09.02.11 annex7.SDF 2002 Guidelines

Bergrivier Spatial Development Framework,2008
gebruike op die rivieroewer oordeelkundige evaluering moet geniet. Die area wat ruimtelik
op die plan langs die rivier afgebaken is, dien slegs om die raakvlak aan te dui waarbinne
met omsigtigheid gekyk moet word na ontwikkelings en is nie gegrond op statistiese data
nie.
Met betrekking tot sub-kategorie B.d: Rehabilitasiegebiede is geen areas deur
belanghebbende rolspelers aangedui vir derglike doel nie.
Kategorie C: Landbougebiede
Die ruimtelike uitklaring van die sub-kategorieë nl. Ekstensiewe landbougebiede en
Intensiewe landbougebiede ontbreek vanweë ‘n gebrek aan inligting. Die Departement van
Landbou het tydens gesprekvoering op plaaslike vlak aangedui dat hierdie onderskeid nie
gemaak kan word sonder opgedateerde detail studies nie. Vanweë die feit dat die insette
van die Kaapse Natuurbewaringsraad ten opsigte van prioriteit natuurlike oorblyfsels en die
vestiging van ekologiese korridors as prioriteit beskou word en reeds verskans word in die
ruimtelike voorstelle, kan verdere verfyning uitgestel word tot wanneer opgedateerde
inligting beskikbaar is met betrekking tot landbougebruike. Hierdie aksie sal egter ook meer
gedetaileerde afbakening van die raakvlakke met kategorie B: Buffersone-gebiede in die
hand werk en word derhalwe gesien as kardinaal tot die bewaring van die integriteit van die
laasgenoemde gebiede.
Kategorie D: Stedelik-verwante gebiede
Soos verduidelik onder punt 7.1 word voorstelle met betrekking tot stedelike
nedersettings/dorpe in die gebied apart in detail aangespreek hierna onder punt 7.3. Die
Voorberg Gevangenis suid van Porterville is die enigste institusionele nedersetting
(sub-kategorie D.e.) in die gebied en word as sulks ondervang. Bestaande oorde en
toerisme verwante gebruike (sub-kategorie D.h.) soos die So-Verby lapa noord van Velddrif
is dienooreenkomstig ter kaart gestel gegrond op beskikbare en resente inligting.
Kategorie E: Nywerheidsgebiede
Hierdie kategorie maak voorsiening vir vier sub-kategorieë, nl. Landbou-, Ligte-, Swaar- en
Ontginningsnywerhede. Met die uitsondering van sub-kategorie E.d: Ontginningsnywerhede
word die nywerheidsgebruike primêr binne die stedelik-verwante gebiede aangetref en as
sulks onder punt 7.3 aangespreek. Sub-kategorie E.a: Landbounywerheid ondervang ook
gebruike soos silo’s wat binne en buite dorpsgebiede voorkom. Vanweë ‘n gebrek aan detail
inligting kan die ligging van silo’s wat verspreid binne die landelike area voorkom, nie op die
aangehegte plan aangedui word nie. Die enigste grootskaalse ontginningsbedrywe
(sub-kategorie E.d.) te vinde binne die studiegebied is die De Hoek sementproduksie-aanleg
ten suide van Piketberg en die soutontginnings-aanleg noord van Velddrif.
Kategorie F: Oppervlakte-infrastruktuur en geboue
Oppervlakte-infrastruktuur word aangedui in ooreenstemming met bestaande beskikbare
inligting. Die volgende landelike vervoerroetes word geïdentifiseer vir voorang aandag met
betrekking tot opgradering:
- Dwarskersbos na Elandsbaai
- Redelinghuys na Aurora
- Velddrif na Piketberg
- Redelinghuys na Eendekuil (gruisgedeelte)
- Dasklippas
- Dasboschpad
- Carinusbrug toegangsroete by Velddrif
- Toegangsroete na Eendekuil vanaf die N7
7.2.3 Ander ruimtelike voorstelle
Regulasies onlangs uitgevaardig in terme van die Wet op Omgewingsbewaring, 1989 (Wet
no. 73 van 1989) maak die gebruik van gemeganiseerde vervoer binne die kusstrook
onwettig. Dit het tot gevolg dat groot dele van die kus wat voorheen toeganklik was via die
strandgedeeltes nou ontoeganklik geraak het vir die breë publiek. Ten einde hierdie situasie
aan te spreek, is areas wat voorheen gewilde bestemmingspunte was op die kus
Rode & Associates CC × Africon (Pty) Ltd× Anneke de Kock Environmental Consultants× Prof. Wolfgang Thomas
48