09.02.11 annex7.SDF 2002 Guidelines

Bergrivier Spatial Development Framework,2008
Swaar nywerhede en nywerhede wat ‘n besoedelingsgevaar inhou is ongewens en moet
met omsigtigheid geplaas word.
Kleinskaalse nywerhede (home-based) is toelaatbaar in woonbuurtsentrums en
woongebiede gebiede, slegs indien voldoende bewys gelewer kan word dat dit nie ‘n
negatiewe impak op die oorheersend karakter van sodanige gebiede sal hê nie en dit
ook ‘n bydrae kan lewer tot die bevordering van die toerismepotensiaal en skep van
werksgeleenthede.
‘n Aanduiding moet gegee word van die mate waarin die aanlê van dienste die
omgewing sal raak en voorgestelde rehabilitasiemaatreëls indien nodig.
6.2.4.2 Toelaatbare gebruike
Ligte-, diens- en algemene nywerhede: Ligte-, diens- en algemene nywerhede kan vestig in
voorgestelde nywerheidsgebiede.
Kleinskaalse nywerhede (“home-based”): Is toelaatbaar in woonbuurtsentrums en
woongebiede gebiede. Elke aansoek sal egter op eie meriete oorweeg moet word met die
inagname van onder andere estetiese ontwerp, verkeersopwekking en parkering,
inskakeling by die oorheersend residensiële karakter en ekonomiese oorwegings.
Sakegebruike: Sake-aktiwiteite soos geriefswinkels wat op klein skaal verbruikersgoedere
aan werkers in nywerheidsgebiede verskaf, is toelaatbaar. Kantoorfasiliteite wat as ‘n
eenheid saam met nywerheidsgebruike ontwerp is en aanvullend is tot die gebruik, kan ook
oorweeg word.
6.2.5 Institusionele gebruike
Institusionele gebruike kan in twee hoofgroep verdeel word naamlik onderwysinstellings en
ander gemeenskapsgebruike.
6.2.5.1 Onderwysinstellings
Onderwysinstellings bestaan uit sekondêre, primêre en preprimêre-, kleuter- en bewaarskole
en crèches. Vervolgens sal daar na beleidsriglyne vir elk van hierdie instellings gekyk word.
(a) Sekondêre skole
(i) Beleidsriglyne
Die ontwikkeling van ‘n persele vir ‘n sekondêre skool behoort, waar dit vereis word,
onderhewig te wees aan Omgewingsbeheer soos voorgeskryf deur die vereiste
beheermaatreëls van die Wet op Omgewingsbewaring, 1989 (Wet 73 van 1989) en die
Wet op Nasionale Omgewingsbestuur, 1998 (Wet 107 van 1998.
Sekondêre skole en verwante infrastruktuur behoort voorsien te word ooreenkomstig die
standaarde van die Departement van Onderwys.
Sekondêre skole behoort voorsien te word op ‘n sentrale ligging vir maksimum
toeganklikheid ten opsigte van alle residensiële wyke, beide per motor en te voet.
Ontwikkelings moet ooreenkomstig terrein-spesifieke ontwerp- en beplanningsriglyne
uitgevoer word.
In die keuse van ‘n perseel behoort die gesteldheid van die perseel, veral met die oog op
voorsiening van sportvelde en goedkoop geboukonstruksie op die terrein, voorrang te
geniet.
‘n Aanduiding moet gegee word van die mate waarin die aanlê van dienste die
omgewing sal raak en voorgestelde rehabilitasiemaatreëls indien nodig.
(b) Primêre skool
(i) Beleidsriglyne
Die ontwikkeling van primêre skole behoort, waar dit vereis word, onderhewig te wees
aan Omgewingsbeheer soos voorgeskryf deur die vereiste beheermaatreëls van die Wet
op Omgewingsbewaring, 1989 (Wet 73 van 1989) en die Wet op Nasionale
Omgewingsbestuur, 1998 (Wet 107 van 1998).
Rode & Associates CC × Africon (Pty) Ltd× Anneke de Kock Environmental Consultants× Prof. Wolfgang Thomas
34