scenarioJunie
scenarioJunie
scenarioJunie
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Foto 1: Voorbeeld van ’n koei met ’n 2<br />
kondisietelling.<br />
die vroeë verkoop van uitskotkoeie voldoende wees.<br />
Die kernkudde kan dan weer vinnig opgebou word.<br />
Met ’n speenkalfstelsel moet meer koeie verkoop<br />
word, omdat die enigste vermindering van GVE<br />
die verkoop van speenkalwers is wat in elk geval<br />
verkoop sou word. Om dus vir droogtetoestande<br />
voorsiening te maak, is dit nodig om produserende<br />
teelkoeie te verkoop. Dit neem dus langer om ná die<br />
droogte weer die kernteelkudde te herstel.<br />
Die grootste probleme begin egter wanneer die<br />
weiding min raak. Al die smaaklike weiding met<br />
voedingswaarde is dan weg. Al wat oor is, is die<br />
onsmaaklike grasse. Die uitdaging is dan om die<br />
diere aan die lewe te hou. Sodra hierdie situasie<br />
ontstaan, moet ’n oorlewingstrategie gevolg word.<br />
Die belangrikste oorweging is dan om diere aan die<br />
lewe te hou en nie noodwendig produserend nie.<br />
Indien diere aan die lewe gehou kan word totdat<br />
daar weer voldoende voer beskikbaar is, is daar<br />
darem weer diere beskikbaar om mee te produseer.<br />
Ruvoerbeskikbaarheid is die belangrikste faktor<br />
– selfs baie swak kwaliteit ruvoer is beter as geen<br />
ruvoer. Die voedingswaarde van swak ruvoer kan<br />
aangevul word, al is dit teen ’n koste. Sonder<br />
ruvoer is daar egter nie salf te smeer nie, want ’n<br />
bees kan nie op mielies alleen lewe nie. Afgesien<br />
van ruvoerbronne, soos veldhooi en oesreste,<br />
kan mieliestronkmeel, grondbonedoppe en<br />
sonneblomkoppe ook gebruik word.<br />
Sover moontlik moet diere op die veld gehou<br />
word en die normale oorwinteringstrategie met lekke<br />
moet eers gevolg word. Wanneer die smaaklike<br />
grasse uitgewei is, moet oorgeslaan word na ’n 50%<br />
winterlek wat die benutting van die onsmaaklike en<br />
minder verteerbare grasse sal bevorder.<br />
Hou die diere se kondisie fyn dop en skakel oor<br />
na die oorlewingstrategie sodra die diere se kondisie<br />
na ’n kondisiepunt van 2 gedaal het (Foto 1).<br />
Junie 2012 • www.senwes.co.za<br />
HOOFSTORIE •••<br />
Moenie dat diere te maer word nie en gebruik dan<br />
dié van die onderstaande oorlewingsresep(te) wat<br />
jou toestande die beste sal pas.<br />
Diere wat in verskillende produksiestadia is, moet<br />
ook verskillend behandel word tydens die droogteoorlewingsproses.<br />
Dit word aangeneem dat slegs<br />
reproduserende diere deur ’n droogte aangehou<br />
word. Alle ander diere is verkoop. Koeie/ooie<br />
met kalwers/lammers se kondisie moet veral fyn<br />
dopgehou word. Sodra die kondisie begin afneem,<br />
moet die kalwers/lammers gespeen word, al<br />
beteken dit dat hulle vroeg gespeen word. Hierdeur<br />
word die reproduserende dier gespaar vir wanneer<br />
die nuwe reënseisoen aanbreek.<br />
Dragtige diere moet steeds goed versorg word.<br />
Die koeie/ooie gaan in elk geval kalf/lam, voer hulle<br />
dus om hulle kondisie te behou. Hulle het reserwes<br />
nodig om hulle kalwers/lammers te kan grootmaak.<br />
Indien hulle afgeskeep word, gaan hulle in ’n swak<br />
kondisie wees by geboorte en heelwat probleme<br />
gaan dan ondervind word. Moeilike geboortes<br />
gepaardgaande met moontlike verliese, weggooi<br />
kalwers/lammers wat hans grootgemaak moet word,<br />
swak kalwers/lammers wat sukkel om te oorleef en<br />
so kan ons aangaan.<br />
Ná ’n droogte is jong aanteeldiere baie gesog<br />
en skaars. Indien jong diere en speendiere se<br />
groei ernstig benadeel word, het dit tot gevolg dat<br />
hulle volwasse massa en liggaamsgrootte nadelig<br />
beïnvloed word en in die geval van skape word die<br />
wolproduksie ook benadeel. Dit is dus lonend om<br />
spesiale aandag aan hierdie groep diere te gee<br />
tydens ’n droogte. Jong diere het ook die voordeel<br />
dat hulle onderhoudsbehoeftes laer is as volwasse<br />
diere s’n. Dit is dus goedkoper om hulle te onderhou<br />
as volwasse diere.<br />
Ander maatreëls ten opsigte van die vee waaraan<br />
oorweging geskenk moet word, is:<br />
Voorsien skoon drinkwater.<br />
Beperk beweging en dus energieverkwisting deur<br />
die diere in klein kampies te hou.<br />
Klassifiseer die diere volgens kondisie en<br />
ouderdom.<br />
Beperk voerverliese deur doeltreffende hooirakke<br />
en krippe te gebruik.<br />
Gemaalde ruvoer word tot 30% beter benut as<br />
lang hooi.<br />
Verskaf beskutting teen koue winde. Tot ’n derde<br />
van die wintergewigsverlies wat by diere voorkom,<br />
is as gevolg van koue winde.<br />
Bestry inwendige sowel as uitwendige parasiete.<br />
vervolg op bladsy 6<br />
><br />
5