scenarioJunie

16
••• NUUS
“Die sleutel tot sukses
in die lewe is om van
jou self te hou.”
Japie Fransman (Senwes:
Korporatiewe Bemarking)
Gideon van Zyl (Agri NW
Jongboer van die Jaar) en
Johan du Toit (Senwes:
Landboudienste).
Agri NW én Vrystaat Landbou
kroon hul Jongboer van die Jaar
DIE AGRI NW JONGBOERVERENIGING,
IN SAMEWERKING MET SENWES AS
HOOFBORG, HET OP 20 APRIL ’N BAIE
SUKSESVOLLE JONGBOER KONFE REN-
SIE BY FEATHER HILL IN POTCHEF-
STROOM AANGEBIED.
> TEKS: ANSONÉ VENTER
Clayton Butler, die Jongboervereniging
Voorsitter, het jongboere, die media asook die
onderskeie borge van die Jongboerkonferensie
verwelkom by die geleentheid en het genoem dat
die jongboere se goeie bywoning verblydend is.
Die sprekers wat onder andere ervare kundiges
van Senwes Landboudienste ingesluit het, se onderwerpe
het by die konferensietema: “Volhoubaarheid
deur Diversifikasie en Presisieboerdery”, aangesluit.
Johan du Toit (Bestuurder: Landboudienste) het
meer oor Senwes Landboudienste vertel en die
jongboere uitgenooi om van Landboudienste se
kundigheid gebruik te maak.
Gerrit Oosthuizen (Senior Agronoom: Landboudienste)
het jongboere gewaarsku dat “daar nie plek
is vir kort paaie nie, dinge moet altyd op die regte
manier gedoen word.” Hy het ook klem daarop gelê
dat jy as produsent jou boerdery se beperkende
faktore moet identifiseer en aandag daaraan skenk.
“Die sleutel tot sukses in die lewe is om van jou -
>
self te hou,” meen dr Arnold Mol, wat die motive ring -
spreker by die konferensie was. Hy het die jongboere
gemaan om hul arbeiders op te bou eerder as om af
te breek, om sodoende die beste uit hul na vore te
bring.
Gideon van Zyl, van Salpeterpan Boerevereniging,
is tydens ’n glansdinee dieselfde aand as Agri NW
Jongboervereniging se Jongboer van die Jaar aangewys.
Gideon boer vir die afgelope ses jaar op sy
eie plaas, Buckshee, in die Vryburg-omgewing. Hy
is van mening dat landbou die grondslag van ’n land
se ekonomie vorm.
Vrystaat Landbou het op 12 April, tydens ’n
funksie gehou by Monte Bello Estate, Bloemfontein,
Hendri Jansen van Rens burg gekroon as hul
Jongboer van die Jaar. Hendri boer op die plaas
Stoffelsrust, naby Warden.
Met ’n verskeidenheid interessante sprekers,
waaronder ook Lindie Stroebel (Bestuurder: Ekonomiese
Intelligensie van die Landboubesigheidskamer)
en prof Jonathan Jansen (Visekanselier en
Rektor van die Universiteit van die Vrystaat), was
diegene wat die geleentheid bygewoon het, op die
punte van hul stoele.
’n Algehele Jongboer van die Jaar-wenner sal
later vanjaar tydens die Agri SA Kongres
aangekondig word. S
>>
Ansoné Venter is ’n gereelde medewerker vir S enwes S ce na rio.
Vir meer inligting, kontak haar by (018) 468-2716 of stuur ’n
e-pos na ansone@infoworks.biz.
www.senwes.co.za • Junie 2012