scenarioJunie

30
••• FOKUS OP DIEREVOEDING
Hoe gemaak met
lekke hierdie winter?
MET ’N DROË WINTER IN DIE VOOR-
UITSIG MOET VEEPRODUSENTE
HOË AG SLAAN OP GOEIE KWALITEIT
BYVOEDING. OORGANGSLEKKE EN
PROTEÏENLEKKE KAN JOU DALK NET
HIERDIE SEISOEN UIT DIE MODDER
HELP.
OORGANGSLEKKE
Vir volgehoue diereprestasie moet beide fosfor en
proteïen in die vorm van ’n oorgangslek gedurende
die herfsmaande voorsien word. Die oorbrugging van
die groen na die droë seisoen met ’n oorgangslek,
bevorder produksie en reproduksie omdat dit
die massa- en kondisieverlies beperk weens die
voorsiening van ekstra proteïen.
’n Oorgangslek bewerkstellig ’n geleidelike
oorgang van fosforaanvulling in die somer na
ureumbevattende winterlekke. Dit bevat minder
ureum as winterlekke, wat die gevaar van
ureumvergiftiging verminder wanneer die diere na
winterlek oorgeskakel word, omdat hulle dan reeds
ten volle op ureum aangepas is.
Gee oorgangslekke sodra ’n drastiese styging in
fosfaatlekinnames plaasvind en/of sodra die gras
volwassenheid bereik deur saad te begin vorm.
PROTEÏENLEKKE
Die aanvulling van rumenstimulerende proteïenlekke,
bevorder die vertering en inname van droë
weiding wat massa- en kondisieverlies beperk
waardeur produksie en reproduksie verhoog word.
>
’n Onsuksesvolle oorwintering se nadele knou
wintermarges omdat dit ernstige reproduksie-
(lae kalfpersentasie) en produksieverliese (lae
speenmassa) tot gevolg het. Voorvereistes vir die
suksesvolle oorwintering van vleisbeeste, is die
beskikbaarheid van ’n voldoende hoeveelheid ruvoer
in die vorm van gespaarde grasveld en die aanvulling
van kritieke voedingstowwe (byvoorbeeld proteïen,
minerale, spoorelemente en vitamiene) deur die
verskaffing van rumenstimulerende onderhoudslek
(ook bekend as proteïen- of winterlek) om die
tekorte in die droë winterveld aan te vul.
Droë grasveld het ’n ernstige proteïentekort as dit
minder as 6% proteïen bevat en het tot gevolg dat
die mikro-organismes, wat die ensieme afskei wat
verantwoordelik is vir die vertering van die droë gras,
begin afsterf en gevolglik word daar al hoe minder
voedingstowwe vir die beeste beskikbaar gestel. Dit
het kondisie-en massaverlies tot gevolg.
Wanneer diere ’n proteïentekort ondervind is
hulle minder geneig om te wei, al is daar volop
droë weiding beskikbaar en meer geneig om by die
waterbak te lê en water te drink. Die mis van sulke
diere begin min, droog, hard en swart word; hulle
begin kondisie verloor; hulle hare begin regop staan
en hulle kan selfs droëgalsiekte kry en vrek omdat
hulle pense ophou funksioneer en dan verstop.
Die aangewese tyd om na proteïenlekke oor te
skakel, is ná die eerste swaar ryp in die winter. S
>>
Inhoud vir die artikel is verskaf deur Voermol. Vir meer inligting,
raadpleeg jou naaste Voermol-agent of stuur ’n e-pos
aan info@voermol.co.za.
www.senwes.co.za • Junie 2012