Odolaren mintzoa - Euskaltzaindia

Gizon horrekin elekatzen nintzan guziz, hautemaiten
nuen nihaur pertsulari izaiteko tirria bizi bat; bainan ez
nuen esperantza izpirik hala izanen nintzala egun batez, gaur
Aita Saindu izaiteko baino gehiago.
Alabainan, nik uste nuen Jainkoak, apostoluak Izpiritu
Sainduz dohatu zituen bezala ebanjelioaren predikatzeko,
bertze gizon batzu dohatu zituela pertsulari izaiteko. Oraino
ere badira hala uste dutenak, bainan ez da egia.
Bixtan da Jainkoak ezarri duela hazi zerbait gure baitan,
batzuetan azkarragoa eta bertzetan ahulagoa. Guri dago ordea
bihi horren oziaraztea eta gero landare hortaz arta
hartzea.
Nehork ez lezake sinets eni segurik zonbat gosta zautan
hain huntaraino ere heltzea. Baditaizke ahatik ni bezanbat
entseatu direnak, ez baitira deusetarat heldu. Zerbait
pindar bazitaiken beraz ene baitan, bainan biziki ahula.
Ufatuaren bortxaz zaizko artetan gar zirrista batzu atera.
Banuke gai huntaz erraiteko gehiago, bainan ez dut as·
tirik huntan zabartzeko. Aintzina joan behar dut.
34