scenarioJunie

44
••• SENWES VILLAGE
M eganisasie verkry
dieper fokus met E quip
NÁ DEEGLIKE OORWEGING IS DAAR
BESLUIT OM EQUIP AS BEDRYF-
STELSEL TE IMPLEMENTEER VIR
SENWES VILLAGE SE MEGANISASIE-
AFDELING NADAT DAAR REEDS VIR
BAIE JARE ’N INHUIS-ONTWIKKELDE
BEDRYFSTELSEL GEBRUIK IS.
Senwes se Meganisasie-afdeling
is ’n gefokusde besigheidseenheid en Village het
besef dat dit nodig geraak het om ’n bedryfstelsel
te bekom wat pasgemaak is vir ’n meganisasie besigheid
wat bestuur kan ondersteun om diensvlakke te
verhoog.
Meganisasie is steeds ’n geïntegreerde besigheids
eenheid van die Village besigheidsmodel.
Daarom was dit nodig om baie tyd en geld aan die
integrasie van die nuwe stelsel na die bestaande
stelsel te spandeer om die nodige beheer en
kontroles te behou. SAP is egter steeds die stelsel
waaruit die finansiële verslagdoening vir Senwes
gedoen word.
Bepaalde funksionaliteite kan verkry word met die
nuwe stelsel wat vir beide die klante en Village tot
>
voordeel is. Daar kan ook direk met die John Deere
handelaarsnetwerk geïntegreer word.
Equip is ’n volledige bedryfstelsel, spesifiek
ontwerp vir handelaarsnetwerke, wat
wêreldwyd gebruik word in veral die motor- en
meganisasiebedryf. Dié stelsel help met die
integrasie van onderdele, werkswinkels en
heelwerktuie modules. Integrasie na SAP sal
deurlopend plaasvind om steeds korporatiewe en
finansiële beheer te verseker.
’n Derde party is gekontrakteer om Village te
help met die ontwikkeling en implementering van
Equip waarvan die ontwikkelingsfase reeds volstoom
aan die gang is. Die eerste bedryfspunt wat sal
oorskakel, is Senwes Village Bothaville.
Dit is vir Senwes Village belangrik om op ’n
deurlopende basis met sy klante te kommunikeer.
Ons sal soos vordering plaasvind, ons klante
op hoogte hou van verwikkelinge. Sekere
besigheidsprosesse sal verander, waaroor ons jou
sal inlig omdat dit jou as klant ook sal raak, maar
die onmiddellike en toekomstige voordele wat ons
verwag sal hierdie aanpassing die moeite werd
maak en klantediens sal tot op die hoogste vlak
verbeter. Vir meer inligting, skakel Fouché Steyn by
(018) 464-7234. S
www.senwes.co.za • Junie 2012