Debtfree Magazine November 2018

Die Republiek van
SKYT AFRICA
Hi Almal,
Die jaar staan nou vinnig einde se kant toe, oral waar jy in die
winkelsentrums kyk is die speelgoed, Kersversierings en dies meer so
strategies geplaas dat jy dit kwalik kan mis kyk. Dit voel eintlik of die
winkels nou minder loopspasie het en dat jy enige oomblik oor iets gaan
voeter en n helse berg vrugtekoek op jou gaan neertrek. Sommige kinders
is ook merkbaar soeter, seker maar die dreigement dat Kersvader nie
geskenke vir stout kinders bring nie.
Dit is elke persoon se keuse hoe hy of sy wil Kersfees vier en ek wil nou
regtig nie n polemiek daaroor veroorsaak nie, leef en laat leef. Krismis
is ook vir die gelukkiges n bonus of n 13de tjekkie, in baie gevalle nooit
genoeg nie maar tog nooit te versmaai nie. Nog gelukkiger mense het
ook in hierdie tyd n welkome breek, vakansie om die batterye te herlaai vir
volgende jaar. Volgende jaar met hopelik meer vreugde en minder vrese.
Maar terug na die hede, elke koerant is gepak met brosjures gevul met
die spesiale aanbiedinge, die “Krismis specials” so vol belofte van iets wat
n mens graag wil hê. Erge uitlokking!