scenarioJunie
scenarioJunie
scenarioJunie
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
4<br />
••• HOOFSTORIE<br />
’n Proaktiewe<br />
droogtestrategie<br />
is nét die ding vir 2012 se winter<br />
DIE OUDSTES ONDER ONS SAL NOG<br />
DIE DROOGTES VAN DIE JARE SESTIGS<br />
ONTHOU EN DIE MINDER OUERES<br />
DIÉ VAN DIE TAGTIGS EN VROEË<br />
NEGENTIGS. DIE JONGES HET DIT NOG<br />
NET LEKKER GEHAD...TOT VANJAAR.<br />
ONS BELEEF TANS SEKER EEN VAN<br />
DIE MEES WYD VERSPREIDE EN<br />
DROOGSTE DROOGTES IN BAIE JARE.<br />
> TEKS: IZAK DU PLESSIS EN BOET VAN ZYL<br />
Boerdery is waarskynlik dié<br />
bedryf van die mens wat die meeste deur klimaat-<br />
en weerpatrone beïnvloed word. Die voorkoms<br />
van periodieke droogtes, noop die produsent om<br />
voortydig voorsorg te tref. P.E. Lombard en H.M.<br />
Greef het nie verniet reeds in 1964 opgemerk nie:<br />
“Die verstandige boer bou reserwes op gedurende<br />
die volop tyd. Dan sal die “sewe maer jare” hom<br />
nie onverhoeds vang nie.” Steeds word verskeie van<br />
ons voortdurend met die spreekwoordelike broek<br />
op die knieë gevang wanneer ’n droë jaar skielik<br />
opdaag, om nie eens te praat van die “sewe maer<br />
jare” nie. Vir die oorlewing van ’n veeprodusent, is<br />
dit kardinaal om ’n droogte oorbruggingstrategie te<br />
hê. Alhoewel die fokus meer op die onmiddellike<br />
korttermyndroogte sal val, sal daar tog ook na ’n<br />
meer omvangryke droogte oorbruggingstrategie<br />
verwys word.<br />
WANNEER BEGIN ’N DROOGTE?<br />
In teenstelling met meeste se opvatting, begin ’n<br />
droogte nie eers wanneer die weiding klaar is nie.<br />
><br />
Dit begin reeds met die eerste reën wat laat kom,<br />
dan word dit uitgebrei deur die swak opvolgpatroon<br />
van die reënbuie en die min reën wat uiteindelik<br />
ontvang word. Johan van den Berg van Santam<br />
Landbou maan dat reënvalscenario’s op ’n gereelde<br />
basis deur die reënseisoen gedoen moet word<br />
en nie slegs aan die begin nie. Met die korrekte<br />
bestuurder- en moniteringsprogram in plek is dit<br />
meestal reeds in Februarie moontlik om die eerste<br />
tekens van ’n naderende droogte te identifiseer.<br />
Gebeurlikheidsplanne moet dan reeds in plek gestel<br />
word. Hoe vroeër aanpassings vir ’n droogte gemaak<br />
word, hoe kleiner is die impak van die droogte<br />
op die veevertakking. Hoe vroeër uitskotdiere van<br />
die plaas af gaan, hoe meer teeldiere kan deur<br />
die winter geneem word. Die grootste vyand van<br />
suksesvolle droogtebestuur, is die hoop of geloof<br />
dat dit wel volgende week sal reën. Hierdie hoop<br />
veroorsaak dat aksieplanne uitgestel word tot op ’n<br />
punt waar drastiese optredes nodig is om deur die<br />
droogte te kom.<br />
HOE TAKEL MENS ’N DROOGTE?<br />
Om ’n droogte die hoof te bied, is geensins goed -<br />
koop nie. Maklike kortpaaie bestaan nie. Daarom is<br />
dit belangrik om so vroeg moontlik die waarskynlikheid<br />
van ’n droogte te identifiseer en proaktief op te<br />
tree. Vroegtydige, proaktiewe optrede sal die koste<br />
om deur die droogte te kom, verminder, aangesien<br />
drastiese maatreëls eers later gevolg hoef te word.<br />
Proaktiewe vermindering van vee ly daartoe dat diere<br />
voor die groot stormloop verkoop word, gevolglik kan<br />
hoër pryse gerealiseer word.<br />
Eerstens is tollie- en osproduksiestelsels beter<br />
gerat om die kernteelkudde teen droogtes te beskerm.<br />
Heelwat GVE kan van die veld af verwyder<br />
word deur slegs osse, tollies en speenkalwers te<br />
verkoop. Indien dit slegs een droë jaar is, sal dit en<br />
www.senwes.co.za • Junie 2012