Stellenbosch Magazine July 2021
Stellenbosch Magazine is a monthly online magazine about the people of our beautiful town!
Stellenbosch Magazine is a monthly online magazine about the people of our beautiful town!
Create successful ePaper yourself
Turn your PDF publications into a flip-book with our unique Google optimized e-Paper software.
atebouer van die maand is
’n nuwe reeks gebaseer op
die 40 bateboublokke van
’n gebalanseerde lewenspad.
In ons eerste artikel gesels
Elmarine Anthony met Raiza
Crombie, onderwyseres by Hoërskool
Cloetesville.
“Vanweë juffrou is ek vandag waar ek nou is.”
Dié woorde beteken alles vir ’n onderwyser,
vertel Raiza Crombie wat vir die afgelope
vyf jaar by Hoërskool Cloetesville skoolhou.
Crombie is een van die personeellede wat ’n
omgee en aanmoedigende klimaat by die skool
skep (Bate nr. 5).
Haar werk strek egter buite die klaskamer
en buite die skool. Wanneer sy praat, klink
sy soos ’n onderwyser wat omgee vir “haar
kinders”, soos sy na haar leerders verwys,
sowel as ’n gemeenskapswerker. Op die muur
agter haar lessenaar is talle briefies van haar
leerders oor onder meer watter groot impak sy
op hul lewe gehad het. Daar is so baie briefies
dat sy dit elke maand op die muur roteer.
“Skoolgee vir my is nie net jou vak wat jy in
jou klas aanbied nie,” vertel Crombie wat Engels
vir gr. 10 tot 12 gee.
Sy sê: “Voor jy ’n kind jou vak kan leer, moet
jy eers ’n band met die kind vorm. Dit baat
nie jy is die slimste onderwyser met die meeste
kennis maar jy het nie ’n konneksie met die
kind wat voor jou sit nie. Jy moet eers ’n
band vorm met die kinders voordat jy vir hulle
enige waardes of skoolwerk kan leer.
“Ek wil
weet wie is jy
buite die skool?
“Ek wil weet ‘wie is jy buite die skool?’ Wat is
jou omstandighede buite die skool en waar kan
ek jou help sodat wanneer jy in die klas kom,
jy ’n beter en meer ontspanne kind is. Hier is
baie sosio-ekonomiese probleme- en onregte
in ons gemeenskap. Dit sluit in armoede,
bendegeweld en dwelm- en alkoholmisbruik.
Huishoudelike omstandighede is die grootste
rolspeler in ’n kind se lewe, veral in ons
gemeenskap. Jy moet altyd hul omstandighede
in gedagte hou.
“Ek is betrokke by alles in my kinders se
lewens. As individu voel ek dis my plig om die
kinders te leer ken en om belangstelling in hul
lewens te toon. As jy nie vandag in my klas
was nie, sal ek navraag daaroor doen. ’n Kind
se reis is hulle s’n om te stap, maar my rol
is om hulle te help aan die ander kant uitkom.
Daardie belangstelling wat jy in ’n kind toon,
beteken baie vir hulle.
“Ek het nog nooit ’n probleem met ’n kind in
my klas gehad nie. Dis so lekker om skool
te gee en te kan lief wees vir jou kinders en
hulle is lief vir jou. Om te wys jy gee om is
vir hulle so belangrik. As jy onthou wanneer
’n kind se verjaardag is, weet jy hoe spesiaal
hulle voel? Dit beteken baie vir hulle.”
Een van die redes waarom Crombie so sterk
voel oor haar betrokkenheid by haar kinders, is
omdat haar Engelse onderwyser by Hoërskool
Stellenbosch haar op dieselfde manier gehelp
het. “Sy het my geïnspireer om ’n onderwyser
te word. Sy het alles wat ek nou doen, vir my
gedoen.”
Verdere studies ná matriek was nie ’n opsie
waaraan Crombie gedink het nie, totdat haar
onderwyser vir haar aangemoedig en gehelp het
om by die Universiteit Stellenbosch aansoek te
doen en te registreer. “Die dag toe ons ons
gr. 12-rapporte kry, het sy skool toe gekom
en gesê ‘jy kom sien my môre’. Sy het vir my
verduidelik oor beurse en wat my verskillende
opsies is”, vertel Crombie, oor haar voormalige
onderwyser wat nie meer in daardie stadium by
die skool gewerk het nie.
Nadat sy haar BA-graad in geesteswetenskappe
verwerf het, is sy terug na haar voormalige
onderwyser met die vraag “wat nou?” Toe sê
ek vir haar ‘ek wil doen wat juffrou nou vir
my doen’. Dit is om ’n kind wat nie ’n visie
het vir sy lewe nie, te help om ’n rigting in sy
lewe te kry. Skool is vir my. Ek wou hier wees
waar ek ’n verskil kan maak. Hier kan ek vir
jou iets soos selftrots en respek leer. Dit is
uitdagend om ’n band met kinders te bou, maar
wanneer jy dit regkry, is dit alles die moeite
werd. Ek dink die minste wat jy vir ’n kind kan
doen is om vir hulle goedheid te wys.”
WAT IS BATEBOUERS?
In die boek “Elkeen is ’n batebouer” deur Jeanette
de Klerk-Luttig, word batebouers beskryf
as mense wat hoofsaaklik op hoop, vreugde
en oplossings vir probleme fokus. “Batebouers
glo dat elke persoon en elke gemeenskap in
Suid-Afrika die potensiaal het om die lewens van
jongmense positief te verander.”
Daar is 40 bates wat ’n persoon in kinders
kan ontwikkel. “Die 40 bates vorm die basis vir
kinders en jongmense se ontwikkeling en hulle
het dit nodig om te floreer en gesond en gelukkig
te leef. Dit beskerm hulle teen risiko-gedrag
en help hulle om terug te spring ná mislukkings.”
“Die gesondheid van ’n samelewing kan gemeet
word aan hoe hulle omsien na hul jongste generasie.
Batebouers gee aan ons ’n gemeenskaplike
visie waardeur verskillende segmente van
ons gemeenskappe – families, bure, skole, gemeentes,
jeugorganisasies, sportklubs, ensovoorts,
kan hande vat en saamwerk om seker te maak
dat kinders en jongmense kry wat hulle nodig het
om in gelukkige, gebalanseerde volwassenes te
ontwikkel.”
| Stellenbosch Magazine | July Issue
7