Hego-nafarreraren egituraz - Dialnet
Hego-nafarreraren egituraz - Dialnet
Hego-nafarreraren egituraz - Dialnet
Create successful ePaper yourself
Turn your PDF publications into a flip-book with our unique Google optimized e-Paper software.
IÑAKI CAMINO<br />
barren zerbaixko ageri da eta Artzibarko berri garbirik ez dugu. Ez Aezkoan<br />
ezta ekialderago ere ez da erabiltzen. Baztanen ere ez; ibar honetan Oronoz<br />
salbuespena da: zandu ‘izan’.<br />
12.6. Aditzaren nominalizazioko -itze- analogikoa (eracusicen, uzizen, cusicia<br />
‘ikustea’ Utergako idazkian) Euskal Herriko erdigune zabalekoa da: Beriain<br />
idazleak eta 1729ko predikuak badakarte eta Gesalatzen, Goñerrian,<br />
Oltza zendean eta Itzarbeibarren ere ageri da; Iruñetik goiti berriz, Ezkabarten<br />
nahiz Ultzaman. Bilakabide hau gabeko eremuak dira Eguesibar eta<br />
ekialdera dagoen Aezkoa; bestalde, mendebaldera Sakanan ere bilakabidea<br />
falta da. Eremu berera hedatu da Nafarroa Garaian -tutze aldaera pleonastikoa,<br />
baina oraingoan Burunda eta Sakana guztia barrenean harturik; hegora<br />
Gesalatzen, Goñerrian eta Itzarbeibarren bederen ageri da. Iruñetik goiti<br />
Txulapainen nahiz Ultzaman adibideak bildu dira, baina Eguesibarren eta<br />
Aezkoan ez da alerik ere; Erroibarren ere ez dirudi nabarmena denik; O. Ibarrak<br />
(2000) ez du aurkitu adibide bat baizik, testu zahar batean.<br />
12.7. Baldintzaren protasian -ke analogikoa agertzea ere Euskal Herriko<br />
erdiguneko bilakabidea dugu, Gipuzkoan eta Nafarroa Garaiko iparraldean<br />
eta erdialdean aise entzun daitekeena. Gure eremuan iduri luke Gesalatz berrikuntza<br />
hau erabiltzen ez zen eremua dela, baina Goñerrian eta Ollaranen<br />
erabiltzen zen eta ageri da Deikazteluko eta Elortzibarko Zabalegiko predikuetan;<br />
ez dugu Oltzako eta Itzarbeibarko berri; ekialderat Eguesibarren eta<br />
Aezkoan ez da ageri.<br />
12.8. Gure inguruko hizkeretan -a morfemaz bukatutako adizkiak erabiltzen<br />
ziren Nor saileko “izan” aditzaren iraganeko aldaeretan lehen eta bigarren<br />
pertsonetan: nitza & niza, zina, gina ditugu Eguesibarren, baina ze eta<br />
zire & zere hirugarrenean. Bonapartek Garesen ere bildu zituen eta Oltza<br />
zendeako Iberoko guruzpideko kantuan ere badira, nahiz Bonapartek Oltza<br />
herrian nitze & ze sailekoak bildu zituen. Gesalazko eta Deikazteluko predikuetan<br />
ere bada -a eta baita Muzkiko Elizalderen lanean ere: gu nola sartu<br />
guina becatuan (1735: 38); Beriainek berak ere badakartza. Andimendiaz<br />
bestaldera -an sailekoak ditugu beti Burundan; Aranatzen eta Ergoienean bi<br />
joerak batera ageri zaizkigu eta Arakildik eskuin -en-dunak nagusituz doaz;<br />
berdin jarraitzen da Gulibarren, Txulapainen, Ezkabarten, Odietan, Ultzaman,<br />
Anuen eta Esteribarren barrena. Erroibarren eta Aezkoan -e erabiltzen<br />
da, Goñerrian eta Ollaranen bezala.<br />
13. NAFARROA GARAIKO ERDIGUNEKO EZAUGARRIAK<br />
13.1. Dakartzagun ezaugarri hauek Nafarroa Garaiko erdialdeko ibarretan<br />
ageri diren horietarik dira eta ez da harrigarri gertatuko erdiguneko hizkeratzat<br />
jo daitekeen hego-nafarrera egiten den eremu edo ibar batzuetan bederen<br />
aurkitzea.<br />
13.2. Bizkaiko mendebaldeko bazter hizkera batzuetan bezala (Zuazo<br />
1998a: 223), -ei diptongoaren -ai-ranzko bilakabidea gertatu da hego-<strong>nafarreraren</strong><br />
eremuan Ameskoan, Gesalatzen, Oltzan –Goñerrian baino areago–<br />
eta Ollaranen; Itzarbeibarren ere egon zitekeela erakusten du Utergako dotrinak.<br />
Andimendiaz bestaldera ere badira honelakoak Burundan eta Sakana<br />
erdialdean; EHHA-ko datuek erakusten dutenez baliteke Larraungo Baraibarren<br />
eta Oderitzen nahiz Basaburuko Berueten ere agertzea: ogai ‘hogei’.<br />
452 [26]