DIE UITWERKING VAN SKOOLKULTUUR EN -KLIMAAT OP ...

34
Hoofstuk 2: Skoolkultuur en -klimaat: ’n teoretiese begronding
omgewing wat alle gedrag beïnvloed en tipies gemeet word deur die persepsies van
werknemers.
Samevattend kan organisatoriese klimaat gesien word as ʼn totale eenvormige
persepsie van die organisasie. Dit het gemeenskaplike karaktereienskappe; dit is
beskrywend; dit kan een organisasie van ʼn ander onderskei; en dit integreer en
weerspieël individuele-, groep-, en organisatoriese veranderlikes.
2.6 SKOOLKLIMAAT
2.6.1 Inleiding
Anyone who visits more than a few schools notes quickly how schools differ from
each other how they feel. In one school the teachers and the principal are zestful and
exude confidence in what they are doing. They find pleasure in working with each
other; this pleasure is transmitted to students ... In a second school the brooding
discontentment of the teachers is palpable; the principal tries to hide his
incompetence and his lack of sense of direction behind a cloak of authority... And the
psychological sickness of such a family spills over on the students who, in their own
frustration, feed back to the teacher a mood of despair. A third school is marked by
neither joy nor despair, but by hollow ritual ... in a strange way the show doesn’t
seem to be “ for real.”
Andrew W. Halphin (Hoy & Forsyth, 1986:148)
Bogenoemde aanhaling illustreer die verskille wat tussen skole bestaan. In die een
skool is daar ʼn passievolle atmosfeer wat daarop dui dat dit ʼn skool is wat ten volle
funksioneer. Die personeel en leerders werk hard en is gelukkig met dit wat hulle
doen en bereik. Daarteenoor word ʼn skool gevind waar die atmosfeer neerdrukkend
is en waar die personeel en leerders ongelukkig is met hulle werks- en
leeromstandighede. Dit gee dan aanleiding tot ʼn gevoel van wanhoop en so ʼn skool
funksioneer nie optimaal nie.
Die skool kan as die tuiste van onderwysers en leerders beskou word. Om
onderwysers en leerders se volle potensiaal te laat realiseer, is dit belangrik dat hulle
veilig moet voel, asook dat hulle aanvaar moet word in die werk- en leeromgewing.
Die klimaat in die skool moet daarom van so ʼn aard wees dat individue in alle
aspekte van hulle lewe kan floreer (Johnson & Stevens, 2006:2).