mba'e rehepa oñembo'éta guarani ñe'ë, kuñataï ha karia'ýpe

Reforma Joven
MBA’ÉPA OÑEMBO’ÉTA GUARANI ÑE’ËME
Guarani Ñe’ë oñembo’ekuévo oñeñepyrüta oñemba’apo umi ñe’ëporähaipyrégui: ñe’ëpoty,
mombe’urä, mombe’upyrusu ha ñoha’anga. Temimbo’ekuéra ohesa’ÿijóta umi ñe’ëporä ohendu
térä omoñe’ë rire.
Ko moköiha mbo’esyrýpe, oñemba’apova’erä ñe’ëporä oñe’ëva ko’ä téma rehe:
Mba’éichapa ojoavy tekove heko säsóva heko’asývagui.
Mba’éichapa ojoavy imitäva rekove, ituja ha içuaiçuíva rekovégui.
Mba’éichapa oho ojuehe tekovekuéra hekoha ndive.
Mba’éichapa omba’apo tekovekuéra isosieda rehe.
Ohesa’ÿijo rire ñe’ëporäkuéra, temimbo’ekuérape oñembokatupyryva’erä oñe’ë ha ohai haçua
guaraníme. Upépe, ha’ekuéra, oñeha’ätama ojapo téysto ñe’ëporä rehegua ha ambue mba’erä
avei.
Upévare umi mbo’epykuéra oñemohenda ko prográmape kóicha:
Tenondetegua kolúmnape oï umi “Unidades temáticas” oñemba’apótava temimbo’e ndive:
• Ohesa’ÿijokuaa haçua téysto ohendúva.
• Oñe’ëkuaa haçua.
• Ohesa’ÿijokuaa haçua téysto omoñe’ëva.
• Ohaikuaa haçua.
Moköiha kolúmnape oï umi “Objetivos de unidad” oguerekóva ipype umi kapasida ñe’ëporä
rehegua, temimbo’ekuéra ohechakuaa térä oipurukuaa haçua:
• Iñe’ënguéra, ojehecharamo ha ojeguerohory haçua omba’emombe’úva.
• Hemiandu hekoha rehe, hapichakuéra rekove rehe, hemikotevë rehe, heko
hapichakuéra ndive, ha mba’e.
• Iñe’ënguéra, opyta porä haçua pe omba’emombe’usevahína.
Mbohapyhapegua kolúmnape oï umi mbo’epy oipytyvötava ojehupyty haçua opavave
kapasidakuéra.
Segundo Curso
27