Stellenbosch Magazine July 2021
Stellenbosch Magazine is a monthly online magazine about the people of our beautiful town!
Stellenbosch Magazine is a monthly online magazine about the people of our beautiful town!
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Noble met sy ma
Katrina Noble
(néé Van Wyk).
Haar noemnaam
was Katty.
y glo hy sou vir lank
’n Springbok gewees het,
indien dit nie vir die
politieke landskap van die
tyd was nie. John Noble
(67) het egter sy plek in Suid-Afrikaanse
rugbygeskiedenis verseker toe hy die
eerste speler van kleur geword het om ’n
drie as deel van ’n gemengde span teen ’n
internasionale span op Nuweland te druk.
In koerantberigte tydens sy rugbyloopbaan is
Noble onder meer beskryf as “’n rugby-replika
van Mannetjies Roux en die skitter-vleuel van
die SA Rugby-Federasie.”
Met die instap by sy huis in Cloetesville pronk
talle koerantberigte en foto’s van die vele
hoogtepunte in sy rugbyloopbaan.
Noble is in 1953 in Du Toit-stasie gebore. Sy
pa, George, was ’n bekende rugbyspeler en sy
drie broers, Christie, Aubrey en George was
ook kranige rugbyspelers in hul eie reg.
Hy het die Rynse Skool bygewoon wat nie
rugby as ’n sport aangebied het nie. Noble
het sokker gespeel en atletiek as ’n naelloper
uitgeoefen, maar het elke dag ná skool met sy
vriende rugby met ’n tennisbal gespeel. Met die
leerders se oorgang van die Rynse Skool na
wat vandag Cloetesville Laerskool is, het Noble,
die tweede oudste van sewe kinders,
skool verlaat.
Sy pa is jare tevore in 1966 oorlede.
Hy en sy oudste suster, Crystal, het
verskeie soorte werk gedoen. Noble
het onder meer as ’n vatmaker vir
Stellenbosch Boerewynmakery (vandag
Distell) gewerk sowel as by die
Universiteit Stellenbosch. Hy sê hy en
Crystal het gewerk om hul broers en
susters deur skool te sit en hul ma
te help. Hulle het
almal gematrikuleer
en Noble het
later tot gr. 10
skoolgegaan nadat
hy aandklasse
bygewoon het.
Sy loopbaan as rugbyspeler het in
1968 begin toe hy vir Blakes-rugbyklub
se juniors gespeel het. Hy het
in 1970 na die senior klub oorgegaan.
“Ek was nie so groot gebou
soos my pa nie. Hy was ’n voorspeler,
maar het agter ook gespeel. Ek is
nie so gebou dat ek in die voorspelers
kon speel nie. Ek was ’n vinnige
manne- tjie wat gekies is om vleuel
te speel. Toe ek my kom kry, toe het
ek die talent. Die Here gee vir jou ’n
talent wat jy kan uitleef. Ek het gesien daar is
geleenthede vir my wat ek nooit sou gekry het
as ek nie by rugby betrokke was nie.”
Volgens Noble het Blakes-rugbyklub in 1972
verskeie spanne uitgenooi om op hul tuisveld te
speel waar Cloetesville-daghospitaal nou geleë
is. Dit was deel van die klub se 21ste verjaarsdagvieringe.
Hy het uitgeblink in die finale
wedstryd waarna hy vir Coronations-rugbyklub
gespeel het. “As jy nie vir Coronations gespeel
het nie, het jy nie ’n kans gekry om proewe te
kon speel nie,” verduidelik Noble.
Hy het daarna in Graaff-Reinet
proewe gespeel om in aanmerking te
kom vir die kleurling Federasiespan,
bekend as die Proteas, se toer na
Engeland. “Ons het gehoor Engeland
gaan in 1972 in Suid-Afrika
kom speel en dat daar ’n Federasiespan ook
teen hulle gaan speel. Ek het dit tot die laaste
proewe gemaak en was 18 jaar oud toe ek
gekies is om teen die Engelse span op
Atlone-stadion te speel.”
Noble vertel verder: “Dít was my eerste groot
oomblik. Blakes het ’n bus opgemaak vir ons
mense om die wedstryd te gaan kyk. Toe ek
daar aankom, toe sien ek hier is my ouma, my
ma en my ma se suster. Toe kom Engeland se
spelers. Jy moet weet, dis groot manne. Ons
| Stellenbosch Magazine | July Issue
9