Departement van Landbou - Department of Agriculture: Western Cape

Spesifieke uitdagings en reaksies
2007 | 2008 ANNUAL REPORT | JAARVERSLAG | INGEXOLO YONYAKA
Uit die bostaande statistiek mag dit lyk asof Ingenieursdienste sukkel om sy gestelde doelwitte te bereik aangesien die
subprogram onderprestasie aanteken in die meeste van die meetbare doelwitte. Die werklikheid is dat hierdie dienste aanvraaggedrewe
is en dat die huidige droogte en vloede die vraag vir dienste laat afneem het. Al die versoeke vir ingenieursdienste en
tegnologie-oorplasings is hanteer ten spyte van die addisionele werklas opgelê deur vloed-herstel- en rehabilitasie-werk.
Die vertragings in die verkryging van waterlisensies vir ontluikende boere-projekte by die Departement van Watersake bly ‘n
uitdaging, maar strem nie tans werkverrigting nie. Die rede hiervoor is dat ons meer versoeke vir water-infrastruktuur het as
wat ons kan akkommodeer binne die baie beperkte infrastruktuur-begroting, en wanneer vertragings met die verkryging van
waterlisensies voorkom, word die fondse oorgeplaas na ongefundeerde projekte waarvoor waterlisensies nie vereis word nie,
wat dan geïmplementeer word.
Hierdie uitdaging ontvang egter voortgesette aandag deur vergaderings met DWAF-personeel asook deur die
Koördineringskomitee vir Landbou-water (CCAW).
Die Program is ook onder druk weens die gebrek aan kapasiteit in ingenieurspersoneel (ingenieurs en tegnici) en dit bly ‘n
uitdaging. Die stappe wat gedoen is om hierdie probleem te verlig, is ‘n bewustheidsveldtog wat onder leerders en studente
geloods is om die aandag te vestig op loopbaangeleenthede in die landbou (as deel van die Water Wise- en Biodiversiteitsveldtog),
die beursskema wat geïmplementeer is en die geleentheid wat ons bied aan ingenieurstudente om hulle prakties binne die
program te doen.
Die Departement het sy teiken vir die aantal boerderyplanne goedgekeur vir boerdery-doeleindes (940 vs. die teiken van 250)
onder die LandCare-subprogram beduidend oorskry. Die rede vir hierdie dramatiese toename is die geleentheid wat gebruik is
om boerderyplanne op datum te bring op dieselfde tyd as wat die verifikasies vir die 2006-Eden-vloed gedoen is.
Die toename in die aantal LandCare-projekte wat geïmplementeer is, is te danke aan die toewysing van billikheidsdeelfondse
aan hierdie projekte bykomend tot die subsidie wat ontvang is van die Nasionale Departement van Landbou. Dit het ook gelei
tot die toename in die aantal persoonsdae werk wat verskaf is. Op dieselfde manier is die aantal Junior LandCare-kampe
vermeerder met eie befondsing.
Rampbestuur, spesifiek met betrekking tot die 2006- en 2007-Edenvloede, sowel as die Sentraal-Karoo-droogte bly ‘n
uitdaging vir die program, Volhoubare Hulpbronbestuur.
Uitdaging 1:
Beperkte waterbronne is besig om ‘n oorlewings-uitdaging te word, veral in die lig van uitdagings weens klimaatsveranderinge
en die natuurrampe wat deur hierdie verandering veroorsaak word.
Reaksie op uitdaging 1:
Navorsing oor die doeltreffende en bevoegde gebruik van landbou-water, sowel as alternatiewe bronne bly ‘n deurlopende
projek. Vyfhonderd en vyftig (550) aansoeke vir vloed-verligting van plase in die Eden-, Sentraal-Karoo- en Overberg-streke
is geprosesseer.
Uitdaging 2:
Waterbewaring.
Reaksie op uitdaging 2:
Implementering van projekte wat waterbesparing bevorder, werk skep, biodiversiteit verhoog en finansiële en maatskaplike
vennootskappe verbeter.
Uitdaging 3:
Implementering van infrastruktuur en LandCare-projekte sowel as die voorsiening van tegniese ondersteuning vir
CASP-projekte.
Reaksie op uitdaging 3:
Optimale gebruik van beperkte tegniese personeel en die skep van vennootskappe met ander programme binne die
Departement en diensverskaffers buite die Departement. ‘n Toename in LandCare-projekte en ‘n afname in Bewaring (Wet
43 van 1983) en Uitgestrekte area-beplanningsprojekte, weens ‘n kleiner aanvraag vir projekte te wyte aan droogte- en
vloedrampe in die Provinsie.
31