09.02.11 annex7.SDF 2002 Guidelines

Bergrivier Spatial Development Framework,2008
Ontwikkelings wat aanliggend tot panoramiese roetes gebou word, moet sensitief
ontwerp word sodat dit nie afbreek doen aan die toerisme/eko-potensiaal van sodanige
roete(s) nie.
Die ligging van bekostigbare behuisingsprojekte neem in belangrikheid toe soos
verstedeliking die vraag laat toeneem na geskikte persele vir sulke projekte. Die uitdaging lê
daarin om geskikte gebiede te identifiseer wat, terwyl dit die behoefte van toekomstige
inwoners in nuwe ontwikkelings bevredig, ‘n minimale impak op omliggende nedersettings
en beplande grondgebruike sal hê. In die keuse van sulke gebiede is dit dus van belang dat
sekere kriteria in aanmerking geneem moet word:
1. Die grootte van vestigingsgedeeltes:
- Moet groot genoeg wees om ‘n lewensvatbare gemeenskap te akkommodeer.
Hierdeur word bedoel dat genoeg mense in ‘n area gehuisves moet word om basiese
gemeenskapsdienste soos byvoorbeeld ‘n crèche, skool en kliniek te kan
ondersteun;
- Te groot gebiede is nie wenslik nie aangesien dit meestal op die periferie van die
dorpsgebied geplaas moet word, vêr van werk- en ander geleenthede;
- Moet verkieslik in verband staan met die vraag na werksgeleenthede in die gebied.
2. Afstand vanaf werksgeleenthede:
- Ritte na die werksplek maak ‘n groot gedeelte uit van die vervoerkoste van
lae-inkomste werkers en ritafstande moet beperk word tot ‘n minimum.
3. Afstand vanaf gemeenskapfasiliteite:
- Terwyl die werksrit die primêre las is, moet skole, winkels en ander fasiliteite ook
meer geredelik toeganklik wees vir inwoners van lae inkomste gemeenskappe.
4. Beskikbaarheid van publieke vervoer:
- Hierdie faktor word van kardinale belang vir daardie gebiede wat geleë is buite
stapafstand na gewenste bestemmings. Die nabyheid aan bus- en treinroetes vorm
in streekverband een van dié kriteria, terwyl op plaaslike vlak die bestaan van
voldoende toegangsroetes, van voldoende standaard, baie belangrik is vir taxi
vervoer. (Bus-en treinroetes speel ‘n minder belangrike rol in Bergrivier)
5. Eienaarskap van grond:
- Dit beïnvloed die spoed van behuisingslewering sowel as die koste daarvan;
- Die verkieslike opsie is grond in staats-/owerheidsbesit waar finansiële kostes
gewoonlik laer is;
- Onteiening van privaatgrond het duur en uitgerekte prosedures tot gevolg.
6. Fisiese eienskappe:
- Hellings: moet gelykmatig wees om konstruksiekoste tot ‘n minimum te beperk en
dreinering te ondersteun;
- Bodemgesteldheid: moet geskik wees vir die bou van strukture, paaie, die maklike
installering van dienste en doeltreffende dreinering;
- Dreinering: moet maklik kan dreineer; lae erosie potensiaal;
- Plantegroei: minimum inheemse en bedreigde spesies.
7. Beskikbaarheid en koste van dienste:
- Die voorsiening van elementêre dienste as ‘n minimum vereiste vir die gesondheid
en veiligheid van enige gemeenskap. Die onvermoë om hierdie dienste teen ‘n billike
koste te voorsien sal die oorweging van ‘n spesifieke perseel uitsluit.
8. Impak op die omgewing:
Natuurlike omgewing:
- Die konsep van omgewingsbewaring is gewoonlik nie ‘n prioriteit vir armes in
lae-koste nedersettings nie, en die verantwoordelikheid om die potensiële impak op
ekologiese sensitiewe areas te bepaal berus dus by die ontwikkelaar/plaaslike
owerheid;
- Formele dienstevoorsiening dra by om besoedeling te beheer.
Rode & Associates CC × Africon (Pty) Ltd× Anneke de Kock Environmental Consultants× Prof. Wolfgang Thomas
28