Departement van Landbou - Department of Agriculture: Western Cape

2007 | 2008 ANNUAL REPORT | JAARVERSLAG | INGEXOLO YONYAKA
Uitdaging 4:
Verhoogde monitering van uitvoer en plaaslike mark-abattoirs en ingevoerde produkte: Mikrobiologiese monsters om
plaaslike mark-abattoirs te monitor.
Reaksie op uitdaging 4:
Weens beperkte menslike hulpbronne in die subprogram wat veeartsenykunde openbare gesondheid hanteer en die
dringendheid om uitvoerfasiliteite te hanteer, is die monitering van plaaslike abattoirs nie getoets in die mate wat verwag
is nie. Aangesien hierdie situasie waarskynlik vir die volgende een of twee jaar sal voortduur, is dit nodig dat die beplande
produksie in hierdie verband afgeskaal word na ongeveer 1 000 monsters per jaar.
Uitdaging 5:
Skep die laboratoriumruimte en voorsien die hulpbronne om PRC-prosedures uit te voer. Kalibreer toerusting en neem deel
aan inter-laboratorium-toetsing.
Reaksie op uitdaging 5:
Die tegnoloog wat in die PRC-afdeling aangestel is, is oorgeplaas vanaf die bio-chemie-afdeling. Met ‘n aanstelling wat
buite die laboratorium gemaak moes word, is die tegnoloog betrek in die opleiding van die nuut-benoemde en het ook
bio-chemiese prosedures uitgevoer. As gevolg hiervan is slegs enkele van die doelwitte vir die PCR-afdeling bereik. Die
inter-laboratorium-toetsing sal gedurende die 2008/09-verslagjaar gedoen word.
Uitdaging 6:
Verskeie noodsaaklike poste is nie gevul soos beplan nie weens die vertraging in werkstudie-uitkoms en die feit daar
gevolglik geen begrotings-toekennings gedoen is vir 2007/08 nie.
Reaksie op uitdaging 6:
Werkstudie goedgekeur gedurende Januarie 2008. R6 miljoen-verhoging in die begroting vir Veeartsenykunde-dienste ten
einde die mees kritieke poste te vul.
Uitdaging 7:
Sommige van die beplande uitkomste vir die uitbreiding van voedselsekerheid-dienslewering aan voorheen-benadeelde
gemeenskappe kon weens die gebrek aan personeel nie voltooi word nie.
Reaksie op uitdaging 7:
Werkstudie goedgekeur gedurende Januarie 2008. R6 miljoen-verhoging in die begroting vir Veeartsenykunde-dienste ten
einde die mees kritieke poste te vul.
Aangeleenthede wat voortgesette aandag vereis
Die gebrek aan Afrika-, Indiër en kleurling studente wat tans aan die Fakulteit van Veeartsenykunde by Onderstepoort studeer,
bly ‘n probleem. Die werwing van gegradueerde veeartse in die aangewese groepe word gevolglik feitlik onmoontlik. Langtermyn
oplossings, wat begin met die kies van die korrekte vakke deur graad 9-leerders, sal gevind moet word om hierdie dilemma aan
te spreek. Dit word bevestig deur die feit dat 8 van die huidige 9 Departementele beurshouers wat veeartsenykunde studeer,
wit is.
Program 5: TEGNOLOGIE-NAVORSING EN ONTWIKKELINGSDIENSTE
Doel:
Die mandaat van die Program Tegnologie, Navorsing en Ontwikkeling is om ‘n landbounavorsingsdiens te lewer en inligtingsisteme
te ontwikkel met betrekking tot gewasproduksie-tegnologie, diere-produksie-tegnologie en hulpbronbenutting-tegnologie.
Strategiese doelwitte:
• Om provinsiaal-spesifieke en relevante navorsing te fasiliteer, te lei en te koördineer, landbou-navorsingsbehoeftes
te identifiseer, toepaslike tegnologie te ontwikkel/aan te pas of oor te dra aan boere en om deel te neem aan multi-
dissiplinêre landbou-ontwikkelingsprojekte ten einde landbou-produsente in staat te stel om volhoubaar te kompeteer in
die wêreldekonomie.
• Om die ontwikkeling en verspreiding van inligting aan kliënte te koördineer, met inbegrip van die ontwikkeling en benutting
van verskeie inligtingsisteme.
• Om infrastruktuur en fasiliteite op navorsingsplase te voorsien en in stand te hou sodat die lynfunksies hulle navorsing en
ander verwante funksies kan uitvoer.
41