scenarioJunie

54
••• AGRI-WENKE
Droë seisoen sorg vir
lae grondvogreserwes
AS GEVOLG VAN DIE DROË NA-JAAR,
HET DIE OESPROSES VAN MIELIES
EN SONNEBLOM IN SEKERE GEBIEDE
VROEËR BEGIN AS BEPLAN EN
BEHOORT DIE STROPERS NOU VOLUIT
TE LOOP EN IN SEKERE GEVALLE DALK
EINDE SE KANT TOE TE STAAN.
Dié dele wat bevredigende
opbrengste het, behoort tesame met die graanpryse,
positiewe marges te realiseer. Benut hierdie
inkomstes oordeelkundig, want ons weet nie wat die
komende seisoen inhou nie. In dié dele waar daar
erge droogteskade was en die opbrengste gevolglik
onbevredigend is, moet daar van kundiges gebruik
gemaak word om die komende seisoen te beplan.
Senwes Landboudienste het landbou-ekonome
en akkerboukundiges wat jou daarmee kan help –
moenie benoude spronge maak nie.
Die veld is oor die algemeen in ’n swak toestand
en noukeurige bestuur is dus uiters noodsaaklik. Dis
hier waar die benutting van mieliereste waardevol
kan wees. Lande wat geneig is tot waai, moenie
oorbewei word nie.
GRONDKUNDE
Grondvogreserwes is oor die algemeen laag. Op
die nie-watertafelgronde, wat algemeen in die
Noordwes Provinsie voorkom, asook in die Vrystaat,
is daar feitlik geen oorgedraagde grondvog nie. Dit
gaan ’n invloed hê op winterbewerkings en daar sal
gewag moet word op goeie lentereën om primêre
bewerkings te kan doen.
’n Lae grondvogstatus verhoog ook die risiko vir
koringaanplantings. Laat die grondvogstatus bepaal
(Senwes Landboudienste kan dit vir jou behartig indien
beplan word om nog koring te plant. Raad pleeg
die saadmaatskappye se kultivarinligtingsgidse
betreffende kultivarkeuse indien laat in Junie of
vroeg in Julie geplant gaan word. Dit geld ook vir
>
3.
5.
1. Johan du Toit
2. Castuff Sekgala
3. Jacques Odendaal
2.
4. Izak du Plessis
5. Gerrit Oosthuizen
die komen de somerseisoen se beplanning
(opbrengsmikpunte).
VAALHARTS-BESPROEIINGSKEMA
Pekanneute se oesproses is een van die dae voluit
aan die gang. Let daarop dat die grond nie te droog
raak met die naderende koue nie, veral by die
jonger aanplantings.
Stamme van die jong bome kan ook geverf word
om te help teen stambars as gevolg van drastiese
lae temperature. Na-oes kan bome gelaat word om
te rus, maar moenie die grond te droog laat word
nie. Daarna kan daar in Augustus begin word om die
bome te snoei.
Gars en koring se produkpryse lyk tans nie baie
rooskleurig nie, maar as gevolg van kontantvloei
kan die gewasse nie sommer net uit die wisselbousisteem
gelaat word nie. Dit is egter baie belangrik
om optimale opbrengste te verkry ten einde winste
te toon. Die aanbeveling is dat die beste gronde
aangeplant word en alles moontlik gedoen word om
optimale opbrengste te verseker. Die alternatief om
gronde te laat oorlê en vroeë mielies, grondbone en
katoen te verbou, maak wel groter winste, maar min
produsente se kontantvloei laat dit toe om eers in
Maart weer ’n inkomste te verkry.
BOERDERYBESTUUR
’n Suksesvolle strategie behoort die volgende vier
kritieke elemente te bevat, naamlik:
• Gerig op duidelike langtermyndoelwitte
• Gebaseer op insig en begrip van die eksterne
(makro) besigheidsomgewing
• In-diepte kennis van die onderneming se interne
vermoë en hulpbronne
• Effektiewe implementering en koördinering van
www.senwes.co.za • Junie 2012
4.
1.