Stellenbosch Magazine July 2021
Stellenbosch Magazine is a monthly online magazine about the people of our beautiful town!
Stellenbosch Magazine is a monthly online magazine about the people of our beautiful town!
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Craven en Dougie Dyers het besluit om die
eerste veelrassige Craven-week op Coetzenburg-stadion
in 1980 aan te bied.
“Dit is alles dinge wat uit Stellenbosch se
hoek uitgekom het. Wat ná die Frankryk-wedstryd
gebeur het was baie insiggewend,"
vertel Snyman met verwysing na
die 1977-wedstryd tussen Stellenbosch se
rugbyklub en Coronations op Coetzenburg.
“Dit was die eerste klubwedstryd wat oor
die kleurgrense gespeel is. Dit was als ’n
gevolg van die wedstryd teen Frankryk. Die
een ding op die ander het gevolg, maar jy
kon nie net als oopmaak nie, want die Wet
op Groepsgebiede en die Paswette het nog
bestaan.”
Die eerste veelrassige Craven-week het
sonder die toestemming van die minister
van sport plaasgevind. “Ons het dit gedoen
omdat ons geglo het dis die regte ding om
te doen en omdat sport so ’n geweldige by-
draende faktor tot nasiebou is. Die verskille
verval als die oomblik as jy aan sport deelneem,
want jy het ’n gemeenskaplike vyand
aan die ander kant. Die span is alles en dís
die sosiaal maatskaplike waarde van sport.
Die oomblik dat jy ’n span bymekaar sit wat
die gemeenskap verteenwoordig en daar is
sukses, dan is die hele gemeenskap deel
van daai span. Dis presies wat ons met die
Wêreldbeker gesien het.”
Snyman beklemtoon weer die bydrae wat
Noble gelewer het. “Hy was die hero-figuur.
Hy was ’n baanbreker. Dit is absoluut baanbrekerswerk
wat hy gedoen het. Dit is alles
dinge wat deur dok Craven georkestreer is
sodat die bewustheid daar was. Craven wou
voortgaan met die gemengde span, maar het
nie die politieke ondersteuning gehad nie. Hy
het aanmekaar in toe deure vasgeloop. Ons
het egter elke keer ’n nuwe tree gegee.
Dok Craven se visie was die Springbokke.
Die oomblik dat hy ’n Springbok van kleur
op die veld sit wat met sukses daar kan
opereer, wat John wel kon doen as die geleentheid
daar was, dan het hy ’n groot wig
geslaan in die apartheidsideologie.”
Noble vandag
Noble werk tans as ’n taxibestuurder, ’n
loopbaan wat hy al voorheen vir 16 jaar
gevolg het. Hy was afgetree toe hy gevra is
om weer uit te help. “Ek geniet my tydjie
met die taxi’s. Ek is bevoorreg dat my
gesondheid nog baie goed is.” Hy sê daar
was al gemeenskapslede wat vir hom gevra
het hoekom hy nie oorsee gebly het nie om
rugby te speel. “As ek dit gedoen het, was
ek vandag dalk ’n ander tipe mens. Ek het
my rugby baie geniet in Suid-Afrika.” Volgens
Noble is hy ook aan Suid-Afrika
herinner toe hy toegang tot ’n restaurant
geweier is tydens ’n aand uit in Australië.
“Dit het my ook laat besef die gras is nie
noodwendig groener aan die ander kant nie,
maar dit het nie my spel geaffekteer nie. Ek
was nie ’n politikus nie. Ek wou net rugby
speel.”
Hy skud egter sy kop in ontevredenheid oor
die rugby wat vandag gespeel word. “In my
tyd kon jy speel soos jy wou. Jy kon ’n ou
hoog vat. Dit was nie gevaarlik in daai tyd
nie. Ons het die spel geniet. Vandag het die
reëls so verander dat jy nie jou rugby kan
geniet nie. Ons kleurling-rugby sukkel. Daar
is nie spelers nie. Oorsee kan jy baie geld
verdien en dit speel ’n groot rol.”
NOBLE - ’n
Van sinoniem met rugby
Die vier Noble-broers se pa, George, het vir
hulle ’n rugby-erfenis in Stellenbosch met sy
spel vir Blakes-rugbyklub nagelaat. “Ons het
die talent by ons pa gekry,” volgens Noble.
Hy vertel trots sy broers was almal uitblinkers
en beklemtoon die rol wat Blakes-rugbyklub
in hul loopbane gespeel het. “Blakes was ons
bouspan. Dit was daar wat ons ons talente
ontwikkel het.”
Soos Noble het sy drie broers ook vir Coronations,
die Federasie en WP-liga gespeel.
“Christie was die eerste Noble wat vir WP uitgedraf
het. Toe hy vir Natal gekies is, het hy
werklik groot naam gemaak en hom uitgeleef.”
Voor dit het Christie en Aubrey ook saam in
Frankryk rugby gespeel.
Die volgende generasie Noble-seuns het ook
byna almal rugby gespeel, insluitend John se
seuns. Aubrey se twee seuns, Dusty en
Howard, het onder meer vir die nasionale
7’s-rugbyspan gespeel. Wêreldrugbybeker-wenner,
JP Pietersen, is die vier Noble-broers se
susterskind. “Dis ons bloed, ons familie en ons
trots. Ons is trots op die hoogtepunt wat JP
bereik het en dat hy geleenthede kon kry wat
ons nie kon kry nie.”
Noble woon in Cloetesville met sy vrou, Lilian.
Hy het vier seuns, Rodney, Morné, Gilroy en
John Jr. sowel as twee dogters Carlene en
Lindsey. Hy is ook ’n oupa van 12 kleinkinders
en het een agterkleinkind.
12 | Stellenbosch Magazine | July Issue