Stellenbosch Magazine July 2021

’n bus van Kimberley vanaf die Wildeklawer-toernooi.
Jy slaap oor op Beaufort-Wes,
almal braai tot 02:00 die oggend en ons sit
net en gesels. Ons skree soos ons lag vir
al die stories wat hulle vertel oor hoe dit in
die skool gegaan het. Dís die spesiale deel
en ek onthou die spelers nog soos gister.”
Jordaan onthou een jaar se groep waarin
Damian Willemse gespeel het. “Ek het
gedink ons het vrot gespeel en halftyd met
Foto: Lance Peterson
hulle geraas. Daardie aand met ete
het hulle vir my gevra: ‘Hoekom
was ek so kwaai vandag?’ Hulle het
nie gedink hulle was vrot nie,” lag
Jordaan oor sy herinneringe.
Dis altyd vir hom lekker wanneer
hy oudsportpelers raakloop, want
hy onthou al die stories. “Ek kan
vir jou sê wie in watter wedstryd
gespeel het en in watter wedstryd
ons wat gedoen het. Ek kan nie
noodwendig die spesifieke tellings
onthou nie, maar wel teen wie ons
gewen of verloor het.
“As jy só lank met ’n span betrokke
is en jy staan langs die veld in ’n
naelbytwedstryd – dis verskriklik intens.
Jy leef jou daarin. Jy is eintlik
magteloos want daai klomp speel op
die veld. Dis goed wat ek onthou
en wat ek nie sal vergeet nie.”
Hy sê die hoogtepunt van sy tyd by
Paul Roos is 2015 toe die skool sy
150ste bestaansjaar gevier het. Hy
het saam met die eersterugbyspan
vertrek na die Sanix World Rugby
Youth Invitational Tournament in
Japan wat die skool daardie jaar
gewen het. Die span het dit ook
weer in 2019 gewen.
Jordaan was ook al met die eerstekrieketspan
na Engeland vir die Silk
Cup wat die span óók huis toe
gebring het. “Dit was alles wonderlike
ervarings.”
Volgens Jordaan was die aflas van
alle sportaktiwiteite tydens die
COVID-19-pandemie baie frustrerend
en moeilik vir die leerders. Hy
sê van die leerders het Augustus
2019 laas rugby gespeel voor die
aanvang van skolesport in April. Die
kinders het ook die samesyn,
Stephan Jordaan
| Stellenbosch Magazine | July Issue
29