Stellenbosch Magazine July 2021
Stellenbosch Magazine is a monthly online magazine about the people of our beautiful town!
Stellenbosch Magazine is a monthly online magazine about the people of our beautiful town!
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
’n Besigheids-suksesverhaal uit die hart van Cloetesville, Stellenbosch
- deur Elmarine Anthony
Besigheid
In Januarie 2017
het Niklaas Willemse bedank uit
sy permanente werk waar hy R8 000
per maand verdien het, om vyf lesse
teen R750 aan een leerlingbestuurder
te gee.
Dít is hoe Willemse, van Cloetesville, heeltyds
op Niklaas and Nita’s Driving School begin
fokus het tot waar dit vandag ’n suksesvolle
besigheid is.
Sedert hy in 2009 sy lisensie gekry het,
was dit sy droom om ’n bestuursinstrukteur
te word. Die volgende jaar het hy as ’n
bestuurder by ’n patologiediensmaatskappy in
Goodwood begin werk. “Ek wou ’n bestaande
koeriersbesigheid koop, maar het nie die
finansies gehad nie.”
In 2015 het dinge finansieel swaar gegaan.
Willemse het ’n nuwe voertuig gekoop omdat
hy baie oortyd gewerk het, maar toe die
oortyd opdroog, moes hy los werkies kry
om brood op die tafel te sit en petrol in sy
kar te gooi. Hy het soggens van 06:00 tot
16:00 sy permanente werk gehad en 17:00
moes hy terug wees in Stellenbosch om
tot 22:00 as petroljoggie by Caltex op die
hoek van Merrimanlaan en Birdstraat te werk.
Voorts het hy ook Sondae by Debonairs in
Die Boord gewerk. “Dit was ’n stryd, maar ek
het vir twee jaar so aangegaan.”
Intussen het hy egter beplanning vir sy
besigheid begin doen. “Ek het die naam
uitgekies, myself in die besigheid gesien en
alles neergeskryf.”
Hy vertel hoe hy een Sondagmiddag ná kerk
verby die petrolstasie in Cloetesville gery het
terwyl iemand ’n ry-les gekry het. “Ek het
gekyk en het nie gehou van hoe die instrukteur
vir hom wys hoe om sy parkering te
doen nie. Ná kerk het ons hoekal by hierdie
leerling se ouers gebraai en geëet toe ek
hom gaan wys hoe ek geleer het. Hy het
gevind my manier is baie maklik. Ek het
vir hom my kar gegee om daarmee uit te
passeer.
“Ek het gebid oor die saak en vir die Here
gesê as hy sy lisensie slaag, weet ek ek
moet hierdie besigheid aanpak. Toe hy ingaan,
vra hy of hy vir my enigiets moet gee. Ek
het gesê ‘nee, bring net vir my ’n lisensie.
Dis al’. Hy het geslaag en van toe af het die
Here bevestiging gegee dat ek die bestuurskool
moet begin.”
Willemse, wat ook al voorheen as ’n Tuk-
Tuk-bestuurder gewerk het, het toe die ryskool
begin, maar dit deeltyds gedoen. Sy vrou,
Juanita (beter bekend as Nita), was bekommerd
toe hy uit sy voltydse werk wou bedank.
“Ek moes ’n keuse maak. Daar was ’n leerling
wat by my begin het wat ’n toetsdatum
gehad het en vyf lesse wou hê. Ek kon nie
aanhou met werk én vir haar help nie.
“My vrou het daardie aand by die huis gesê
die Here het klaar met haar gepraat en gesê
ek kan maar die werk los,” vertel Willemse
wat byvoeg dat hulle nog in daardie stadium
skuld gehad het.
Hy het die volgende dag sy bedankingsbrief
ingedien. “Dis hoe die besigheid voltyds ontstaan
het.”
Volgens Willemse was dit aanvanklik moeilik
om die besigheid aan die gang te kry, omdat
die meeste van die geld wat hy vir die lesse
gevra het, vir petrol gebruik is. “Dit was ’n
uitdaging, maar mettertyd het dit beter geword.
“Ek doen altyd my bes sodat die persoon sy
lisensie moet kry. Mense vra my gereeld wat
my slaagsyfer is. Ek sê altyd jou slaagsyfer
lê gewoonlik by die leerling self. Wanneer jy
slaag, maak jy vir my 100 persent, maar ek
kan nie sê ek het ’n 100 persent slaagsyfer
nie.”
Willemse erken daar is soms moeilike tye
wanneer die meerderheid leerlinge druip. “Jy
kry daai seisoene waar nie almal slaag nie en
waar nie almal druip nie. Ons werk met beginners
– mense wat nou net hul leerlinglisensies
gekry het. Ouderdom maak nie ’n verskil
nie,” vertel Willemse wie se oudste vroulike
student 66 jaar en oudste manlike student 59
jaar oud was.
Hy sê geduld is een van die belangrikste
eienskappe waaroor ’n bestuursinstrukteur moet
beskik. “Jy moet rustig wees. Mense kan voel
wanneer jy nie geduldig met hulle is nie. As
die persoon nie na die volgende les kom nie,
moet jy weet daar is iets fout.”
Hy meen ook instrukteurs moet ’n passie hê
om met mense te werk en sielkundig ingestel
wees op jou kliënte. “Selfs wanneer dit
stresvol is, kan jy nie vir die persoon wys jy
stres nie, want hulle is reeds vol stres wanneer
hulle eers begin. Hulle weet nie wat van
hulle verwag word nie, maar jy as instrukteur
weet, so jy moet rustig en kalm wees.
Byvoorbeeld praat oor die kar voor hulle
begin, maak ’n praar grappies en dies meer.
Hulle moet kan uitsien na die volgende les.’’
Weens COVID-19 het die bestuurskool vir
ses maande geen inkomste gehad nie, maar
sy vrou het tydens die inperking voortgegaan
om as ’n versorger te werk. Sy het onlangs
as ’n instrukteur gekwalifiseer en is ook nou
ten volle by die besigheid betrokke.
“Ons is in ’n gelukkige posisie dat die
besigheid nou so gegroei het dat ons nou ook
aanlyn leerlingklasse aanbied,” vertel Willemse.
Willemse is ’n gesinsman met drie kinders en
drie kleinkinders.
| Stellenbosch Magazine | July Issue
37