Departement van Landbou - Department of Agriculture: Western Cape

32
DEPARTMENT OF AGRICULTURE | DEPARTEMENT LANDBOU | ISEBE LEZOLIMA
Aangeleenthede wat voortgesette aandag vereis
Om doeltreffender watergebruik deur kommersiële, sowel as kleinskaalboere in die landbousektor te bevorder.
Om die beter benutting van bestaande waterbronne, sowel as alternatiewe waterbronne, soos grondwater, te ondersoek en
om die lewensvatbaarheid van hierdie ontwikkelingsopsies te bepaal.
Om die beskerming van ons biodiversiteit en die bewaring van ons landbouhulpbronne te bevorder.
Om bewaring en volgehoue gebruik van die omgewing, veral natuurlike landbouhulpbronne deur geïntegreerde
gemeenskapsgebaseerde natuurlike hulpbronbestuur te bevorder.
Om geskik-gekwalifiseerde en opgeleide tegniese personeel in die veld van siviele en meganiese ingenieurswese aan te stel
en te behou.
Om loopbaangeleenthede in landbou-ingenieurswese onder die aandag van leerders op skool te bring, veral in die voorheenbenadeelde
sektor van ons gemeenskap en om beurse te voorsien vir hierdie studente in die veld van siviele en meganiese
ingenieurswese.
Om geïntegreerde sentrums te skep om koöperatiewe interstaatlike bestuur in natuurlike hulpbronbestuur te fasiliteer en om ‘n
een-stop-diens vir ons kliënte te voorsien.
Om werk te skep wat armoede sal verlig en toe te sien dat die werk wat gedoen is ons natuurlike hulpbronne sal versterk
en beskerm.
Om pro-aktief die toekomstige gebruik van ons hulpbronne binne die Provinsiale Ruimtelike Ontwikkelingsplan-raamwerk te vorm.
Om ons skaars landbouhulpbronne te beskerm teen verstedeliking en die gebruik vir ontspanningsdoeleindes.
Program 3: BOERESTEUN EN ONTWIKKELING
Doel:
Die Boeresteun en Ontwikkelingsprogram omvat die breë ontwikkelingsagenda van die Departement van Landbou wat beteken
dat die ontwerp en implementering hoofsaaklik fokus op die ondersteuning van swart boere in die Wes-Kaap, maar dit sluit nie
die kommersiële sektor uit nie. Die funksies sluit die voorsiening van voorligting in, die fasilitering van opleiding aan boere – met
spesiale klem op die ontwikkeling van ontluikende boere, die implementering van grondhervormingsprogramme en landelike
landbou-ontwikkelingsprojekte.
Strategiese doelwitte:
STRATEGIESE DOELWIT 1: BOEREVESTIGING
Om opleiding te voorsien en die implementering van die Grondhervormingsprogram vir Begunstigdes te koördineer, met
inbegrip van die administrasie, bestuur en beskikking van Landboustaatsgrond.
STRATEGIESE DOELWIT 2: BOERESTEUNDIENSTE
Om boere te ondersteun en te versterk om optimaal te produseer deur die voorsiening van voorligting- en adviesdienste, die
fasilitering van opleiding aan kommersiële en ontluikende boere, die koördinering van landelike landbou-ontwikkelingsprojekte,
sowel as die fasilitering van organisatoriese ontwikkeling en kapasiteitsbou van boeregroepe
STRATEGIC DOELWIT 3: VOEDSELSEKERHEID
Om voedselsekerheid te versterk deur die koördinering en implementering van verskeie voedselsekerheidsprojekte soos
uitgelig en goedgekeur in die Geïntegreerde Voedselsekerheidstrategie van Suid-Afrika.
STRATEGIESE DOELWIT 4: CASIDRA
Om te fokus op landbou- en ekonomiese ontwikkeling binne ‘n landelike en grondhervormingskonteks.