Departement van Landbou - Department of Agriculture: Western Cape

16
DEPARTMENT OF AGRICULTURE | DEPARTEMENT LANDBOU | ISEBE LEZOLIMA
word in sekere streke word met ander gedeel sodat almal gesensitiseer word vir moontlike hindernisse en maniere om dit te
oorkom. Hierdie selfde forum word gebruik om projekte te beplan en ‘n aksie-kontrolelys op te stel om die tydige afhandeling
van projekte te verseker.
Om dienslewering in die grondhervormings-konteks te verbeter, veral met die ontwikkeling van die LARP-benadering, is die
Provinsiale Grondhervormingskantoor (PLRO) en die Provinsiale Departement van Landbou tans besig om ‘n Memorandum
van Ooreenkoms te ontwikkel. Bestuurders binne die FSD gaan voort om die maandelikse Distrik-assesseringskomitee (DAK’s)
en die Provinsiale Subsidiekomitees (PGC’s) by te woon soos onderskeidelik aangebied deur die munisipaliteite en Department
van Grondsake. Die uitdagings was nietemin die dreigement van herbesitneming van plase deur finansiële instellings en die
feit dat “rustende vennote” binne grondhervormingsprojekte dikwels die besluit om plase te verkoop sterk beïnvloed ten einde
inkomste te genereer vir korttermyn behoeftes. ‘n Forum vir belanghebbendes, wat bestaan uit die Departement van Landbou,
die PLRO, Produktiwiteit SA en Banke, is ook gefasiliteer met die oog daarop om ‘n model te kry wat vir die Wes-Kaap sal
werk.
In sy strewe om die Millennium Ontwikkelingsdoel 1 (MDG1), wat poog om hongerte en armoede teen 2014 te verminder, te
verwesenlik, het die voedselsekerheid-subprogram baie ure bestee om te verseker dat die doel van die Wêreldvoedseldagvieringe
— wat ‘n verhoogde publieke bewustheid van die wêreldvoedselprobleem en die versterking van solidariteit in die “struggle”
teen hongerte, wanvoeding en armoede bereik is. Die gebeurtenis is met groot welslae aangebied in Murraysburg, wat beskou
word as een van die armste dorpe in die Wes-Kaap as gevolg van sy geïsoleerde ligging, werkloosheid en onderontwikkeling.
Die vieringe het gesentreer rondom die tema “Die Reg op Kos” en het op 12 Oktober 2007 plaasgevind.
As deel van die belangrikste meetbare doelwitte van die Program, is besluit dat die mentorskapprogram vir
grondhervormingsprojekte in twee dele verdeel sou word, naamlik ‘n program vir huidige voorligtingsbeamptes en ‘n handevatprogram
vir die begunstigdes van voorwaardelike subsidies en grondhervorming. Die eerste program sal geïmplementeer word
in samewerking met Gestruktureerde Landbou-opleiding, terwyl laasgenoemde in Maart 2008 in samewerking met die SA
Agri-akademie uitgevoer en voltooi is.
In samewerking met die Nasionale Departement van Landbou (DvL), het die FSD-program vier veldbeamptes na Kenia gestuur
vir opleiding in Landbouvoorligting, wat ‘n uitruilprogram tussen die Keniaanse Departement van Landbou en die Departement
van Landbou is. Die doel van die uitruilprogram is om bekwaamheid te verhoog ten einde doeltreffender ondersteuning aan
ontluikende boere te voorsien.
Die tweede ronde van NUFFIC-opleiding, soos beplan onder die CAPRI-program, is in die eerste week van Oktober 2007
aangebied. Negentien van die Program-amptenare het deelgeneem, van wie ongeveer 80% nuwe aanstellings in FSD was.
As deel van die ooreenkoms tussen die Wes-Kaap Provinsie en die Provinsie van Boergondië in Frankryk, het die Program
sewe amptenare vir twee weke gedurende Februarie 2008 na Frankryk gestuur om vaardighede in kleinsakeontwikkeling en
projekbestuur te verwerf. Die kursusse is spesiaal ontwerp ooreenkomstig die behoeftes wat vooraf deur die FSD-program
geïdentifiseer is.
Die Alkoholmisbruik-forum wat op die been gebring is na die Alkoholmisbruik-konferensie in Junie 2007, funksioneer goed en
het die Mini-dwelm-meesterplan vir die Departement gefinaliseer. Dié plan sal in die 2008/09-boekjaar met ‘n begroting van
R200 000.00 geïmplementeer word.
Onderhandelinge met Graham Beck Wines in verband met die opleiding van uitgesette plaaswerkers by die nuwe
opleidingsfasiliteit naby Robertson, is goed op pad na die mikpunt. ‘n Memorandum van Ooreenkoms tussen die Departement
en die opleidingsentrum is gefinaliseer en sal gedurende die tweede helfte van die 2008/09-boekjaar onderteken word. Die
amptelike lansering van die projek sal teen die einde van Mei 2008 aangekondig word. Hierdie projek is ook genomineer as
deel van die risiko-matriks-projekte soos vereis deur die kabinetslekgotla.
Al die streeks-Plaaswerker van die Jaar-kompetisies is suksesvol afgehandel en die finale beoordeling van die Provinsiale
Plaaswerker vir 2007 het op 10 Oktober 2007 plaasgevind. Die projek het ‘n hoogtepunt bereik in ‘n invloedryke
toekenningseremonie wat op 25 Oktober 2007 by die Techno Park Protea Hotel in Stellenbosch aangebied is. ‘n Beplanningsessie
vir die nuwe boekjaar (2008/09) wat alle belanghebbendes betrek het, het op 28 Januarie 2008 plaasgevind. Minstens tien
streke sal in die nuwe finansiële jaar aan die kompetisie deelneem. Daarbenewens het besprekings tussen die Departement van
Landbou: Wes-Kaap, SANLAM en die Nasionale Departement van Landbou in Maart 2008 plaasgevind om die moontlikheid