Odolaren mintzoa - Euskaltzaindia

7/ Espos berriek ait'amatzeko zerutik dute ordena;
kargu ederrik munduan bada, zonbat ederra zuena!
Egi haundien lerroan baita norbaitek erran zuena:
mundu huntara bietan sortzen dela kreatzen duena.
8/ Landarerikan baldin badator zuen baratze aldean,
j arraik ditela, baztertu gabe, zuek iragan bidean:
haur maite hoiek altxazkitzue Euskal-herriko legean,
zuen aitamen ganik ikasi mintzairan eta fedean.
9/ Dena gaur egin balitz bezala, bertzen baztertzen ez hasi;
orroit zaitezte gaurko bidea nork dautzuen erakatsi;
nahiz zuenaz egin behar ta jinen diren haurrak hazi,
zuen ait'amak ezkitzuela Jainkoa gatik ahantzi!
10/ Gazte maiteak, horra nik erran senditzen dutan guzia;
bizi luze bat izan zazuten laike ene gutizia;
gero orena heldu denean zeruratzeko grazia,
bakean eta amodioan iraganikan bizia.
212