09.02.11 annex7.SDF 2002 Guidelines

Bergrivier Spatial Development Framework,2008
Voormalige mynbougebiede moet gerehabiliteer word en ‘n toepaslike bewaringstatus
ontvang indien binne ‘n bewaringsgebied geleë.
5.4 RIGLYNE TEN OPSIGTE VAN SPESIFIEKE OPPERVLAK-INFRASTRUKTUUR
DIENSTE
Die volgende algemene beleid behoort ten opsigte van infrastruktuur ontwikkeling in die
landelike- en kusgebiede nagevolg te word:
5.4.1 Paaie en parkering, spoorlyne en verkeerswisselaars
Alle nuwe paaie moet volgens streng omgewingsbeheer ontwikkel word en rehabilitasie
moet plaasvind van alle versteurde gedeeltes.
Die vernietiging van unieke habitatte en verlies van historiese, kulturele en argeologiese
terreine moet ten alle koste vermy word indien nuwe paaie gebou word of as bestaande
paaie opgradeer word.
Paaie moet as visuele korridors beskou word en saam met die topografie vloei eerder as
oor hellings heen, om landskapskending te vermy.
Die landskaps/panorama potensiaal van roetes moet in ag geneem word wanneer paaie
voorsien of opgradeer word.
Groot parkeerterreine moet vermy word. Toepaslik geplaaste gedesentraliseerde
parkeerplekke moet eerder oorweeg word wat afgeskerm word deur plantegroei en
landskapering om hulle omgewings- en visuele invloed te minimaliseer.
‘n Gereelde onderhoudsprogram met stormwaterbestuur behoort ingestel te word vir die
onderhoud van alle gruispaaie in die landelike gebied.
5.4.2 Stormwaterbeheer
Rivier en stroomlope moet sover moontlik nie gekanaliseer word nie. Vleilande of
damme kan gebruik word (as retensiedamme) om vloede te versag.
Vloedvlaktes moet gebruik word vir natuurlike stormwateropgaring- en wegvoer met die
behoud van hulle ekosisteem funksies.
Waar moontlik moet stormwater in oop gelandskapeerde kanale, of in natuurlike rivier- of
stroomlope invloei.
5.4.3 Watervoorsiening
Genoegsame varswater moet deurlopend uit opgaardamme vrygestel word om die
ekologiese balans van die Bergrivier en die riviermonding te verseker. Die
varswaterinvloei verseker dat oormatige souttoestande nie ontstaan nie en dit voer
organiese afvalstowwe af wat ‘n voedingsbron vir riviermondingsorganismes is.
Volhoubare waterreserwes behoort bepalend te wees vir die goedkeuring van
ontwikkelings en die grootte orde van sodanige ontwikkelings.
Ontwikkelaars moet voldoende bewys lewer dat toereikende volhoubare waterbron(ne)
beskikbaar is, asook die evaluering van die impak van ontrekking vanuit bronne.
Reservoirs en wateropgaardamme moet so ontwerp word dat dit nie visueel steurend in
die landskap is nie en moet na behore deur landskapering afgeskerm word.
5.4.4 Rioolverwydering
Die bepalings van die Nasionale Waterwet, 1988 m.b.t. rioolverwydering en die
voorkoming van besoedeling van waterbronne moet streng nagevolg word.
Rioolverwydering mag kragtens die Wet op Gesondheid, 1977 (Wet 63 van 1977) nie ‘n
gesondheidsgevaar inhou nie.
Voorsorg moet getref word dat grond rioolwater doeltreffend kan dreineer waar
wegsyfer-sanitasiestelsels oorweeg word.
Grondwater moet gereeld gemonitor word om die gevaar van grondwaterbesoedeling te
verhoed. In dié verband moet basislyn-watergegewens reeds voor ontwikkeling
plaasvind, verkry word.
Sorg behoort gedra te word dat rioolsypeling, waar ontwikkelings naby ‘n strand, agter
die primêre duinstelsel of aanliggend aan ‘n rivier en monding toegelaat word nie die
Rode & Associates CC × Africon (Pty) Ltd× Anneke de Kock Environmental Consultants× Prof. Wolfgang Thomas
22