Hego-nafarreraren egituraz - Dialnet
Hego-nafarreraren egituraz - Dialnet
Hego-nafarreraren egituraz - Dialnet
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
IÑAKI CAMINO<br />
zenbatenaz gorago jo idatzi behar zuten horretan, hainbatenaz ezagunagoa<br />
zuten Iparraldeko literatura (Urgell 1991: 926-8); ez ginateke harrituko hiru<br />
idazleok Ipar Euskal Herriko liburuak eskuartean erabili zituztela egunen batean<br />
frogatuko balitz 3 .<br />
Elortzibarko Zabalegiko predikuari dagokionez arazoa besterik da: ez dakigu<br />
idazkia nork idatzia den, idazlea non sortua den, ez idazkia noiz egina<br />
den ere eta gainera, ibar honetan ez dago bestelako testurik hizkuntza-ezaugarrien<br />
konbinazio hori ibar bereko beste idazki batekoarekin erkatu ahal izateko,<br />
idazkiko ezaugarriak zinez Elortzibarkoak direla ziurtasun osoz jakiteko;<br />
Hans Peters-en hitz metodologikoak aintzat hartzekoak dira biziki:<br />
Ideally, a dialect area should not be investigated on the evidence of a<br />
single text; this method can be adopted only as a last resort, that is, if there<br />
simply is no other surviving record of a given dialect at a given time, as<br />
is often the case in Early Middle English. In such instances, great care<br />
must be taken to ascertain the date and provenance of that text as reliably<br />
as possible (1988: 408).<br />
Ezkabarteko euskara aztertzeko ere ez da anitz dagoena; kristau ikasbide<br />
bat bada Makirriaingo maisu Francisco de Goñik Zildozko Juan Pablo Diez<br />
de Ultzurrun kaputxinoarendako 1828an idatzi zuena (Díez de Ulzurrun<br />
1960); horretaz landa Zildozko Udaleko 1773ko idazki llabur bat dugu (Irigarai<br />
1932). Berriki, XX. mende bukaeran Anotz herriko lekukotasuna ere bildu<br />
da (Artola 1985); hirurak aski fidagarriak direla esan daiteke. Predikuak<br />
ere agertu ziren Ezkabarten, Zildozko Perutxenean hain zuzen, baina oraingoz<br />
argitaratu gabe daude eta ez dakigu ziurtasunez predikuotako euskara Ezkabartekoa<br />
ote den; esku batek baino gehiagok idatziak dira idazkiak eta denetan<br />
ez da hizkera bera ageri. Gehiago jakin artean zuhurtziaz idazki hauek<br />
ez aintzat hartzea erabaki dugu.<br />
<strong>Hego</strong>-<strong>nafarreraren</strong> inguruko hautsi-mautsiak aztertzeko ehun eta berrogeita<br />
hamar hizkuntza-ezaugarri erabili ditugu fonologiaren, morfologiaren<br />
eta sintaxiaren aldetik; alderdi lexikorako ere ehunka hitz baliatu ditugu (cf.<br />
Camino 1999, 2000, 2001). Dena den, ezaugarri batzuen emankortasuna<br />
apala denez ez ditugu guztiak artikulu honetara ekarri: oraingo honetan ehun<br />
eta hamabost baliatu ditugu, ondoren ikusiko denez denei garrantzi berbera<br />
aitortzen ez badiegu ere. Ezaugarri hauen guztien geografia hedadura zehatzago<br />
ikusi nahi izanez gero aski du irakurleak hego-<strong>nafarreraren</strong> mintzoetan<br />
oinarriturik dauden Goñerriko hizkeraren inguruko arestiko gure hiru artikuluetara<br />
jotzea.<br />
Hizkeretan gaindi gertatu den hizkuntza-ezaugarrien konbergentzia eta<br />
hedadura aztertuko dira artikulu honetan. Berebat, itxura batean aspaldiago<br />
antzeko egitura eta hizkuntza-ezaugarri beretsuak zituzten hizkeren dibergentzia<br />
ere aztertuko da bertan, hizkera bakoitza eragin lektal desberdinekin<br />
lehiatu izanaren ondorioz hizkerok elkarrengandik nola bereizi diren. Ez da<br />
aise, dena den, XVIII, XIX eta XX. mendeetan <strong>nafarreraren</strong> hegoko alderdian<br />
gertatu diren emaitza dialektalak eragin dituzten baldintza linguistiko dia-<br />
3 Ezaguna da norbaitek eskuz Nafarroako eleen ordainak ezarri zizkion Axularren Guero-ren bigarren<br />
edizioaren ale bat (Los Arcos 1974); bestalde, Patxi Salaberri Zaratiegik dioskunez, Uxueko elizan<br />
Xurioren Imitacionea-ren ale bat gordetzen da. Bestalde, Lekarozko ikastetxean Joakin Lizarragaren<br />
Guero-ren ale bat gordetzen da (Apezetxea 1978: 266).<br />
432 [6]