scenarioJunie

18
••• NUUS
Monsanto sê hul
sê oor beskerming
van biotegnologie
BIOTEGNOLOGIE GAAN PRODUSENTE
IN STAAT STEL OM VOEDSEL
VOLHOUBAAR OP ’N GEGEWE
OPPERVLAKTE TE PRODUSEER OM
AAN DIE GROEIENDE WÊRELDSE
BEVOLKING SE BEHOEFTES AAN
VOEDSEL, ENERGIE EN TEKSTIEL
TE VOLDOEN.
> TEKS: RUTH SCHULTZ
Dít was Bennie Bester (Kommersiële
Bestuurder: Monsanto SA) se boodskap aan produsente
tydens Monsanto se Centre of Excellence
boeredag naby Bothaville op 12 April vanjaar.
“Daar is sekere produsente wat baie onverantwoor
delik omgaan met die gebruik van biotegnologie,”
het Bennie gesê. Hy verwys spesifiek na die
plant van toevlugsareas.
Biotegnologie het ’n baie groot bydrae gelewer
as ’n mens kyk na waar opbrengste vandag staan.
“In 2001 was 5,9% van alle mielies wat in 2001 in
Suid-Afrika geplant is, geneties gemodifiseerde (GM)
aanplantings. Tien jaar later, in die 2011-seisoen,
is 78,7% van alle mielies in Suid-Afrika, GMaanplantings.”
Volgens Michelle Vosges (Hoof van Rent meester -
skap: Monsanto SA) is daar sekere areas waar
YieldGard I nie meer so effektief werk soos in die
verlede nie. “Dié aanplantings moet dus onder
sekere omstandighede gespuit word, sodat produsente
nie verliese ly in terme van opbrengste as
gevolg van die stronkboorder wat weerstand opbou
nie en tweedens wil Monsanto daardie populasies
wat verhoogde toleransie teen die Bt-proteïen bied,
so gou moontlik uit die omgewing kry.”
Monsanto het dus produsente se hulp nodig.
“Produsente moet weekliks vasstel of hul mielies
meer as 10% stronkboorderskade het. Indien daar
>
Leonard Oberholzer (Bestuurder: Tegniese Ontwik keling,
Monsanto SA) wys hier hoe opbrengste (ton/ha)
toegeneem het soos tegnologie oor die jare gevorder
het (oopbestuifde mielies, dubbelkruis, enkelkruis en
biotegnologie). Produsente het sekere punte op die
lande besoek waar Monsanto en ander rolspelers in
die bedryf oor ’n wye verskeidenheid onderwerpe gesels
het.
meer as 10% skade is, moet dit op Monsanto se
sisteem gerapporteer word, sodat inspeksies gehou
kan word en besluit kan word oor moontlik bespuitings,”
het Michelle bygevoeg.
Een van die belangrike redes wat in die literatuur
aangedui is hoekom YieldGard I aanplantings
in sekere gevalle nie meer effektief is nie, is die
afwe sig heid van toevlugsareas. “In 2008 het
Monsanto ’n aktiewe moniteringsprogram in plek
gestel, waartydens ’n derde party ’n produsent
se plaas besoek om ondersoek in te stel of sy
toevlugsareas reg geplant is in terme van persentasie
en of dit reg geposisioneer is in terme van
Bt-aanplantings,” het sy gesê.
YieldGard I is egter steeds effektief op ongeveer
98% van mielie-aanplantings in Suid-Afrika, maar
gereelde monitering en vinniger rapportering kan
steeds help dat produsente ’n goeie opbrengs op
YieldGard I kry. “Verhoogde monitering gaan gedoen
word op YieldGard II aanplantings, omdat Monsanto
nie dieselfde roete wil loop as met YieldGard I nie,”
aldus Michelle. YieldGard II is die nuwe geen wat
Monsanto verlede jaar bekend gestel het.
Volgens Michelle gaan Monsanto streng moet
optree teenoor dié produsente wat nie effektiewe
toevlugsareas aanplant nie. “Om biotegnologie
te beskerm moet produsente toevlugsareas plant
en dit reg plant om weerstandsontwikkeling te
voorkom. Indien produsente dit nie doen nie,
beteken dit dat Monsanto nie sy permitvoorwaardes,
wat kommersiële aanplantings van YieldGard I en
YieldGard II in Suid-Afrika moontlik maak, nakom nie
en kan die staat die permit terugtrek en produsente
nie meer toegang tot Bt-mielies hê nie.” S
>>
Ruth Schultz is ’n gereelde medewerker vir Senwes Scenario.
Vir meer inligting kontak haar by (011) 869-4465 of stuur ’n
e-pos na ruth@infoworks.biz.
www.senwes.co.za • Junie 2012