ACHILLE SERRAO - Poeti del Parco

Sonetto
La sciorta mia è fatta a scesolella,
Comme la sole fa lo peccerillo,
Che s’acconcia mpennìo na tavolella,
E nce saglie dapò chiano chianillo:
Ma nché lo pede passa no tantillo
L’appuojo, zzaffe, se revota chella
Parte de coppa, e isso lo frontillo
Dà nterra, e nnaria va la pettolella.
Cossì succede a mme, che p’arrivare
Lo tuppo ad afferrà de la fortuna,
Na sagliuta mm’acconcio co grà stiento!
Ngigno doppo a gghi nnanto, e quanno pare
La mano d’allungà senza paura,
Cado, mme sciacco, e refonno l’agniento! 1
SONETTO – La mia sorte è fatta a discesetta / tale e quale a quella del bambino / che sistema
sul pendio una piccola tavola /dove sale poi con cautela: // ma appena il piede poco poco sbaglia
/ l’appoggio, zaf, si rigira quella / parte da su e la fronte / sbatte in terra e per aria va la
camicetta. // Così accade a me che per giungere / ad afferrare i capelli della fortuna, / preparo
una salita con grande fatica! // Tento poi di andare avanti e quando mi sembra / di poter allungare
la mano senza paura, / cado, mi ammacco e ci perdo l’unguento.
1 Il senso: e ci perdo anche l’unguento per curare le ferite procuratemi nella caduta.
72
Imprecazioni a Nigella
Te puozze nnammurà de no crodele
Che te faccia ’nnaterno sospirare,
E quanta pene haje fatte a mme provare
Tanta voccune puozz’avé de fele.
Comm’a na varca che pperze ha le bbele
Puozze pe ccà e ppe llà sballottolare,
E le ccarne te pozzano scolare
Comm’a la Stà de sivo le ccannéle.
E tanno, o Sgrata, puozz’avé confuorto,
Quanno tornata ’nté, chiagnenno dice:
Oh Micco mio, canosco ch’aggio tuorto!