09.02.11 annex7.SDF 2002 Guidelines

Bergrivier Spatial Development Framework,2008
element van die SSK beskou. ‘n Kombinasie van residensiële gebruike en sake word
aanbeveel, maar die primêre gebruik behoort ten alle tye sake te bly.
Institusioneel -en gemeenskapsgebruike: Fasiliteite soos gemeenskapsale en kerke wat in
die historiese sakegebiede geleë is, is toelaatbaar. Onderwysinstellings behoort vanweë die
intinsiteit van verkeersbeweging nie in die SSK’s oorweeg te word nie. Sulke fasiliteite moet
liefs op die periferie of in woonbuurte geplaas te word.
Owerheidsgebruike: Alle tipes publieke owerheidsgebruike is toelaatbaar.
Owerheidsgebruike soos munisipale werksplase, store, ens. moet egter verkieslik nie om die
maksimumgrondwaarde-interseksie van die SSK geleë wees nie.
6.2.3.2 Sakegebruike in woonbuurte
Afgesien van die SSK’s is daar ook ‘n behoefte aan ‘n hiërargie van sakegebruike in die
onderskeie woonbuurte om in daaglikse verbruikersbehoeftes te voorsien. Hierdie
woonbuurte benodig egter nie volwaardige sentrale sakegebiede nie as gevolg van die
beperkte koopkrag.
(a) Beleidsriglyne
Alle ontwikkelingsvoorstelle behoort, waar dit vereis word, onderhewig te wees aan
Omgewingsbeheer soos voorgeskryf deur die vereiste beheermaatreëls van die Wet op
Omgewingsbewaring, 1989 (Wet 73 van 1989) en die Wet op Nasionale
Omgewingsbestuur, 1998 (Wet 107 van 1998).
Woonbuurt/selsentrums behoort sentraal tot voorgestelde nuwe -en bestaande
woongebiede en op die kruising van hoof versamelroetes geplaas te word.
Sorg moet gedra word dat die sakegebruike wat in woonbuurtsentrums vestig nie
daartoe bydra dat dat die SSK’s van dorpe ‘doodloop’ nie en die omvang van
woonbuurtsentrums moet in verhouding staan tot die gedesentraliseerde ligging.
Gesonde kompetisie behoort egter ten alle tye aangemoedig te word.
Gemiddelde digthede en hoogtes behoort in ooreenstemming te wees met die vereistes
van die Skemaregulasies en die karakter van die omgewing komplimenteer.
Die karakter en argitektuur van sodanige sake-ontwikkeling behoort beperk te word om
in te skakel by die omgewingskarakter.
Toepaslike gelandskapeerde oopruimtes (harde- of sagte oopruimtes afhangende van
plek-spesifieke omstandighede) behoort in alle ontwikkelings voorsien te word.
Alle ontwikkelings behoort in te skakel by ‘n konvensionele rioolstelsel.
Terreinontwikkelingsplanne behoort opgestel te word vir nuwe ontwikkelings ten einde te
verseker dat ‘n hoogstaande esteties aanvaarbare voorkoms, wat simpatiek teenoor die
aanliggende karakter en aktiwiteite is, daargestel word.
(b) Toelaatbare gebruike
Residensieel: Residensiële gebruike is toelaatbaar mits sakegebruike die primêre gebruik
bly.
Sakegebruike: Sakegebruike wat normaalweg met woonbuurte geassosieer word sal
toelaatbaar wees, insluitend woonbuurtsentrums, geriefs-en hoekwinkels, kantoorruimtes,
ens. Elke aansoek sal egter op eie meriete oorweeg moet word met die inagname van
onder andere estetiese ontwerp, verkeersopwekking en parkering en inskakeling by die
oorheersend residensiële karakter.
Plaaslike owerheidsgebruike: Kleinskaalse owerheidsgebruike wat normaalweg geassosieer
word met residensiële ontwikkelings, soos substasies, sateliet poskantore,
vullisherwinningspunte, kan op toepaslike liggings en waar dit toeganklik is oorweeg word.
6.2.3.3 Toeriste-verwante-sakegebruike
Ten einde die groeiende toeriste sektor verder te stimuleer word voorgestel dat
toeriste-verwante sake langs vername toeriste roetes kan vestig. ‘n Perseel en/of gebou kan
dan ingerig word vir die doeleindes van ‘n sake-aktiwiteit wat deur die toeris besoek kan
word en oor die algemeen toerisme sal bevorder en wat beskou kan word as synde
aanverwant tot die toerismebedryf.
(a) Beleidsriglyne
Sake-aktiwiteit wat deur die toeris besoek kan word en oor die algemeen toerisme sal
bevorder en wat beskou kan word as synde aanverwant tot die toerismebedryf is
Rode & Associates CC × Africon (Pty) Ltd× Anneke de Kock Environmental Consultants× Prof. Wolfgang Thomas
32