Stellenbosch Magazine July 2021

PAUL ROOS GIMNASIUM VIER
155 JAAR
- deur Elmarine Anthony
Volgens Van Staden is seunskole bevoorreg
om ’n ryk geskiedenis te hê. “Ek dink
kinders besef eers later in die lewe wat ’n
groot impak dit op hul ontwikkeling het. Daar
is mense voor jou wat vir sekere waardes
gestaan het. Sonder dat die seuns agterkom,
koop hulle dan in op daardie waardes.
Baie van die seunskole het ou gevestigde
waardes wat eintlik ’n reuserol speel sonder
dat jy altyd jou vinger daarop kan druk.”
Dus is die ontwikkeling van ’n sterk karakter
ook van kardinale belang, vertel Van
Staden. Hy glo die skool se waardes en
die verskeidenheid van geleenthede wat dit
die leerders bied, speel ’n groot rol in die
ontwikkeling van die seuns. “Ek dink die
feit dat ons deel is van so ’n sterk tradisie
wat oor 155 jaar heen strek, ontwikkel hul
karakter.”
André van Staden
Van staatsleiers, sakelui, bekende kunstenaars,
sangers, sportsterre tot wetenskaplikes.
Paul Roos Gimnasium (PRG) is bekend vir
sy uitnemendheid, ’n eienskap wat duidelik
na vore gekom het met verlede jaar se
matriekuitslae met onder meer ’n rekordgetal
van 25 kandidate wat 90% of hoër
gekry het. Dié besonderse prestasie het
kort op die hakke van die skool se 155ste
verjaarsdag op 1 Maart gevolg.
Fisies is die skool amper soos ’n wêreld
op sy eie met ’n pragtige kampus aan die
oewer van die Eersterivier. Wanneer jy op
die kampus loop, kan jy egter nie help om
belangrik en welkom te voel nie elke keer
wanneer ’n leerder sy kop knik en sê:
“Hello mam”.
Rektor vir die afgelope vier jaar, mnr. André
van Staden, sê hulle is baie bevoorreg om
die een prestasie na die ander te beleef.
“Ek glo ons het die vermoë en die talent
onder ons seuns om in elke aspek uitnemend
te wees. Dis wat ons by ons seuns
probeer kweek.”
Een van die dinge wat vir Van Staden uitstaan
van Paul Roos is die eenheidsgevoel
onder die seuns en hoe hulle mekaar se
suksesse geniet. Hy sê samehorigheid en
die feit dat die seuns mekaar aanmoedig om
op ’n hoë vlak te presteer, is een van die
eienskappe wat seunskole uniek maak. “Daar
is baie gesonde kompetisie. Ek dink die
sterkste ding van ’n seunskool is die etos.
Dit raak ’n etos van uitnemendheid, van
‘ons gaan alles goed doen’.”
Tradisies is ook een van die belangrike
aspekte van seunskole, maar daarmee sê
hy nie dat tradisies nie aangepas moet word
nie. Hy meen dit moet soms in lyn met die
moderne samelewing aangepas word. Daar is
wel sekere tradisies wat dieselfde bly soos
A-dag wanneer die gr. 8-leerders hul dasse
kry, die matriekdagseremonie en Z-dag – die
matrikulante se laaste amptelike skooldag.
“Dís wonderlike ou tradisies wat ’n ongelooflike
impak op die seuns se lewe het.”
Daar is baie uitdagings wat met ’n topinstansie
gepaardgaan, erken Van Staden.
Hy sê die skool moet ’n infrastruktuur en
omgewing skep wat aan al die leerders se
behoeftes voldoen. Dit is ’n skool wat vir
almal voorsiening maak en uiteenlopende
belangstellings akkommodeer. “Ons wil nie
bekend staan as ’n skool waar net een
aspek belangrik is nie. Die totale mens is
vir ons belangrik.”
Jock de Jager
Van Staden is vir byna 38 jaar betrokke
by die onderwys. Hy sê dit vra persoonlike
opofferings om aan die stuur van ’n instelling
soos Paul Roos Gimnasium te wees.
Jy moet ook divers kan wees. Jy gaan
byvoorbeeld van ’n akademiese probleem na
’n sportaktiwiteit en dan na ’n leerder wat
dalk ’n emosionele terugslag of probleem
ervaar. “Ek dink nie jy gaan oorleef as jy
nie ’n aanvoeling en passie vir jongmense
het nie. Jy moet dit geniet om met jongmense
te werk. Jy moet ’n verskeidenheid
van situasies kan hanteer. Jy moet besef dit
gaan uitdagend wees.”
Daar is egter geen plek wat mooier oomblikke
het as ’n skool nie, sê Van Staden.
“’n Skool het pragtige mooi oomblikke wat
opmaak vir al die uitdagende tye. Die
ontwikkeling van ’n jongman is net ongelooflik.
Jy sien hom in gr. 8 en as jy weer sy
hand skud, dan het hy ontwikkel in hierdie
wonderlike jongman. Ek dink daar is baie
mooi dinge aan ’n skool. Dis ’n voorreg en
| Stellenbosch Magazine | July Issue
23