09.02.11 annex7.SDF 2002 Guidelines

Bergrivier Spatial Development Framework,2008
Die volgende addisionele riglyne is van belang:
‘n SBG kan net gevestig word op ‘n grondeenheid wat die Landmeter-Generaal
aangewys het en wat in die Aktekantoor geregistreer is.
Die SBG is in wese ‘n kontrak-ooreenkoms wat ‘n regsraamwerk is wat die verpligtinge
van die betrokke partye bepaal.
Die ooreenkoms vereis dat die grondeienaar ‘n trustfonds skep wat sal verseker dat die
nodige finansiële bronne beskikbaar is vir die doeltreffende bestuur van die SBG in die
langtermyn.
Die Munisipaliteit kan ook ‘n oorkoepelende trust vir ‘n groter gebied (bv. ‘n gebied om ‘n
dorp) stig. In dié geval kan voorsiening gemaak word om toepaslike skakels tussen
individuele SBG-trusts en die trusts wat die munisipaliteit vir ‘n openbare gebied (soos
om ‘n dorp) gestig het, in te stel.
(a) Toepassing van die SBG-model in die vestiging van plaas-nodus nedersettings
Die stigting van ‘n SBG, wanneer ‘n plaasnedersetting tot stand kom, kan ‘n lewensvatbare
meganisme wees om omgewingsvolhoubaarheid te verseker.
Die volgende beleidsriglyne is van belang:
By die stigting van ‘n plaasnedersetting moet die goedkeuring, waar moontlik,
onderworpe wees aan die voorwaarde dat ‘n SBG ingestel word.
Die implementering van ISO-14001-standaarde en die skepping van ‘n trustfonds moet
plaasvind (Sien Bylae 7 vir kort beskrywing van ISO-14001-standaarde).
‘n Huiseienaarsvereniging, beheerliggaam of ander statutêre organisasie (bv. ‘n
Artikel-21-maatskappy) moet vir die plaasnedersetting gestig word om die ontwikkeling
te bestuur en te administrateur en ook vir die instandhouding en bestuur van
gemeenskaplike eiendom (gemeenskapfasiliteite, oop ruimte en interne dienste).
Die voorgenoemde statutêre organisasie behoort ook verantwoordelikheid vir die
administrasie van die trustfonds te aanvaar.
Die konstitusie van die voorgestelde statutêre organisasie kan riglyne insluit om die
verhouding tussen die plaaseienaar en plaaswerkers te bevorder, insluitend
verblyfreg-ooreenkomste, bv. langtermynverhuring en plaaswerkers se bewoningsregte.
Riglyne moet die Wet op Sekerheid van Verblyfsreg, 1997 (Wet 62 van 1997) in ag
neem.
5.2.1.2 Riglyne vir die stigting van bewareas
Bewareas is belangrike ‘boublokke’ van ‘n biostreek of biosfeerreservaat en word as ‘n
belangrike meganisme beskou vir die bewaring van natuurlike bronne op privaatgrond, om
geïntegreerde grondbestuur oor ‘n breë front te bevorder.
‘n Bewarea kan as volg omskryf word:
Dit is ‘n groep plase of natuurlike gebiede waar die eienaars van hul hulpbronne
gemeenskaplik maak om natuurlike hulpbronne op die saamgevoegde eiendomme te
bewaar. Dié bronne sluit wild en hul habitat, inheemse plantegroei, woude, opvangsgebiede
en terreine van geologiese en argeologiese belang in, asook grootliks onversteurde en
uitsig-landskappe in.
Die instel van bewareas in die gebied word as ‘n lewensvatbare meganisme beskou om
volhoubare ontwikkeling moontlik te maak. Dit bied die geleentheid om
ontwikkelingsvoorstelle binne ‘n breër omgewingskonteks te beoordeel. Derhalwe word dit
aanbeveel dat ad hoc ontwikkeling op individuele plase, aan die kus sowel as in die
binnelandse gebiede, so ver moontlik vermy moet word en dat ‘n bewarea eerder ingestel
word, en by Kaapse Natuurbewaring (KNB) geregistreer word (onderhewig aan ‘n
bewarea-bestuursplan). Die registrasie van ‘n bewarea maak dit nou moontlik om:
Geskikte ontwikkelingsterreine binne die hele bewarea te identifiseer.
Gewenste digthede vir ontwikkeling, wat ‘n groter gebied dek, ooreenkomstig
plek-spesifieke maatstawwe te bepaal.
‘n Ontwikkelingsmaatskappy te stig wat aandeelhouding sal bepaal.
Lede wat nie aan ‘n voorgestelde ontwikkeling wil deelneem nie uit te sluit, met die
behoud daarvan dat hulle eiendomme steeds deel vorm van die ‘vruggebruik-gebied’. Dit
Rode & Associates CC × Africon (Pty) Ltd× Anneke de Kock Environmental Consultants× Prof. Wolfgang Thomas
14