scenarioJunie

Soveel hoofde, soveel sinne,
lui die gesegde. By lekaanvulling sal dit lui: Soveel
produsente, soveel resepte. Die vrae wat gevra
moet word, is: “Gee die lek die voedingstowwe aan
die dier wat in tekort is?”, “Is die lek ekonomies
en trek beide die dier en die produsent voordeel
daaruit?”
So baie produsente gee net lek omdat hulle dink
dit is die regte ding om te doen. Om maksimum
voordeel uit lekke te trek, moet dit korrek gedoen
word met die doel voor oë om sodoende te bepaal
watter produk om te gee. Meting is ’n integrale
deel van lekbestuur: Om te meet is om te weet! As
produsente lekke aanvul net om lek te gee, vul hulle
dikwels nutriënte aan wat nie eers in tekort is nie –
hulle gooi dus geld in die water.
Nutri Feeds het die afgelope jare die feit holrug
gery dat winterlekke voldoende fosfaat moet
verskaf (ten minste 6 g/bees/dag of 1 g/skaap/
dag). Produsente wat dié praktyk gevolg het, het
die resultate van beter kalf- en lampersentasies
gesmaak. ’n Winterlekaanvulling beteken egter nie
net ’n proteïenlek met genoeg fosfaat in nie; die
tipe proteïene in die lek is ook van kardinale belang.
Daar is op Koster gevind dat ’n 450 kg bees 391 g
rumen degradeerbare proteïene (RDP) per dag
benodig om maksimale hooi in te neem. Gras kan
gewoonlik in die winter sowat 170 g RDP verskaf,
wat dui op ’n tekort van 221 g RDP per dag wat
deur lekke aangevul moet word. Met die duimreël
van 150 g proteïene wat ’n bees per dag benodig,
is daar dus steeds ’n tekort van 71 g. ’n Belangrike
gevolgtrekking kan hieruit gemaak word – duur,
ware proteïene, byvoorbeeld oliekoeke, kan dus
met goedkoper NPN-bronne vervang word om die
mikrobes te voed in onderhoudslekke.
Die doel van lekaanvulling vir onderhoud is om
die mikrobes wat vesel verteer te voed. Hierdie
veselverterende mikrobes gebruik ammoniak
om op te voed. Ammoniak is die eindproduk van
ureum-afbrekings in die rumen. Dieselfde studie
het getoon dat tot 75% van die verlangde RDP, van
ureum afkomstig mag wees (meer as 75% verlaag
die verteerbaarheid van die hooi). Ons kan dus sê
Junie 2012 • www.senwes.co.za
PROMOSIE-ARTIKEL: NUTRI FEEDS •••
Is lekaanvulling
sommer net lekaanvulling?
dat ’n 450 kg bees tot 70 g
ureum per dag kan vreet en
dat net 40 g - 60 g van haar
RDP-behoefte van natuurlike
proteïene af hoef te kom.
Onthou dat 1 g ureum, 46% N bevat, wat gelyk is
aan 2,87 g “proteïen”.
Ons het nou bewys dat die korrekte tipe proteïen
baie belangrik is, maar mikrobes kan nie ureumomskakeling
doen as hulle nie genoeg energie het
nie! Die korrekte energie wat beskikbaar is, moet
in die lek wees. Soos in Figuur 1 gesien kan word,
is eenvoudige suikers se fermentasietempo die
hoogste, gevolg deur stysel. Hierdie suikers moet
dus die energie aan die mikrobes verskaf om die
RDP te kan omskakel na ammoniak om sodoende
die droë veld te kan benut.
Met korrekte lekaanvullingsprosedures, verplaas die
lekaanvulling nie die grasinname nie, maar stimuleer
dit die inname en verteerbaarheid van goedkoop
energie (gras). Dit gee dus meer ekonomiese
produksie uit laer kwaliteit weidings.
Nutri Feeds se Nutri Lick- en Nutritub-reekse
is geformuleer om in die dier en die mikrobes se
behoeftes te voorsien, perfek saamgestel. Elke lek is
’n mondvol nutriëntryke aanvulling.
So, as jou buurman weer ’n selfmeng “wenresep”
het, vra hom bietjie met die tong in die kies of dit
voldoen aan die mikrobes se behoeftes en hoeveel
RDP daarin is. S
>
39