Hego-nafarreraren egituraz - Dialnet
Hego-nafarreraren egituraz - Dialnet
Hego-nafarreraren egituraz - Dialnet
Create successful ePaper yourself
Turn your PDF publications into a flip-book with our unique Google optimized e-Paper software.
IÑAKI CAMINO<br />
neko droket & doket ‘dezaket’ sailari iraganeko adizkietan noken ‘nezakeen’,<br />
oken ‘hezakeen’, zoken, ginoken, zinoken, zinokeyen, zokeyen paradigma dagokio,<br />
hau ere -eza- gabekoa (Bonaparte 1872: 10). Ezaugarriak Arakilen arrastoren<br />
bat izan zukeela salatzen du Irañetan 1798.ean jaio zen Gastesik idatzi<br />
zuen predikuko ecin ocultatu zuquien bere aurpeguico señalie lekukotasunak<br />
(Ulayar 1987: 58). Ezkabarteko Zildozko XIX. gizaldiko prediku batean ere<br />
badira: avisececo erremediatu zuquenai; eguin cinduquenean.<br />
5.7. Eremu berean ageri diren ezaugarri horiek elkarrekin zer erlazio historiko<br />
duten jakitea ere garrantzizkoa da: esate baterako, 5.2., 5.3. eta 5.5.<br />
ezaugarriak berrikuntzak dira ziur, baina ba ote dakigu garai berean ala beretsuan<br />
sortutakoak diren Ziur ote dakigu adizkiek iraganeko -n-rik ez izate<br />
hori arkaismoa dela Zein da zaharragoa bestalde, zuke ala zezakeen<br />
6. HEGO-NAFARRERAREN EZAUGARRI IA ESKLUSIBO<br />
BATERATZAILEAK<br />
6.1. Dialektologia egitean sekulako garrantzia dute erabiltzen diren irizpide<br />
teoriko-metodologikoek; erabakiak alderdi batera edo bestera hartu,<br />
irizpideak era batera edo bestera erabili, eragin handia du horrek azterketaren<br />
emaitzan eta bereziki dialektologialariak eskaintzen duen hizkeren banaketan.<br />
Hizkuntza-eremu bateko ezaugarriek sorta trinkoa eta gotorra osatzen<br />
dutenean auzia ez da zaila izaten, baina eragin lektalak ugari diren erdiguneko<br />
hizkeretan baitezpadakoa da elkartze espazialaren aldetik hizkuntza-ezaugarriek<br />
zein baldintza bete behar dituzten edo ikertzaileak zein irizpideri jarraitu<br />
behar dien aldez aurretik jakitea, bai baitirudi frankotan, hizkera berezi<br />
bat egiten dela diogun eremuak muga hautsiak dituela, ez direla ezaugarri<br />
guztien mugak ibar beretarik iragaten, bereziki erdiguneko hizkeretan. Hori<br />
dela ta, «ezaugarri ia esklusibo bateratzaile»-en saila eratu dugu atal honetan,<br />
hego-<strong>nafarreraren</strong> ezaugarri esklusiboez gainera beste hauek ere aintzat hartzekoak<br />
direla uste baitugu: trantsizio gaitza dagoen lekuetan lan egiteko hizkuntza-ezaugarri<br />
esklusiboak aski direlako ideia gainditurik, erdiguneko eremu<br />
nahasiagoetan beharrezko deritzogu hizkuntza-ezaugarrien konbinazioak<br />
egiteari, tradizioko dialektologiari jarraikiz, bidenabar. Aurkez ditzagun hurrengo<br />
sei ezaugarriak:<br />
6.2. Diptongoetan eu > au aldakuntza gertatu da eremu hedatuxean 10 :<br />
Burundan eta gainerako Sakanan bezala, Estellerriko Gesalatzen, Goñerrian,<br />
Ollaranen, Oltza zendean eta Itzarbeibarren bada; Eguesibarren guti, baina<br />
Artzibarren eta Aezkoan ausarki; ez dago Gulibarren, baina mende hasierako<br />
Txulapainen bai. Aipa dezagun, bestalde, Ultzama eta Anue ibarretan ia soilik<br />
adizkietan gertatzen dela (Ibarra 1995a: 153-5). Beheitixeago, Ezkabarten,<br />
Odietan eta Olaibarren ez da ageri, ezta Esteribar-Erroibarretan ere; Aurizperri<br />
salbuespena da Erroibarren, ondoko Aezkoan bezala au baitago. Muga<br />
Zaraitzun dago, ibar honetan eu zaharrari eutsi zaio: euri, eulli ‘eulia’, eultzi...<br />
10 Ezaugarri hau Euskal Herriko beste muturrean ere ageri da; Bizkaian Otxandion, Arratian, Zeberion,<br />
Orozkon, Nerbioi arroan eta Uribe kostan bederen erabiltzen da (Zuazo 1998a: 223). Balirudike,<br />
ordea, gure eremukoa eta hangoa bilakabide beregainak direla.<br />
438 [12]