Odolaren mintzoa - Euskaltzaindia

PERTSULARITZAZ BI HITZ
Ez dakit baden ofizio errexik, bainan etzaut iduri hau baino
zailagoko aunitz baden munduan. Ez litaike ez hala! Oraino
ere zonbaitek, eta nihaurek haur denboran uste bezala,
dohain hutsez egiten balitz!
Batere ongi egitearen axolarik duenak ordea -eta nork
ez du?-, herstura gogorrak pasatzen ditu, hainbertze jende
zuk zer aterako duzun beha dagonean. Bertzela ere, entzulea
gero eta eder goseago dela ageri da.
Pertsulariak, lan hortarako zaletasunaren edo gogoaren
ondotik, baitezpadako duen dohaina, rimaren edo berdin bururatzen
diren hitzen bilatzeko errextasuna da. Hori ez duena,
beti nekez ariko da. Nik badakit ongi.
Dohain hori duena, titxolaria deitzen dugu guk hemen.
Horieri, zuk hitz bat atera orduko, burrustan heldu zaizkiote
hura iduriak gogorat.
Dohain horiek biak dituenak, errex egin dezake pertsua.
Horrek zerbait aterako du, barnean deus baldin badu segurik.
57