёсын
туж
бадӟым уж нуэмын
вал. «Кенешчиос»
анай-атайёсын,
дышетӥсьёсын кусып
возизы. Али
но озьы тыршиськом,
емышез одно
луоз. Кылмес азинтыны дэмен
луонлыкъёс кылдытӥськомы,
кун кылъёсъя законмы вань,
учебникъёс поттэмын, егитъёс
грантъёс утыло, тунсыко
проектъёс пыӵало. «Удмурт
Кенеш», Йӧскалык политикая
министерство сюлмаськемен
но, шаерамы кутэмын кылэз
утёнъя кун программа, быдэсмыны
кутскоз со вуоно арысен.
Асьмелэн сыӵе адӟонмы:
2 кылын вераськыны кулэ.
Кун Кенешын но удмурт кыл
чузъяськыны кутскиз ни. Со
но бадӟым уж. Нырысьсэ трибуна
сьӧры потыку, кышкыт
вал: кызьы тонэ валалозы,
кызьы тон шоры учкозы...
Татьяна Ишматовалэн «ВКонтакте» бамысьтыз
Пычкиськыса удмурт луыны
тыршоно ӧвӧл. Но огпол, кык
пол удмурт сямен вазиськиськод
ке, адямиос солы дышо.
Ӵош кариськыса удмурт калык
понна ужаны кулэ. Дыр али
туж секыт: нокинэ но уг люкы
удмуртлы, ӟучлы, бигерлы —
улон понна ваньмы огкадесь.
Но асьмеос валаны кулэ, кин
понна улӥськомы.
— Концепциез быдэстон
улсын кыӵе ужрадъёс чакламын?
— Та ужпумез син азяз возёз
Дышетонъя но наукая министерство.
Удмуртиысь Правительство
но Россиысь Правительство
куспын валче ужанъя
соглашение юнматыны чакламын.
Нылпи садысен кутскыса,
вузъёсын кылэз азинтон
сярысь ужпум пуктэмын. Со
нуналъем гинэ ужрадъёс уз
луэ. Семьяосты, калык огазеяськонъёсты,
дышетон учреждениосты,
кивалтӥсьёсты
огазеяно. Анай культураез но
кылэз дышетонын пайдаез
мед луоз. Со понна котькуд
ёросын нимысьтыз ужан план
дасямын луоз. Кылсярысь,
районъёсысь школаосын но
садъёсын ресурсной центръёс
кылдозы, ог-огзылэсь ужан
амалъёссэс асьсэ учреждениосазы
пыӵатыны мед быгатозы
шуыса. Котькуд выжы калыклэсь
аспӧртэмлыксэ чакласа,
дышетон программаос азинскозы.
Пособиос, аудио-видео
материалъёс лэсьтэмын
луозы. Кылэз, литератураез,
культураез, историез дышетонын
электронной контент
кылдытӥсьёслы юрттэт висъяськоз.
Озьы ик егит тодосчиослы
но наукаен вырись
дышетӥсьёслы грантъёс висъяськозы.
Вормонъёс басьтэм
визьнодасьёслэсь, пиналъёслэсь
эшшо золгес тыршыны
мылкыдзэс бурдъян вылысь
амалъёс утчамын. Школаос
бордын ужаны кутскозы мумы-бубыослэн
клубъёссы,
визь-кенеш сётонъя центръёс.
Мумы-бубыослэсь ассоциацизэс
кылдытыны чакламын.
Кадръёсты дасянлы нимысьтыз
саклык висъяськоз.
Вань та ужрадъёс сюлмысь
пыӵаны кулэ. Кужмысь каримы
ке, толыкез уз луы. Одӥг
бусыез гыриськомы бере, одӥг
кыл шедьтыны мед быгатомы,
ог-огмылэсь гыреммес медам
лёгалэ. Кизьымтэ интыос медаз
кыле.
________
Елена САРАМАТОВА

№40 (25952)
16 2022-тӥ ар 13-тӥ коньывуон
Анай кыл
«Дышетӥсько малпаськыны»
Удмурт кылъя но литературая урокъёс дунне шоры учконэз паськытато
Кызьы 40 минутъем
урокез тунсыко ортчытоно?
Ма кароно нылпи
вушйылыса медам пукы,
урокысь выль тодонваланэн,
бурдъяськыса
мед потоз шуыса? Тае
тодэ Ижысь Кузебай Герд
нимо гимназиысь удмурт
кылъя но литературая
дышетӥсь Надежда
Демакова.
Нырысетӥ урок
8 час 50 минутэ чингыли
ӧте нырысетӥ уроке. Дышетӥсьлы
нырысетӥ урок радъяны
капчи ӧвӧл — класс нырулэ
на.
Надежда Демаковалэн
туннэ нуналыз кутске 11-тӥ
«б» классын. Гимназиын 10-
тӥ классэ лыктӥсьёс кӧня ке
ӧрлы люкисько: кин ке тросгес
математикаез дышетэ,
мукетъёсыз химиен биологиез
быръё. Нош 11-тӥ «б» универсальной
лыдъяське.
Удмурт кылъя уроке 6
нылъёс вуизы — кӧня ке
муртсы висьыны усем. 6 мурт
пӧлысь одӥгез гинэ удмурт
кылын вольыт но чебер вераське.
Со — Наташа Чернова.
Нылаш Алнаш ёросысь Вуж
Утчан гуртысь. Мукетыз Наташа
— Черемных. Со Грак ёросысь
Вылӥ Эгра гуртысь. Таиз
Натӥ, быгатэ ке но, анай кылзэ
уггес потта, удмурт кылэз
гуртысь школаын, пе, ӧз дышеты.
Нош гимназиын тани
ваньмыз дышето. Мукетъёсыз
нылъёс удмурт сямен валало
гинэ — соос гимназиын 11-тӥ
арзэ дышетско. Зэм, литературной
текстъёсты валаны секыт.
Уроклэсь темазэ Надежда
Ивановна доска вылэ гожтӥз:
«Гай Сабитов. Шунды но ӝужа
но...». Пиналъёс кылем урокын
соин тодматскыны кутскизы.
Гай Сабитовлэн та сонет
тугокоез сӥземын матысь
эшезлы, улонысь дырызлэсь
вазь кошкем кылбурчилы
Михаил Покчи-Петровлы.
Дышетӥсь доска вылэ
ӝогак суредаз таблица. Солэн
нырысетӥ люкетэз:
«Тодӥсько вал...».
— Мар тодӥськоды вал
Михаил Покчи-Петров сярысь?
— юа дышетӥсь.
Нылъёс шып уло. Пыдлось
парта сьӧрын пукись Наташа
Чернова эшъёсызлы юрттоно
кариськиз:
— «Кык сяська» кылбурез
вань, поэтлы кушем ним
басьтыны ӵектӥз эшез Гай
Сабитов.
Надежда Демакова Кузебай Герд нимо гимназиысь
11-тӥ «б» классын удмурт литературая урок ортчытэ.
Таблицалэн 2-тӥ люкетэз
но тырмиз, Наташа Чернова
тыршемен ик. Со вераз: Михаил
Покчи-Петров нырысь
ик режиссёр, драматург, актёр
вал.
Дышетӥсь куремъя котькудӥз
дышетскись доска азе
потаз, учебникысь сонетэз
вольыт но чебер лыдӟиз. Собере
пинал аслэсьтыз мылкыдзэ
вераз, кыӵе пуштросэз
вато та кылбур чуръёс. Нялтас
вераса, гимназиысь пиналъёс
быгато 2 учебникен — удмуртэныз
но ӟученыз — ужаны.
Удмурт кылысь ӟуче берыктэм
произведениосын «Удмурт
литература» ӵыж-выль
ай — туэ гинэ печатламын.
Озьы егитъёслэн вань луонлыксы
бырйыны созэ кылэз,
кудзэ соос умойгес валало.
Урок ӵоже вуизы таблицалэсь
3-тӥ люкетсэ но тырмытыны
— таяз «Мар тодэме
потэ» гожъяно вал. Нылъёслы
уката но тунсыко потӥз
кылбурчилэн семья кусыпъёсыз.
Сонетлэн одӥг люкетаз
вераське, Покчи-Петровлэн
пичи пиез Москвае кылиз шуыса
— шоркарысь театральной
институтын дышетскыкуз,
кылбурчилэн семьяез
кылдӥз, но кышноез Ижевске
мыныны пумит луиз.
Татын ик пыр-поч эскерыны
вуизы сонет жанрез, кӧня
отын чурез, кызьы нимасько
кылбур чуръёс. Паймоно
кадь, нылъёс сое тодо вылэм.
Урок йылпумъяськыку,
Надежда Ивановна ноутбук
пыр возьматӥз М. Покчи-
Петров сярысь видеофильм.
Вакчи ужын чузъяськизы
поэтлэн кылбурезъя гожтэм
кырӟанъёс но, кылбурчилэн
театр удысын пытьы кельтэмез
сярысь туж шуныт но чебер
текст но. Дышетӥсьёслы
таӵе фильмъёсын нимысьтыз
диск дасяз «Вордскем
кыл» журнал.
Урок йылпумъяськиз ни,
нош нылъёс классысь потыны
уг дырто на. Мар муген? Валамон,
дорысь уж возьмало. Надежда
Ивановна косӥз вуоно
занятилы эссе гожтыны.
— Ваньзы гожтозы-а? Удмурт
кылын-а? — юасько
мон.
— Наташа Чернова удмурт
сямен гожтоз. Мукетъёсыз —
ӟуч сямен. Ужпум пуктӥсько:
пиналъёс малпаськыны мед
дышетскозы.
Зэмос эш
Надежда Ивановна К.
Герд нимо гимназиын ужа
нырысетӥ нуналъёсысеныз.
Кутскиз продлённой группаын
воспитатель луыса, собере
удмурт кылъя но литературая
урокъёс борды выжиз.
Вуиз ӟуч кылъя занятиос
но радъялляны, огвакытэ
пӧртэм калыкъёслэн культураенызы
но историенызы
герӟаськем часъёсыз но вал.
— Покчи классъёсын
ужаны дышетскеме ӧвӧл,
соин 5-тӥ классэ выжем
нылпиосын ужасько. Туала
пиналъёс туж тунсыкоесь,
но лыдӟиськемысь дугдэмын.
Таиз ужпум монэ
сюлмаськытэ. Нылпиос ляб
ужало текстъёс бордын, но
школаез йылпумъясь пиналъёс
понна берыктэмын
сочинение гожтон. Соин
удмурт литературая урокын
но ми текстъ ёсын мургес
ужаны, малпаськыны
Туспуктӥз Елена СКВОРЦОВА
дышетскиськом, — вера Надежда
Демакова.
Ижысь Кузебай Герд нимо
гимназие 10-тӥ классэ арлы
быдэ лыкто быдэс республикаысь
пиналъёс. Гуртысь вуэмъёслы
Надежда Демакова
зэмос эш луэ. Со городэн но
тодматэ, пӧртэм ужрадъёсы
но вуттэ. Педагог удмурт
нылпиослы дӥсьтон пыӵатэ,
валэктэ, кытысь кыӵе ивор
утчано-шедьтоно. Со дыре
ик дышетӥсьлэн ставкаез но
ӧжыт ӧвӧл — арняяз 30 час
нуэ.
— Урокъёсы нуналлы быдэ
5-6, субботае но ужаськом, уг
жадиськы кадь, — пальпотэ
дышетӥсь.
Надежда Ивановна кылем
арняе пусйиз чебер юбилейзэ.
Пиналъёсты яратӥсь педагоглэн
вордскем нуналыз но огшоры
нуналэ тупамын ӧвӧл —
5-тӥ октябре — Дышетӥсьлэн
нуналаз. Надежда Демаковалэн
данъетъёсыз ӧжыт ӧвӧл.
Со Россия Федерациысь огъя
тодон-валан сётон удысысь
отличник. «Дышетон» нацпроектэ
пыриськыса, Надежда
Демакова 2 пол вормылэмын
Россиысь устоосыз
дышетӥсьёслэн конкурсазы,
республикаысь анай кылъя
дышетӥсьёс пӧлын устоез педагог
вал.
Озьы ке но котькуд
дышетӥсьлэн шумпотонэз —
урокын люкам тодон-валанзэс
нылпиос улонын кутыны
быгато ке. Оскисько, Надежда
Ивановналэн дышетскисьёсыз
паськыт сюрес кузя вамышъяло.
________
Елена СКВОРЦОВА
Шуныт кыл
Котькуд пинал
син азяз
Надежда Ивановна
Демакова егит
дырысеныз
улонзэ герӟаз
Кузебай Герд
нимо гимназиен.
Визьмо, ужез
яратӥсь егит
дышетӥсь син
куспын кыдаз,
будӥз, адӟем
карымон педагог
луиз.
Со нуналысь нуналэ
урокъёсызлы рос-прос
дасяське, котькуд дышетскисезлэсь
быгатонлыкъёссэ
чакласа,
ужъёс дася.
Урокъёсын гинэ ужез
уг быры. Занятиос бере
нылпиослы быгатонлыкъёссэс
паськытатыны
но муромытыны
юрттэ. Одӥгъёссэ
научно-практической
конференцие дася, мукетъёсызлэсь
удмурт
кылъя яке литературая
олимпиадае пыриськыны
мылкыдзэс
ӝутэ, куинетӥосыныз
текстъёсты кылысь
кылэ берыктон бордын
пуке. Солэн
дасям нылпи осыз
арысь аре пӧртэм
ӵошатсконъёсын вормисе
потыло. Надежда
Ивановна котькытчы
вуэ: дуннеез котыръя,
выль эшъёс шедьтэ.
Ӵош ужась юлтошмы
нылпиосты гинэ уг
визьма, ас ужан удыссэ
но волятон, азинтон
сярысь сюлмаське.
Пӧртэм ужрадъёсы
пыриськылэ: научнопрактической
конференциосын
ужамез сярысь
мадьылэ, статьяос
гожъя, вожвылъяськонъёсы
пыриськылэ,
котьку сямен вормисьёс
пӧлы шеде.
Гимназиез йылпумъямъёс
но, дышетскисьёс
но Надежда
Ивановнаез мур
гажало. Ваньмон
дыръязы солэн кабинетаз
кожо, шумпотонъёссы,
вормонъёссы сярысь
верало, сюлэмшугъяськонъёссэс
усьто.
Надежда Ивановна,
сӥзиськом тӥледлы
капчи мылкыд, пальпотонды
медаз кысылы,
выль вормонъёс но
юн-юн тазалык.
________
Кузебай Герд нимо
гимназиысь дышетӥсьёс

№40 (25952)
2022-тӥ ар 13-тӥ коньывуон 17
Писательлэн сюресъёстӥз
Лудӟи шур кузя
Можга ёросын 2-тӥ арзэ
ужа «Лудӟи шур дурын»
проект.
Сӥземын со Можга ёросысь
Выль Бия гуртын вордӥськем
писательлы Трофим Архиповлы,
проектэз гожтӥз Можга
ёрос библиотекаын ужась
Елена Сапожникова. Туэ со
Президентлэн грантъёсъя
фондысьтыз коньдон утӥз.
Проект герӟаськемын писательлэн
улэм-вылэм гуртъёсыныз:
Пыӵас, Выль Бия,
Гозек (Лудӟи-Шудӟи), отӥ литературалы
сӥзем турмаршрут
ортче. Кылем арын тросгес
вуылӥзы арлыдоос, нош таяз
учыре проектсы чакламын
ёросысь школаосын удмурт
кылэз дышетӥсь пиналъёс
понна. Соин ик литературалы
сӥзем сюресэз туэ нырысь
ик ортчизы ёросысь удмурт
кылъя дышетӥсьёс, нош сентябрьысен
толэзьлы быдэ
нылпиос вуылозы, алигес
отын вал Кватчиысь пиналъёс.
— Президентлэн грантъёсъя
фондысьтыз утэм коньдонэн
литературалы сӥ зем
маршрутмес эшшо но шулдыргес
карыны малпамы, —
шуэ Елена Сапожникова. —
Выль Бия гуртысь Т. Архиповлы
сӥзем синпелет доры
Можга ёросысь Кватчиысь пиналъёс тодматскизы
Трофим Архипов писательлэн вордскем интыосыныз.
шутэтскон ӟусъёс, «Тодамы.
Сюлмамы. Книгаосын» но
«Книга бамъёсыз берыкъяса»
стендъёс пуктӥмы, соос туала
куронъёслы тупало — QRкодъёсын.
Пуктӥмы на книгаосын
шкаф, пу тусьты-пуньы
басьтӥмы, «Лудӟи шур дурын»
книгаез 250 экземпляр
поттӥмы. Пыӵас инты ёзэн
кивалтӥсь Сергей Шихарев но
милем юрттэ. «Удмуртиысь
устоез муниципал проект»
конкурсын вормыса утэм
коньдонэныз Пыӵасысь синпелет
котыр тупатъяське.
Нырысь ик пиналъёсты
пумитало Пыӵасысь
Туспуктӥз Елена САПОЖНИКОВА
шаертодонъя музейын. Писательлэн
улэм-вылэмез сярысь
верало музейын ужась
Ирина Тимофеева но гуртысь
арлыдоос Ольга Панфиловна
Осипова но Римма Ивановна
Гаврилова, кыкназы но
соос Т. Архиповлэн ӵыжывыжыосыз
луо.
Отӥяз пиналъёс мыно
Выль Бияла. Синпелет доры
дугдыло, стендъёсын тодматско,
соослы «Лудӟи шур
дурын» книгаез кузьмало.
Клубын ужась Елена Васюкова
но гуртысь мыло-кыдо
арлыдоос куноосты пӧсь табанен
шумпотто.
— Малпанмы вань на та
гуртысь клубын творческой
мастерской усьтыны, отчы
вашкала печатлан машина
пуктыса, мылкыд карисьёс
«Лудӟи шур дурын» произведениысь
люкетъёссэ мед печатлалозы,
асьсэзыз писатель
интыын мед шӧдозы, — шуэ
Елена Геннадьевна.
Гозекын улэ вылэм писательлэн
сузэрез, отчы ветлыкуз,
Т. Архипов яратэ вылэм
Лудӟи шур дуре, отын сылӥсь
тополь доры васьканы, гожъяськыса
пукыны. Туристъёс
писательлэн сюрестӥз ортчо,
гуртысь музее пырало.
— Паймымон кадь, ваньзы
пиналъёс гуртысь ке но,
музейысь вашкала тӥрлыкез
кутылэмзы потэ, карнанэн ву
но вожмаськыса нулло, — шуэ
Елена Сапожникова. — Нош
одӥгез пияш удмурт книгалы
кыӵе шумпотӥз, та дырозь, пе,
нокин книга ӧз кузьма на вал,
одно лыдӟо сое.
Кедра Митрейлы — 130 ар
Произведениосыз — история
Вашкала Эграысь
адямиослэсь улэм-вылэмзэс
тодэмды потэ
ке, Кедра Митрейлэсь
произведениоссэ кияды
кутэ.
К. Митрейлэн (Дмитрий
Корепанов) вордӥськемез
дырысен 130 ар тырмиз. Котырес
лыдпуслы сӥзьыса,
К. Митрей нимо ёрос библиотека
пӧртэм ужрадъёс
ортчытӥз. Кылсярысь, 23-тӥ
сентябре Сэп гуртын данъязы
та палъёсын вордӥськем
гожъяськисьёсты.
28-тӥ сентябре, писательлэн
вордӥськем нуналаз,
ёросысь мыло-кыдоос вазь
ӵукна ик К. Митрейлэн Эграын
сылӥсь синпелетэз доры
сяська керттэт понӥзы, кылбуръёс
лыдӟизы. Собере ёрос
библиотекаын ужась Ольга
Степанова ваньзэсты ӧтиз
котырес ӝӧк сьӧры кенешонэ
пыриськыны. Библиотекае
люкаськылӥзы дышетскисьёс,
дышетӥсьёс, библиотекаын
ужасьёс, Ижысь куноос.
Вань вераськон писатель сярысь
вал. Эграысь 1 номеро
Эгра ёросысь Зураысь дышетӥсь Елена Агафонова
ӵектэ писательлэсь творчествозэ но улэм-вылэмзэ
ӟечгес эскерыны.
школаын дышетскисьёс, писательлэсь
произведениоссэ
лыдӟыса, ас малпанъёссэс шараязы.
Кылсярысь, Владислав
Данилов дышетӥсеныз Людмила
Волковаен ӵош, «Дитя
больного века» повестья
шӧдӥллям писательлэсь юн
сямзэ, пиналысен ик дышетсконэ
рос-прос кыстӥськон
мылкыдзэ. Нош Варвара Клементьева
дышетӥсеныз Ирина
Яковлеваен ӵош Кедра Митрейлэн
творчествоезлы но
улонэзлы сӥзем нимысьтыз
календарь дасяллям.
Тунсыко вераськиз ёрос
архивысь Ирина Рязанова.
Ирина Витальевналэн
ки улаз шедиллям Факел
Туспуктӥз Александр КАРАВАЕВ
черкогуртысь Мария Павловна
Салтыковалэн документъёсыз.
Тодмо луэм: та нылкышно,
пе, кузпалыз понна 1961-тӥ
арысен пенсия басьтэм, нош
документ дасяны юрттэм
К. Митрейлэн «Зурка Вужгурт»
произведениез. Угось отысь
одӥгез герой Салтыков Павол
(со ик Павел Павлович Салтыков)
Граждан ож дыръя партизанъёсын,
Эгра волостьысь
исполкомен кивалтэм.
Аръёс ортчо ке но, ёросын
та писателез уг вунэто. «Удмурт
Кенеш» огазеяськонлэн
Эгра ёросысь ёзэз сюлмаськемъя
(со дыре кивалтӥз
Фаина Ускова) 1992-тӥ арын
27-тӥ сентябре Эграын Корепановъёслэн
улэм корказы
пала синпелет пуктӥзы.
Солэн ӝуждалаез 2 метр но
58 сантиметр. Сое кылдытон
бордын ужазы скульптор
Анатолий Аникин но архитектор
Касим Галиханов.
2008-тӥ арысен удмурт
лауреатлэсь нимзэ шараялозы
ноябрь толэзе. Со сяна, 15
арлэсь кема ёросын радъяськылэ
ни удмурт кылбуръёсты
лыдӟонъя «Жильыртэ Кедра
ошмес» конкурс.
1991-тӥ арысен ёрос газет
бордын удмурт кылын
«Вакыт» приложениез печатлаське,
нош литературалы
сӥзем бамъёсыз «Жильыртэ
Кедра ошмес» нимын пото.
Татысь лыдӟыны луэ ёросысь
гожъяськисьёслэсь ужъёссэс.
Эгра каргуртысь автовокзал
палась нюкетӥ бызись
ошмеслы (жаляса верано,
та дыре солэн вуэз туж ичи
кылемын) Кедра ним сётэмын.
Со сяна, гожъяськисьлэсь
нимзэ нулло ёрос
библиотека но каргуртысь
одӥгез ульча. Вазенгес Эграысь
1 номеро школаын ортчиз
вал «Наукае нырысетӥ
вамышъёс» конференция,
соку дэмлазы: Кедра Митреен
герӟаськем интыосын
тодматон вылысь туристъёс
понна нимысьтыз маршрут
усьтоно. Шумпотоно, туэ
та малпанзэс эграос улонэ
кылэз, сям-йылолъёсты,
культураез утёнын лулысьсюлмысь
тыршем муртэз яке
коллективез К. Митрей нимо
ёрос премиен данъяло. Туэ пыӵатыны быгатӥзы.
______________________________________
Бамез дасяз Валентина ЕМЕЛЬЯНОВА

№40 (25952)
18 2022-тӥ ар 13-тӥ коньывуон
Удмурт культурая центръёсын
Кылэз вӧлмытон —
нуналмысь уж
Пичи Пурга ёросысь
Эдэйгуртын усьтӥськиз
удмурт культурая центр.
Со понна кыл кутэ
гурт библиотекалэн
кивалтӥсез Алевтина
Корнилова.
Пичи Пурга ёросысь эдэйгуртъёсты котькытын тодмало арганчиоссыя.
Тыло буша
Ёросысь Брангурт, Баграш-Бигра,
Улын Юри,
Вуж Мӧнья, Гожня гуртъёсын
азьвыл дырысен удмурт
культурая центръёссы
ужало ни. Эдэйгуртын сыӵе
ик центр кылдытон сярысь
ӵектонэн потӥз «Удмурт Кенеш»
огазеяськонлэн ёросысь
ёзэныз кивалтӥсь Надежда
Степанова. Гуртын
угось трос удмурт ужрадъёс
ортчыло, артысь тылоос
но отчы вуыло. Дэмланэз
гуртоос умоен пумитазы.
Центрез усьтон ужрад ортчиз
Тылоын Самсонов писательёслэн
усадьбаязы удмурт
бард кырӟанлы сӥзем
5-тӥез «ТылоБурдо» фестиваль
улсын. Надежда Степанова
пусъемъя, музей-юрт
удмуртъёслэн огез люкаськон
интызы луоз.
Фестиваль дыръя кенешизы
гуртъёсын кылдэм ужпумъёсъя
но. Татчы люкаськизы
ёросысь удмурт культурая
центръёсысь кивалтӥсьёс, активистъёс.
Кылсярысь, Тыло
гурт бырон пала шонске. Татысь
клуб азьвылгес куашказ
ни. 1990-тӥ аръёсы школа-сад
усьтӥзы вал, но нылпиоссы
быремен, сое ворсазы. Али ке
но буш сылэ. Фермаоссэс кемалась
кесязы ни. Фельдшеракушер
пункт но Самсонов
писательёслэн музейзы гинэ
ужало на. Гуртын ог 100 пала
улӥсез кылемын на. Соин ик
тылоос оско: Эдэйгуртын удмурт
культурая центр кылдэмен
валче Тылоын но выль ужрадъёс
ортчылозы, калыклэн
мылкыдыз ӝутӥськоз. Татысь
Самсоновъёслэн музейюртазы
но выль проектъёс
чак лало ни.
Эдэйгурт ӟучоме
— Эдэйгуртын, Тылоын
удмуртлыкез ӝутон понна
клубын, школаын, садын, библиотекаын
ужасьёсын дэмен
выриськомы, — шуэ Алевтина
Корнилова. — Со милям нуналысь
ужмы. Удмурт культурая
центр нимаськыса, эшшо
тросгес лэсьтыны быгатомы
шуыса, оскиськомы. Тэк пукыны
уг яра. Эдэйгуртысь
егитъёс ӝог ӟучомо. Садэ
лыктӥсь нылпиос удмурт сямен
вераськыны уг быгато ни.
Школаысь удмурт кылъя, шаертодонъя
дышетӥсьёслы луыса
гинэ нылпиос, 3-тӥ-5-тӥ
классъёсы вуытозязы, удмурт
сямен вераськыны кутско.
Дорам библиотекае ужрадъёсы
вуо ке, куддыр юромо
юасько: пӧлады удмуртъёс
вань-а? Нокин кизэ уг ӝуты.
«Тон удмурт ук!» шуыса, кудогезлы
вазисько. Синме учкыса
ик, асьсэды ӟуч шуо.
Пичи Пурга ёросысь Эдэйгуртысь удмурт культурая
центрен кивалтӥсь Алевтина Корнилова:
________
— Нырысь малпаськомы вал: малы нимысьтыз удмурт
культурая центр кылдытод? Ми сотэк но школаен,
садэн, библиотекаен, клубен гуртамы удмуртлыкез
ӝутон бордын ужаськомы. Но удмурт кылэз, культураез,
йылолъёсты азинтӥсь гуртлэсь нимзэ сётӥзы но, со
выль сямен малпаськыны косӥз: нош мар эшшо калык
понна лэсьтыны быгатӥськоды на? Тросгес проектъёсты
быдэстэм потыны кутскиз.
Мон ачим Грак ёросысь Лолошур-Возжи
гуртысь татчы
выжыяськемын. Нырысь аръёсаз
паймисько вал: кызьы со
быдӟа гуртын вань ужрадъёс
удмурт кылын ортчыло шуыса.
Милям школаямы переменаос
дыръя гинэ но удмурт кылын
вераськыны ӧз лэзьылэ. Соин
но эдэйгуртъёслы туж синмаськи.
Но анай-атайёс татын
пумен вуӵыртыны ӧдъязы. Садын
ужасьёсты куаретылӥзы:
малы, пе, пиналъёсмес ӟуч
кыллы уд дышетӥське, школае
мыныса, мае соос валалозы
на? Озьы удмурт мумы-бубыос
нылпиоссэс ӟуч каризы.
Телевизор, телефон, компьютер
улонэз сӧризы на. Анайатайёслы
асьсэлы капчигес ук:
нылпизы бӧрдыны кутске но,
кияз ӟуч мультфильмен я шудонэн
телефон сёто. Удмуртсэ
озьы ыштыны туж капчи вылэм.
Куддыр малпаськомы:
анай-атайёслэсь, нылпиослэсь
сюлэмзэс вырӟытыны быгатомы
меда? Собере асьмемыз ик
буйгатӥськомы: быгатом.
Библиотека
огазея
Эдэйгурт школаын
туэ 109 пинал
дышетске, 50
пинал садэ ветлэ.
Урамын нылпиос
ӝогак ӟуче выжо.
Ӟучъяськон виразы
пыдло пыӵамын
ни, шӧдске. Удмурт
кылъя урокъёс ӧй
луысалзы ке, оло, кылэз валасьёс
но пӧлазы кемалась
бырысалзы ни. Ярам коть,
анай-атайёс, мӧйыос пӧлын
удмурт кыл чузъяське на.
Йылолъёсмес, кылмес утён
вылысь школаын, садын,
клубын, библиотекаын ялан
кыӵе ке удмурт ужрадъёс ортчытъяло,
калыкез люкалляло.
Солдат келян, ӝук вӧсян,
гыронбыдтон но мукет йылолъёсты
радъялляло. Алевтина
Корнилова культурая
юртысь специалистъёсын
ӵош литературно-театральной
постановкаос дасялля.
Библиотекаысьтыз но калык
уг бырылы. Ачиз ик писательёсын
пумиськонъёс, дано
адямиосын пукон ӝытъёс,
гуртоосын кенешонъёс радъялля.
Выль книгаосын тодматъя,
лыдӟиськон ӝытъёс
ортчытъялля. Удмурт изданиослы
пыр гожтӥське. Книгаос
басьтыны берло дыре секыт
бере, библиотеказэ узырмытыны
пӧртэм амалъёс утча.
— Нунал пайдаё мед ортчоз
шуыса, тыршоно, — пусъе
Алевтина Леонидовна. —
«Сельчанка» клубмы вань.
Ачим дышетскемея агроном
луисько бере, мӧйыослы
валэктӥсько, кудӥз кидыс
умойгес, мае кызьы мерттоно.
Висказ киужен выриськомы.
Адямиослы вераськон уг
тырмы. Нош кенешон сямен
ужпумъёсты но эскерыны,
калыклэн сюлэмаз но пырыны
луэ.
«Удмурт Кенешлэн» Пичи Пурга ёросысь ёзэзлэн «ВКонтакте» бамысьтыз
Буре ваён
Гуртсэ ӝутӥз
11-тӥ коньывуонэ
Пичи Пурга ёросысь
Улын Юри
гуртысь школаын
Людмила Фёдорова
шаерчилы,
Россиысь огъя
тодон-валан удысын
дано ужасьлы
буре ваён пул
усьтӥськиз.
Пичи Пургалэн дано
нылыз, Семён Самсонов
премилэн лауреатэз
Людмила Фёдорова
быдэс даурзэ сӥзиз
Юри школалы. 46 ар
ӵоже татын дышетӥз,
15 арзэ директорлэн
воштӥсез вал. Коллективен
валче ужаны быгатэмзэ,
школа понна
трос лэсьтэмзэ адӟыса,
сое отӥяз директоре
юнматӥзы. Со кивалтэм
улсын школаын кылдӥз
механизаторъёслы
дышетон класс. Удмурт
йылолъёслы, культуралы,
калыклы сӥзем
музей усьтӥськиз. Отчы
экспонатъёсты директор
ачиз ик люказ,
нылпиослэсь но утчаськыны
мылкыдзэс
ӝутӥз. Пӧртэм проектъёс,
шаертодонъя
исследовательской
ужъёс быдэстэмын вал.
Людмила Ильинична
нимысьтыз саклык
висъялляз гуртсылы,
пиналъёсын ӵош гурт
ульчаоссылэсь историзэс
эскериз. Удмурт
кылэз дышетонлы но
бадӟым саклык висъялляз.
Со гуртлэн зэмос
патриотэз вал. Юри
понна, отын улӥсьёс
понна трос лэсьтӥз.
Котьку оскымон, йӧнйӧн
вал.
Туэ 1-тӥ феврале Людмила
Фёдорова улонысь
кошкиз. Солэсь нимзэ
пыраклы кельтон
вылысь школа борды
буре ваён пул юнматэмын
вал. Та ӵектонэн
потӥз «Удмурт Кенеш»
огазеяськон. Ужрадэ
лачак калык люкаськиз,
дано дышетӥсь
сярысь тодэ ваёнъёссэс
веразы. Кузпалыз
Михаил Никандрович
синвуаськиз. Таӵе сӥлы
каремлэсь номыр дуноез
ӧвӧл, шуэ. Татын
дышетскись нылпиос
но азьвыл директорзэс
тодазы возёзы, со кадь
синмаськымон луыны
тыршозы.
Бамез дасяз Елена САРАМАТОВА

№40 (25952)
2022-тӥ ар 13-тӥ коньывуон 19
Башкортостан
Выжы калыкъёслэн атлассы
Башкортостанын выжы
калыкъёслы сӥзем атлас
лэсьто, йылолъёссэс люкаса
кельто.
Свердловск улос
Егитъёс тодо
удмуртъёсты
Свердловск улосын
удмурт культураез
азинтэ Зоя Лощилова.
Етӥз нылкышно,
пенсие потыса,
дышетӥсь луиз.
Башкортостанын ог 120
выжы калыкъёс уло. Трос
лыдъем 20 выжыослэсь сямйылолъёссэс
видеое гожтоно
кариськизы. Видеороликъёсты
интыяло Интернет вотэсысь
atlasrb.ru сайтэ.
Та нуналъёсы съёмкаос ортчизы
Выль Татышлы удмурт
гуртын. Ӵапак татын удмуртлык
юн возиське, ужало Историяя
но лулчеберетъя удмурт
центр, удмурт музей, школа.
Съёмкаосы пыриськизы
«Эшъяськон тугоко» ансамбле
ветлӥсьёс, удмурт нылкышно
клублэн ёзчиосыз, «РенБик»
нылпи клубысь пиналъёс, озьы
ик удмурт эстрадаысь артист
но фольклорист, Удмуртиысь
Кияса ёросын кыдам Николай
Анисимов. Съёмкаос час пала
кыстӥськизы. Но удмурт культурая
центрысь специалист
Ирина Самигулова быгатӥз
пӧртэм поколениосты видеое
гожтытыны.
— Музеймы узыр бере,
отчы ик калыкез люкамы, —
вера Ирина Муллаяновна. —
Камсьӧр удмуртъёслэсь 19-тӥ
дауре ӝыт пукон йылолъёссэс
адӟытӥмы, кырӟамы-верамы,
дӥсьмылэсь аспӧртэмлыксэ
возьматӥмы. Операторъёс
шуизы: учкисьёслы палаське
лякыт сямды, туж чебер адскиды.
Роликъёсын тодматскыны
луоз матысь дыре. Интернетын
сяна, выжы калыкъёслы
Гужем пумын Ленинград
улосысь Подпорожье
карысь библиотекаын
вепс кылъя курсъёсты
нуи. Табере удмуртэзлы
черод вуиз.
Санкт-Петербургысь егит
кылчи луисько. Удмурт но
вепс кылъёсын мон 10 арлэсь
кема ини вераськисько, ӵапак
соос бордысен кутски ас мылкыдыя
но ас поннам кылъёсты
дышетыны. Соослэсь грамматиказэс
мур тодӥсько но
мукет адямиосты дышетыны
быгатӥсько. Вакчи курсъёсты
лад-лад радъян понна трос
пӧртэм кылъёсъя учебникъёсты
учки-лыдӟи, соослэсь кужмо
но ляб палъёссэс тодӥсько.
«Культура» телеканалын 8
пӧртэм кунгожсьӧр кылъёсъя
вакчи курсъёсты нуись Дмитрий
Петров полиглотэз туж
Башкириысь удмуртъёслэн йылолъёссылы сӥзьыса,
видеоролик лэсьтэмын, со выжы калыкъёслэн атласазы пыроз.
сӥзем роликъёсты Башкортостанысь
магазинъёсын, больницаосын,
культурая юртъёсын,
урамысь экранъёсын
возьматъялозы. Озьы котькуд
калыклэсь аспӧртэмлыксэ адӟыны
луоз. Удмурт пиналъёс
садэ ӟучомыса мыно ни. Солэн
мугез трос. Кылсярысь, культура
но дышетон удысъёсын
удмурт кылын материалъёс
уггес тырмо. Башкир, бигер но
ӟуч котыр ласянь соослэн улоназы,
нош удмуртэз ӧжыт.
Атлас кисьманы кулэ 4-тӥ
ноябрьлы, Калык огазеяськон
нуналлы. Съёмкаосы пыриськем
Николай Анисимов шуэ:
Ленинград улос
Вепс кылэз тодӥсьёс йылӥзы
гажасько. Солэсь амалъёссэ
кутӥ, вепс но удмурт кылъя
курсъёслэсь программазэс дасякум.
Подпорожьеын вепс кылэз
дышетонэз радъяны юрттӥз
вепс калыклэн огазеяськонэзлэн
кивалтӥсез Владимир
Етоев. Владимир Фёдоровичен
но солэн огазеяськонэныз
мон 2020-тӥ арысен тодмо. Та
дыр куспын ми 2 проектэз
быдэстӥмы ини — «Мамина
кухня» но «Сказания вепсского
подворья» нимо книгаосты
поттӥмы. Владимир
Фёдоровичлэн нылыз Ольга
Нюман Ленинград но Вологда
улосъёсын улӥсь тодмо
вепсъёслэсь рецептъёссэс
люказ, нюлэсмурт, вукузё,
мунчокузё сярысь мадёсъёссэс
огазеяз, нош мон соосты
вепс кылэ берыктӥ. Озьы
пӧрмизы 2 тунсыко но туж
— Та выллем проектъёс
туж кулэ, тужгес но туннэ.
Пӧртэм калыкъёс сярысь
лэсьтэм вакчи видеоос быгатозы
возьматыны, пӧртэм
выжыос тупаса уло шуыса,
соослэн асьсэлэн кылзы,
культуразы, сям-йылолъёссы.
Тросэз уг но тодо, дыр, удмуртъёс
Башкириын но уло
шуыса. Ачим отчы ӵемысь
вуылӥсько бере, адӟисько:
туннэ камсьӧр удмуртъёс
йылолъёссэс умой утё. Но
соин артэ ик воштӥсь конъёс
но шӧдӥсько: улон азьлань
мынэ бере, ваньзэ вашкала
дыръя сямен возьыны уг луы.
кулэ луись книгаос: соос вепс,
ӟуч, фин, англи кылъёсын печатламын.
Соос, вепсъёслэсь
сям-йылолъёссэс но вашкала
тодонъёссэс утем сяна, вепс
но фин кылъёсты дышетыны
вань мылкыд карисьёслы луонлык
сёто.
Вепс кылэз дышетыны мон
доры 8 адями лыктӥз, ваньзы
сямен туж тунсыкоесь: шаерчиос,
журналистъёс, музейын
но школаосын ужасьёс. Дышетскыны
10 нуналмы гинэ
вал ке но, грамматикая вань
темаосты валэктӥ, нош соос
табере ас понназы вепс кылэз
дышетонзэс азьланьтыны быгато.
Интернет пыр юрттыны
котьку дась.
Вераны кулэ: гужем курсъёс
— со кылъя занятиос гинэ
ӧвӧл. Со тунсыко ужрадъёс,
экскурсиос, гуртъёсы ветлонъёс,
кылэз тодӥсь адямиосын
Соин ик куд-ог йылолъёссы
отын но пумен вуно, ышо,
нош куд-огъёсыз выль сямен
азинско. Кылсярысь, башкир
удмуртъёс удмурт вӧсез туж
сабырлы утё, трос интыосын
со выльысен улӟытэмын. Со
сяна, элькуназы трос пӧртэм
ужрадъёс ортчыло, отчы
пыриськыло республикаын
улӥсь калыкъёс, удмуртъёс
нырысь радын луо. Удмурт
ужрадъёсты но арнялы быдэ
ортчытъяны тыршо. Та туж
вожъяськымон.
________
Елена ФЁДОРОВА
пумиськонъёс. Дышетскисьёсыным
но Етоевъёслэн семьяенызы
ӵош Подпорожьеысь
шаертодонъя музее,
Верхне-Свирской ГЭС-э, Озёра,
Ярославичи но Винницы
гуртъёсы вуылыны удалтӥз.
Туж оскеме потэ, вуоно
аре таӵе курсъёс Санкт-
Петербургын радъямын луозы
шуыса. Отӥяз удмурт
кылэз Ленинград улосын но
пыӵатыны мылкыды вань.
2020-тӥ арын ай удмурт
кылъя курсъёсты радъян вылысь
нимысьтыз программа
гожтӥ. Соин тодматӥ
Удмуртиысь Йӧскалык политикая
министерствоысь специалистъёсты
— дурбасьтӥзы.
Оскисько, та проект но куке
но улонэ пыӵалоз.
________
Максим КУЗНЕЦОВ
Ирина Самигуловалэн архивысьтыз
Верхняя Пышма карысь
механико-технологической
техникумын 1-тӥ
куарусёнысен этнокультуралы
сӥзем кружок
кылдӥз. Сое усьтон понна
Зоя Геннадьевналы
трос бызьылоно луиз.
— Пенсие потыса, коркан
пукыны ӧй чида,
— шуэ нылкышно. —
Отын-татын асме эскери
но валай: адямиос
бордазы кыско. Озьы
2020-тӥ арын Верхняя
Пышма карысьтымы
техникумысь студентъёс
пӧлы вуи. Татын
1 сюрс кузя нылпиос
дышетско. 2 ар ӵоже
администратор луыса
ужан куспам шӧдтэк
шорысь дышетӥсьлы
пӧрмытски. Нырысь
библиотекаын удмурт
культуралы, арбериослы,
дӥськутлы сӥзем
адӟытон радъяй.
Удмурт но ӟуч кылъёсын
валэктӥ кытын но
кызьы кутӥськемзэс.
Соку йӧ вырӟиз, лэся:
пиналъёс удмурт
калык, йылолъёсмы
сярысь юалляськыны
кутскизы.
Зоя Геннадьевна калык
выжыосъя быдэс лекция
дасяз. Свердловск улосын
160 калыкъёс уло.
Ачиз удмурт бере,
З. Лощилова удмуртъёслы
ик бадӟым саклык
висъя. Лекциосаз нылпиос
мыло-кыдо лыкто,
пӧртэм проектъёс ӵекто.
Кылсярысь, кылем
дышетскон арлэн пумаз
студентъёсын пыриськиз
Екатеринбургын
ортчем Евразийской
экономической форуме.
97 улосъёсысь студентъёс
азьын Удмурт шаер,
удмурт калык но культура
сярысь мадизы.
Зоя Геннадьевналэн
азьланяз но егитъёс
пӧлын удмуртлыкез
вӧлмытэмез потэ. Студентъёслы
но тунсыко.
Туэ солы техникумын
кружок нуыны оскизы.
Егитъёс доры со
удмурт дэремен вуэ,
удмурт эктонъёсты но
кырӟанъёсты дышетэ,
йылолъёсын тодматэ.
________
Алеся ГЛАВАТСКИХ

№40 (25952)
20 2022-тӥ ар 13-тӥ коньывуон
Ивор вӧлмытон
«Италмас» нош ик йырзэ ӝутӥз
Шаерысьтымы ёросъёсын
удмурт кылын
8 газетъёс, 2 бамъёс
пото. Алигес лыдзы 1-лы
йылӥз: кема вис каремез
бере Кияса ёросын
выльысь печатласькыны
кутскиз «Италмас» бам.
9-тӥ сентябре 12 бамъем
«Знамя труда» ёрос газетлэн
35-тӥ номерез лыдӟисьёс кие
выль тусын вуиз: удмурт бамез
кылдӥз. Кияса калык понна та
бадӟым кузьым луиз. Угось 18
ар ӵоже газет удмурт сямен
ӧз вераськылы. Уноез гуртоос
понна со бадӟым куректон вал.
14 ар ӵоже дышизы вал удмурт
иворъёсты лыдӟыны. «Италмас»
бамез усьтон но капчиен
ӧз сётӥськы. 1933-тӥ арын
кылдэм ёрос газетлы аслыз
но будыны кулэ на вал. 1990-
тӥ арын август толэзе гинэ
газетлэн азьвыл редакторез
Валентин Колесников «Италмасэз»
усьтыны быгатӥз. Удмуртъёслэн
улэм-вылэмзы
сярысь ивортылӥсь яркыт бам
2004-тӥ арозь толэзяз 1 пол
лыдӟисьёссэ шумпоттылӥз.
Уно аръёс ӵоже корреспондент
луыса ужам Геннадий
Киясаысь Татьяна Тарасова шумпотыса
лыдӟиз «Италмас» бамез.
Парфёнов со сярысь тазьы тодаз
вае:
— Со аръёсы газетэз интернациональной
бригадаен
лэсьтылӥмы. Текстъёсты
печатлалляз ӟуч нылкышно
Надежда Духанина, кылэз
тодытэк, шугъяськылӥз ке
но, янгышъёс ӧз лэсья. Верстальщик
луыса ужаллязы
украинка Людмила Шадрина
но удмурт кышномурт Валентина
Гуменникова, типографиысь
пӧсь гурын номерез
«пыжылӥз» ӟуч Елена
Черемных. Оглом 200-лэсь
ятыр номер поттӥмы. Газетэз
калык туж яратылӥз. Киысь
кие сётъяса лыдӟемысьтызы,
ёросысь радиопередачаосты
Ольга Танаевалэн архивысьтыз
лэсьтылӥсь Нина Учанева удмурт
радиоверанъёсын калык
доры потаны ӧдъяз. Тазьы
валче ужаменымы но, ёросын
кылдӥз удмурт калыклэн огазеяськонэз.
Ваньмыз со энтузиазм
вылын лэсьтӥськылӥз,
нокин но со понна премиос
ӧз витьы. «Италмаслы» вожъяськизы
мукет выжыысь
калыкъёс но. Озьы газетын
кылдӥзы ӟучъёслэн «Журавушка»,
бигеръёслэн но башкиръёслэн
«Чулпан», поръёслэн
«Семык», армянъёслэн
«Урарту» бамъёссы. Отӥяз литературалы,
осконлы сӥзем,
дышетскисьёслэн бамъёссы
потылӥзы. Газет туж тунсыко
но лыдӟымон вал, тиражез
3 сюрс 200 экземплярлэсь
ортчылӥз.
2004-тӥ арын газетын
выльдӥськонъёс ортчизы,
«Италмас» ворсаськиз. Солэсь
йырзэ выльысь ӝутыны
юрттӥз али редактор Ольга Танаева.
Бам яркыт буёло, бордаз
кыскись луиз. Нырысетӥ номераз
Геннадий Парфёнов тодэ
ваёнъёссэ вера, Уддяди гуртысь
удмурт коркаен кивалтӥсь
Елена Белослудцева табань но
перепеч пыжон рецептъёсын
тодматэ, Ашальчи Оки премилэн
лауреатэз Марина Морякова
«Йыбырттӥськом»
кырӟанэныз паймытэ. Зэм,
али «Италмас» удмурто-ӟучо
потэ, ёросысь вань улӥсьёс
удмуртъёслэн улэм-вылэмзы,
йылолъёссы, культуразы сярысь
лыдӟыны мед быгатозы
шуыса.
— «Италмас» бам лыдӟисьёс
дорозь толэзяз 1 пол вуоз, —
вера Ольга Танаева. — Сое выльысь
улӟытыны секыт ӧй вал:
ёрос газетын ужасьёс устоесь,
газетын инты вань, калык но
куре. Выль бамез адӟыса, шумпотэмзэс
вераса, жингыръясьёс
трос. Мукет выжы калыкъёс
но шуо: милемлы но та
выллем бам кулэ. Кылсярысь,
ӟучъёслэн ёросысь огазеяськонэнызы
кивалтӥсь Татьяна
Тарасова «Журавушка» бамез
выльысь поттыны ӵектэ. Кыӵе
ӟеч малпан ук со! Бигеръёслэн
йылолъёссылы сӥзем «Чулпан»
бамез но поттыны мылкыдмы
вань. Отӥяз, оло, выль
проектъёс но кисьмалозы.
Мылкыд гинэ мед луоз.
________
Елена САРАМАТОВА
Удмурт кылэз дышетон
Вераськыны эшъёс кулэ
1-тӥ октябрьысен ужаны кутскизы удмурт кылэз
дышетонъя курсъёс. Али соос 8 интыын ужалозы,
ӝыныез — Ижевскын.
Ижысь курсъёс радъямын Удмурт кун университетын,
Йӧскалык музейын, Маяковский но Наговицын нимо библиотекаосын.
Озьы ик занятиос луозы Глазов городын, Эгра каргуртын,
Шаркан но Дэри ёросъёсысь Октябрьской черкогуртъёсын.
Кытын ке дышетсконзэс мытӥзы ни, кытын ке калык люкало на.
Эграысь удмурт кылэз дышетыны мылкыд карисьёс понна
2016-тӥ арысен занятиос ортчытэ К. Митрей нимо библиотекаын
ужась Ольга Степанова.
— Ужаны кутскон арам 24 мурт гожтӥськиз но, пайми вал,
кызьы меда сомында адямиез дышетом шуыса, — вера Ольга
Александровна. — Шоро-куспо арлыдъемъёс тросгес вал,
пӧлазы ветлӥзы на арлыдоос но школаын дышетскисьёс. Сюлмаськеме
токма луиз, дышетсконмы капчиен радъяськиз. Анай
кылзэс вунэтыны кутскемъёс ӝог дышизы вераськыны, соос
сьӧры воксё вераськыны быгатӥсьтэмъёсыз но кыстӥськизы.
Огез дышетскисез 80 ареслэсь бадӟым вылэм. Со школаын
ӟуч кылъя урокъёсты нуэм, анай кылзэ вунэтыны ӧдъям. Сопал
дуннее шедьыса, пе, анай-атаеным удмурт сямен вераськыны
мед быгатом вал. Озьы Ольга Степановна дӥне вуэм.
Нылпиос но удмуртэз дышетонлэсь уг палэнско. Кылсярысь,
11-тӥ классын дышетскись пияш удмуртэз дышетоно кариськем
военной сборъёсы ветлэмез бӧрсьы. Удмурт эшезлэн чебер
вераськемезлы паймем но ачиз но кылэз дышетоно кариськем.
Матысь дыре курсъёс Эгра каргуртын но ужзэс мытозы. Занятиос
кыстӥськозы 3 толэзь ӵоже.
________
Валентина ЕМЕЛЬЯНОВА
Историысь чуръёс
Суффикслэн кужымез
Ог 100 ар талэсь азьвыл
но удмурт кылэз дышетон
курсъёс ортчылӥзы.
1914-тӥ арын 5-тӥ июне
потэм «Вятские епархиальные
ведомости» газетлэн
23-тӥ номераз миссионер но
баӵко, «Войнаысь ивор» газетэз
поттӥсь Павел Глезденёв
гожтэ: «...Огез баӵко, вотской
кылэз тодэменыз ушъяськоно
кариськиз, мон азьын вотяклы
вазиськиз:
— Вал уань (вань)?
Вотяк сылэ, мыня. Баӵко
мыным шуэ:
— Отец миссионер, адӟиськоды-а,
кыӵе шузи калык та —
вотякъёс. Тон солы вордскем
кылыныз вазиськиськод, нош
со серекъя. Мар солэсь басьтод!
— Мынямезлэн мугез мукет
— тӥ, баӵко, мыдлань
юаськоды, — валэктӥсько.
— Кызьы мыдлань? «Вал»
— лошадь, «уань» — есть.
Ӧжыт мукет сямен юанэз
пуктоно, шуисько. Верай солы
притяжательной суффикслэсь
кулэлыксэ но кужымзэ. Баӵко
Павел Глезденёв.
угось вотской кылэ ӟуч кыллэсь
куронъёссэ санэ басьтыса, выжиз.
Нош ӵапак притяжательной
суффиксъёс кыллэсь шӧмзэ
вошто. Рос-прос индылӥ, маин
висъясько «вал» но «валэд»
кылъёс, сотэк со нокызьы но
ачиз ӧй йӧндырысал. Валамез
бере ни мукет вотяклэсь юаз:
валэд вань-а?
Отын, кытын зол вӧлме
выжы калыкъёслэн кылынызы
печатлам религиозной
но нравственной литература,
кылысь кылэ берыктӥсь
комиссиослэн поттэм изданиоссы,
улон выль куронъёс
пуктэ: сыӵе произведениосты
проповедьёс дыръя валаса
умой лыдӟыны быгатоно.
Нош валанзы уггес тырмы.
Таин валче 1913-тӥ арын гужем
Елабужской уездысь 3-тӥ
округысь духовенство Можга
черкогуртын вотской кылэз
дышетонъя курсъёс усьтӥз.
Бадӟым саклык висъяськиз
лыдӟиськыны но кырӟаны
быгатонлыкъёсты азинтонлы.
Ӟучъёс сяна, дышетскон пыр
потӥзы выжы калыкъёс но.
Вотской кыллэсь аспӧртэм
лык сэ курсъёсы лыктэмъёслы
валэктыкум, анай
кылзэс тодӥсь дано баӵкоос
но, ӟучъёсыз но паймыса ик
веразы: «Отец миссионер, тӥ
милемлы Америкаез усьтӥды
ук. Ми ум тодӥське вал: вотской
кылын правилоос трослы
чурытэсьгес, ӟуч правилоос
сярысь».
________
Елена ФЁДОРОВА
«Гердэ» юанъёсын, дэмланъёсын вазиськоно
73-33-42 телефон номеръя.
Материалъёстэс ыстэлэ, «Гердэ» шуыса,
электрон почтае udmdunne@yandex.ru.