09.02.11 annex7.SDF 2002 Guidelines

Bergrivier Spatial Development Framework,2008
kleinskaalse oord-ontwikkeling, natuurgeoriënteerde gebruike wat spesifieke tipes
ekotoerisme aanmoedig (soos bv. staproetes, piekniekterreine,
omgewingsinligtingsentrums, ens.) en infrastruktuur vir navorsing benodig.
Gebiede wat volhoubare natuurlike plantegroei dra (of herstel kan word tot ‘n natuurlike
staat), moet behou word vir bewaring, lae-impak toerisme en toepaslike
ontspanningsverwante gebruike. Versteurde habitatte in volhoubare natuurlike
plantegroei gebiede moet herstel word en mag nie as motivering gebruik word om
ontwikkeling wel toe te laat nie.
Ontwikkeling behoort in die volgende gebiede verbied te word:
- Terreine met hoë watertafels of wat ‘n akwifer uitmaak.
- Terreine met swak dreinering of waar die vloei-eienskappe van riviere of binnelandse
water kunsmatig verander word.
- Geologiese onstabiele terreine, bv. potensiële grond- of modderverskuiwingsterreine,
ens.
- Steil hange (>1:4).
- Terreine onder die 1:50-jaar vloedlyn of op die walle van waterlope of waterplate.
- Terreine in of naby die interaksiegebied van die kus en die see, of wat ‘n vaste
frontale duin, blootgestelde kusduinstelsel of voorheen gestabiliseerde duin uitmaak.
- Strande en rotskuste.
- Terreine onder die hoogwatermerk..
Die belangrikheid van natuurlike dreineringstelsels moet in ag geneem word tydens
detail beplanning.
Inwoners moet teen mensgemaakte “natuurrampe” beskerm word:
- deur die verbod op ontwikkeling binne ten minste 1:50-jaar vloedlyne sowel as
vloedbeheer deur syferdamme en grondwateraanvulling;
- deur beheer op die ondergrawings van onstabiele skuinstes en grondsoorte, of
ontwikkeling in sulke gebiede; en
- deur onstabiele areas te stabiliseer en ontwikkeling te beperk en aktiwiteite aan te
pas by die dravermoë van die grond.
Indringerplantegroei en onkruid in bewaringsgebiede moet stelselmatig uitgeroei word,
veral langs die rivieroewers waar sulke plante vinnig versprei.
Die dra-kapasitiet van natuurlike gebiede moet nie oorskry word nie en toegang na
natuurlike areas moet beheer word, maar nogtans toeganklik wees vir die breë publiek.
Effektiewe skakeling met stedelike natuurlike oopruimte (d.w.s. wat binne die stedelike
grens geleë is) moet bewerkstellig word.
Alle ontwikkelings wat aangrensend tot natuurlike areas geleë is moet voortydig
voorsiening maak dat voldoende brand beskermingsmaatreëls getref is voor
ontwikkeling plaasvind.
5.1.4 Beleidsriglyne vir die skep van estetiese kwaliteitsomgewings
Die voorkoms/aard van ontwikkelings en geboue binne enige ontwikkeling en gebied is van
die vernaamste faktore wat ‘n sekere karakter daaraan verleen. Die volgende algemene
vereistes word aanbeveel ten einde kwaliteit omgewingsontwerp- en ontwikkeling te
bevorder:
Die skaal en vorm van ‘n ontwikkeling moet die estetiese gehalte van die omgewing
komplimenteer.
Ontwikkeling binne natuurlike gebiede moet met die biofiese kenmerke van die
omgewing saamsmelt en harmoniseer.
Ontwikkelingskomponente moet met omsigtige deernis binne die omgewing geplaas
word.
Ontwikkeling moet ten opsigte van argitektuurstyl en materiale afwerking inpas by die
plaaslike tradisionele boustyl, waar van toepassing, en oorwegend poog om ‘n ‘landelike’
karakter te weerspiëel.
Landskapering moet doeltreffend aangewend word om onooglike terrein-elemente te
verbloem.
5.2 DETAIL BELEIDSRIGLYNE VIR ONTWIKKELING IN LANDBOUGEBIEDE
5.2.1 Riglyne vir ontwikkeling in sensitiewe omgewings in landbougebiede
Rode & Associates CC × Africon (Pty) Ltd× Anneke de Kock Environmental Consultants× Prof. Wolfgang Thomas
12