scenarioJunie

62
Ds Willie Botha
••• VIR DIE SIEL
Lees Joh 13
Maya Angelou het gesê: “Ek
het geleer dat mense sal vergeet wat jy gesê het,
hulle sal vergeet wat jy gedoen het, maar nooit
sal vergeet hoe jy hulle laat voel het nie.” Dit is
woorde wat mens diep laat nadink, omdat ons in ’n
samelewing leef wat veral op “sê” en “doen” fokus.
Dit is interessant om te kyk hoe Jesus in hierdie
opsig gevaar het. Hy het mense anders benader
as die norm van sy tyd. Tydens die Bergrede (Matt
5 - 7) kry ons ’n goeie idee hoe Jesus mense in sy
teenwoordigheid laat voel het. Aan die einde van
>> DINK HIEROOR NA
• Maak tyd om na te dink hoe jy mense in
jou teenwoordigheid laat voel. Hoe en waar
moet jy veranderinge aanbring?
• Mense het iets in Jesus se teenwoordigheid
beleef wat vir hulle nuut en vars was.
• God is deur sy Gees by ons teenwoordig.
Hoe voel jý in die teenwoordigheid van
God?
• Gaan gerus op jou eie deur die vier
Evangelies en stel jou voor hoe verskillende
mense in uiteenlopende scenario’s in Sy
teenwoordigheid kon voel.
>
Hoe laat jý mense voel
hoofstuk 7 is die skare verbaas oor sy onderrig,
want Hy het hulle geleer soos ’n man met gesag,
en nie soos die Skrifgeleerdes nie. Mense het in Sy
teenwoordigheid anders gevoel omdat Hy anders en
met ’n ander agenda gewerk het. Dit gaan nie oor
persoonlike mag of aansien nie, maar die klem val
op sagmoedigheid, geregtigheid, barmhartigheid,
reinheid en vrede. Sy hoorders word geleer om
waarde tot die lewe te voeg, soos wat sout die
smaak van kos verbeter en lig die donker verdryf.
Skielik word daar nie meer op kinders neergesien
nie, maar word hulle verhef as voorbeelde van hoe
volwassenes van God afhanklik behoort te wees. Die
wat eerste is sal laaste wees en die laastes eerste.
Vergelding maak plek vir vergifnis.
Hoe het Jesus se dissipels gevoel toe Jesus
sy bo-kleed uittrek, ’n handdoek om sy middel
vasmaak en hulle voete begin was? Probeer jouself
die emosie van die blinde buite Jerigo indink toe die
Seun van God by hom kom stilstaan en vra: “Wat
wil jy hê moet Ek vir jou doen?” Of die weduwee van
Naïn toe sy haar seun uit die dood terugkry? Hoe
het Petrus gevoel toe Jesus ná sy opstanding vir
hom sê: “Laat my lammers wei.”
Eintlik moet elkeen vir homself ’n antwoord gee
oor hoe Jesus mense om Hom laat voel het. Maar
dalk is daar een ding wat uitstaan: By Jesus het die
mense veilig gevoel. Hulle kon Hom vertrou omdat
Hy die Seun van God is.
Hoe laat jy die mense in jou teenwoordigheid
voel? Jou vrou, jou man, jou gesin? Wat is die
mense wat vir jou werk of vir wie jy werk se ervaring
van jou teenwoordigheid? Dalk is daar iets wat
ons by Jesus kan leer oor hoe Hy mense in sy
teenwoordigheid laat voel het. Langenhoven het
dit ook raak gesê: “Behandel jou meerdere met
beleefdheid omdat dit jou plig is; jou gelyke omdat
dit jou plesier is; jou mindere omdat dit jou voorreg
is.” S
>>
Ds Willie Botha is van die Nederduitsch Hervormde Ge meente
op Lydenburg. Skakel hom by 082 786 3458 of stuur ’n
e-pos aan wbot@absamail.co.za.
www.senwes.co.za • Junie 2012