09.02.11 annex7.SDF 2002 Guidelines

Bergrivier Spatial Development Framework,2008
Tydens detailbeplanning van ontspanningsfasiliteite behoort die geskiktheid en
dravermoë van die grond met verwysing na verskillende ontspanningsaktiwiteite in
aanmerking geneem word ten einde onherroeplike omgewingskade te vermy.
In die voorsiening van ontspanningsfasiliteite behoort prioriteit gegee te word aan beide
aktiewe- en passiewe ontspanning.
Die werklike ontspanningsbehoeftes en voorkeure van die gemeenskap behoort
vasgestel te word deur wetenskaplik-verantwoordelike navorsing, opnames of
ondersoeke op ‘n deurlopende grondslag, veral met betrekking tot die hoeveelheid,
ligging en soort ontspanningsfasiliteite wat voorsien moet word.
Bevorder optimale gemeenskapsgebruik van sportfasiliteite veral by skole en
sportterreine.
Die veiligheid van mense en toegangklikheid vir gestremdes moet in aanmerking
geneem word by die ontwerp, beplanning en bestuur van sport-en
ontspanningsfasiliteite.
Openbare toegange tot die kus moet by toepaslike plekke voorsien word.
Openbare kus- en rivierontspanningsgeriewe (dag-oord geriewe) moet op geskikte
plekke naby of aangrensend aan stedelike nodusse voorsien word.
Oorweging behoort deurgaans geskenk te word aan samewerkingsooreenkomste met
die private sektor wanneer fasiliteite wat op publieke grond geleë is, ontwikkel word.
6.2.7.2 Beplanning- en ontwikkelingsbeginsels soos neergelê deur die Wes-Kaap
Departement Sport en Ontspanning
Weens die belangrike rol wat sport en ontspanning speel in die ontwikkeling van
gemeenskappe en individue, die geleenthede wat geskep word vir selfverwesenliking,
samehorigheid, spangees, ens., is dit van belang dat dié geleenthede deurlopend versterk
word deur die voorsiening van sport-en ontspanning fasiliteite, veral ten opsigte van die
voorheen benadeelde gemeenskappe.
Die voorsiening van sodanige fasiliteite moet in terme van die Wes-Kaap Departement Sport en
Ontspanning deur ‘n reeks beplanning-en ontwikkelingsbeginsels gelei word, naamlik:
Behoefte vs. aanvraag: As ‘n eerste beginsel moet ‘n behoefte ten opsigte van ‘n spesifieke
fasiliteit bestaan en behoort dit nie soseer op aanvraag geskoei te wees nie. Behoefte
verwys na die werklike tekort aan ‘n spesifieke fasiliteit terwyl vraag gedefinieer kan word as
‘n versoek vir ‘n spesifieke fasiliteit, byvoorbeeld deur ‘n aansoek vir befondsing.
Billikheid en toegang: As beginsel beteken billikheid dat histories benadeelde
gemeenskappe prioriteit behoort te geniet indien fondse beskikbaar gestel word vir sport -of
ontspanningfasiliteite. Voorts behoort fasiliteite so na as moontlik geplaas te word aan dié
gedeelte van die bevolking wat dit gaan gebruik; op plaaslike vlak hoofsaaklik binne
stapafstand. Dit is ook van belang dat fasiliteite voorsiening maak vir die behoeftes van en
toeganklik is vir gestremdes. As sodanig kan toegang geskep word vir rystoele en spesiale
parkeerplekke en sitplekke geoormerk word vir gestremdes. Ander maatreëls wat getref kan
word sluit in dat paadjies vir rystoele en gestremdes vry moet wees van versperrings,
duidelik afgemerk moet wees en die ontwerp van skuinstes en ablusiegeriewe moet nie die
gebruik daarvan deur gestremdes belemmer nie.
Meerdoelige gebruike: Beide binne-en buitemuurse fasiliteite behoort ‘n meerdoelige doel te
hê en deur ‘n wye reeks van sportkodes en vir sosiale-, ontspannings -en opvoedkundige
(veral skole) doeleindes gebruik word. Verder behoort sport-en ontspanningsfasiliteite na
aan plaaslike sentrums geplaas te word om die integrasie van sosiale en sakegebruike te
versterk.
Omgewingskwaliteit-en veiligheid: Die voorsiening van en of opgradering van sport- en
ontspanningsfasiliteite behoort die algehele beeld van die plaaslike gebied te verbeter; dit
behoort ‘n esteties aangename en trotse gevoel by die gemeenskap skep. Sleutel aspekte
ten opsigte van veiligheid behoort ook oorweeg te word, wat die bestuur van verkeer
(parkering, interseksies, ens.) en persoonlike veiligheid van individue wat fasiliteite besoek,
kan insluit.
Die voorsiening van ontspanningsfasiliteite as deel van ‘n geïntegreerde netwerk van
oopruimtes, in voorheen benadeelde gebiede, kan ook ‘n bydrae lewer om benadeelde
Rode & Associates CC × Africon (Pty) Ltd× Anneke de Kock Environmental Consultants× Prof. Wolfgang Thomas
38