Departement van Landbou - Department of Agriculture: Western Cape

Uitdaging 5:
Verandering van items op reeds-goedgekeurde sakeplanne vir CASP.
2007 | 2008 ANNUAL REPORT | JAARVERSLAG | INGEXOLO YONYAKA
Reaksie op uitdaging 5:
Die situasie word veroorsaak deur die tydsverloop tussen die aansoek en werklike implementering van projekte en daar
is weinig wat die Program daaraan kan doen aangesien dit hoofsaaklik gebeur as gevolg van die CASP-Gidsplan wat
bestuur word deur die Nasionale Departement van Landbou. Di uitdaging is gedeeltelik aangespreek deur die ontwikkeling
van die Departementele Projek-hertoewysingskomitee.
Uitdaging 6:
Vestiging van ‘n interdepartementele komitee om die strategiese plan vir die Plaaswerker-ontwikkeling te implementeer.
Reaksie op uitdaging 6:
Beter koördinasie met ander Departemente ten einde te skik volgens Kabinet-besluite (Kabinet-notule 297/05).
Uitdaging 7:
Die vul van vakatures blyk ‘n uitdaging te wees aangesien ons slegs ‘n sukseskoers van ongeveer 50% het.
Reaksie op uitdaging 7:
Om die poste weer te adverteer totdat ‘n geskikte aanstelling gedoen is.
Uitdaging 8:
Gebrek aan gelykgesindheid ten opsigte van beplanning en ondersteuningsmeganismes tussen PLRO en die Provinsiale
Departement van Landbou.
Reaksie op uitdaging 8:
Om ‘n Memorandum van Ooreenkoms tussen die PLRO en die Provinsiale Departement van Landbou te finaliseer met
standaard bedryfsprosedures en ‘n gemeenskaplike begrip van rolle en verantwoordelikhede.
Aangeleenthede wat voortgesette aandag vereis
Die werwingskostes wat nie beskou word as deel van die vergoeding van werknemers nie, lewer ‘n groot uitdaging en is besig
om spanning te plaas op die goedere- en diens-begroting. Dit kan nadelig wees vir dienslewering.
Projek-beplanning en monitering
Die FSD-program sal projekte beter moet beplan ten einde te verseker dat gehou word by tydsraamwerke vir
implementering.
Finalisering van aanstellings
Die FSD-program sal streef om die aanstellingsproses vir alle vakante poste binne die volgende boekjaar af te handel.
Data-insameling
Die FSD-program sal verseker dat verslag gelewer word oor alle CASP-projekte vir 2008/09 volgens ‘n gestandaardiseerde
moniterings- en verslagsisteem.
Samewerking met ander Programme
Die FSD-program voortgaan om die Distrikkoördineringskomitees (DCC’s) te koördineer as ‘n medium om dienslewering aan
die boerderysektor te verbeter. Die vermoë van die Program om doeltreffende diens aan alle kliënte te lewer hang grootliks af
van die ondersteuning deur ander Programme. Daarom sal die FSD poog om alle programme binne die Departement te betrek
ten einde dienslewering aan kliënte te verbeter.
Samewerking met PLRO
Daar is steeds ‘n behoefte aan beter samewerking tussen die Provinsiale Departement van Landbou en PRLO ten opsigte van
grondverkryging, oordrag en ondersteuning aan grondbegunstigdes.
Verbintenis met Departement van Landbou, Grondskikking
Die FSD-programme sal die Departement van Landbou betrek om die FALA-proses regoor die Provinsie te voltooi.
25