scenarioJunie

50
••• SENWES GRAINLINK
Nuwe wetgewing hou
ernstige gevolge in
VOEDSELVEILIGHEID IS ’N OPENBARE
GESONDHEIDSKWESSIE VAN
TOENEMENDE BELANGRIKHEID. DIE
NUWE VERBRUIKERS BESKERMINGS-
WETGEWING KAN LEI TOT VERHOOGDE
AANSPREEKLIKHEID VIR ALLE
ROLSPELERS IN DIE VOEDSELBEDRYF.
> TEKS: MARIANA PURNELL
Mense het die reg om te verwag
dat die kos wat hulle eet veilig is en geskik is vir
verbruik. Voedselgedraagde siektes en besering
is ten beste onaangenaam en kan ook noodlottig
wees. Daar is egter ook ander gevolge. Die uitbreek
van voedselgedraagde siektes kan groot skade
berokken aan handel en toerisme en dit lei tot die
verlies van inkomste, werkloosheid en litigasie.
Voedselbederf is verkwistend, duur en kan ’n nadelige
invloed op handels- en verbruikersvertroue hê.
Die Wet op Verbruikersbeskerming maak
voorsiening vir verskeie regte van verbruikers,
soos byvoorbeeld:
• anti-diskriminasie
• inspeksie van goedere
• tydige en korrekte lewering van goedere
• eenvoudige taalgebruik in dokumente
• handelsbeskrywings
• bepalings teen wanvoorstelling en misleiding
• kontraktuele bepalings wat billik, regverdig
en redelik is
• pryse wat billik, regverdig en redelik is
• waarborge
• die terugneem van produkte
WAT BETEKEN DIT VIR DIE GRAANBEDRYF?
Wêreldwye tendense in voedselveiligheid bied ’n
uitdaging vir al die rolspelers in die voedselketting
om aan te pas en ’n produk van hoë kwaliteit te
lewer wat voldoen aan voedselveiligheidstandaarde.
Belangrike uitdagings in die graanbedryf is
mikrobiese voedselgedraagde siektes en algemene
>
voedselveiligheidsaspekte.
Verbruikers is kwaliteits -
bewus en die meerderheid doen hul voedselaankope
by maatskappye wat hoë gehalte handhaaf en die
nodige versekering kan gee dat die voedselproduk te
aan die hoogste standaarde en voedselveiligheidsvereistes
voldoen.
Die gebruik van chemiese middels en beperkings
daarop op die graan wat gelewer sal word, soos
vervat in die Wet op Landbouprodukstandaarde
(1990), is veral ter sprake. Produsente moet hulle
vergewis van die wetlike vereistes en voldoen aan die
standaarde soos daarin neergelê. Wetlike voorskrifte
bepaal die gebruik van onkruiddoders, insekdoders
en verskeie ander landboukundige chemika lieë en
die residu-vlakke van sodanige produkte wat in die
kommoditeit teenwoordig kan wees.
GMO-vry kommoditeite (produkte wat nie geneties
gemanipuleerde organismes bevat nie) is ook
onder die kollig van die nuwe verbruikerswetgewing.
Daar is ’n groeiende vraag na GMO-vry produkte en
die nuwe verbruikerswetgewing stel streng riglyne
ten opsigte van toepaslike toetse en dokumentasie
om die GMO-status van produkte te bewys tydens
bemarking.
Sodanige tendense kan daartoe lei dat
die verbruiker die produsent se keuse van
variëteit, landboupraktyke en selfs die hantering
en bemarking van die kommoditeit ten
sterkste beïnvloed. ’n Identiteitpreserveringbemarkingsproses
sal dus van kardinale belang
wees om naspeurbaarheid te verseker en aan
verbruikers die gemoedsrus te gee dat sekere
prosedures tydens produksie, hantering, vervoer,
verwerking en verpakking streng volgens protokol
uitgevoer is. S
>>
Vir verdere navrae, kontak Mariana Purnell (Bestuurder:
Spesiale Produkte, Senwes Grainlink) by (018) 464-7271 of
082 336 8534.
www.senwes.co.za • Junie 2012