Odolaren mintzoa - Euskaltzaindia

Berriki errana dut nik ez dakitala bertzek nola egiten
dituzten kantuak. Nik uste badiren, paperra eta luma harturik
mahain baten ondoan jarri eta gogoratu arau idazten dituztenak.
Ez dakit zendako behar dutan ene moldea salatu; bainan
nik ene pertsuak ene harat hunatetan nabilala egiten ditut,
eta gero, denak egin ondoan, idazten.
Bada orai, gero eta gehiago, pertsu idazten ari denik.
Mugaz bertzaldean, bixtan da, asko dira eta onak; bainan
pozten nau ikusteak, hemen ere badirela frango ongi heltzen
direnak.
Nik hauer, aholku bat emaitekotan, hau erran nezeieke:
ez diten beti ar alegiazko gai batzuetaz; behar lukete ere
ari beren biziko gertakari eta sendimenduetaz; ez dezatela
ere nehori deusik har; egiten dituztenak izan ditela osoki
heienak, behar den denbora hartuko badute ere hortako.
Hor ez da denbora izartua, eta norbaitek gostuko pertsu
alde bat irakurtzen badu, ez du galde eginen zonbat denboraz
eginak diren, baizik nork eginak diren.
Horra, irakurle: engoitik nardatua zaitut, bainan xehetasun
hauk nahi nauzkitzun emano Orai ahatik hurbil dituzu,
gutiziatzen dituzkezun pertsuak.
68