scenarioJunie

36
••• FOKUS OP DIEREVOEDING
Aangeplante weiding as deel
van wisselbouproduksie
vervolg van bladsy 35
TABEL 2: DIE OPBRENGS, KOSTE/HA EN KOSTE/TON DROË MATERIAAL VIR DIE VOORGESTELDE
WEIDINGSGEWASSE.
GEWAS OPBRENGS (TON/HA) KOSTE (R/HA) KOSTE (R/TON)
Bloubuffel 3 R2 252 R476
Witbuffel 3 R1 285 R478
Meerjarige sorghum 7 R1 926 R289
Oulandsgras 4 R1 765 R485
Groenvoer 1,2 R1 312 R1 093
Japanese radys 10 R2 041 R205
Eenjarige raaigras 3 R1 779 R732
Akkerbone 3 R1 721 R392
Eenjarige sorghum 11 R8 717 R490
Tef 3 R2 252 R751
bone en eenjarige voersorghum), gekies word.
Vir hooimaakdoeleindes kan tef en oulandsgras
as wisselbougewasse oorweeg word. Oulandsgras
het dié voordeel dat dit in die lente gewei kan word
en dat die somergroei dan later gebaal kan word.
Alhoewel dit onder gunstige klimaatstoestande
moontlik is om twee snysels van tef wat in Desember
gevestig is, te verkry, moet tef verkieslik voor
15 November gevestig word om ’n tweede snysel
moontlik te maak.
Meeste weidings word gedurende Januarie en
Februarie gevestig. Met herfsaanplantings is daar
minder kompetisie vanaf onkruide, met die gevolg
dat die weidingsgewasse makliker vestig. Die
aanbevole plantdatum en produksieperiode van
elke weidingsoort word in Tabel 1 aangetoon, terwyl
Tabel 2 die opbrengs waarop berekeninge gegrond
is, koste/ha en koste/ton, aantoon.
In die geval van groenvoer sal die benuttings tydperk
afhang van die plantdatum en ook die kultivar.
Vir die meerjarige gewasse is die eerste jaar se
produksiepatroon nie aangetoon nie, maar wel die
jaarlikse produksiepatroon indien dit reeds gevestig
is. Die koste/ton droë materiaal van meer jarige
weidings is bereken oor ’n leeftyd van drie jaar.
Die verskillende weidings kan ook gekombineer
word om tekorte in die voervloei aan te spreek.
Raaigras en Japanese radyse kombineer baie
goed. Japanese radyse verskaf voer wanneer die
raaigras dormant raak gedurende die middel-winter.
Netso kan die meerjarige gewasse as staande
hooi gebruik word as wintervoer of om tekorte in
die lente aan te spreek. Meerjarige gewasse en
tef kan as kontantgewasse gebruik word indien die
voervoorsiening voldoende is.
>
WISSELBOU NIE BEPERK TOT GRAAN
Wisselbou hou verskeie voordele, veral in terme van
siekte- en plaagbeheer asook grondvrugbaarheid, in.
Wisselbou is egter nie net beperk tot graangewasse
nie. Weidings kan ’n belangrike rol vervul, veral ter
aanvulling van die voervloeibehoeftes. Wanneer
weidingsgewasse as wisselbougewasse geplant
word, is die keuse nie beperk tot een weidingsgewas
nie. Kombinasies van weidingsgewasse kan leemtes
in die voerbehoeftes op verskillende tye van die jaar
aanspreek. Sodoende kan die stabiliteit van die
veevertakking en ook die boerdery verbeter word. S
Verwysings
• SA Graan, Oktober 2011: Maak dit sin om vee
deel van ’n mieliestelsel te maak?
• http://www.sabiofarm.co.za
• http://www.landbou.com/kundiges/vra-vir-faffa/
weiding/tef/tef-en-hawer-wisselbou
• http://intranet.senwes.co.za
• Senwester, 1 Februarie 2007. Die waarde van
groenvoer vir jou vee.
• Farmers weekly. 16 April 2010. Getting over the
winter slump with planted pastures.
• Weidingshandboek, 2007. Kejafa Knowledge
Works.
>>
Gerrit Oosthuizen is ’n Senior Akkerboukundige by Senwes
Landboudienste. Skakel hom gerus vir enige navrae by (018)
293-1968 of 084 506 8791. ’n E-pos kan gestuur word na
gerrit.oosthuizen@senwes.co.za. Izak du Plessis is ’n Senior
Diereproduksie-spesialis by Senwes Landboudienste. Skakel
hom gerus vir enige navrae by (056) 212-2291 of 084 504
6892. ’n E-pos kan gestuur word na izak.duplessis@senwes.
co.za.
www.senwes.co.za • Junie 2012